މަންމަ

މަންމައަކީ އަހަރުމެން ހިމާޔަތް ކޮށްދޭ ބައެކެވެ. މަންމަ އަހަރުމެންނަށް އިންތިހާއަށް ލޯބިވާނެވެ. އަދި ކުށެއް ކޮށްފިނަމަ އެކަމަށް އަދަބުވެސް ދޭނެއެވެ. ކުރުކޮށް ބުނަންޏާ މަންމަ އަހަރުމެން ގާތުގަ އަބަދު ހުންނާތީ އުފާވެއެވެ. މަންމައަކީ އަހަރެމެންގެ ސިއްރުތައް ހިފަހައްޓާ މީހެކެވެ. ރަނގަޅު މަގަށް ގެންގޮސްދޭ މީހެކެވެ. އެކަމު މިދުނިޔޭގައި މަންމަ ނެތް ކުދިންވެސް އުޅެއެވެ. އަދި މަންމަ އަމިއްލަ ދަރި ގައިގައި އަނިޔާކޮށް އަދި ކުދިން ނުބަލަން ވެގެން އަމިއްލަ ދަރި ދޫކޮށް ދާ މީހުންވެސް ތިބެއެެވެ. އެކަމަކު އަހަރެންނަށް އަހަރެންގެ މަންމަ ނޭގެއެވެ. މިހުރިހާ ދުވަސްތަކުގައި އުޅުންއިރުވެސް މަންމަ އެ ވިސްނާ ގޮތާއި ކަންތައް ކުރާ ގޮތްތައް އަހަންނަށް ނޭނގެއެވެ. މަންމަ އަހަރެންނަށް ރަނގަޅަށް ކަންތައް ކޮށްދެނީކަމެއް ނުވަތަ މަންމައަށް ފައިދާ ވާގޮތަށް ކަންތައް ކޮށްދެނީކަމެއްވެސް އަހަންނަށް ނޭނގެއެވެ. މި ދުނިޔޭގައި ކޮންމެ މީހެއްގެ މަންމަވެސް ވަރަށް ތަފާތު ވާނެއެވެ. އެކަން އަހަރެންނަށް ވެސް އިގެއެވެ. އަހަރެންގެ މަންމަގެ އުޅުން ބަދަލުވީ، އަހަރެންގެ މަންމަ ސިޔާސީ ދާއިރާއަށް ދިޔުމަށް ފަހުގައެވެ. އަހަރެން މިހާރުވެސް އޭރުވެސް ސިޔާސީ ކަންތައްތަކާ ދުރުވަމެވެ. އަދި އަހަރެންގެ މަންމަ އެދާއިރާއަށް ވަން ފަހުން އެހާ ބޮޑު ބަދަލެއް އައީމަ އަހަރެންނަށް އަހަރެންގެ މަންމަ ދެކެ ރުޅިއަންނަން ފެށުނެވެ. އެހެންތާއޭ ވާނީ، ހަމައެކަނި އަހަރެންނެއް ނޫނެވެ. އަހަރެންގެ ކޮއްކޮ އާއި ދޮންބައްޕަވެސް ހުންނަނީ ރުޅިއައިސްސައެވެ. އެއީ އެންމެ ކުޑަ ދަރިއަށް އެހާ އިސްކަން ނުދީ ސިޔާސީ ކަންތައްތަކާ އިސްކަން ދޭތީއެވެ.

-ނުނިމޭ-