އެސްފިޔަ 
ކުރި އިންތިޒާރު(3 ވަނަ ބައި)
Level 1
އިރު އޭގެ ވާޖިބު އަދާކުރުމަށްފަހު ދުނިޔެއާ އަލްވަދާޢު ކިޔައިފިއެވެ. މިރޭ އަހަރެން ޤަސްތުކުރީ އަހަރެންގެ ލޯބި ހުށައަޅާށެވެ. އާންގެ މެސެޖަކަށް އަހަރެން އިންތިޒާރު ކުރަމުން ދިޔަ އީމެވެ. އަހަރެން ކުރަމުން ދިޔަ އިންތިޒާރު ދިގުލައި ނުގޮސް އާންގެ މެސެޖެއް އަހަންނަށް އައެވެ. އަހަރެން އަވަސް އަވަހަށް އަހަރެން އާން ދެކެ ލޯބިވާ ވާހަކަ ބުނީމެވެ. ” އާން! އަހަންނަކަށް ނޭނގެ އަހަރެން އާން ދެކެ ލޯބި ވެވުނީ ކޮންއިރަކު، ކޮންތާކު އަދި ކިހިނެތް ކަމެއްވެސް! އެނގޭހާވެސް އެއްޗަކީ އަހަރެން އާން ދެކެ ލޯބިވެވިއްޖެކަން. އައިލަވްޔޫ އާން! ” އާން ދޭނެ ޖަވާބަކާ މެދު އަހަރެން ބިރުގަތެވެ. މާކަ ގިނަ އިރުތަކެއް ނުވެ އާންގެ މެސެޖެއް އަހަންނަށް ލިބުނެވެ. އެ މެސެޖުގައިވަނީ އާން އެހެން ކުއްޖެއް ދެކެ ލޯބިވާ ކަމެވެ. އަދި އެއީ ރިޔާ އެވެ. އަދި އަބަދުވެސް އާން އަހަންނާ މެދު ދެކެނީ ރައްޓެއްސެއްގެ ގޮތުންކަމާއި އޭނާއަށް ރިޔާ ހޯދައިދިނުމަށް އަހަރެން ގާތު އެހީ އަށް އެދުނެވެ. އާންގެ މި މެސެޖު ކިޔާ ނިމުނު އިރު ހީވީ އަހަރެންގެ ހިތަށް ތޫނު ކަށި ތަކެއް ހެރެމުން ދިޔަހެންނެވެ. ހުއްޓުމެއްނެތި އަހަރެންގެ ލޮލުން ކަރުނަތައް ފާއިބަމުން ދިޔަ އެވެ. ތިމާއަށް އަލަށް ލޯބިވެވުނު މީހާ، މާކުރިން އެހެން މީހަކަށް އޭނާގެ ހިތް ދީފައި އޮތުމުން ދެރަނުވާނީ ވަކި ކާކު ހެއްޔެވެ؟ އަހަންނަށް ލޯބި މި ވެވުނީ ދުވަހަކު އަހަންނަށް ނުލިބޭނެ މީހެއްކަން އެނގުމުން ހިތުގައި ޖެހުނެވެ. އަހަރެންގެ ހިތުގައިވާ ޝަކުވާތަކާއި އުދާސްތައް ރުއިމުގެ ސިފައިގައި ބޭރުކޮށްލީމެވެ. އަދި އާން އަހަރެން ގާތު އެދުނު ކަންތައް ކޮއްދޭން އަހަރެން އެއްބަސްވީމެވެ. އާންގެ އުފަލަކީ އަހަރެންގެވެސް އުފަލެވެ. އާންގެ ލޯބި ނުލިބުނު ކަމުގައިވިއަސް އާންގެ އެ ރީތި ހިނިތުންވުމާއި އޭނާގެ އުފަލައްޓަކައި އަހަރެން ހުރީ ކޮންމެ ކަމެއްވެސް ކުރަން ތައްޔާރަށެވެ.
