ލޯބި އަހަރެންވާނަމެވެ (2)

“އަހަރެން މަރާލަންތަ ތި އުޅެނީ؟ ނޭވާ ހާސް ވެއޭ އެބަ..” އެވަގުތު ކޮޅަށްވެސް އާފްރީންއަށް ޖެއްކޮށްނުލާ އަރްމާންއަށް ނުހުރެވުނެވެ.

“ދެން ދޮންބޭ..!!” އާފްރީން ގާތަށް ރުޅި އައިސްގެން އަރްމާން ގައިގާ ހެސްކިޔާފަ ބޮނޑިއެއް އަޅާލިއެވެ.

މި ދެކުދިން ޖަހާ ސަކަރާތަށް ބލަން އިން އާސިމާގެ ލޮލުންވނީ އުފާވެރިކަމުގެ ކަރުނަ ނީރާލާފައެވެ.

***********************************

މިއުފާވެރި ވަގުތުގައި އާސިމާ ހަނދާނަށްއައީ އޭނާގެ ފިރިމީހާ އަޝްފާގްއެވެ. ނަމަވެސް އަޝްފާގަ ވަނީ މީގެ 4 އަހަރު ކުރިން ހިނގި ނުރައްކާތެރި އެކްސިޑެންޓެއްގައި މި ފަނާވަނިވި ދުނިޔެ ދޫކޮށްފައެވެ.

އާސިމާ އަވަހަށް ކަރުންތަށް ފޮހެލީ އެދެ ކުދިންނަށް އޭނާ ކުރާ ހިތާމަ ނާންގަންވެގެންނެވެ.

“ދެން އާފްރީންވެސް ދޮންބެ އަރާމް ކޮށްލަން ފޮނުވާފަ އާދޭ މަންމަ އެކީ ރޭގަނޑުގެ ކެއުމަށް ރަނގަޅު އެއްޗެއް ހަދާލަން.” އާސިމާ އާފްރީންއާއި މުހާތަބުކޮށް މިހެން ބުނުމުން އާފްރީން އަރްމާންގެ ގައިން ދޫކޮށްލާފައި ބަދިގެ ފަރާތަށް ދާން މިސްރާބު ޖެހިއެވެ. އަދި އަރްމާންވެސް ހިނގައިގަތީ އޭނައަށް ހާއްސަ ކޮޓަރިއަށް ދާށެވެ.

އާސިމާއަށް އޭނަގެ ދެދަރިންގެ އެންމެ ކިމުދާ ކަމަކީ އާސިމާ ބުނުމާއެކު އެބުނާ ކަމެއް ކުރަން އަވަސްވެ ގަންނާތީއެވެ.

ޔުއާންއަށް ނަމާދުން ފޭބިތަނާ ލިބުނު ކޯލެއަގެ ސަބަބުން ދުން ޖަހާފައި ހޮސްޕިޓަލަށް ދިޔައެވެ. އޭނާގެ މަންމަ ސިޑިން ވެއްޓިގެން ހޮސްޕިޓަލަށް ގެންދިޔައީއެވެ.

މާ ބޮޑު އަނިޔާއެއް ނުވެއެވެ. ނަމަވެސް ނިއްކުރި ފަޅައިގެން ގޮސްފައި އިނެވެ. އެތަން ޖެހޭނީ ފަހަންށެވެ. އެތަންކޮޅު ފަހައިގެނަ ޔުއާން މަންމަ ގޮވައިގެން ގެއަށް ދާން ނިކުމެވުނީ ހޮސްޕިޓަލަށް ވަންނަންއައި އާފްރީންގެ ކުރިމައްޗަށެވެ.

“އަނހާ ދައްތާ! ކިހިނެއް ހަދާފަތި ހުރީ ނިއްކުރިއަށް؟”  ޔުއާންގެ މަންމަ ޔުޝްރާގެ ނިއްކުރީގައި އަޅާފަ އިން ބޭސްގަނޑު ފެނުމުން އާފްރީން އަހާލީ ހިތް ހެޔޮ ކަމާއެކީގައެވެ.

