ސިއްރުން މިހިތާ ކުޅެނީހޭ (އަށާވީސްވަނަބައި)

“ޔަން” މިކްޔަން ހުއްޓުން އެރީ ޔާނާ ގޮވާލިއަޑު އިވުމުންނެވެ.

**********************************

މިކްޔަން މަޑުމަޑުން ޔާނާގެ ކޮޅަށް އެނބުރުނެވެ. މިކްޔަންއަށް ފުންނޭވާއެއް ބޭރުކޮށްލެވުނީ ޔާނާގެ ލޯމެރިފައި އޮތުމުންނެވެ. “ޔަން ޔަން” އޭރުވެސް ޔާނާ ދިޔައީ މިކްޔަންއަށް ގޮވަމުންނެވެ. މިކްޔަން ގޮސް ޔާނާގެ ބޮލުގައި ފިރުމާލިއެވެ.

ފަތިސް ވާން ކައިރިވުމުން މިކްޔަން މަޑު މަޑުން ބެލްކަނީގެ ދޮރު ލައްޕާލާފައި ނިކުތެވެ. އެއަށްފަހު މަޑުމަޑުން ހޮޅިއަށް ފައިލައި ފޭބިއެވެ. މަޑުމަޑުން ފޭބުމަށްފަހު ދިޔުމަށް އެނބުރިލި މިކްޔަން ސިހުނީ ކުރިމަތީ އަނގަބޮޑުވެ އާގަމަ ވެފައި އެއްފަހަރު ހޮޅިއަށް އަނެއްފަހަރު މިކްޔަންއަށް ބަލަން ހުރި ޒިޔާދު ފެނިފައެވެ.

“މިކްޔަން؟” އަނގަ ލައްޕާލާފައި ހިންދިރުވާލުމަށްފަހު ޒިޔާދު ބުނެލިއެވެ. “މި މި ޔާނާ” މައްޗަށް އިޝާރަތްކުރަމުން މިކްޔަން އަޅައަޅައިގަންނަމުން ބުނެލިއެވެ. ޒިޔާދު އޯހް އޭ ބުނެލުމަށްފަހު ތުންފިއްތާލިއެވެ. އެއަށްފަހު ހޭންފެށިއެވެ. ފާޑަކަށް ޒިޔާދުއާ ދިމާލަށް ބަލަން ހުރުމަށްފަހު މިކްޔަންވެސް ހިނިތުންވެލިއެވެ.

“އަހަރެން ކައިރި ބުނި ނަމަވެސް ދޮރު ހުޅުވައިދިނީމުސް” ޒިޔާދު ހަމަޖެހިލަމުން ބުނެލިއެވެ. “ޔާނާ އަހަރެންނާ ދިމާލަށް ބަލައިވެސް ނުލާނެ ޔާނާއަށް އިނގިގެން ވަންނަންޏާ. އެކަމް ކެތްނުވީ ދަރިފުޅު ބަލައި ނުލައި” މިކްޔަން ސީރިއަސް ވެލާފައި ބުނެލިއެވެ. “އަދި އިރާދަކުރެއްވިއްޔާ ހުރިހާކަމެއްވެސް ރަނގަޅުވާނެ. ޔުއާން ވައްތަރީ މިކްޔަންއާއޭ. ފެނުންތަ؟” ޒިޔާދު އަހާލިއެވެ. “އަސްލުވެސް ޔުއާންތަކީ؟” މިކްޔަން އަވަސް އަވަހަށް އަހާލިއެވެ.

“އާން. ނާސިހް މެނަށްވެސް އިނގޭނެ. ނުބުނޭތަ؟” ޒިޔާދު ހައިރާންވެފައި އަހާލިއެވެ. “ބައްޕަމެން ޔާނާމެންގެ ވާހަކަ ނުދައްކާނެ އަހަރެން ކައިރި. ދެރަވެދާނެތީ ކަންނޭގެ”
މިކްޔަން ބުނެލިއެވެ. ޒިޔާދު ފަނޑުހިނިތުންވުމެއް ދިނެވެ. “ދަނީ އިނގޭ.” މިކްޔަން މިހެންބުނެ ހިނިތުންވެލިއެވެ. މިކްޔަން ދާން ހެދުމުން ޒިޔާދު މިކްޔަންގެ ކޮނޑުގައި އަތްވިއްދާ ހުއްޓުވިއެވެ. “ދެންވެސް މިހޮޅިން އަރަން ނޫޅެތި. އަހަރެން ކައިރި ބުނެފަ އާދޭ. ދޮރުހުޅުވަދޭނަން” ޒިޔާދު މިހެނ ބުނުމުން މިކްޔަން ހިނިގަނޑަކާއެކީ ބޯޖަހާލިއެވެ.

