ބެސްޓެސްޓް ބެސްޓީ

އަހަރެންނާ ސަލްވާ އާ ބައްދަލުވިތާ އަދި މިވީ ގާތް ގަނޑަކަށް 6 މަސް ދުވަހެވެ.ސޯޝަލް މީޑިއާ މެދުވެރިކޮށް އެންމެ ފުރަތަމަ ބައްދަލުވިއިރު އެހާ ރަނގަޅަކަށް ވާހަކަ ނުދެއްކެއެވެ.އަބަދުވެސް ކޮންމެވެސް ކަމަކާ ޒުވާބު ކުރެވެއެވެ.ނަމަވެސް އަހަރެން އަބަދުވެސް އޭނާ ގާތު އަހަރެންގެ އެކުވެރިއަކަށް ވުމަށް އެދި އަހަމުން ދިޔައީމެވެ
.ހާލަތާއި ވަގުތު ދިމާކުރި ގޮތުން އޭރު އަހަރެން ވަނީ ކަނު އަނދިރި އަނދަވަޅަކަށް ވެއްޓިފައެވެ.އެކުވެރިއެއްގެ އެހީތެރިކަމަށް ނުހަނު ބޭނުން ވިއެވެ.މިހާތަނަށް އަހަންނަށް އިޙުތިޔާރު ކުރެވުނު އެއްވެސް އެކުވެރިޔަކު އަހަންނަށް ހެޔޮ އެދިފައެއް ނެތެވެ..ހިތާމައިގައި އުޅޭ އިރު ދުވެ ރައްކާ ވަނީއެވެ..ސަލްވާގެ ޖަވާބު އިވިފައި އަހަންނަށް ވިސްނާލެވުނެވެ..އަހަރެންގެ އެކުވެރިއަކަށް އެކަކުވެސް ވާން ބެނުން ނުވަނީ ކީއްވެ ހެއްޔެވެ..ޖަވާބުވެސް ލިބުނެވެ..ފަހަރުގައި އަހަންނަކީ ގޯސް ކުއްޖަކަށް ވީތީއެވެ.އަހަންނަށް ވިސްނާނުލެވުނީ މި ދުނިޔޭގައިި މިފަދަ ހިތާމަތަކާ ކުރިމަތި ލާން ޖެހޭނީ އަހަރެން އެކަނި ނޫންކަމެވެ..އަހަންނެކޭ އެއްފަދައިން އޭނާވެސް ދިޔައީ ހިތާމައިގެ ކަނޑުގައި ފީނަމުންނެވެ..އަހަރެން ގެ އެދުމަށް ކޮޅުފައިން ޖެހީ ކޮންމެހެން އަހަރެން ދެރަކުރާކަށް ނޫނެވެ..އިތުބާރު ކުރަން ޖެހިލުންވީއެވެ.

ދެން އައީ އަހަރެން ވަރަށް އަޖައިބު ކުރުވަނިވި ދުވަހެކެވެ.ސަލްވާ އަހަރެންނާ އެއް ފަސްގަނޑެއްގައި ފައި ބީއްސިލީއެވެ.އަހަރެން އޭނައާ ބައްދަލު ކުރަން ދިޔައީމެވެ..ދެމީހުންނަށް ވެސް ތިބެވުނީ ބަލަހައްޓައިގެން ވާހަކަ ދައްކަން ނުކެރިފައެވެ..އެހެން ހުއްޓާ ކުއްލިއަކަށް އައިސް ސަލްވާ އަހަރެން ގައިގައި ވަރަށް ބާރަށް ބައްދައިގަަތެވެ.ނޭވާ ހިފަހައްޓާލެވުނީ ހަމަ ކިރިޔާއެވެ.އަހަރެންގެ ހިތަށް އެތަށް ސުވަލުތަކެއް އަރައި ފައިބަމުން ދިޔައެވެ.އަހަރެންގެ އެކުވެރިއަކަށް ވެސް ނުވާ މީހަކު ހުރެ ހުރެފަ އައިސް އަހަރެން ގައިގައި ބައްދައިގަތީމަ ވާނި ކިހިނެއް ހެއްޔެވެ..އަނެެއްކާ މިއީ އޭނަ ބާވައެވެ..ދުލާ ހަމަޔަށް ސުވާލުތައް އައީ ކިހިނެއް ކަމެއްވެސް ނޭނގެއެވެ ..ވިސްނާލެވުނު އިރު ސުވާލު އޮތީ ކުރެވިފައެވެ..އޭނަ ވަކި އެއްޗެކޭ ނުބުނެއެވެ..ދުވަހުގެ ބާކި އޮތްބައި އަހަރެން ހޭދަ ކުރީ އޭނައާ އެކުގައެވެ..މީހަކު ނުބުންޏަސް މިހާރު އަހަންނަށް ޔަގީން ކުރެވިއްޖެއެވެ.އެކުވެރިއަކަށް ވާން ކޮންމެހެން އާބަސް ބޭނުމެއް ނުވެއެވެ.އަހަރެމެން ދެމީހުން ފެންނަ ކޮންމެ މީހަކަށް ވެސް ދެނެގަނެވޭނީ އަހަރެމެން މީ ގާތް ދެ އެކުވެރިން ކަމެވެ.ފުރަން އޮތް ގަޑި ކައިރި ވަމުން ދިޔަ ވަރަކަށް އޭނާގެ މޫނު ވެސް މިލައި މޯޅިވަމުން ދިޔައެވެ.އަހަރެން މަޑުމަޑުން އޭނާގެ އަތުގައި ހިފައި އަތަށް ފިއްތައިލީމެވެ..އަދި ވަރަށް އަވަހަށް ބައްދަލުވާނެ ކަމަށް ބުނީމެެވެ..

