ގާދޫ

އެއީ 2017 ވަނަ އަހަރުގެ ޑިސެންބަރ މަހުގެ ދުވަހެކެވެ. އަހަރެން ވެލާނާ އިންޓަރނޭޝަނަލް އެއާޕޯޓަށް ދިޔައީ ކައްދު އަށް ދިއުމަށްޓަކައެވެ.ކަންދިމާކުރިގޮތުން ޖާގަ ލިބިފައި އޮތީ ސީދާ ކައްދުއަށްދާ ފުލައިޓަކުންނެވެ. ނަމަވެސް 2:00 ވީއިރު ބޯޑިންގ އަށް ވަތްގޮތަށް ފުލައިޓް “ޑިލޭ”ވަމުން ގޮސް ފުރޭވަރުވީ 4ޖެހިފަހުންނެވެ.އެހެންކަމުން މުޅިމީހާ ހުރީ ފޫހިވެގެންގޮސް ހަލާކުވެފައެވެ.ފުލައިޓްގައި ދަންނަ އެކަކުވެސް ނެތެވެ.ކުރާނެ ކަމެއް ނެތެވެ.45މިނެޓެއް ހާއިރުގެ ދަތުރަކަށް ފަހު ކައްދުއަށްވެސް އާދެވިއްޖެއެވެ.މަޑުކުރީ ދައްތައެއް ކައިރީގައެވެ.
އަހަރެން މިދަތުރު އައީ ލާމު އަތޮޅު ބަލާލުމަށްޓަކައެވެ.
އަހަރެން ގާދުއަށް ފުރީ އޭގެ ހަފްތާ އެއް ފަހުންނެވެ.ލާމު އަތޮޅަށް އަހަރެން ވަރަށް ގިނައިން އަންނަމެވެ.ނަމަވެސް ގާދު އަށް އެރަށް ފަ ޅުވުމުގެ ކުރިން ދިޔައީ އެންމެ ފަހަރެއްގައެވެ.މިފަހަރު މިދަނީ ދައްތަމެން އެރަށް ބަލައިލަން ދާދަތުރެއްގައެވެ..އެރަށަކީ ރާއްޖެއިން އެންމެ ފަހުން ފަޅުވިރަށެވެ.އަމާން އޮމާން ދަތުރަކަށްފަހު އަހަރުމެން ދަތުރުކުރި ޑިންގީ ގާދުއަށް ލެފިއިރު އަހަރުމެނަށް މަރުހަބާ ކިޔަށް މުޅި އަތިރިމަތީގައި އެރަށުގައި މިހާރު ދިރިއުޅޭ “ސިފައިން” ތިއްބެވެ.ރަށުތެރެއަށް އެރިއިރު ކުރީގެ ގާދު އާއި މުޅިން.ތަފާތެވެ.ރީތިމަގުތައްވަނީ ވިނަފަޅައި ޖަންގަލި ހެދިފައެވެ.އެއީ ހީކުރި ގޮތެއްނޫނެވެ.ގެތަކާއި ސުކޫލާއި މިސްކިތާއި އެހެނިހެން.އިމާރަތްތަކުގެ ތެރެވެސް ވަނީ އެ ފެހި “ގާޑުން”ހިމާޔަތް ކޮށްފައެވެ.ހިނގަމުން ހިނގަމުން ގޮސް ރަށުގެ ފިތުރޯނުގަސްތަކާއި ހަމައަށް އާދެވިއްޖެއެވެ.އެހިސާބުން ކުރީފަހަރު އެރަށަށް އައި އިރުގެ ގަނދާންތަކެއް ހިތައް ވެރިވެގެންފިއެވެ.އެދުވަހަކީ އީދެއްގެ ތެރެއިން ދުވަހެކެވެ. އޭރު މީސްކޮޅުމަދުނަމަވެސް އެހިސާބުގަނޑު އެއްކޮށްވަނީ ސާފުކޮށްލާފައެވެ.އެތާނގައި އޮންނަ ފުޓްބޯޅަ ދަނޑުގައި ޒުވާން ކުދިންތަކެއް ދިޔައީ ފުޓްބޯޅަ ކުޅެމުންނެވެ.ފެންނަމުން ދިޔައީ ވަރަށްވެސް އެކުވެރި މާހައުލެކެވެ. ނަމަވެސް މިއަދު މިވަނީ ރަށް ފަޅުވެފައެވެ……..
އެރަށަކީ ވެލައި އަރާކަމަށް މަޝްހޫރުވެފައިވާ ރަށެކެވެ
.ވެލާ ހިފުމަކީ ސަރުކާރުން މަނާ ކޮށްފައިވާ ކަމަކަށްވިނަމަވެސް މީހުން އެރަށަށްގޮސް ވެލާހިފައެވެ. ނަމަވެސް އެރަށް ފަޅުވިފަހުން އެކަންކުރާމީހުންދަނީ ދުވަހެއް ދުވަހަކަށް މަދުވަމުންނެވެ.މިދަތުރުގައި ވެލާ އަރާ ސަރަހަށްދަށްވެސް ގޮސްލީމެވެ. ކައިރީގައި ހުރި ދައްތައެއް ބުނި ގޮތުގައި ރަށުން ފާޑު ފާޑު އަޑުތައް މީހުނަށް އިވޭވާހަކަ ދައްކައެވެ…
މިހާރު އެންމެބޮޑަށް މިރަށުން ދިމާވި މައްސަލައަކީ “ކަޅު ސިފައިން” ދޭ ހަމަލާތަކެވެ.ހީވަނީ ލޭކޮޅު ހުސްކޮށްލައިގެންދާހެނެވެ.
މިރަށު މީހުންވާނެ ދެރައާއި ކުރާނެ ހިތާމަ އަންދާޒާ ކުރެވޭނީ “އެކަހަލަ”ކަމަކާ ދިމާވުމުންނެވެ…
ކައްކައިގެން ކައިގެން ރަށަށް ފުރަން އައި އިރުވެސް “ސިފައިން” އަލްވަދާއު ކިޔަން ތިއްބެވެ..
ގައިމެ ތިއޭ ނަލަ ރަށެކޭ ..
ވާނެޔޭ ހަނދާން ތިބާގެ މަތިން..