އިލްޒާމު-2

މިންހާއަށް ނިދުނީ ވެސް ޗެޓްކުރަން އޮއްވައެވެ.
****
ދުވަސްތައް އޭގެ ހަލުވި މިނުގައި ފާއިތުވަމުންދާ ފަދައިން މިންހާއާއި އާލިފްގެ ރަހުމަތްތެރިކަމުގެ ގުޅުންވެސް ދިޔައީ ވަރުގަދަ ވަމުންނެވެ. ދެމީހުންނަށް ނޭނގުނު ކަމުގައިވިޔަސް އެދެމީހުންނަށްވަނީ ވަކިނުވެވޭ ވަރަށް ލޯބި ވެވިފައެވެ. ކޮންމެ ދުވަހަކުވެސް މަދުވެގެން ދެފަހަރު އެ ދެމީހުން ވާހަކަ ދައްކައެވެ. މިއަދަކީވެސް އެފަދަ ދުވަހެކެވެ. އާލިފް މިންހާއަށް ގުޅާލިއެވެ. ” ހަލޯ! މިން. މިރޭ ބިޒީނޫނިއްޔާ ތުނޑިއަށް އާދެވިދާނެތަ؟ އަށެއްޖަހާއިރު” އާލިފް ބުނެލިއެވެ. ” ނޯ ޕްރޮބްލަމް މިރޭ އެތަނުން މީޓްވާތި! ބާއި!” މިންހާ މިހެންބުނެ ފޯނު ބޭއްވިއެވެ.
****
ރޭގަނޑުގެ ވަގުތެވެ. މިންހާ ތައްޔާުވަމުން އެދަނީ އާލިފް ދިން ދަޢުވަތަކަށް ތުނޑިއަށް ދިއުމަށެވެ. އެވަގުތަކީ ނަޒީރާ އާއި އާލާވެސް އެކޮޓަރިއަށް ވަން ވަގުތެވެ. ” ޞުބްޙާނަﷲ. ﷲއަކްބަރު މިއޮތް ކޮޓަރިއެއްދޯ. ޕިސްޕިސް.” ނަޒީރާއަށް ވީގޮތްފެނި އާލާއާއި މިންހާގެ ހިނިގަނޑު ދިޔައީ ފަޅައިގެންނެވެ. ” މަންމާ! އިހަށް ބޭރަށް ނުކުމެވިދާނެތަ؟” މިންހާ ސުވާލުކޮށްލިއެެވެ. ” އާނ އަހަން ވާ ނުކުމެދާނަން. އެކަމަކު މިންހާ ޖެހޭނެ މިތަން ސާފުކުރަން” ނަޒީރާ ބުންޏެވެ. މިންހާ ބޯޖަހާލުމުން ނަޒީރާ އެ ކޮޓަރިން ނުކުތެވެ. ” އާލޫ. މަށަށް ހެދުމެއްނަގާދީބަލަ! މިއުޅެނީ އާލިފް ދިން ދައުވަތަކަށް ތުނޑިއަށް ދާންވެގެން.” މިންހާ އޭނާގެ ރަހުމަތްތެރިޔާއާއި އެހެން ކަންކަން ހިއްސާކުރާފަދައިން އެވާހަކަވެސް ބުނެލިއެވެ. ” އެހެންވެދޯ ކަމަނާފާނު މާ ރީތި ތިޔަވަނީ ހޯހޯ.” އާލާ މިންހާއާއި ދިމާކޮށްލިއެވެ. މިންހާ ދެން ދިމާކުރާނެކަމެއްނެތޭ ކިޔާ އާލާ ގައިގާ ޖެހިއެވެ.
****
އާލިފް ހުރީ މިންހާގެ އިންތިޒާރުގައި ތުނޑިމަތީގައެވެ. މާގިނައިރަކު އިންތިޒާރު ކުރާކަށް ނުޖެހުނެވެ. ތުނޑިއަށް އާދެވެން އޮންނަ މަގުން މިންހާ ދައްކާލައިފިއެވެ. މިންހާފެނި އާލިފް އަށް އެހެން ދިމާލެއް ބަލަން ހަނދާންނެތިފައި ހުއްޓެވެ. އާލިފް ބަލަން ހުރުމުން މިންހާގެ ތުންފަތަށް ވެރިވީ ރަކި ހިނިތުންވުމެކެވެ. ” ހިނގާބަލަ ހިނގާލަންދާން! ” އާލިފް ބުންޏެވެ. މިންހާ ބޯ ޖަހާލިއެވެ. މިންހާއަށް ނޭނގުނު ކަމަކީ އާލިފްވަނީ މިންހާގެ ކައިވެންޏަށް އެދެން ތައްޔާރުވެފައި ކަމެވެ. އަދި އެދެމީހުންނަށްވެސް ނޭނގުނު ކަމަކީ އެދެމީހުންގެ ހަރަކާތްތައް ފާރަވެރިވެ ބަލަން ދެ މީހުން ތިބިކަމެވެ.
