ރީނާ

އަހަރެންގެ ހިތް ކުދި ކުދި ވަމުންދިޔައެވެ. މާޒީގެ އެ ހަނދާންތަށް ސިކުނޑި ތެރޭ އެނބުރެން ފެށުމުންނެވެ. އެ ހަނދާންތަށް ލޯ ކުރިމަތީ ފެންނަމުން ދިޔަ ކަހަލައެވެ. ކަރުނުން ދެލޯ ފުރިފައި ވާ ހާލު، އަހަރެން ހުރީ ފުންކަނޑެއްގެ ތެރެއަށް ފީނާލި ފަދައިން، އެ ޚިޔާލުތަކުގެ އެންމެ އަޑިއަށް ފީނާލައިގެންނެވެ.

އެއީ މީގެ ދެ އަހަރު ކުރިޔެވެ. އެއީ އަހަރެންގެ ހަޔާތުގެ އެންމެ އުފާވެރި ދުވަސްތަކެވެ. ސުކޫލު ދައުރުއްސުރެ ރީނާއާއި އެކީ އުޅުމުގެ ނަތީޖާ އަކަށްވީ، ދެމީހުން އެކަކު އަނެކަކު ދެކެ ލޯބިވުމެވެ. ދެމީހުން އެކީގައި ހަނދާނުން ނުފޮހެވޭހާ ގިނަ ދުވަސްތައް ގުނީމެވެ. ދެމީހުންގެ ދިރިއުޅުން ގުޅިލާމެހުނީ ދެހިތް ވެސް ރުހިގެންނެވެ. ރީންއާއި އެކީ ހޭދަކުރާ ކޮންމެ ސިކުންތަކީ އަހަރެންގެ ހިތް އުފަލުން ފުރާލާ ވަގުތުތަކަކަށް ވެގެން ދިޔައެވެ. އޭރު އަހަރެމެން ވަރަށް ގިނައިން ކިޔަމެވެ.

” ހިތް ކެނޑޭނޭހެ ތާކު ދާ ކޮންމެ ލިޔެވިފައިވޭ!
ހައިރާން ވެޔޭ …. ހައިރާން ވެޔޭ!
ވާލޯބި ނޭނގެންޏާ ހިތް ނަގައިގެން ބަލާށޭ އަމޭ! ”

ގްރޭޑް 10 ނިންމާ އަހަރެން މާލެ ބަދަލުވުމުން ހުރިހާ ކަމެއް ބަދަލުވިއެވެ. އަހަންނަށް ބަދަލު އަންނަންފެށިއެވެ. އާ ރައްޓެހިންނަށް ދިމާވިއެވެ. “ޙޮޓް ބިޓުން” އާއި ދިމާވިއެވެ. އޭލަވެލް ފެށީ އަހުމަދިއްޔާގައެވެ. އަންހެން ކުދިންނާއި ފްލާޓް ކުރެވެން ފެށިއެވެ. “މާލެ ސްޓައިލް” އަށް ކަންކަން ބަދަލުކޮށްލިއެވެ.

ރީނާއަށް އަޅާލެވޭ މިންވަރު ކުޑަވިއެވެ. މެސެޖު ކުރެވޭލެއް މަދުވިއެވެ. އެހެން އަންހެނުން ފަހަތުން ދުވެވެން ފެށުނެވެ. ހަގީގަތުގައި “ޕްލޭ ބޯއީ” އެއްގެ ދަރަޖައަށް އަހަރެން ވެެއްޓުނެވެ.

މިގޮތަށް އުޅުމުގެ ތެރޭގައި އަހަންނަށް ނޭނގުމެއްގެ ތެރޭގަައި ޖެއްސުނީ ރީނާގެ ވަރަށް ގާތް ރަހުމަތްތެރިއެކެވެ. އަހަރެން މިޑްޓާމް ބްރޭކަށް ރަށަށް ދިޔަދުވަހު، ރީނާ ދެއްކީ އަހަރެމެންގެ ކޮންވާޒޭޝަން ތަކެވެ. އަދި އަހަންނާއި އެކު އެންމެ ހިނދުކޮޅަކުވެސް ނޫޅެވޭނެ އޭ ބުނެ ރީނާ އަހަރެން ކުރިމަތިން ދިޔައީ ރޮވި ގިސްލަމުންނެވެ. ދިޔުމުގެ ކުރިން ނޯޓެއް ދިނެވެ. އެ ނޯޓް ކިޔާލުމުން އަހަރެންގެ ފައިދަށުން ބިންގަނޑު ދެމިގަންކަހަލައެވެ.

އަހަރެންނެތި އޭނާ އުޅުނު ހާލެވެ. ކުރި ހިތާމައެވެ. އަހަރެންގެ ހަބަރު ބަލަން ކުރި މަސައްކަތެވެ. ސުބުހާނަ ﷲ އެވެ. އަހަރެންގެ އަތުން ބީވެގެން އެދިޔައީ އަގުބޮޑު ޖަވާހިރެކެވެ. ހަޤީޤީ ލޯބިވެރިއެކެވެ. އަހަރެން މީ ކޮންކަހަލަ މީހެެއް ހެއްެެްޔެވެ؟ ލޯބީގައި އަހަންނަކީ އަނިޔާވެރިއެކެވެ.

އަހަރެމެން އަޑުއަހާ ގިނަ ލޯބީގެ ވާހަކަތައް ނިމެނީ ދެލޯބިވެރިންނަށް ވެސް އުފާވެރި ދުވަސްތަކެއް ފެށުމަށް ފަހުގައެވެ. ނަމަވެސް ހުރިހާ ލޯބީގެ ވާހަކައެއް އެއްގޮތަކަށް ނުނިމޭނެކަން އަހަރެންގެ ވާހަކައިން އިނގިއްޖެއެވެ. އަހަންނަށްވެސް ލޯބި ވެވުނެވެ. އަހަރެންނަށް ވެސް އިންތިހާޔަށް ލޯބި ލިބުނެވެ.

ނަމަވެސް ހިސާބަށް ވުރެ ހިތް މޮޅު މީހަކަށް އެކައްޗެއްވެސް ހައްގެއް ނޫނެވެ. އަހަރެންގެ ހަޔާތުން ލިބުނު ފިލާވަޅަށް ފަހު މިއެދުން ވެރިކަން ދޫކޮއްލަން މިއަދުން ފެށިގެން އަޒުމް ކަނޑައަޅައިފީމެވެ. މިއަދު އަހަރެން އަތުން ބީވެގެން މިދިޔައީ ދިރިއުޅުމުގެ އެއްބަޔެވެ.

ފެންވަރު އޮޅިގެން އަނެއްމީހާގެ ހިތް ރޮއްވާލާ މީހަކަށް ދުވަހަކުވެސް ހަމަޖެހުމެއް ނުލިބޭނެކަން މިއަދު އަހަރެންނަށް ވިސްނިއްޖެއެވެ. (ނިމުނީ)

Viber :9877233 I Zidhan

Facebook.com/zidern_mohamed