އިޝްނާ(ޓްރެއިލާ)

ފައިހާ ގޮވަގޮވާ ހުއްޓާ އައިހަމް ބަހެއް ބުނުމެއް ނެތި ގޮސް ގެއަށް ވަނެވެ.އައިހަމް އަޅާވެސް ނުލާ ދިއުމުން ފައިހާގެ ގާތަށް އައީ އަމަށަކު ރުޅިއެއް ނޫނެވެ.އައި ރުޅީގައި ފައިހާ ގެއަށް ދާން ހިނގައިގަތީ އިތުރަށް ގޯހެއްހަދަން ބޭނުންނުވާތީއެވެ.
*******
ހެނދުނު ހޭލި އައިހަމްއަށް ބޮލުގައި އަތް ހިންގާލެވުނެވެ.ރޭގައި އޭނައަށް ފެނުނީ ހުވަފެނެއް ބާއޭ އައިހަމްގެ ހިތަށް އަރަމުން ދިޔައެވެ.އެނދުގައި އަތް ހިންގާލި އައިހަމްގެ އަތުގައި އެއްޗެއް ޖެހުމުން އައިހަމް ބަލާލިއެވެ.ރިހި ކުލައިގެ ހުދު އެހެއްޖެހި އަގޮޓިއަށް އައިހަމް ބަލާލިއެވެ.
*******
އެތަށް އަހަރެއް ފަހުން އައިހަމް އޭނަގެ މާމަގެ ރަށައް އައީ މާމަ އެތަށް އާދެހައެއް ކުރުމުންނެވެ.އާއިލާގެ އެއްމެން މާމާމެންގޭ ތިބި އިރު އައިހަމް ބައެއް މީހުންނޭނގެއެވެ.
“ކޮބާތަ އިޝްނާ އެއްމެން ތިބި އިރު އިޝްނާއެއް ނާދޭތަ”މާމަ އެހެން ބުނެލީ ޝަކީލާއަށް ބަލާލަމުންނެވެ.”އާ މަންމާ އިޝްނާ ބޮލުގަރިއްސާތީއޭ ކިޔާފަ ނާދޭ”ޝަކިލާ ބުނެލިއެވެ.
*******
ދަތުރު ދާން ތިން ލާންޗް ހަމަޖައްސާފަ އޮތެވެ.އައިހަމް އެ ތަނުން އެންމެ ކުޑަ ލާންޗަށް އަރާ އިށީނެވެ.ލާންޗް ދުއްވާލިމުން އައިހަމްގެ ކުރީގައި ފުރަގަސްދީގެން އިން ކުއްޖާގެ ބުރުގާގެ ފަހަތް މޫނު ކައިރީ ވިހުރެން ފެށިއެވެ.އެ ބުރުގާއިން އެރި ލުއި ވަހުގެ ސަބަބުން އައިހަމްއަށް ނޭފަތް އެތެރެއަަށް ދަމާލެވުނެވެ.އޭބައަށް އެ ވަސް އާވަހަކަށް ނުވުއެވެ.
*******
ކަރުހިއްކާފަ ހުރި އައިހަމް ފެން ހުރިތަނެއް އައިޝާ ގާތުން އަހާލިއެވެ.އެވަގުތު އައިޝާއަށް ސަރާ ގޮވާލުމުން އައިޝާ އިޝްނާ ގާތު އައިހަމްއަށް ފެންދިނުމަށް ބުނެ ދިޔައެވެ.
“ފެން”ހިމަ އަޑަކުން އެހެން ބުނުމުން އައިހަމްއަށް ފަހަތަށް ބަލާލިއެވެ.އެވަގުތު އޭނައަށް ފެނުނު މޫނަކުން އައިހަމްއަށް ދެލޯ ބޮޑު ކުރެވުނެވެ.