އެންމެ ފަހަރަކު…

“އިވާން އަކީ ތި ހީކުރާކަހަލަ މީހެއް ނޫނެވެ”. މީ އަހަރެންގެ ބައްޕަގެ އިތުރުން އަހަރެންގެ އެކުވެރިން ކައިރީ ވެސް ވަރަށް ގިނައިން އަހަރެން ދައްކަން ޖެހޭ ވާހަކައެކެވެ.  އިވާން އާ ދުރުހެލިވެގެން އުޅުމަށް އަހަރެންގެ އެކުވެރިން އަބަދުމެ އަހަރެން ކައިރީ ބުނެއެވެ. އެމީހުން ބުނާ ގޮތުގައި އިވާން އުޅެނީ ޕާޓޭ ގޭންގަކާ ގުޅިގެންނެވެ. އަހަރެންގެ އެކުވެރިން އަހަރެން ގާތު އިވާން އޭ ކިޔައިގެން ދައްކާ ފާޑުފާޑު އަހަރެން ފަރުވާލެއް ނުބަހައްޓަމެވެ. އަދި އިވާން ކައިރީ އަހައިގެން އެ ވާހަކަތަކުގެ ޙަޤީޤަތް އޮޅުންފިލުވާކަށް ވެސް އަހަރެން މަސައްކަތެއް ނުކުރަމެވެ. އިވާން ނުކިޔަވައިގެންނާ އެތައް ދުވަހަކު ސްކޫލަށް ޙާޟިރުނުވުމުގެ ސަބަބުން އޭނާ ސްކޫލުން ކަނޑާލާނެ ކަމަށް ބުނެ ސްކޫލުންވަނީ އެކި ފަހަރު މަތިން އިވާން އިންޒާރު ދީފައެވެ. އަދި ސްކޫލް ޤަވާޢިދު ތަކަށް ޙުރުމަތްތެރި ކޮށް ނުހިތުމުގެ ސަބަބުންނާއި ސްކޫލުގެ ނަމަށް ހުތުރު އަރާ ފަދަ އެތައް ކަމެއް ކޮށްގެން އިވާން ވަނީ ސްކޫލުން ވެސް ކަނޑާލާފައެވެ. އާނއެކެވެ! އިވާން ނުކިޔަވާ އުޅެދާނެއެވެ. އޒެނާގެ އިސްތަށިގަނޑު ކޮނޑުން ތިރިއަށް ދިގުކޮށްފައި ހުރެދާނެއެވެ. އަދި އޭނާ ސިނގިރޭޓު ވެސސް ބޮއެފާނެއެވެ. އަހަންނަށް ހެވެވެ. އޭނާ ކޮންމެ ގޮތަކަށް އުޅުނަސް އަހަނަްނަށް ދެރަ ގޮތެއް ނަހަދާނެކަން އަހަންނަށް ރަނގަޅަށް އެނގެއެވެ. އަދި  އޭނާވެސް އަހަރެން ދެކެ ނުލާހިކު ލޯބިވާކަން އަހަންނަށް އެނގެއެވެ.

މީ އޭރު އަހަރެންގެ ވިސްނުން ހުރި ގޮތެވެ. އަހަންނަށް ވިސްނުނުއިރު  މާ ލަސްވެއްޖެއެވެ. އަހަންނަށް އޮތީ އަހަރެންގެ ހިތް އިވާން އަށް ދެވިފައެވެ. ޙަޤީޤީ ލޯތްބަކީ މުޅި ޙަޔާތުގައިވެސް އެންމެ ފަހަރަކު ވެވޭ އެއްޗެކެވެ.