Skip to content
އެސްފިޔަ

ވަންހަނާ – 05

އެލެކްސް އޭނާ ލައިގެންހުރި ޖެކެޓް ތެރެއަށް އަތް ކޮއްޕާލުމަށްފަހު ނެގީ ރިމޯޓެކެވެ. އެ ރިމޯޓް ފެނުމާއިއެކު ރިވްލާންގެ ދެލޯބޮޑުވެ މުޅިމީހާ ދާހިއްލަން ފެށިއެވެ. އެލެކްސް ކުރަން އުޅޭކަންތައް ރިވްލާންއަށް ވަރަށް ރަނގަޅަށް އިނގެވެ. އެލެކްސް ބުންޏެވެ. ” އެންމެ ފަހުފަހަރު މިއަހަނީ.. ކޮބާ ޕެންޑްރައިވް ؟ ”

*************************

ރިވްލާން އަށް ބަލަން ހުރެވުނެވެ. ކަންތަށް ކުރަންވީ ކިހިނެއްބާއޭ ހިތައްއެރިއެވެ. ޕެންޑްރައިވް އެލެކްސް އަށް ދީފިނަމަ، ދެވަނަ ފަހަރަށް ޕެންޑްރައިވްގައިވާ ފައިލްތައް ނުލިބިދާނެއެވެ. ޕެންޑްރައިވް ނުދީފިނަމަ ކަރަންޓް ޝޮކެއް ލިބި ރިވްލާންގެ ހަށިގަނޑަށް ކޮންމެފަދަ ގެއްލުމެއްވެސް ލިބިދާނެއެވެ. ކުރަންވީ ކީއްކަން ކަނޑަނޭޅިގެން އުޅެނިކޮއް މުޅިމީހާ ތުރުތުރު އަޅައިގެންގޮސް ބިންމައްޗަށް ވެއްޓުނެވެ. އެވަގުތު އެލެކްސްހުރީ އޭނާ އަތުގައި އޮތް ރިމޯޓަށް ފިއްތައިގެންނެވެ. ” އަމިއްލަ ފުރާނަ ސަލާމަތްކުރަން ބޭނުމިއްޔާ ހަމަ މިހާރު އަހަންނަށް ޕެންޑްރައިވް ހަވާލުކުރޭ..” ރުޅިވެރި ރާގެއްގައި އެލެކްސް ބުންޏެވެ.

ރިވްލާންއަށް އޮތީ ހިރުވާވެސް ނުލެވިފައެވެ. އަނގައިން ބަހެއްބޭރު ކޮއްލާނެ ހިތްވަރެއްވެސް އޭނާގެ ނެތެވެ. ރިވްލާންގެ ފަރާތުން ޖަވާބެއް ނުލިބުމުން އެލެކްސް އޭނާގެ 2 ގާޑުންކައިރީ، ރިވްލާން ލައިގެންހުރި ގަމީހާއި ޖިންސުގެ ޖީބުތައް  ޗެކުކުރުމަށް އަމުރުކުރިއެވެ. އަދި ރަޔާން ޖަލުތެރެއަށް ލުމަށްވެސް އަމުރުކުރިއެވެ. އެވަގުތު ފުރަތަމަ ގާޑް ޖަލުގެ ދޮރު ހުޅުވުމުން ދެވަނަ ގާޑް ރަޔާން ބިންމަތީގައި ދަމަމުންގޮސް ޖަލުތެރެއަށް ވެއްދިއެވެ. އެއަށްފަހު ދެގާޑުންވެގެން ރިވްލާން ލައިގެންހުރި ގަމީހާއި ޖިންސުގެ ޖީބުތަށް ޗެކުކުރިއެވެ. ނަމަވެސް ޕެންޑްރައިވްއެއް ނުފެނުނެވެ. އެލެކްސްގެ ރުޅި ދިޔައީ އިންތިހާއަށް ގަދަވަމުންނެވެ. އަދި ފައިސަލްއާއި ރަޔާންގެ އަތުން ޕެންޑްރައިވް ފެނޭތޯ ޗެކްކުރުމަށް ގާޑުންނަށް އަމުރުކުރިއެވެ. ނަމަވެސް ތިން މީހުންކުރެ އެކަކު އަތުންވެސް ޕެންޑްރައިވް އެއް ނުފެނުނެވެ.