“އައްދެ! އާފްރީން ދޯ މީ. ދައްތައަށް ނުވެސް އިނގުނޭ ޔުނިފޯރމް ލާފަ ހުރީމަ. ދައްތަ ސިޑިން ކައަސާލައިގެން ވެއްޓިފަ ނިއްކުރި ފަޅައިގެން ގޮއްސަ މިއޮތީ.” ޔުޝްރާވެސް އާފްރީންއަށް ޖަވާބު ދިނީ ހިތްހެޔޮ ކަމާއެކީއެވެ.

“އާފްރީން ގަޑި ޖެހިދާނެ މިހެން އަނގަ ތަޅަން ހުއްޓަ. އަވަހަށް ދޭ ދެން.” ހިނިގަނޑަކާއިއެކު ޔުޝްރާ ބުނެލީ އާފްރީންގެ ބުރަކަށީގައި ފިރުމާލާފައި ބުންޏެވެ.

“ލައްބަ ދައްތާ. މިދަނީ އިނގޭ. ބަލައިގެން އުޅޭތި އިނގޭ.” ޖަވާބު ދިނުމަށް ފަހުގައި އާފްރީން ހޮސްޕިޓަލަށް ވަންނަން ހިނގައިގަތެވެ.

މި ހުރިހާ އިރު ޔުއާން ހުރީ އާފްރީންއާއި ދިމާލަށް ކަޅި ހުއްޓާލައިގެންނެވެ.އ އެރީތި ބޮޑު ދެލޮލެވެ. ހިތިފަތު ބުމައާއި ދިގު އެސްފިޔަ ތަކެވެ. ކުޑަ ނޭފަތް ކޮޅެކެވެ. ގުދުރަތުން ފިޔާތޮށި ކުލަ އަރާ ތުނި ތުންފަތެކެވެ. އެ ލޯބި ތުންފަތުގައި ލޯބި ކޮށްލަން ޔުއާންގެ ހިތް ބޭނުންވި ވަރު ހުދު ޔުއާންއަށްވެސް ނޭނގެއެވެ.

“ދަރިފުޅާ. އަވަހަށް ހިނގާ ގެއަށް ދާން.” ޔުއާން ސިއްސައިގެން ދިޔައީ ޔުޝްރާ ވާހަކަ ދައްކަން ފެޝުމުންނެވެ. ނަމަވެސް އެ ސިހުން ފޮރުވާލަމުން ހިނިތުން ވެލާފައި ސައިކަލާއި ދިމާލަށް ހިނގައި ގަތެވެ.

“މަންމާ. މަންމަ ކާކާއެކީ ހޮސްޕިޓަލަށްއައީ؟” ޔުޝްރާގާތުގައި ޔުއާން އަހާލީ ގޭގައި މިގަޑިގައި ޔުއާންގެ ބައްޕަ ޢަލީވެސް ނޫޅޭނެކަން ހަނދާން ވުމުންނެވެ.

“މަންމަ ވެއްޓުނީ ހާމިދާއްތަ ގޭގައި އިންދަ. ހަމިދާއްތަ އައީމަ ތިރިއަށް ފައިބަނިކޮށް ވެއްޓުނީ. ދެން ހާމިދާއްތަ މަންމަ ގޮވައިގެން އައީ. އާން އަންނަންވާއިރަށް ދާން ޖެހުނީ ރަޝީދުބެ ގުޅީމަ.” ޔުޝްރާއަށްވެސް ޔުއާން ކަން ބޮޑުވެފައި ހުރި ވަރު އެނގި ވަރަށް ތަފްސީލްކޮށް ވީ ގޮތް ކިޔާދިނެވެ.

ދެމައިން އަވަހަށް މިސްރާބް ޖެހީ ގެއާ ދިމާލަށެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.