މިކްޔަން ދިޔަދިމާލަށް ބަލަން ޒިޔާދު ހުއްޓެވެ. ޔާނާއަކީ މިކްޔަންގެ އަނބިމީހާއެވެ. އެހެންވެ މިކްޔަން އެކޮޓަރިއަށް ވެއްދިޔަސް ހެޔޮތާއެވެ. އެތާ އިރުކޮޅަކު ޒިޔާދު ހުރީ ޔާނާގެ ދިރިއުޅުމާމެދު ވިސްނާށެވެ. ޔާނާއަށް ވިސްނޭނެ ނަމައެވެ. ކުރީގައި މިކްޔަންދެކެ ފޫހިވިޔަސް މިހާރު ޒިޔާދުއަށް މިކްޔަން ޔާނާ ދެކެ ލޯބިވާވަރު އިހްސާސްވެއެވެ.

*******

އެނދުގައި އޮތް މިކްޔަންގެ މޫނުމަތީ ވަނީ ހިނިތުންވުމެވެ. ޔުއާން އަދި ޔާނާގެ މޫނު ފެނުމުން އޭނާ ހާދަ ހިތްހަމަޖެހިއްޖެއެވެ. އަދި ޔާނާ އެމީހުންގެ ދަރިފުޅަށް ކީ ޔުއާންކަން އިނގުމުން އެހިތް އުފަލުން ނަށާލިއެވެ. ނަމަވެސް ޔާނާގެ ލޯބިދެން އޭނާއަށް ނުލިބޭނެކަން އިނގޭ ކޮންމެފަހަރަކު އެހިތަށް ވޭންލިބިގެން ދެއެވެ.

*******

ހެނދުނު ހޭލި ޒާއިން ފެންވަރާލުމަށްފަހު ބޭރަށް ނިކުމެލީ ހިނގާލުމުގެ ނިޔަތުގައެވެ. ހިނގަމުން ދިޔަ ޒާއިން ލާރާމެންގެ ގެ އިންނަ މަގަށް އެޅީ ކޮންމެހެން ލާރާ ފެންނާނެކަމަކަށް ނޫނެވެ. ނަމަވެސް ރުފިޔާއެއް އަތަށް ލައިގެން ނިކުމެގެން ހިނގަން ފެށި ލާރާ ފެނި ޒާއިންއަށް އެދިމާލަށް ދެވުނީ ބޭއިހްތިޔާރުގައެވެ.

“ލާރާ” ޒާއިން ގޮސް ލާރާއަށް އެއްވަރުކޮށްލިއެވެ. ލާރާއަށް ޒާއިން ފެނުމުން ހިނގުން ބާރުކޮށްލިއެވެ. “ތި ދޫބުރިވެގެނެއް ނުދާނޭ އަހަރެންނާ އަނގައިން ބުނެލިޔަކަސް” ޒާއިން މިހެން ބުނުމުން ލާރާ ހުއްޓުނެވެ. “ޒާއިން ކީއްވާނީ އަހަރެންނާ ދުރުން އުޅުނިއްޔާ.” ލާރާ ހަށަން ބަދެލަމުން ބުނެލިއެވެ. ޒާއިންއަށް އަށް ހިތްހަމަޖެހުން ލިބުނީ ލާރާ ވާހަކަ ދެއްކުމުންނެވެ.