*****
ހިނގަމުން ހިނގަމުން ގޮސް ވަކި ހިސާބަކުން މިންހާގެ ލޮލުގައި އާލިފް ފޮތިކޮޅެއް އެއްސިއެވެ. މިންހާ ހުރީ ބިރުންކަން އެނގުމުން އާލިފް މިންހާއަށް ދެރަގޮތެއް ނަހަދާނެކަމަށް ވައުދުވިއެވެ. މިންހާ އޯކޭއޭ ބުނެލިއެވެ. ފޮތިކޮޅު ނައްޓަން އެދުމުން މިންހާ ފޮތިކޮޅު ނެއްޓިއެވެ. އެއާއެކު ފެނުނު މަންޒަރަކީ ހަގީގަތެއް ބާވައޭ މިންހާގެ ހިތަށް އެރިއެވެ. ކުރިމަތީގައި އެއްފައި މައްޗަށް ތިރިވެ އަނގޮއްޓިއެއް ދިއްކޮށްލައިގެން އެއިނީ އާލިފްއެވެ. އެ އަނގޮއްޓި ލައިފައި އިން ފޮށީގައި ” ވިލްޔޫ މެރީ މީ ޕްރިންސަސް؟” ޖަހާފައި އިނެވެ. ” ދެން ލަދުން ނުހުރެ އާނ އެކޭ ބުނެބަލަ!” އާލިފް ބުންޏެވެ. “ތެދެެއް.” އަޑު އައިދިމާލަށް ދެމީހުންނަށް ބަލާލެވުނެވެ. އެމީހުންގެ ފަހަތުގައި ތުންފަތަށް ލާނެތް ހިނިތުންވުމެއް ވެރިކުރުވައިގެން އެތިބީ އާލާއާއި ނަޒީރާ ނޫން ދެވަނަ ދެމީހުނެއް ނޫނެވެ. މިންހާ މަޑުމަޑުން ޔެސް އޭ ބުނެލިއެވެ.
****
ގެއަށް ދިޔަ މަގުމަތީ ނަޒީރާގެ އަނގައިގާ ހީވަނީ ވާ ފުރައިގެން އުޅޭހެންނެވެ. ކައިވެންޏާ ބެހޭ ވާހަކަ ތަކުން މިންހާ ހުރީ ބޮލަށް ތުރާވާވަރުވެފައެވެ. ގެއަށް ގޮސްވެސް މިންހާ އާއި އާލިފް ވާހަކަ ދެއްކިއެވެ.
****
ރޭގަނޑުގެ ވަގުތެވެ. މިންހާ ތައްޔާރުވަމުން އެދަނީ އާލިފް ރަންކިޔުއްވަން އަދި މިންހާގެ ބައްޕަގެ ހުއްދަ ކައިވެންޏަށް ހޯދުމަށެވެ. އެހެނީ މައިންބަފައިންގެ ރުހުން ނުލިބޭ ކައިވެންޏެއް މާ ގިނަދުވަހަކު ދެމިއެއްނޯންނާނެއެވެ. އިރުކޮޅަކުން އާލިފްއާއި މިންހާ އައެވެ. މިންހާގެ ބައްޕަ މި ކައިވެންޏާއި ޤަބޫލު ކަން އެނގުނު ހިނދު ބަޔާންކުރަންދަތި ހިތްހަމަޖެހުމެއް އާލިފްގެ ވަށާލިއެވެ. ކައިވެނީގެ ރަނަކަށް މިންހާ އެއްހާސް ރުފިޔާ ކިއެވެ. އަދި ޑިސެންބަރު 5 ގައި ކައިވެނި ހަމަޖެއްސިއެވެ. ކައިވެނީގެ ކުލައަަކަށް މެރޫން ހަމަޖެއްސިއެވެ.
