ރުއިމުގެ އަޑު

އާޅެން

ރުއިމުގެ އަޑު

އިސްމާޢީލް ޢަލީ ކަނދޮޅުދޫ

އިންފާރުފަދަ އެކުވެރީން ދޫކޮށްލީމެވެ.

އެއްފުރާނަވާ ދެހަށިގަޑު ފަދައިން އުޅެން ޖެހިފައި ވަނިކޮށެވެ.

ކުޑަކުދީންގެ ރުއިމުގެ އަޑު ބުޅާކޯޅޭ އަޑުކަމުގައި ހީކުރީމެވެ.

އެމީހުން ކަމަކު ކިޔާފާނެތީ ބޮޑުތަޅު އެޅުވީމެވެ.

ފަޅު ހިސާބުގަނޑުދިރިއުޅޭން ޚިޔާރުކުރީ އެހެންވެއެވެ.

މިއަދު މިއޮތީ އެހީތެރިކަމުގެ އަތެއް ބޭނުން ވެފައެވެ.

އަވަށްޓެރީންނަކީ އަޚުންފަދަ ބައެކެވެ.

ރުއިމުގެ އަޑު އެންމެ ކުރީން އަހާނީ އެމީހުންނެވެ.

އެމީހުންގެ ފަރާތުން ދިމާވާ ކަންކަމަށް ކެތްތެރިވާންވާނެއެވެ.

މަދަދުގާރަކުނެތި ދިރިއުޅޭނީ ކިހިނެއް ހެއްޔެވެ؟

އަބަދުފެނިދެނިވާ މީހުން މޫނުގެ ކުލަ ވަކި ކުރާނެއެވެ.

ޖެހޭކުލަތަކުގައިއެމީހުން ބައިވެރި ކުރަންވާނެއެވެ.

ހަދިޔާބަދިޔާ ދީ ހިތްސާފު ކުރަންވާނެއެވެ.

ވަރަބިނދިފާ ވާއިރު އެހީތެރިވާންވާނެއެވެ.

އެމީހުންގެ ސިއްރުތައް ހިފަހައްޓަންވާނެއެވެ.

ގެއްލުމާއި ފައިދާގެ އަގު ވަޒަން ކޮށްދޭންވާނެއެވެ.