“ނުދާނަން ދުރަކަށްވެސް. އަބަދުވެސް ލާރާގެ އިންތިޒާރުގައި ހުންނާނީ. ބުނަންތަ ވާހަކައެއް. އަދިވެސް އަހަރެން ވަރަށް ލޯބިވޭ” ޒާއިން އެއްފަށްޗަކަށް އަމުނާލިއެވެ. “ވަޓް. ތިބުނީ އަދި މެރީ، މިބުނީ ކުއްޖަކާ” ލާރާ މިހިސާބަށް ބުނިތަނާ ޒާއިން ބޯޖަހާލިއެވެ. “އެކަމް އަހަރެންނަށް ޒާއިންގެ ޕާޓްނަރ އަކަށް ވެވޭކަށް ނެތް”

“ކީއްވޭހޭ” ޒާއިން އަސަރާއެކީ ބުނެލިއެވެ. “ދޮންތައަަށް އޭރުން ދޮންތަބެގެ މަތިން ހަނދާންވާނީ. އެންޑް އަހަރެން ބޭނުމެއް ނޫން އެހެންވާކަށް” ލާރާ ބުނެލިއެވެ. “އަހަރެންގެ ދޮންބެ ވަރަށް ލޯބިވޭ ދޮންބެދައްތަ ދެކެ”

“ހަހް. އެހެންވެ ދޯ އެކްޓް ޖެއްސީ” ލާރާގެ އަޑުގައި ވަނީ މަލާމާތެވެ. “އާން އަހަރެންގެ ދޮންބެ ހިތުލީ އެކްޓް ޖައްސަން. އެކަމް ދޮންބެ އަކަށް ނުވި. އެހިތުގައި ދޮންބެދައްތައަށް ލޯބިއުފެދުނީ އެޔެއް މިޔެއް ބަލާފައެއް ނޫން. ލާރާ ބުނެބަލަ އެދެމީހުން އެކީގައި އުޅުން އިރު ދޮންބެގެ ލޮލުން ފެނުނީ ދެއްކުންތެރިކަންތަ؟ ނޫން. ދޮންބެދައްތައަށްޓަކައި ލޯބިފެންނާނީ” ލާރާ ދުރުބަލާލީ ބުނާނެ އެއްޗެއް ނޭގުމުންނެވެ. “ދޮންބެ މިވީ އެއް އަހަރު ތެރޭގައި އެއްވެސް އަންހެން ކުއްޖަކަށް ބަލައިނުލައި ހުންނާނީ ކީއްވެ. ކޮންމެދުވަހަކު ދޮންބެ ދައްތަގެ ފޮޓޮއަށް ބަލާފައި ރޮނީ އެކްޓް ކުރީމަތަ؟ ކޮންމެދުވަހަކު ކޮފީއަކުން މުޅި ދުވަސް ދުއްވާލަނީ ދޮންބެދައްތަ ދެކެ ލޯބިނުވާތީތަ؟ ކޮންމެދުވަހަކު ޔުއާންގެ ފޮޓޯތައްބަލާފައި އަހަރެންގެ ކުރިމަތީ ރޮނީ އެހިތުގައި ދޮންބެ ދައްތަދެކެ ލޯބި އޮތީމައެއް ނޫންތަ ލާރަ؟ ބުނެބަލަ” ލާރާ ޒާއިންއަށް ބަލަން ހުރީ ގަބޫލު ނުކުރެވުމުންނެވެ. “ލާރާ، ދޮންބެ އަދިވެސް އެހެރީ ދޮންބެ ދައްތަގެ އިންތިޒާރުގައި.” ޒާއިން މަޑުމައިތިރި ކަމާއެކީ ބުނެލިއެވެ. “ތިހެންވިއްޔާ ދޮންތަ އާ ދޮންތަބެ ގުޅުވަބަ” ލާރާއަށް ބޭއިހްތިޔާރުގައި ބުނެލެވުނެވެ. “އަހަރެންވެސް ބޭނުންވޭ ތިގޮތް” ޒާއިން ބުނެލިއެވެ. “ދެން ޓްރައި ކޮށްބަލަ”

“އޭރުން އަހަރެންނަށް ކޮންފައިދާއެއް” ލާނެތްކަމާއެކީ ޒާއިން ބުނެލިއެވެ. “އައިމް ރެޑީ ޓު ބީ ޔުއާސް” ލާރާ މިހެން ބުނެލުމަށްފަހު އެތަނުން ދިޔައިރު އެމޫނުމަތީ ވަނީ ހިތްހަމަޖެހުމެވެ.