” ގުޅުމެއްވީ ކަމުގައިވިއަސް ގުޅިފައި ނުވޭ ހިތްދެން.. ތިޔަ ލޮއެތްބަށް ޤުރުބާންވިއަސް ގުޅިފައިނުވޭ ހިތްދެން.. ވާ ލޯތްބެއް އެނގިފައިވިއަސް ގުޅިފައިނުވޭ ހިތްދެން.. މި ހަޔާތާ ގުޅިފައިވިއަސް ގުޅިފައިނުވޭ ހިތްދެން.. ”
މުޅިން އައު އަހަރަކާއި ދުވަހަކައިގެން އިރުގެ ދޯދިތަކުން ދުނިޔެ ވެރި ކޮށްފިއެވެ. މިއީ 11،12ގެ އަހަރެންގެ އެންމެ ފަހު އަހަރެވެ. މަންމަ ކައިރި ޗުއްޓީ ހޭދަ ކުރުމަށްފަހު އަނެއްކާވެސް އެނބުރި ހިތަދުއަށް އައީމެވެ. ރަށަށް އާދެވުމާއެކު ފުރަތަމަވެސް މަސައްކަތްފެށީ އާންގެ ލޯބި އާންއަށް ހޯދައިދިނުމަށެވެ. އާންގެ ލޯބި އާންއަށް ހާސިލްކޮށްދިނުމަށްޓަކައި ރިޔާ ކައިރިއަށް ގޮސް އަހަރެން އާދޭސްކުރީމެވެ. ނަމަވެސް ރިޔާ ކުރީ އިންކާރެވެ. އޭނާ ބުނީ އޭނަ އާންއާ ދޭތެރޭ އެކަހަލަ ނަޒަރަކުން ނުދެކޭކަމެވެ. އާން ވާނެ ދެރަޔާމެދު ވިސްނާފާއި އަހަރެންވެސް ދެރަވިއެވެ. ކޮންމެ ދުވަހަކުވެސް ކުލާސް ތެރޭ އިންނަ އިރު އާން ރިޔާއާ ދިމާލަށް ލޯބިން ފުރިގެންވާ ގޮތަކަށް ބަލަން އިންނަތަން އަހަންނަށް ފެނެއެވެ. މި މަންޒަރު ފެންނަ ކޮންމެ ފަހަރަކުވެސް އަހަރެންގެ ހިތް ކުދިކުދިވެއެވެ. އާން ކުރާ ހުރިހާ ކަމެއްވެސް އަހަންނަށް ފެނެއެވެ. ސުކޫލަށް ކިޔަވަން ދިޔަ ކަމުގައިވިއަސް އަހަންނަށް އާންއާ ދިމާލަށް ބެލުންފިޔަވައި އެހެން އިތުރު ކަމެއް ނުކުރެވެއެވެ. އަހަރެން އާން އާމެދު ނުވިސްނާ އެންމެ ސިކުންތެއްވެސް ނުދާނެއެވެ. އެންމެ ކުޑަމިނުން ނިނދާފައި އޮންނަ އިރު ހުވަފެނުންވެސް ފެނެއެވެ. ނުވިތާކަށް އޭނަ ސުކޫލަށް ނާންނަ ކޮންމެ ދުވަހަކީ އަހަރެން އެއްވެސް ކަމެއް ކުރާ ހިތްނުވާ ދުވަހެކެވެ. އަބަދުވެސް އަހަރެންގެ ކަންފަތަށް އިވެން ބޭނުންވާ އަޑަކީ އެއީއެވެ. އަބަދުވެސް ދެކެން ބޭނުންވާ މޫނަކީ އެއީއެވެ. އާން ބުނާ ހަމައެންމެ އަކުރަކުންވެސް އަހަރެން ދެރަވެއެވެ. މީހަކު ދެކެ މީހަކަށް ލޯބިވެވޭނީ މި ވަރަށެވެ. އާން އަންނަންދެން އަހަރެން އަބަދުވެސް އިންތިޒާރު ކުރާނަމެވެ. ދުނިޔެއަށް ލެވޭ އެންމެ ފަހު ނޭވާޔާހަމައަށްވެސް އަހަރެން އާންއަށް އިންތިޒާރުކުރާނަމެވެ. އާންއަށްޓަކައި އަހަރެން ކުރިން އުޅުނު ގޯސް ގޮތްދޫކޮށްލީމެވެ. އާންއާ އެކަށީގެންވާ މީހަކަށް ވެވޭތޯ އަހަރެން މަސައްކަތް ކުރަން ފެށީމެވެ. އަހަރެންގެ އުޅުމަށް މި އައި ބޮޑެތި ބަދަލުތަކުގެ ސަބަބުން ރިޔާ އާއި ލަޔާން އަހަންނާ ސުވާލު ކުރިއެވެ. އަހަރެން އެ ދެ މީހުންނަށް ހުރިހާ ވާހަކައެއް ތެދުތެދަށް ކިޔައިދިނީމެވެ. އެދެމީހުން އަހަންނަށް ވަރަށް ހިތްވަރު ދިނެވެ. އަދި އާން އިރާދަކުރެއްވިއްޔާމުން ލިބޭނޭ އެހެންނަމަވެސް އެކަމަށް ވަގުތު ބޭނުންވާނެކަމަށް ބުންޏެވެ. ސުވާލަކީ އަހަންނަށް ދިރިއުޅުމުގައި އެހާ ގިނަ ވަގުތު ލިބެން އެބައޮތް ހެއްޔެވެ؟ ނަމަވެސް އަހަރެންގެ މި ހުރިހާ އުއްމީދުތަކާއި ހުވަފެންތައް އެންމެ ސިކުންތެއްގެ ތެރޭގައި ފުނޑުފުނޑު ވެގެން ހިގަތްޖެއެވެ. އާން އަހަންނާ ވާހަކަދެއްކުން ހުއްޓާލައިފިއެވެ. އާން އަހަރެންގެ ނަންބަރު ބުލޮކުކޮށްލިއެވެ. އެންމެކުޑަމިނުންވީ ކިހިނެތް އަދި އަހަންނަށް ކުރެވުނީ ކޮން ކުށެއް ކަމެއްވެސް ނުބުނެއެވެ. މީހެއްދެކެ ލޯބިވެވުން އެއީ ކުށަކަށް ވަންޏާ އަހަރެން އެ ކުށަށް އިއުތިރާފުވަމެވެ.
