ނަދާއާ އެކީ އެތެރެއަށް ވަދެ ނަދާއަށް ވުރެ ކުރިން އަޔާޒް ކޮޓަރިއަށް ވަނެވެ. ލަސްލަހުން ނަދާ ގޮސް ކޮޓަރިއަށް ވަން އިރު އަޔާޒް ވީ ފާހާނާގައެވެ. ހަދާނެ ގޮތެއް ނޭނގިފައި ނަދާ ހުއްޓާ އަޔާޒް ނިކުތް ގޮތަށް ދިޔައީ ކޮޓަރިން ބޭރަށެވެ.
“އަޔާ—” އަޔާޒްގެ ފަހަތުން ނިކުމެ ނަދާ ގޮވާލިއެވެ.
“އަންނާނަން…” ނަދާއާ ދިމާއަށް ބަލާނުލާ، ނަދާ ބުނާ އެއްޗެއް އަޑު އަހަން މަޑުވެސް ކޮށްނުލާ އަޔާޒް ގެއިން ނިކުތެވެ.
އަލުން ކޮޓަރިއަށް ވަދެ އެއްފަރާތުގައި ހުރި ދެ ފޮއްޓަށް ނަދާ ބަލާލިއެވެ. އިރުކޮޅަކު އެހެން ހުރެފައި ނަދާ ގޮސް އެނދުގައި އިށީނދެ ހެޑްބޯޑްގައި ލެނގިލާފައި ލޯމަރާލަމުން އެއް އަތުން ނިތްކުރީގައި ފިރުމާލިއެވެ.
ދެން ހަދަންވީ ކިހިނެއް ބާއޭ ނަދާ ހިތަށް އެރިއެވެ. އަޔާޒް ދިޔައީ ކޮން ތަނަކަށް ހެއްޔެވެ؟ އަޔާޒް އަންނަން ދެން ނަދާ ނުނިދާ އިންނަން ވީ ހެއްޔެވެ؟ ދެންވެސް އަޔާޒްއާ ވާހަކަ ދައްކާލާނެ ފުރުސަތެއް އަޔާޒް ދޭނެ ހެއްޔެވެ؟
ވިސްނުމުގައި ނަދާ އެހެން އިނދެފައި އެނދުމަތީ އޮތް އަތްދަބަސް ހުޅުވާލާފައި ފޯން ނަގާ ގަޑި ބަލާލިއެވެ. ދޭއް ޖެހީއެވެ. އަޔާޒް ދިޔަތާ ބައިގަޑި އިރު ވީއެވެ. އަޔާޒްއަށް ގުޅާލަން ހިތަށް އަރާފައި ނަދާ ފޯނުގައި އަޔާޒްގެ ނަމްބަރު ޖަހާލިއެވެ. ނަމަވެސް ސްކްރީނަށް ބަލަން އިނދެފައި ނަމްބަރު ފޮހެލާފައި ފޯން އެނދުމަތީ ބޭއްވިއެވެ.
އަނެއްކާވެސް ނަދާ އެނދުގައި ލެނގިލައިގެން އިށީނީ ފޯން އަތަށް ލައިގެންނެވެ. ކިތަންމެ ލަސް ވިޔަސް އަޔާޒް އައުމުން ނޫނީ ނުނިދަން ނިންމައިގެން ނަދާ ހަމަޖެހިލެވޭތޯ މަސައްކަތް ކުރިއެވެ. ނަމަވެސް ވެފައި ހުރި ވަރުބައްޔާއެކު ކުރީރޭ ނުނިދާ ހުރުމުން ނަދާއަށް ނިދުނީއެވެ.
(ވަރަށް ދުވަސް ފަހުން މާޝާގެ އާ ވާހަކައެއް ކިޔުންތެރިންނަށް ގެނެސްދެވޭތޯ މި މަސައްކަތް ކުރަނީ، މި ވާހަކައިގެ ފުރަތަމަ ބައި މާދަމާ އަޕްލޯޑް ކޮށްދޭނަން، އިންޝާﷲ)
Other Articles
ސިލްސިލާ ވާހަކަ: އައިޝާ (ޓްރެއިލާ)
ފެވިފާ ތިނަން ވެޔޭމިހިތުގާ 6
4 Comments!
Comments are closed.
Yeyy! Marsha is baaack ♥️♥️
Trailer salhi..Hope story rythi vaane kamah ingey..Good luck marsha dear❤❤?♥?
Cant wait!!
wowww marsha sis is back..:) goodluck with the story..sounds interesting.