ޖިންނި ބުޅާ

ކުއަލި އަކަށް ވާރޭގެ އަޑާއެކު އިވުނު އަޑުގެ ސަބަބުން އަޖްމަލް އާއި އިވްލާން ގެ ހަތަރެސްފައި ކޮޅައް ޖެހި ގައިން ހީބިހި ހިލުވާލިއެވެ.

ވާނުވާއެއް ނޭނގިފައި ތިބި ދެ ޒުވާނުންނަށް ވެސް ބަލާލެވުނީ އެކަކު އަނެކަކުގެ މޫނަށެވެ.ތެޅި ތެޅި އޮތް ހިތާއިއެކު ވެސް އިވްލާން މިސްރާބު ޖެހީ ބަދިގެއާއި ވީ ދިމާއަށެވެ.އެއީ އެ އަޑު އެއައީ އެދިމާއިން ކަމަށްވެފައި މަންމަ ވެސްވީ އެތާނގައި ކަމަށްވާތީވެ.ނަމަވެސް ފަސްފަހަތުން އަޖްމަލް އަންނަ ކަމެއް އިވްލާން އަކަށް ރޭކާވެސް ނުލައެވެ.

ބަދިގޭގެ ދޮރުން އެތެރެއަށް ބޯދިއްކޮއްލިއިރު އިވްލާންގެ މަންމަ އިނީ ދެފައި މައްޗައް ތިރިވެ ވެރިފައިވާ ތެލިތައް ނަގާށެވެ.

“ކިހިނެތް ވެފަ މިއޮތީ..”އަޖްމަލް އައިސް އިވަލާން ގެ ކަންފަތް ބުޑުގައި ބުނެލިއެވެ.ބިރުން ހުރި އިވްލާން އަށް ހުރެވުނު ތަން ވެސް އޮޅުނު ކަހަލައެވެ.އައި ރުޅީގައި ގޮސް އަޖްމަލް ގެ ގައި ގައި ބޮނޑިއެތް އެޅިއެވެ.

“މަންމާ…ކިހިނެއް ވީ…ކީއްވެ ތެލިތައް ވެރިފައި މިހުރީ…”އިވްލާން އިށީނދެފައި ވެރިފައިވާ ތަށިތައް އޭނާގެ މަންމަ އަށް ނަގާދޭން ފެށިއެވެ.

“މީ….މަންމަ އަށް ވަލުފަރާތުން ކަޅު ބުޅަލެއް ފެނިގެން…މަންމަ ސިއްސާގެން ދިޔައީ…އާން އަޖްމަލް..މި ތަށައް މަންމަ އަށް ގެންގޮސްދީ!!..”އިވްލާން ގެ މަންމަ     ކަމަށްވާ މާއިދާ އަޖްމަލް ގެ ދަބަހައް ތަށިތައް ލަިދިނެވެ.އެއީ ތަން ކޮޅެއް ކުރިން އަޖްމަލް ގެ މަންމަ މާއިދާ އަށް ރިހަ އާއި ބޮނޑިބަތް ގެނެސްދިން ތަށި ތަކެވެ. މާކަ ބޮޑު ކަމެއް ވެފައި ނެތުމުން އިވްލާން ގެ ގުޑިގުޑި އޮތް ހިތައް ކިރިޔާވެސް ހަމަޖެހުމެއް ލިބުނެވެ.

“ދެން ދަނީ..”ކުރެވުނު ކަންތަކުގެ ސަބަބުން އަޖްމަލް އަށް އަދިވެސް ހެވެނީއެވެ.