**************

ގަޑިން ރޭގަނޑު 10 ޖެހީއެވެ. ރަޔާންއާއި ރިވްލާންއަށް އޮތީ ނިދިފައެވެ. އެވަގުތު ފައިސަލް ޖަލުގެ އެއްކޮޅުން އަނެއްކޮޅަށް ހިނގާލަ ހިގާލަ ހުއްޓެވެ. އޭނާ ދިޔައީ އެރަށުން ސަލާމަތްވެގެން ނިކުންނާނެ ގޮތަކާއިމެދު ވިސްނަމުންނެވެ. ދެކޮޅު ދެކޮޅަށް ހިނގަ ހިނގައިހުރި ފައިސަލް ހުއްޓުންއެރީ ކުއްލިއަކަށް ހަރުގޭގެ ދޮރު މީހަކު ހުޅުވާލުމުންނެވެ. އެވަގުތު ހަރުގެ ތެރެއަށް ގާޑަކު ރޭގަނޑުގެ ނާސްތާ ހިފައިގެން ވަދެގެން އަންނަތަން ފެނުނެވެ. އޭނާ އަތުގައި ފެންފުޅިއަކާއި ތައްޓެއް އޮތެވެ. އެތަށީގައި ހުރީ ވަރަށް އާދައިގެ ގޮތަކަށް ތައްޔާރުކޮއްފައިވާ ނޫޑުލިހެކެވެ. އަދި އެއާއި އެކު ނޫޑްލްސް ކެއުމަށް އުލެއްވެސް ލައިފައި އޮތެވެ. ގާޑުމީހާ ވަދެގެން އައިގޮތަށް ފެންފުޅިއާއި އޭނާ އަތުގައި އޮތް ނޫޑްލްސްތަށި ޖަލުގެ ދޮރު ދަށުން ފައިސަލްގެ ފަޔާއި ދިމާއަށް ވާގޮތަށް ޖަލުތެރެއަށް ކޮއްޕާލިއެވެ. ފައިސަލް ބަނޑުހައިވެފައިހުރިލެއް ބޮޑުކަމުން ލަސްނުކޮށް ބިންމަތީގައި އިށީންދުމަށްފަހު ކާންފެށިއެވެ. އެވަގުތު ގާޑުމީހާ ހުރީ ފައިސަލް ކައި ނިމެންދެން މަޑުކޮއްގެންނެވެ.