” ހިމޭން ހިތްވެފައިވީ ޔާރު ފަސްދީ ދާގޮތުން.. ވެޔޭ ހިތުގެ ހަރަކާތް ހުއްޓިފާ ”
އާން ކޮންމެ ގޮތަކަށް ކަންތައްކުރި ކަމުގައިވިއަސް އަހަރެން މިވާ ލޯތްބަކަށް ކުޑަވެސް ބަދަލެއްނާދެއެވެ. އަދި ނުވެސް އަންނާނެވެ. މަޑުމަޑުން އަހަރެންވެސް އާންއާ ދުރަށް ޖެހެން ފެށީމެވެ. ލޯބި ނުވާތީކީ ނޫނެވެ. އޭނައަށް އަހަރެންގެ ފަރާތުން އުނދަގުލެއްވިޔަ ނުދިނުމަށެވެ. އާން އަހަންނަށް ގެއްލި ދާނެތީ ވަރަށް ބިރު ގަނެއެވެ. އަމިއްލަ މިލްކުގައިނުވާ އެއްޗެއް ގެއްލިދާނެތީ ބިރުގަންނަންވީ ސަބަބެއް ޚުދު އަހަރެންނަކަށް ވެސް ނޭނގެއެވެ. މުޅި ދުނިޔެއިންވެސް ތިމާ އެންމެ ބޭނުންވާ މީހާގެ ސަމާލުކަން ނުލިބުމަށްވުރެ ބޮޑު ހިތްދަތި ކަމެއް އިހުސާސެއްނުކުރެވޭނެއެވެ.
” ތި ޖާދޫވި މޫނާ ލޯ އަޖައިބެއްހާނަޔާ.. ހުރީމޭ ބަލާހެންހީވެފާ.. ހިނިތުންނުވާތީއޭ ކުށްހީއަކަށްވީ ދެން.. ހިތް އޮވެ އަނދާތީއޭ ބުނަނީ މިހެން..”
Comments (22)
Comments are closed.
hey i’m first dhw… btw story is awesome… n storyge eherii u ge amilla lhen tha… if so they r really beautiful… u have the talent… masha allah… u ge story vrh different… i just love it
Me first baa??kiyaafa comment eh kohlaanan..thanks for uploading??
Thank u dear?
Wowo salhiey bunii OK bye varah salaam♥♥
Thanks ey bunii ❤✨
Baeh than thankwlhu heevey kiyaafa in vaahaka eh hinn vess already ur Lap in♥♥
Yes darling mii e vaahaka ey ❤✨ site ah mi in lii ehn miihun vx kiyaalan n huri mistakes thah balaafr dhen faharakun rangalhu kurann ❤✨
Why so kurukonn…?
Salhi nge mi part vec?????????..vrh obi hama????❤❤??..masha allah..mihaaru v kiyaa hiyy vey next part..Curiously waiting fr the next dear..Ly sooo much darla??
Thank u so much dear ❤✨ dhen innrnii emme last part.. In Sha Allah maadhan up kollaanan ❤✨
As usual this prt is purrfect? and heart touchin… luv u darlin❤ as alwayxx….
Thank u babe ❤?✨ love much ❤
your a true writer….will always look up to you proudfully luv u n miss u sis
Awwn Thank u so much love ❤️? love u too n miss much ❤✨
This is so sad??? i hope it has a happy ending… keep going darlxx..
Love u bestest❤❤❤
Awwn thank u babe ❤?✨ love u more ❤?
Awwwn varah reethi inge unmeedhu kuran varah awahah next part up vaane kamah♥️?
Thank u dear?
Furathama faharah esfiya in vaahakaeh miky..n this story is like the best story in the world..if u dnt mind can I dedicate this story to my loving bf..when r u gonna up nxt prrt???????
Thank u dear? yeah sure
Wow sis it was cool ??
wow!