ލާރާ ދިޔުމުން ޒާއިން އަމިއްލަ ބޮލުގައި ހިފަހައްޓާލިއެވެ. ލާރާ ކައިރި ބުނެލަން ފަސޭހަ ވިޔަސް އޭނަ މިކްޔަން އަދި ޔާނާ ގުޅުވާނީ ކިހިނެއް ހެއްޔެވެ. މިކްޔަންއާ ވާހަކަދައްކަން ވީއެވެ. ޒާއިން އެނބުރި ގެއާ ދިމާލަށް ހިނގައިގަތެވެ. އޭނާގެ ލޯބި ހާސިލްކުރެވޭނީ މިކްޔަން އަދި ޔާނާ ގުޅުމުންނެވެ.

******

ދެލޯހުޅުވާލި ޔާނާ ކުއްލިއަކަށް ތެދުވިއެވެ. އެއަށްފަހު ރޭގާފެނުން ހުވަފެން އޭނާގެ ލޯކުރިމަތީ ސިފަވެގެން ދިޔައެވެ. މިކްޔަން އައިސް އޭނާގެ ތުންފަތަށް ބޮސްދިން މަންޒަރެވެ. ޔާނާ އަމިއްލަ ތުންފަތުގައި އިނގިލި ޖައްސާލިއެވެ. އޭނާއަށް އެ ހަގީގަތެއްކަމަށް ހީވަނީ ކީއްވެބާއެވެ. ޔާނާ ދެފަރާތަށް ބޯހޫރާލިއެވެ. އެއަށްފަހު ޔުއާންއަށް ބަލާލިއެވެ. ޔާނާ ސިހުނީ ޔުއާން ދެލޯ ބޮޑުކޮށްގެން އޮތީމައެވެ. ޔާނާ ބަލާލުމުން ޔުއާން ހީލިއެވެ.

******

މިކްޔަން ފުރޮޅިލާފައި ދެލޯ ހުޅުވާލިއެވެ. މިކްޔަންއަށް ހަޅޭލަވައި ގަނެވުނީ އެނދުގެ މަގަތުގައި އިށީއިނެގެން ފޯނާ ކުޅެން އިން ޒާއިންފެނިފައެވެ. ޒާއިންވެސް ކުއްލިއަކަށް ތެދުވިއެވެ. “ކީއްވީ.” ޒާއިން އަށް އަހާލެވުނެވެ. “ޒާއިން.. ކީއްވެ ތިހިރީ މިތާ” މިކްޔަން ހަމަޖެހެމުން އަހާލިއެވެ. “ވާހަކައެއް ދައްކަންށެއްނު” ޒާއިން އަނެއްކާ އެނދުގައި އިށީއިނދެލިއެވެ.

“ތިދައްކާ ވާހަކަ އެއް ދައްކަބަލަ”

“ދޮންބެދައްތަ އޯކޭ ކުރުވާކަށްވެސް ނޫޅޭނަންތަ؟” ޒާއިން މިހެން އަހާލުމުން މިކްޔަން ދެފަރާތަށް ބޯހޫރުވާލިއެވެ. ޒާއިން އެއައީ އެވާހަކަ ދައްކަން ހެއްޔެވެ. “ދޮންބެ ކިހިނެއް؟ ޔާނާ އޯކޭއެއް ނުވާނޭ” މިކްޔަން ބުނެލީ ސީލިންގްއަށް ބަލަން އޮވެއެވެ. “ކަލޭނޭ ޓްރައި ވެސް ނުކުރާނަންތަ؟”

“ކަލޭނޭ ކިތަންމެ ބޭނުންވިޔަސް ނުވާނޭ” މިކްޔަންވެސް ޒާއިން ބުނެލި ރާގަށް ބުނެލިއެވެ.

“ދޮންބެދައްތަ އޯކޭ ކޮށްލާނީ. ފީލްކޮށްދީބަ ދޮންބެ ލޯބިވާވަރު. އެންޑް ނަޝްވާ އުޅެނީ ޒިޔާންއާ ކައިވެނި ކޮށްގެން ކަންވެސް. އެލޯބި ހޯދުމަށް ޓްރައި ކޮށްބަލަ.”

