ލޯބީގެ އިރުއޮއްސުނީމަ

އަހަންނަށް މިހާރު ދުވާލެއް ރޭގަނޑެއް ވަކިނުވެއެވެ. އަބަދު ކަމަކީ ހިތާމަ ކުރުމެވެ. ފިކުރު ކުރުމެވެ.

އައިފާ އަހަރެންނަށް ބޭވަފާތެރިވީ އެހެން ފިރިހެނެއްގެ އަވަައިގައި ޖެހިގެންނެވެ. އަހަންނަކަށް މިހާރު ހަމަ ނިދި ނުލިބެއެވެ. ނުއެސް ކެވެއެވެ. ކާހިތް ނުވާތީ އެވެ. ކަމެއް ކުރާހިތެއް ނުވެއެވެ. ދުނިޔެ މަތިން ފޫހިކުރުވައިފިއެވެ. އިންތިޒާރު ކުރެވެނީ މަރުވާނެ ވަޤުތަކަށެވެ.

އައިފާއަށްޓަކައި ފުރަތަމަ މިހިތުގައި ވިންދެއްޖަހާލީ، އަހަރެމެން ގުރޭޑު ހަތަކަށް ކިޔެވި އިރުއެވެ. ދެމީހުން ލޯބީގެ ގޮތުން ގުޅުނީވެސް އެ އަހަރުއެވެ. 2013 ވަނަ އަހަރުއެވެ. އަހަންނެކޭ އެއްފަދައިން އައިފާވެސް އޭރު އަހަރެން ދެކެ ލޯބިވިއެވެ. ހަތަރު އަހަރު ލޯބީގެ ބަަަގީޗާގައި އެތަށް މަލެއް، ފޮޅުވާލުމަށްފަހު، އަދި އެތަށް ހަނދާންތަކެއްް ދޫކޮށްލުމަަށްފަހު ވަކިވާން ޖެހުނީއެވެ. މަޖުބޫރީ ހާލަތުގައެވެ. ހެޔޮވާނީވެސް ކިހިނަކުން ހެއްޔެވެ؟

ލޯބީގެ އިރު އޮއްސުނީމާ…
މާތަށް މިލާމޯޅި ވީމާ…
ރޮވޭނެ އޭ، ދެރަވާނެ އޭ…

ދޮގެއް ހެއްޔެވެ؟

ބާރު ހިނގުމެއްގައި ގޮސް އަހަރެން ކޮޓަރި ދޮރުހުޅުވާލީ ހިތާ ދެކޮޅަށެވެ. އޭރުވެސް އަހަރެންގެ ހިތް ބާރު ބާރަށް ތެޅެމުން ދިޔައެވެ. ދޮރު ހުޅުވުމާއެކު އަހަރެންގެ ދެލޯ ކަރުނުން ފޯވިއެވެ. އަދި ފެނުނު މަންޒަރު ޤަބޫލުކުރަން ބޭނުންނުވާތީ މޫނުމަތީގައި ދެއަތްއަޅައި ބޯހޫރަން ފެށިއެވެ.

“ބޭބީ.. ބޭބީ މިތަނަށް އައީ ކިހިނެތް”

އަހަރެން ފެނުމުން އަައިފާ ދިޔައީ ސިއްސައިގެންނެވެ. އަދި އަހަރެންގެ ހިތަށް އަރާނެ އެއްޗަކާއިމެދު އައިފާ ކަންބޮޑުވިއެވެ.

“އާން.. އަހަރެން މީ.. އައިފާގެ ސޯ ކޯލްޑް ބީއެފް”

ނުތަނަވަސްވެފައިވާ ހިތާއެކު އިތުރަށް އެތަނުގައި މަޑުކުރަން ބޭނުން ނުވާތީ އަހަރެން ނިކުތީމެވެ.

އަވަސް އަވަހަށް އައިފާވެސް، އަހަރެންގެ ފަހަތުން އަންނަންފެށިއެވެ.

މާއިޒް.. މަޑުކޮއްބަލަ.. މަ މިކިޔާ އެއްޗެއް އަޑު އަހާބަލަ.. ތިހީކުރަނީ ރަނގަޅަކަށް ނޫނޭ.. ޕުލީޒް”

” ކިހިނެތްތަ ދެން ހީކުރަންވީ.. އައިފާ… އެހެން ފިރިހެނަކާއެކީ ކޮޓަރިއެއްގެ ތެރެއިން ފެނުނީމަ.. އަހަރެން ކީކޭތަ ހީކުރަންވީ.. ނަައު އިޓުސްއެންޑް… ޔާރ، ޔޫ އާރ ނޯ ލޯންގާރ މައި ގާލްފުރެންޑު..”

އަހަރެންގެ ހިތުގައިވާ ހުރިހާ އެއްޗެއް އައިފާގެ ކުރިމައްޗައް ބަންޑުންކޮއްލީމެވެ.

އަހަރެން އެހާ ލޯބިވި، ލޯބިވެރިއާ އެފަދައިން އަހަންނާ ދޭތެރޭ ކަންތަށް ކުރީ ކީއްވެ ހެއްޔެވެ. މަކަރުން އެތަށް ކަމެއް ކުރި އިރު، އަހަންނާ ދޭތެރޭ ވިސްނާވެސް ނުލިއެވެ.

ކުޅަދާނަ އަންހެނެކެވެ. ދުވަހަކުވެސް ރުހުމުގެ ނަޒަރަކުން މި ފާއިޒުއެއް، ކަލެއަކަށް ނުބަލާނަމެވެ. ބޭވަފާތެރިންނަކަށް މައާފެއް ނެތެވެ.
އަހަންނަށް ރޮވޮނެވެ.
(ނިމުނީ)

– Dedicated to Afa –