ރާޒު

‍‍‍‍އެ އަންހެނާ އެވެ. އަހުރެންގެ ގޭ ކުރިމަތީ އަވައްޓެރިޔާ އެވެ. އެހެރަ އުޅެނީ ޝިކާރަކުރުމުގައެވެ. ބަލިކަށި ކާޅެކެވެ. އަހުރެންގެ ބޯ މައްޗަށް އަރައިގަތެވެ. ބޮލުގައި ގަައުކޮޅެއް ޖެހި ތަދެއްއަރުވައިފި އެވެ. ވަލިގަނޑުމައްޗަށް ތިރި ވެވުނެވެ. އެ ދޫންޏެއް ނުފޮއްސުނެވެ. އަންހެނާ ގާތްވާން ފެށި އެވެ. އަހުރެންނަށް ހަމަލަ ދިނުމަށެވެ. އަވަހަށް ތަނުން ބެހިގަތީމެވެ. އެއިރު މެންދުރުވަނީ އެވެ. ގެއަށް ދާންވީ ވަގުތެވެ.

އެކަމަކު ފިޔަވަޅުތައް ހުއްޓި އެރައްޖެވެ. އެ އަންހެނާ ފަދައިންނެވެ. ނަޒަރީ ފާޑުވެރިކަމެއްގައި އަހުރެންގެ މޫނަށެވެ. އެ ބެލުމަކުން ހިތްހާސްކޮށް ބިރުގަންނުވައިފި އެވެ. ފިލޭކަށް ނެތެވެ. ޖައްވު ތަނަވަސްވެފައި ފަޅެވެ. އަހަރެން މި މަންޒިލަކަށް ގެނުވީ ކާކު ހެއްޔެވެ. މިއީ ތަންމައްޗަކަށް ވައްޓާލުމެކެވެ. އެ ފޭރާމަކުން ހަންގަނޑު ދަމައިގަތުމަށެވެ. ދުލުގެ ހަރަކާތްތެރިކަމުން ނޭވާ ހަފުސްކުރެވުނެވެ. އަދި މަސްގަނޑު އަނުރޫފަވުމުގެ މަރުހަލާ އަތު ޖެހުނެވެ. ލޮލުގެ ކަޅިރަވައިގެ ބެލުމުގައި ލިސާންކަމެއް ދެއްކުވިތެވެ. ކައިރިވަމުން އައި ފަތްތޫރަ ފަރުދާއަކުން ކަޝްފުވެއްޖެ އެވެ. އެ ތަމުސީލެއް ހިތުގައި ކުރުހިގަތެވެ. ތަސައްވުރުތައް ހޭހަންވެ އިންޒާރުތައް ތިލަ ކުރުވި އެވެ. އަދި ކާމިޔާބީ ޔަޤީން ކުރެވުނެވެ.

………..

‘ކަލޭ ކީއްކުރަން ކަމައްތަ މިތާ ތި އުޅެނީ. ނުއުޅެވޭނެ ތިހެނަކުންނެއް!’ އެ އަޑެއް ފާހަގަކުރުވަ ދިނެވެ. ނަމަވެސް އަހުރެންގެ ބިރެއް ނެތެވެ.

‘އަހެމް..’ އަޑު ސާފުކޮށްލީމެވެ.
‘އަހުރެން މި ތަނަށް އައީ އުޅޭކަށެއް ނޫން… ކިހިނަކުން ނޫނެވޭނެ އޭތަ ތި ކިޔަނީ.’ މިއީ އަހުރެންގެ ކޮންފަދަ ނުކުޅެދުމެއް ހެއްޔެވެ. އިޙުތިރާމުން ބޭރުވެފައިވާ މުއާމަލާތެކެވެ.

މޫނުމަތީގެ ދެއްކުންތެރިކަން ކެނޑުނެވެ. އަދި އެ ކަޅިއެޅުމެއްގައި ދެމިހުރެތެވެ. ދެ ތުންފަތް ތަތްވެ މަސްގަނޑެއް މަރުޖެހިއްޖެ އެވެ. ނަމަވެސް ސިކުނޑި މަސައްކަތް ކުރެތެވެ. ރޫޙަވީ އާލަމުގެ ގެންބެވެމުކެވެ. ޣާއިބުގައި ހަށިގަނޑު ހަރުގަންނުވައިފި އެވެ. އެ މަޙަލްގެ މިލްކުވެރިންނަކީ ޤަދީމުގެ ކިޔެވެލިންނެވެ. ޠުލުސްމުގެ މަރުކަޒު ޢާލިމުންގެ ހިތްތަކުން ޖާގަ ފަތަހަ ކޮށްފި އެވެ. ފާގަތި ތަބުދީލުވުމެކެވެ. ހަށިތަށް އެ ދިރާޢެއްގެ ފިނިން ލޮނދިވެ ފުއްވެފައެވެ. އިހުސާސްކުރެވުމެއް ނެތެވެ. ހޭވެރިވުން އޮތީ އުގޫބާތަކުންނެވެ. އެ ވަގުތަކަށް ދުނިޔެ ނަޒަރުހިންގަމުން ދެޔެވެ. ހަނދާންނުން ކެހިވިފައިވީ ނަޞްރުގެ ވިދުވަރެވެ. ދުވަހަކުވެސް ފެނިފައި ނުވާ ކުރެހުމެކެވެ. ތަސައްވަރު އަދު ކުރެވުން އޮތީ ކިހިނަކުން ހެއްޔެވެ. ޚިޔާލާތުގެ އެ މޮށުންތެރިކަމެވެ.