“ހޫމް ބިރުގަންނަނީއޭ ޔާނާ އަނެއްކާ ރުޅިއައިސްގެން މިތަނުން ގޮސްދާނެތީ”

“ސާބަސް. ދޮންބެގެ ލޯބިހޯދަން ދޮންބެއަށް ޓްރައި ނުކުރެވޭނީ ކީއްވެ. އަދި އެއަކީ ދޮންބެގެ ވައިފްއޭ. ދޮންބެގެ ދަރިފުޅުގެ މަންމަ. ޔުއާން އަށް ދޮންބެގެ ލޯބިވެސް ބޭނުންވާނޭ”

މިކްޔަން ވިސްނާލިއެވެ. ތެދެކެވެ. “ހޫމް ބުނެބަލަ ދޮންބެ ހަދާނެ ގޮތެއް.” މިކްޔަން މިހެން ބުނުމުން ޒާއިން އެނދުގައި ޖައްސާލިއެވެ. “ތި ދޮންބެގެ ކަމެއް. ދޮންބެ އެކަނި ކުރާނެ ކަމެއް ވިސްނާ” ފޮނިވެލާފައި ޒާއިން ބުނެލިއެވެ. “ބަލާލަ އެހާވަރަށް ކިޔާދީފަ އެއްމެ މުހިއްމު ކަންތައް ކޮށްދޭށޭ ބުނީމަ ބޮލުން ކަޓުވާލިވަރު” މިކްޔަން ބާލީހެއް ނަގައި ޒާއިންއާ ދިމާލަށް އެއްލަން އުޅުނެވެ. ނަމަވެސް ޒާއިން އަވަހަކަށް ތެދުވެ ދުވެފައި ގޮސް އެކޮޓަރިން ނިކުތެވެ.

މިކްޔަން ބާލީހުގައި ބައްދާލިއެވެ. އޭނާގެ ހިތުގައި ޔާނާ އަނބުރާ އެގެއަށް ގެނައުމުގެ ވަރުގަދަ އަޒުމެއް ކަނޑައެޅިއެވެ.

*******

ޔާނާ ފޫހިވެގެން ކޮޓަރީގައި ޓީވީ އަޅުވާލައިގެން އިނީ ގޭގައި އެކަކު ވެސް ނެތުމުންނެވެ. ޔުއާން ތަށިމުށިމަތީ ފިރުކިލަފިރުކިލަ ހުއްޓެވެ. އިރުކޮޅެއް ފަހުން ޔުއާން ރޯންފެށީއެވެ. ހީވާގޮތުން އޭނާވެސް ފޫހިވީއެވެ. ޔާނާ ޓީވީ ނިއްވާލުމަށްފަހު ޔުއާން އުރައިގެން ނިކުތީ ސިޓިންގްރޫމް އަށް ދިޔުމުގެ ގަސްތުގައެވެ.

ދޮރު ލައްޕާލުމަށްފަހު ސޯފާއާ ދިމާލަށް ހިނގަމުން ދިޔަ ޔާނާ ވާހަކަ ދައްކަންފެށިއެވެ. “ދަރިފުޅުވެސް ފޫހިވީދޯ. މަންމިވެސް. ދެން ބުނެބަލަ ކީއް” ޔާނާގެ ވާހަކަ ހުއްޓުނީ ސޯފާގައި ފުރަގަސްދީގެން އިން މީހަ ފެނުމުންނެވެ. އޭނާގެ އިސްތަށިކޮޅުފެނުމުން ޔާނާގެ ހިތް އޮބިނޯންނަވަރަށް ތެޅެން ފެށުނެވެ. އެއަކީ އެހަމަ އެ އިސްތަށިކޮޅެވެ.

ސޯފާގައި އިން މިކްޔަން ކޮޅަށް ތެދުވެ ޔާނާއާ ކުރިމަތިލިއެވެ. ޔާނާއަށް ހިންދިރުވާލެވުނެވެ. މިކްޔަން ހިނގާލާފައި ގޮސް ޔުއާން އުރާލިއެވެ. ޔާނާއަށް ޔުއާން ނެގިކަންވެސް ނޭނގޭފަދައެވެ.

