”ވަފާތެރި ކެހިވެރިޔާ“

ބޮލުގައި ރިއްސާލީމަވެސް ޖަހާލަނީ ސިނގިރެޓެކެވެ. މަޖަލަކަށްވެސް ބޯލަނީ ސިނގިރެޓެކެވެ. ކަމަކާ ފިކުރު ބޮޑުވެ ބޯ ހަމަޖައްސާލަންވެސް ދަމާލަނީ ހަމަ ސިނގިރެޓެކެވެ. ހާސްވެ ކަންބޮޑުވީމަވެސް ހައްލަކީ ސިނގިރެޓެއް ބޯލުމެވެ.

ސިނގިރެޓެއް ބޯލުމަކީ އެ ބޯމީހުންނަށް ހިތްހަމަޖެހުމާއި އުފާވެރިކަން ގެނެސްދޭ ކަމަކެވެ. މިވެރިން ކިޔާގޮތަށް ”ފެގެއް“ ބޯލީމާ ހުރިހާ ކަމެއް ހަމަވީއެވެ.

ސިނގިރެޓަކީ އެމީހުންގެ އެއް އަތް ކަހަލައެވެ. އެއަށްވުރެ ވަފާތެރި، އެކުވެރިއެއް އެމީހުންގެ ނެތީއޭވެސް ހަމަ ހީވާ ކަހަލައެވެ. މިބީދައިން ސިނގިރެޓަކީ ކެހިވެރިއެކެވެ. އެމީހުުންގެ ހަތުރެކެވެ. ފުރާނައަށް އޮތް ބިރެކެވެ. ވީއިރު މިވާހަކަ ނުދައްކާ ފަރުޖެއްސޭނެ ހެއްޔެވެ؟
ސިނގިރެޓު ނުބޯންވީ އަދި ސިނގިރެޓާ ދުރައް ދާންޖެހޭ އެތަށް ސަބަބެއް މިއަދުގެ ސައިންސްވެރިންގެ ހޯދުންތަކުން އެއޮއްގެން ހާމަވަނީއެވެ.

ހަމަ މިއާއެކު ރާއްޖެއަށްބަލާއިރު، ރާއްޖެ އިން މަރުވާ މީހުންގެ 81 ޕަސެންޓް މީހުން މަރުވަނީ ގައިންގަޔަށް ނާރާ ބަލިތަކުގަ އެވެ. އޭގެ ގިނަ ބަލިތަކުގެ މައިގަނޑު އެއް ސަބަބަކަށް ދުންފަތް ވެ އެވެ.

ސިނގިރޭޓު ބުއިމާއި އޭގެ ދުމުން ކުރާ ނޭދެވޭ އަސަރެވެ. ކެންސަރާއި ހިތުގެ ބަލިތަކާއި ނޭވާލާނިޒާމަށް ކުރިމަތިވާ މައްސަލަތަކެވެ.

ފަރުވާއަށް އާސަންދައިން އެތައް މިލިއަން ރުފިޔާއެއް ހަރަދު ކުރަން ޖެހިފައިވާއިރު ގައުމު ބިނާކުރަން ތިބި ޒުވާނުން ވަނީ އެވަބާގެ ތެރޭގައި ބަނދެވިފަ އެވެ.

ފިކުރު ކުރައްވާށެވެ. ސިނގިރޭޓަކީ ވަފާތެރި، އެހެނަސްކެހިވެރިއެކެވެ.

ސިނގިރެޓާ ދުރުވާން ނަސޭހަތްތެރި ވަމެވެ. ގޮތް ނިންމާނީ ތިބޭފުޅުންނެވެ. އާދެ ސިނގިރޭޓު ބޯމީހުނެވެ.