ސޫރަ 03

އަޒްކާ ލިނާން އާއި ގާތަށް އައިސް ކައިރީގައި ހުރި ގޮނޑީގައި އިށީނދެ ވާހަކަ ދައްކަން ފެށިއެވެ.”އަހަރެން ކުރި ކަމެއް ނޫން ތީ.އެހެން ނޫނަސް ލިން އާއި އަހަރެން ފްރެންޑްވީ ވެސް މިޝަނެއްގައި. އަހަރެންނަށް ކުރަން ހަވާލުވި މަސައްކަތް މިހިސާބުން ނިމުނީ.ބާއި.” އެހެން ބުނެލުމަށްފަހު ލިނާން އަށް ވާހަކަ ދައްކާނެ ފުރުސަތެއްވެސް ނުދީ އޭނާ ނިކުމެގެން ހިނގައްޖެއެވެ.ލިނާންގެ ޚިޔާލުން ބޭރުވީ އޭނާގެ މަންމަ އޭނާ އަށް ގޮވުމުންނެވެ.މާ ގަދައަށް ބޮލުގައި ރިއްސާފައި ހުރުމުން އޭނާ ނިންމީ މިއަދު އޮފީހަށް ނުދާށެވެ.

ދެގަޑިއިރު ފާއިތުވެގެން ދިޔަ އިރުވެސް ލިމީ ހެއެއް ނާރައެވެ.އެންމެން ވެސް ތިބީ ލިމީ ކޯމާ އަކަށް ގޮސްދާނެތީ އެކަމާ ދެރަވެގެންނެވެ.ޔޫމީގެ ލޮލުން ކަރުނަ ހިކޭ ވަގުތެއް ނާދެއެވެ. އޭނާ އިނީ އެހާ ވެސް ދެރަވެފައެވެ. “މަންމަ ދެން ދާން ވީނުން ގެއަށް ގޮސް އެއްޗެއް ކާލައިގެން އަރާމުކޮށްލާފައި އަންނަން.” ޔައިކް އައިސް އޭނާގެ މަންމަ ކައިރީގައި ބުންޏެެވެ.”ނޫން މަންމަ އިނނާނީ މިތާ”ނަމަވެސް ޔައިކް ގަދަ ދައްކާލުމުގެ ސަބަބުން ގެއަށ ދާން އެއްބަސް ވިއެވެ.

ހަވީރު 04:00 ޖެހި އިރު މުސްކާން އާއި އައިރީން ތައްޔާރުވެގެން ހުރީ ހޮސްޕިޓަލަށް ދިއުމަށެވެ.ހ.މެއިޒް ގޭގެ ދޮރުމައްޗަށް މަޑުކޮށްލި ކާރު ބަރުގޮނު އަޅާ ލުމާއެކީ ދެމީހުން އަވަހަށް ގޮސް ކާރަށް އަރައިގެން އޭޑީކޭ އަށް ދިއުމަށް މިސްރާބު ޖެހިއެވެ. ކާރު މަޑުކޮށްލުމާއެކު ފައިސާ ދައްކާފައި ދެމައިން ފައިބައިގެން އެތެރެއަށް ވައިން ވަގުތަކީ ލިމީގެ މަންމަ ޔޫމީ އަށް ވެސް އެތެރެއަށް ވަދެވުނު ވަގުތެވެ. “ޔޫމީ.ކިހިނެތް؟؟ މިތާ ކީއްތިކުރަނީ؟؟” “މީ ދަރިފުޅު އެކްސިޑެންޓް ވެގެން ބާއްވަފައި އޮތީމަ.” ޔުމީ ބުނެލިއެވެ. މުސްކާންގެ ފޯނު ރިންގު ވާން ފެށުުމުން ބެލި އިރު ގުޅަނީ ލިނާޤން އެވެ.