“ބައްޕަގެ ދަރިފުޅު.” މިކްޔަން ޔުއާންގެ މޫނުގެ އެކިތަންތާ ބޮސްދޭންފެށިއެވެ. ޔާނާ އަށް ހަމަހޭވެރިކަން ވީ މިކްޔަން އެހެންބުނެލުމުންނެވެ. ޔާނާ އަވަސް އަވަހަށް ޔުއާން ޖަހައިގަތެވެ. “މީ އަހަރެންގެ ދަރިފުޅު. ދާންވީ މިތަނުން. މިތަނަށް މިކްޔަން ކައިރި އަންނާށޭ ބުނީ ކާކު؟”

“މީ އަހަރެންގެ އަނބިމީހާގެ ގެ. އަހަރެން ބޭނުން އިރަކުން އަންނާނަން” މިކްޔަން ޖެހިލުމެއް ނެތި ބުނެލިއެވެ.

ޔާނާ ތުންފިއްތާލީ ރުޅިއައިވަރުންނެވެ. “އަދި ވެސް އުޅެވުނު ގޮތާމެދު ލަދުވެތި ކަމެއް ވެސް ނެތީ ދޯ. ޖަސްޓް ލީވް” ޔާނާ ދޮރާ ދިމާލަށް އިނގިލި ދިއްކޮށްލަމުން ހަޅޭލަވައިގަތެވެ. “ޔާނާ ޔުއާން ކުރިމަތީ ހަޅޭލަވާކަށް ނުވާނެ”

“މިކްޔަންއާ ހެދިންނެއްނު. ދާންވީ މިތަނުން” މިފަހަރު ޔާނާ ބުނެލީ މަޑުންނެވެ.

“ޔާނާ އަހަރެންނަށް މާފްކުރާނީ އަހަރެން ކީއްކުރީމަ”

“ނުކުރާނަން. ދުވަހަކުވެސް ނުކުރާނަން” ޔާނާ ފަސްއެނބުރި ހިނގައިގަތެވެ. މިކްޔަން ހުރީ ދޫކުރާ ގޮތަކަށް ނޫން ކަމުން މިކްޔަން ގޮސް ޔާނާގެ ކުރި ބެއްދިއެވެ. އެއަށްފަހު ޔާނާގެ މޫނުގައި އެއްއަތް ޖައްސާލީ އެއްޗެކޭ ބުނުމަށެވެ. ނަމަވެސް ކުޑަކުޑަ ޔުއާން ހަޅޭލަވައިގަންފައި އަތް ގެންގޮސް ޔުއާންގެ ކޮލުގައި ހިފާ ވިކާގަތެވެ.

މިކްޔަން އާހް އޭ ކިޔާ ކުޑަކޮށް ޔާނާއާ ދުރުވެލިއެވެ. “ކޮބާ. ޔުއާންވެސް ބޭނުމެއްނުވޭ މިކްޔަން އަހަރެންނާ ކައިރި ވާކަށް” މަލާމާތުގެ ހިނިތުންވުމަކާއެކީ ޔާނާ ބުނެލިއެވެ.

“މަންމި މުޅިން ކަޑައެއްނު. ދަރިފުޅު ޑެވިލްއަކަށް ވިއްޔަ އެހަދަނީ” ފަނޑު ހިނިތުންވުމަކާއެކީ ޔުއާންގެ ކޮލުގައި ހިފާލަމުން މިކްޔަން ބުނެލިއެވެ. “ބުނެބަލަ ބައްޕި ނެތީ” ޔާނާ ބުނަން އުޅުން އެތި ރޭކާލުމުން އިސްދަށަށް ޖަހާލިއެވެ. މިކްޔަންގެ ތުންފަތްމަތީ ދުވެލީ ކާމިޔާބުގެ ހިނިތުންވުމެކެވެ. “ބައްބަ” ޔުއާންގެ މައޫސޫމްކަމުން ފުރިގެންވާ އަޑުން ގޮވާލުމުން ޔާނާއަށް މިކްޔަންއާ ދިމާލަށް ބަލާލެވުންއިރު މިކްޔަންއަށް ބޭއިހްތިޔާރުގައި ހިނިތުންވެލެވުނީއެވެ.

މިކްޔަން އަތްދިއްކޮށްލީ ވީއުފަލަކުން ޔުއާން އުރާލުމަށެވެ. ނަމަވެސް ޔާނާ އެ އަތް ފޮޅުވާލާފައި ކޮޓަރިއަށް ދިޔައީ ދެބުމަ ގޮށްޖަހައިގެން ހުރެގެންނެވެ.

=ނުނިމޭ=

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.