ބަނޑުހައިވެފައި ހުރިލެއްބޮޑުކަމުން ފައިސަލް ކަމުން ދިޔައީ ވަރަށް އަވަހަށެވެ. ކުއްލިއަކަށް އޭނާ ކޮށިއެރިއެވެ. އަދި ނޭވާލުމަށް އުނދަގޫވިއެވެ. ފެންފޮދެއް ބުއިމަށް ފެންފުޅި ނެގުނު ކަމުގައިވިޔަސް، އެވަގުތު އޭނާއަށް ފެންފުޅީގެ މަތި ހުޅުވޭގޮތެއް ނުވިއެވެ. ގާޑުމީހާއަށް އެމަންޒަރު ފެނުމުން ދުވެފައިގޮސް ޖަލުގެ ދޮރު ހުޅުވިއެވެ. އަދި ފައިސަލް ކައިރިއަށްގޮސް ފެންފުޅީގެ މަތި ހުޅުވާލި ވަގުތު ނޫޑްލްސް ތަށީގައި އޮތް އޫ ފައިސަލް ނަގައި ގާޑުމީހާގެ ކަރަށް ހެރިއެވެ. އަދި ގާޑުމީހާގެ އަނގަމަތީ އަތް އެޅުމަށްފަހު، ކަރަށް ހަރާފައިވާ އޫ ނަގައި ބަނޑުގެ އެތަން މިތަނަށް ހަރަމުން ގެންދިޔައެވެ. އެވަގުތު ގާޑުމީހާގެ ކަރުންނާއި ބަނޑުން ލޭތައް އޮހޮރެމުން ދިޔައެވެ. ގާޑުމީހާ މަރުވިކަން ޔަގީންވުމުން، ބިންމަތީގައި އޭނާ ބޭއްވުމަށްފަހު، ފައިސަލް އަވަސް ވެގަތީ ރިވްލާންގެ ފައިކުރިތެރޭގައި ފޮރުވާފައިވާ ޕެންޑްރައިވް ނެގުމަށެވެ. އަދި ޕެންޑްރައިވް ނެގުމަށްފަހު ހަރުގޭގެ ފަހަތުދޮރުން ނިކުމެގެންގޮސް ވަލުތެރެއާއި ދިމާއަށް ދުއްވައިގަތެވެ.

***************

އޮފީހަށްވަދެ ގޮނޑީގައި އިށީންދެލައިގެން އިނދެ އެލެކްސް ދިޔައީ ޕެންޑްރައިވް ހޯދާނެ ގޮތަކާއިމެދު ވިސްނަމުންނެވެ. ކުއްލިއަކަށް ގާޑުމީހެއް އޮފީހުގެ ދޮރު ހުޅުވުމަށްފަހު ދިން ހަބަރަކުން ހަލުވި ހިނގުމެއްގައި އެލެކްސް އޮފީސް ތެރެއިން ނުކުމެގެން ހަރުގެއާއި ދިމާއަށް މިސްރާބު ޖެހިއެވެ. އެލެކްސްގެ ފަހަތުން އިތުރު 4 ގާޑަކު އައެވެ. އަދި ހަރުގެ ތެރެއަށް ވަދުނެވެ.

*****************

ފަސްވަނަ އެޕިސޯޑް ނިމުނީ

*****************

 

 

Comments (13)

  1. Ram

    Haada kury

    1. Ifaam
      Ram

      Thanks for reading.. dhn huri part thah dhikolleveythw balaanan..❤️

  2. jiji

    Kiyaafa comment eh kohlaanan ingey.. thanks for uploading this part??????????

    1. Ifaam
      jiji

      Ok . Thanks jiji ❤️

  3. Sharumeela Sharoo

    Mee aharaku eh faharu genna vaahaka eh tha?

    1. Ifaam
      Sharumeela Sharoo

      Busy v ma vaahaka kuriyah nugendhevunee.. sorry for late update.. hope you enjoyed this episode.. ❤️

  4. jiji

    Salhi mi stry vec..nd hama ehme mistake eh fenuny..Um “vadhuny” ekey nuliyaane ingey thw..”vanee” liyaany ….N faisal aky jinni eh dhw…Curiously waiting for the next part…pleeezu make it long brww?????

    1. Ifaam
      jiji

      Thanks jiji.. dhn faharakun mistakes rangalhu kollaanan.. Faisal akee jinnieh noon.. haha.. keehve ehn thibunee ??

    2. jiji
      jiji

      Dhn assu faisal ulhun gothun dhw..ehnve mihen buny??

  5. Maikaa

    Vanhanaa ge dhevana season aa furathama season ehves varakah gulhumeh vaanetha

    1. Ifaam
      Maikaa

      Mee vanhanaage furthama season..

  6. Stargaze

    This story is interesting and the concept is nice, but there is no suspense. Be a little discriptive and show, don’t tell

  7. Stargaze

    The story is interesting and the concept is nice. Be a little discriptive and built up suspense. Show, don’t tell

Comments are closed.