ހުޅެވި ހަނދު (ހަށިގަނޑު ރީތިކޮށް ބެހެއްޓުން)

ދެވަނަ ބައި. މަދުބަޔަކަށް ނަމަވެސް ބޯ ތަލަވުމުގެ މައްސަލަ ކުރިމަތިވެއެވެ. މިހެން ދިމާވަނީ ޑިހައިޑްރޮޓެސްޓޮސްޓެރޯން ނުވަތަ ޑީ.އެޗް.ޓީ ކިޔާ ހޯރމޯނެއްގެ ސަބަބުންނެވެ. މިހޯރމޯން އާންމުކޮށް ހުންނަނީ ފިރިހެނުންގެ ގައިގައެވެ. ނަމަވެސް މިކަމަށްވެސް ހައްލެއް އެބައޮތެވެ. ކާށިތެޔޮ ބޮލުގައި ލާފައި ކުޑަކޮށް ބޯ މަސާޖް ކޮށްލާށެވެ. ދެން އެއަށްފަހު ބްރަޝްއަކުން މަޑުމަޑުން ބޯ ކަހާލާށެވެ. ކޮންމެ ދުވަހަކުވެސް ކުޑައިރުކޮޅެއް ވަންދެން މިގޮތަށް ހަދާށެވެ. ހަފްތާއެއް ވަންދެން މިގޮތަށް ހެދުމުން މަޑުމަޑުން ބޮލުގައި އިސްތަށި ފަޅަން ފަށާނެއެވެ. ރަނގަޅަށް އިސްތަށި ފަޅާ ރަނގަޅުވަންދެން މިގޮތަށް ހަދާށެވެ. • ލޯ. ލޯ ކަޅުވުމުގެ މައްސަލައަކީވެސް ގިނަ މީހުންނަށް ކުރިމަތިވެފައިވާ މައްސަލައެކެވެ. މިކަން ހައްލުކުރުމަށް ކޮންމެ ދުވަހަކުވެސް ނިދާ ހޭލައިގެން ފިނިފެނުން ލޯކައިރި ދޮންނާށެވެ. ލޯކައިރި ތާފަނާ\ތާފެނާ ނުވަތަ ހޫނުފެނުން ނޮދޮންނާށެވެ. މީގެ އިތުރުން، ބުރަމަސައްކަތުގައި އުޅުމަށްފަހު މޫނު ފިނިފެނުން ދޮވެލުމަކީވެސް މޫނު ތާޒާކޮށް ބަހައްޓައިދޭނެ ކަމެކެވެ. އައިސް އަލަމާރިއަށް ލާ ފިނިކޮށްފައި ހުންނަ ސައިފަތް ޕެކެޓު ފަސްވަރަކަށް މިނެޓު ވަންދެން ، ކޮންމެ ދުވަހަކުވެސް ލޯކައިރީގައި ޖައްސާލެވިދާނެއެވެ. ބޭނުން ކުރުމަށް އެންމެ ރަނގަޅީ ގްރީން ޓީއެވެ. ލޮލުގެ ފެނުން ރަނގަޅުކުރުމަށް ފަތުގެ ތެރޭގައި ހިމެނޭ ސްޕިނެޗް، މަހުގެ ތެރޭގައި ހިމެނޭ ޓޫނާ،ބިސް، ނަޓް، ބީންސް އަދި އޮރެންޖް ފަދަ ކާނާ ބޭނުންކުރަންވާނެއެވެ. އަތްވަށް ނިކުންނައިރު، އަވިން ތިމާގެ ލޯ ސަލާމަތްކުރުމަށްޓަކައި އަވިއައިނު އަޅަންވާނެއެވެ. ސީދާ އަށްވަށް ބެލުމުން ލޮލުގެ ފެނުން ދަށްކޮށްލައެވެ. އަދި އަނދިރީގައި ފޮތްކިޔުމުންވެސް ދުރުހެލިވާށެވެ. އެހެން މީހުންގެ ނަމްބަރު އައިނު ނާޅާށެވެ. އެހެން ހެދުމުން ތިމާގެ ލޮލާ އަދި އެނަމްބަރު އައިނު އަޅާ ފަރާތުގެ ލޮލަށްވެސް ގެއްލުން ލިބިދާނެއެވެ. ލޯ ކައިރީގައި ފިނިކުރި ކިޔުކަންބާ ފޮތި އަޅާށެވެ. މިހެން ހަދާއިރު 15-20 މިނިޓު ވަންދެން ފޮތި އަޅާފައި ބާއްވަންވާނެއެވެ. 19 ގަޑިއިރަށްވުރެ އިތުރަށް ކޮންޓެކްޓް ލެންސް ބޭނުންނުކުރާށެވެ. އައިނު ( ޚާއްސަކޮށް) 3ޑީ އައިނު މާގިނައިރު އަޅައިގެން ނޫޅޭށެވެ. އެއީވެސް ލޯ ހަލާކުވާ ކަމެކެވެ. ޑޮކްޓަރެއްގެ ލަފާގެ މަތިން ނޫނީ ލެންސާއެކީ ނުނިދާށެވެ. ސަބަބަކީ ޚާއްސަކޮށް ނިދުމުގައި ލޯ އޮކްސިޖަނަށް ބޭނުންވާތީއެވެ. އޮކްސިޖަން ލޮލު ތެރެއިން ވަދެގެން ދިޔުން ހުއްޓުވަނީ ލެންސެވެ. މޫދަށް އެރޭއިރު ލެންސާއެކީ ނޭރޭށެވެ. ގޮގްލްސް އަޅާނަމަ ލެންސް ލެއްވިއަސް މައްސަލައެއް ނެތެވެ. ރެސިޕް. ބޭނުންވާނީ: ގަލަމެއް. ކޮންމެ ރެއަކުވެސް ނިދާއިރު ގަލަމެއްގެ ކޮޅަށް އެކަނި ބަލަހައްޓައިގެން ދެތިން ސިކުންތު ވަންދެން އޮވެލާށެވެ. ސޭކު ކަމެކޭ ހީވިނަމަވެސް މިހެން ހެދުމުން ތަންތަނަށް ލޯ އަމާޒު ކުރަން ވަރަށް ފަސޭހަވާނެއެވެ. ( ނުނިމޭ….)