****
މިއަދަކީ މިންހާއާއި އާލިފްގެ އިންތިޒާރަށް ނިމިމެއް އަންނަ ދުވަހެވެ. އެ ދެމީހުންގެ ކައިވެނި ކުރެވޭ ދުވަހެވެ. ޕާޓީ އޮތީ ރަށުސްކޫލް ހޯލުގައި ކަމަށްވުމުން މީހުންތައް ހޭލަމޭލަވެ އުޅެއެވެ. ކައިވެނި ކުރެވޭ ވަގުތު ޖެހިއްޖެއެވެ. އާލިފްގެ ދެލޯ ހޯދަމުން ދިޔައީ އޭނާގެ ވާންއުޅޭ އަނބިމީހާއެވެ. ” ސާބަހޭ ކަލެއަށް. ތިވަރަށް ނުހޯދިޔަކަސް މިންހާ އަދި ފެންނާނެޔޭ.” އާލިފްގެ އެންމެ ގާތް ރަހުމަތްތެރިޔާކަމަށްވާ އާއިޒު ބުންޏެވެ. އިރުކޮޅެއްފަހުން އާލިފްއަަށް މިންހާ ފެނުނެވެ. ގަދަ މެރޫން ކުލައިގެ ވެޑިންޑްރެސް އެއްގައި ހުރި މިންހާ ހީވަނީ ފޮޅިފައި އިން ފިނިފެންމަލެއް ހެންނެވެ. ގަދަ ޕިންކް ކުލައިގެ ބުރުގާ ތެރެއިން މިންހާގެ މޫނު ފެންނަ މީހަކަށް ހީވާނީ ސާދަވިލޭރޭގެ ހަނދުހެންނެވެ. ކައިވެނީގެ ޚުތުބާ ފެށިއްޖެއެވެ. ދެމީހުންވެސް ދިޔައީ ކަނުލައި އަދުއަހަމުންނެވެ. ” އަނބި ޤަބޫލުކޮށްފިން” އާލިފްގެ ދުލުން އެޖުމުލަ އަޑުއިވުނު ހިނދު ބަޔާންކުރަންދަތި ހިތްހަމަޖެހުމެއް މިންހާއަށް ލިބުނެވެ.
****
ޕާޓީ ފެށިގެން ކުރިއަށް ދިޔައިރު މިންހާއަށް ކުދިކުދި ގޯނާތައް ކުރުމުގައި އާލިފް އުޅެމުންދިޔައެވެ. ޕާޓީއަށް އަންނަ ކޮންމެ މެހެމާނަކާ އެދެމަފިރިން ސަލާންކުރަނީ ހިނިތުންވުމަކާއެކުގައެވެ. ޕާޓީއިން މީހުން ހުސްވަމުންގިސް މިހާރު ތިބީ އާއިލާ މީހުން އެކަންޏެވެ. އާއިލާ މީހުންނާއެކު ފޮޓޯ ނެގުމަށްފަހު އެދެމަފިރިން ކާރަށް އަރައިގެން ގެއަށް ދިޔައެވެ. ކާރުގައި އިނދެގެން މިންހާ އަށް ވިސްނެމުންދަނީ މިރޭ ދެން ކަންތައްތައް ވާނެ ގޮތަކާއި މެދުގައެވެ.
****
ކޮޓަރިއަށްވަދެ އެ ދެމީހުންވެސް މުޅި ކޮޓަރިއަށް ނަޒަރު ހިންގާލިއެވެ. ފިނިފެންމާ ފިޔަތަކުން އެނދު ވަނީ ޒީނަތްތެރިކުރެވިފައެވެ. އުއްބައްތީގެ ސަބަބުން މުޅި ކޮޓަރީގައި ވަނީ އިންސާނާ މަސްތު ކުރުވާފަދަ ވަހެކެވެ. އިސާހިތަކު ކައިވެނީގެ ފުރަތަމަ ރޭގެ ފޮނިމީރުކަން އެ ދެމަފިރީން ލިބިގަންނަން ފެށިއެވެ. ބަސްމޮށުންތެރިކަމަކާއި ނުލާ ލޯބިވާވަރު އެތަކެއްފަހަރު ބުނެދިނެވެ.
****
ރޭދުވާ ތަކުރާރުވަމުންދެއެވެ. މިދުވަސްކޮޅު މިންހާއަށް ދިޔައީ ތަފާތު އުނދަގޫތައް ވަމުންނެވެ. އަބަދުވެސް ހީވަނީ ބޯ މަތީގައި ބަރު އެއްޗެއް ބާއްވައިގެން އުޅެވޭ ހެންނެވެ. ހޮޑުވެސް ލެވެއެވެ. އާލިފް ޑޮކޮޓަރަށް ދަްކަން ދާން ބުނުމުން މިންހާ ވަގުތުން ދެކޮޅު ހަދައެވެ. އެހެން ދުވަސްތަކެކޭވެސް އެއްފަދައިން މިއަދުވެސް މިންހާ ހުރީ ނާސްތާ ތައްޔާރު ކުރާށެވެ. ކުއްލިއަކަށް ބޮލުގައި ރިއްސައިގަތީ ކެތްނުކުރެވޭވަރަށެވެ. އެއާއިއެކު ކަނޑާވައްޓާލި ރުކެއްހެން އޭނާ ބިންމައްޗަށް ވެއްޓުނެވެ.

( ނުނިމޭ )