އާދޭސް ކުރާ ހިތްވޭ ރޮމުން(ޓްރެއިލަރ)

އުޑުމަތި ވަނީ ވިއްސާރަ ވިލާތަކުން ބަނަވެފައެވެ. ވައިރޯޅިތައް ވެސް ސިކުންތަކަށްފަހު ސިކުންތެއް ދިޔައީ ބާރު ވަމުންނެވެ. ކުއްލިއަކަށް ބޯވާރޭ ތިކިތަށް ހިކިފަތްތަކުގައި ޖެހޭއަޑު އިވެން ފެށިއެވެ. އިސާހިތަކު މުޅިފަޒާ ތެރޭގައި ބޯވާރޭގެ އަޑު ގުގުމަން ފަށާފިއެވެ. ސިއްސައިގެން ދިޔައީ ވާރޭ ތިކިތައް އޭނާ ގައިގައި ބޮސްދެމުން ދާންފެށުމުންނެވެ. ނަމަވެސް އެތަނަނުން ތެދުވެ ގެއަށްދާ ޚިޔާލެއް ލިވީ ނުކުރިއެވެ. އެއިން ގޮތަށް އޭނާ އެތާނގައި އިނީއެވެ. އެހެން އިންއިރު އެމަންޒަރު ފެންނަ ކޮންމެ މީހަކަށްވެސް ހީވާނީ ހިތާމައިގެ ތަސްވީރެއް ކުރިމަތިން ފެންނަމުން ދާހެންނެވެ. އިރު އިރުކޮޅަކާ ލިވީ އޭނާގެ ލޮލުން ފައިބަމުން ދިޔަ ހޫނު ކަރުނަތައް އަތުން ފޮހެމުން ދިޔައިރު ހިތުގައި އަޅަމުންދާ ވޭނަކަށް އެއްވެސް ވަރަކަށް ލުޔެއް ލިބުމުންދާ ހެންނެއްހިޔެއްނުވެއެވެ. އަތިރިމަތީގައި އިނދެފައި ލިވީ ގެއަށްދާން ހިނގައިގަތީ މާބޯކޮށް ވިއްސާރަވެހެން ފެށުމުންނެވެ. ހިނގަމުން ހިނގަމުންގޮސް ގެއާ ކައިރި ވިވިހެން އެނާ ހިތްތިޔައީ ބާރަށް ތެޅެމުންނެވެ. އަދި ހިތުގައި ނުފިލާ ވަރުގެ ބޮޑު ބިރެއްވެސް އޮތެވެ. އެއީ ކޮންމެ ދުވަހެއްގެވެސް އާދައެވެ. ކިތަންމެ ވަރަކަށް ނުރޯން ހިތްވަރު ކުރިޔަސް މަންމަގެ ވިހަގަދަ ބަސްތައް ހިތަށް އަރާ ކޮންމެ ފަހަރަކު އެހިތް ހަލާކުވެގެން ދަނީ ލިވީގެ އުންމީދުތައް ފުނޑު ފުނޑު ކޮށްލަމުންނެވެ.