*******
އެކުވެރިޔާއެެވެ.އަހަރެން މި ލިޔުންކޮޅު ތިޔަ ފަރާތަށް ހާއްސަކޮށްލަމެވެ.އަހަރެންނަކީ ޝާއިރަކަށް ނުވެދާނެއެވެ.ނަމަވެސް އަހަރެންގެ ހިތުގައި ވާ އެއްޗެއް ބުނެލާނަމެވެ.
…… . . .. . . . . . . . . . . . .. . . . . .. . . . . . . . …. . . . . .
އެކުވެރިޔާއެވެ..އަހަރެން އެކުވެރިޔާ ދެކެ ލޯބިވާކަން ކޮންމެ ދުވަހަކު ނުބުންޏަސް އެކުވެރިޔާ ދެކެ އަހަރެން ވަރަށް ލޯބިވަމެވެ.އަހަރެންގެ ހަޔާތުގެ ހުޅުކޮޅު ނިވެން ގާތް ވެފަ އޮތްވާ އެކުވެރިޔާ އަހަންނަށް އެ ހުޅުކޮޅު ރޯކޮށް ދިނީއެވެ..އަހަރެމެންގެ ފުރަތަމަ ބައްދަލުވުން ކޮންމެ ގޮތަކަށް ދިޔަސް މިހާރު އަހަރެމެން މިތިބީ އެންމެ ގާތް ދެ އެކުވެރިންނަށް ވެފައެވެ..ތަޤުދީރުގެ ނިޔާ ނިކަން ދެކިބަލާށެވެ..އަހަރެންގެ ހުރިހާ ސިއްރުތަކަކާ ހުރިހާ ކަމެއް ހިއްސާ ކުރާ ހަމައެކަނި ފަރާތަކީ ތިޔަ އެކުވެރިޔާއެވެ..އަހަރެންނަށް ލިބޭ އުފާ ތަކުގައި އަހަރެންނަށް ވުރެ އެކުވެރިޔާ މާ އުފާވާ ކަން އަހަންނަށް އޮޅިފައެއް ނެތެވެ…ދެރަވާއިރަށް އެންމެ ގާތުގައި އަބަދުވެސް ހިތްހަމަ ޖައްސައިދޭން ހުންނަނީ އެކުވެރިޔާ އެވެ.އަބަދުވެސް އަހަރެން ހެއްވާލަން ކޮންމެވެސް ކަމެއް ކުރެއެވެ.ނޫނީ ކޮންމެވެސް ފޮނި ބަހެއް ބުނެލައެވެ. ކޮންމެ ގުޅުމެއްގައިވެސް މައްސަލަ ޖެހޭނެއެވެ..އަހަރުމެން ދެމީހުންނަށްވެސް ކޫސަނި ކަންތަކާ ހެދި ރުޅި އާދެވެއެވެ..ރޯންވެސް ރޮވެއެވެ.ނަމަވެސް އެކުވެރިޔާ އަބަދުވެސް ބުނަމު ނޫންހެއްޔެވެ..އެއިން ކޮންމެ ޒުވާބަކަށް ފަހުވެސް އަހަރުމެންގެ ގުޅުން ހީނަރެއް ނުވާނެއެވެ..އެއަށް ވުރެ ބޮޑަށް ބަދަހިވާނީއެވެ.އަހަރެންވެސް އެކަން ގަބޫލުކުރީމެވެ.އަހަރެމެން އެންމެ ފުރަތަމަ ވާހަކަ ދެއްކި ގޮތާ މިހާރު ވާހަކަ ދައްކާ ގޮތް ހާސްބައި ތަފާތެވެ..ކުރިން އަހަރުމެން ވާހަކަ ދެއްކި މެސްޖްތައް ފެނިފައި މިހާރު ހިނި އާދެވެއެވެ..
..އެކުވެރިޔާއެވެ.ތިއީ މިހާރު އަހަރެންގެ ހަޔާތަށް ވަރަށް މުހިންމު އިންސާނެކެވެ..ދުވަހަކުވެސް އަހަރެން އެކަނި ދޫކޮށްލާފައި ނުދާށެވެ.އެދުވަހަކުން އަހަރެން ދުނިޔެއިން މޮޔަ ވެދާނެއެވެ..އަހަރެންގެ އަތުން އެކުވެރިޔާ ބީވެ ދާކަށް އަހަރެން ބޭނުމެއް ނޫނެވެ..އެކުވެރިޔާ އާ އަހަރެން ބައްދަލުވީ ދުވަހުއްސުރެ އަހަރެންގެ ހަޔާތް އުޖާލާ ވެގެން ދިޔައެެވެ..ބައްދަލު ނުވެ ކިތަންމެ ދުރުގައި އުޅެން ޖެހުނަސް މެއެވެ..އަހަރެންނަށް ދެއްވި ނިޢުމަތަށްޓަކައި ކޮންމެ ދުވަހަކު ﷲ އަށް ޝުކުރުވެރި ވަމެވެ..އެކުވެރިޔާ މަތިން އަހަރެން ވަރަށް ހަނދާން ވެއެވެ.ނަމަވެސް ވަރަށް އަވަހަށް ބައްދަލުވާނެކަމަށް ދުޢާ ކުރަމެވެ..އަހަރެން ހާދަހާވާ ނަސީބު ގަދައެވެ.މިއަދު އަހަރެންނަށް ތިއީ އަހަރެންގެ “ބެސްޓެސްޓް ބެސްޓީ”އޭ ފަޙުރުވެރި ވެލާފައި އެންމެންގެ ކުރިމަތީގައި ބުނެވޭނެއެވެ.

=ނިމުނީ=