ނޫސްވެރިޔާ

މިއީވެސް، ހަޤީޤީ ހާދިޘާއެކެވެ. އަޅުގަނޑަށް ނޫސްވެރި ކަމަށް، ވަދެވުނު ގޮތުގެ ވާހަކައެވެ.

އެއީ 2016 ވަނަ އަހަރެވެ. “ދަރިފުޅާ، ޒިއްކޯ… ސްކޫލަށް ދާ ގަޑި ޖެހެނީ ދެންތެދުވެ” އާދުވަކަށް މަރުހަބާކީ މަންމަގެ ގޮވާލެއްވުމާއެކެވެ. އަވަހަށް ތެދުވެ ފެންވަރާ ރީތި ވެލައި، ރ. އަތޮޅު ވާދޫ ސުކޫލުގެ ޔުނީފޯމް އަޅާލީމެވެ. އަދި އާދައިގެ މަތިން ބައްޕައާއެކު ސައިކަލުގައި ސުކޫލަށް ދިޔައީމެވެ. އަޅުގަނޑަކީ ސްކޫލުގެ ޑެޕިއުޓީ ސުކޫލު ކެޕްޓަނެވެ. އަދި ބައްޕައަކީ ސްކޫލުގެ ލީޑިންޓީޗަރެކެވެ. ދެމީހުންވެސް ސުކޫލަށް ދާންޖެހެނީ އެއްގަޑިއަކުއެވެ.

ސުކޫލުގެ ގަޑިތަށް ފެށި ކިޔަވައިދިނުން ކުރިއަށްގޮސް، ދުވަހުގެ ރަސްމީ ގަޑިތަށް ނިމިއްޖެއެވެ. 12:45ގައި ސުކޫލު ނިންމާލާފައި ގެޔަށްގޮސް، ކައި ހަދަަައިލައިގެން، ތާޒާވެލައި، 01:15އަށް އަނެއްކާވެސް ސުކޫލަށް ދިޔައީމެވެ. އައިސީޓީގެ ނަމުގައި ނަގައިދޭ އިތުރު ގަޑިއަކަށެވެ.

އެއީ ގްރޭޑް ދިހައެއްގެ ފަހު ދުވަސްކޮޅެވެ. އައިސީޓީ ޓީޗަރާއި އަޅުގަނޑާ ވަރަށް ގާތްވާނެއެވެ. އަނެއްހެން ބުނަންޏާ ސުކޫލު އެންމެންވެސް ވަރަށް ގާތްވެފައި އެކުވެރި ވާނެއެވެ. ވާދޫ ސުކޫލު ސިފަކުރެވެނީ ދެވަނަ ގެެއެއްގެ ގޮތުގައެވެ. ކޮންމެއަކަސް އައިސީޓީ ގަޑި ނިންމާލައި އަޅުގަނޑު މަޑުކޮށްލީ ޓީޗަރާ ކުޑަކޮށް ވާހަކަ ދައްކާލާށެވެ.

ޓީޗަރު: “ކޮބާ ޒިދާން ވާދޫ ނިއުސް ހާދަ އަޕްޑޭޓެއް ނޫނޭ ދޯ؟”
ފުރަތަމަވެސް ޓީޗަރު ފެށީ ‘ރ.ވާދޫ ނިއުސ’ް ނުވަތަ މިހާރުގެ ނަމުންނަމަ ‘ރ. ވާދޫ އެމްވީ’ ގެ ވާހަކައެވެ. ކޮންމެސް ޖެއްސުމެއްކޮށްލުމަކީ އޭނަގެ އާދައެވެ. ދެމީހުންނަކީވެސް މިޒާޖުގެ ގޮތުން މަޖާ ދެމީހުންނީއާއެވެ. ‘ވާދޫ އެމްވީ”އަކީ ރަށުގެ ހަބަރާއި މައުލޫމާތު ގެެނެސްދޭ ފޭސްބުކު ޕްލެޓްފޯމްކެވެ. ގްރޭޑް 8ގައި ކިޔަވަމުން އަޅުގަނޑު ކުރަންފެށި މި މަސައްކަތަށް ގިނަ ބަަޔަކު ދިޔައީ މަލާމާތް ރައްދު ކުރަމުންނެވެ. މަޖަލަކަށް އެހެންއެއްޗެއް ބުންޏަސް މިކަމަށް އައިސީޓީ ޓީޗަރު ވަރަށް އެންކަރޭޖް ކުރެއެވެ.