ހަރަކާތުގައި ތުރުތުރު ލެވިއްޖެ އެވެ. އަޒުމުގައި މަޑުޖެހިލުމެއް ނެތެވެ. ހިތްތައް އަޅުދާސް ކުރުމުގައި މާ ކުޅަދާނައީ އެވެ. ވިސްނުން ކޮށިކުރުމަކުންނެވެ. އެއީ ބަލިވެފައިވާ ހިތްތަކެވެ. ބަރޯސާވުން އޮތީ އަމިއްލަ ނަފުސުތަކަށެވެ. އެ ޢާލަމެއްގައި ރޫޙިއްޔަތެއް ނެތެވެ. މަގުފުރެދުމުގެ ގެއްލެނިކުރުތަކުން ފައުޅުކުރާ ސަހުޝިއްޔަތުތަކެކެވެ. ސިއްރިއްޔާތުގެ ފާހަގަކުރުމަކުން އޮޅުކުރުވިފައިވި ޚުލޫޤުންތަކެކެވެ. އަހުރެންނަށް ވެސް އެބަޔަކު ކަޝްފުވަމުން ދިޔައެވެ. ފަކުރުވެފައި ހުތުރުކަން ބޮޑެވެ. އެ ހަލަބޮލިކަމެއްގައި ރޭވުންތެރިކަމެކެވެ. އާންމުންނަކަށް ނުފެނުނެވެ. އެއީ ލޭތަކުގެ ދެލި ފޯރުވާއިންނެވެ. މުއާމަލާތް އޮތީ ހިތްތަކުގެ އެ ކުލަވަރުތަކުންނެވެ. އަބަދުވެސް އެ އަފުރާދުންގެ ހާލަތު ވަޒަންކުރަމުން ދިޔަތެވެ. އިންޒާރެއްވި ނަމަ ނާމާނުގެ އަލިވަރުތަކެއް ފަތުރުވައެވެ. މަގުން ކެހިދިއުމުގައި ބިރުގަންނުވަތެވެ. އަހުރެންނަށް އެބަޔަކު މުހިންމެއް ނުކުރެވުނެވެ. އެއީ އެންމެ ދަށުފަންތީގެ ވެރިންނެވެ.

……………….

ޖަވާބެއް ނައެވެ. ފަހަތަށް ޖެހޭން ފެށިއްޖެ އެވެ. އަހުރެންގެ އެ ރޫޙަވީ ބާރު ގަދަވެގަނެއްޖެ އެވެ. އަޑަކުން ފަސްޖެހިވުމެއް މެދުވެރިކުރެވޭކަށެއް ނެތެވެ. އެ ތަދުބީރެއް ލޯމައްޗަށް ފައުޅުވެއްޖެތެވެ. އަދި އެ ހިތް ތަޅުގަންނުވައި ރުޅިއަރުވައިފި އެވެ. ނަފުސު އަނިޔާގެ ތެރެއަށް ވިއްކުމަށް ވިސްނުން ގޮވައިފި އެވެ. ހިތް ބާރުވެރިކުރުވާ ނަފުސު މަތަ ކުރުމަށެވެ. އެ ވާވެއްދުމަކަށް ދުއްވައިގަނެއްޖެ އެވެ. މަޙަލް އެކަހެރި ކޮށްފޮ އެވެ. ބުއްދީގެ ބާރު ކެނޑި މޮޔައަކަށް ވީ އެވެ. އެއީ ތަންވަޅު މެދުވެރިކުރުވި ހާލަތެވެ. އޭނާ ގަބޫލުކުރެތެވެ. ނަމަވެސް އަޑީގައި ފޮރުވިފައިވަނީ ދެނެގަނައުމެއް ނުވާ ސަފަރެއްގެ ރާޒެކެވެ.

(ނިމުނީ)