“ދޯ” އެއްލާފައި އޮތް ސުވާލަށް އަޅުގަނޑު ޖަވާބު ދިނީ ހިނިތުން ވެލާފައެވެ.
އަޅުގަނޑު: “ބިޒީވީމައެއީ… މި ވިސްނަނީ މުޅިރާއްޖޭގެ ހަބަރު ގެނެސްދޭ ޕްލެޓްފޯމެއް އަމިއްލައަށް ސްޓާޓް ކުރަން.. ޓެން ނިމުނީމަ..”
ޓީޗަރު: “ހެހެ ބުރޯ ނުވާނެ…”

ހަމަ އެވަގުތު އަޅުގަނޑު އަޒުމް ކަނޑައެޅީމެވެ. ވާނެކަން ސާބިތުކޮށްދޭނަމެވެ. ކޮންމެ ކަމެއްވެސް ވާނެއެވެ. ބޭނުމީ ނުގުޑާ އަޒުމެކެވެ.

ވާދޫ ސުކޫލުން އޯލެވެލް ނިންމާ 2017 ވަނަ އަހަރު މާލެ ބަދަލުވީމެވެ. އަދި މަތީ ތައުލީމަށް އައިޓީގެ ރޮނގުން ކިޔަވަމުންދިޔައީމެވެ.

ވަޒީފާއެއްގެ ގޮތުން ކުރާނެ ކަމަކަށް ހިތަށް އައީ ނޫހަކަށް ލިޔުމެވެ. އަބަދުވެސް “ހަބަރު” ބޮލުތެރޭ އެނބުރޭތީ ތޯއްޗެކެވެ. ރައްޓެއްސެއްެގެ އެހީއާެއެކު “ދުވަސް އެމްވީ” އަށް ޖޮއިންކުރީ ނޫސްވެރި ކަމަށް އޮތް ލޯތްބެއްގެ ބޮޑު ކަމުންނެވެ. މިއީ ފެށުމެވެ. ދުވަސްތަށް ފާއިތުވީ ހަލުވި ކަމާއެކުއެވެ. ނޫސްވެރި ގާތްގަނޑަކަށް މަހެެއްހާ ދުވަހު “ދުވަސް”ގައި މަސައްކަތް ކުރީމެވެ. ވަރަށް ގިނަ އެއްޗެހި ދަސްކުރެވުނެވެ. ދުވަސްގެ އިތުރުން ރަހުމަތްތެރިއެއްގެ ސައިޓެއް ކަމަށްވާ ” ފާނޫޒް އެމްވީ”އަށް ވެސް އައީ ލިޔަމުންނެވެ. “ފިރިހެނުންނަކީ އަންހެނުންގެ އޭޓީއެމެއް ނޫން” މިނަމުގައި ލިޔުނު އާޓިކަލް އަކުން އަޅުގަނޑު ވަރަށް ޕްރޮމޯޓްވިއެވެ.

ދުވަސް” ން ވަކިވެ ދެން މަސައްކަތް ކުރަންފެށީ “ހަލި ނިޔުސް” ގައެވެ. އަދި އަދައްދާންވެސް މި މަސައްކަތް ކުރަނީ “ހަލި ނިޔުސް” ގައެވެ.

އިނގޭ ހެއްޔެވެ؟ ﷲ ގެ އިރާދަފުޅާއެކު، ރަހުމަތްތެރި ދައްތައަކާއެކު އަމިއްލަ އޮންލައިނެއް ފަށަން މިހާރު ވަނީ ތައްޔާރުވެފައެވެ. ވެބްސައިޓްގެ މަސައްކަތްވެސް ނިމިއްޖެއެވެ. މިއަދު އަޅުގަނޑުވާނީ މުޅި ރާއްޖޭގެ ހަބަރު ގެނެސްދޭ އޮންލައިން ނޫހެއްގެ “ކޯ ފައުންޑާރ” އަށެވެ. އަދި ރ. ވާދޫގައި ހުރި ހަމައެކަނި މިފަދަ “ނޫސްވެރިޔާ” އެވެ.

“ނުވާނެއޭ” ބުނި މީހުންނަށް ވާނެކަން ސާބިތުކޮށްދީފީމެވެ.

Viber: 9877233 for any important comments and Questions regarding my writings and me.