އީލާމް-04

ލިޔުމުގައި ޝާމިލްވެގެން އީލާމް އިންއިރު ކޮޓަރިތެރެއަށް ވަންނަމުންދިޔަ ފިނި ވައިރޯޅިން އޭނާގެ ނިންކުރިމަތިން ހިއްލާފައިވާ ދަލަށް ފިނިކަމެއް ލިބެމުންދިޔައެވެ. ކުއްލިއަކަށް މީހަކު ކުޑަދޮރު ކައިރީ ހުއްޓުނުހެން ހީވުމުން އީލާމަށް ތެޅިތެޅި އޮތް ހިތަކާއިގެން އެދިމާލަށް ބަލާލެވުނެވެ. އަމިއްލަ ހިތަށް މިކުރެވުނީ މޮޔަކަމެކޭ ހިތާ އަވަސް އަވަހަށް ކުޑަދޮރާ ގާތް ވެލީ ދޮރު ލައްޕާލުމުގެ ނިޔަތުގައެވެ.

ކުއްލިއަކަށް މީހަކުއޭނާގެ އަނގަމަތީ ފޮތިގަނޑަކުން އަތްއެޅުމަށްފަހު ކޮޓަރިތެރެއަށްވަދެ ގަތެވެ، އީލާމް ގެ އަނގަމަތިން އެ ބާރުގަދަ ދެއަތް ނެގުމަށް އޭނާގެ ދެއަތް ހަރަކާތް ކުރަމުން ދިޔައިރު ، އޭނާގެ އަނގަމަތީގައި ހިފަހައްޓައިގެން ހުރިމީހާ ރަނގަޅަށް ފޮތިގަނޑުން އަނގަބަންދުވާނެހެން އައްސާލިއެވެ. އީލާމްގެ ފަހަތުގައި އެމީހާހުރުމުން އެއީ ކާކުކަން ނޭގުނަސް ފިރިހެނެއްކަން ލަފާކޮށްލަން އިނގުނެވެ . އީލާމްގެ ދެއަތް ފުރަގަހަށްލާ ޓޭޕް އަޅާލުމުން އޭނާއަށް އިތުރަށް ގުޑިލާނެ ޖާގައެއް ނުލިބުނެވެ . ކޮޓަރިތެރޭގައިވާ ފަނޑު އަލިކަމުގެ ތެރޭން އެ މީހާ އަލަމާރީން ހެދުންތައް ނެގުމަށްފަހު އީލާމް ގެ ފޮއްޓަށް އެއްޗެހި އަޅަމުންދިޔައެވެ. އެންމެފަހުން އީލާމް ލިޔަން ގެންގުޅުނު ޑައިރީ ފޮށި ތެރެއަށް ލާ ލެއްޕުމަށްފަހު ކުޑަ ދޮރުން ގަދަކަމުން ކަހަލަ ގޮތަކަށް އީލާމް ދަމަމުން މަގާވީ ކޮޅުން އަތިރިމައްޗަށް ނިކުތެވެ. ކަނު އަދިރިީގެި ވަށައިގެންވާ މާހައުލް ގެ އެއްވެސް ކަމެއް ސިފަކޮށްދޭން ނޭގުނަސް އޭނާއަށް ފިނިއަށި ހުރިތަން ލަފާކޮށްލުމަށްފަހު ބަލާލީ ހިތާ ހިތުން ވަދާއީ ސަލާމް ކޮށްލާފަދައިންނެވެ.

ފަސްގަނޑުމަތިން ދަމަމުން އީލާމް ގެންދިޔައިރު ، ކުޑަ ވަރެއްގެ ޑިންގީއެއް ރަށުގެ ރާޅު ޖަހާ ހިސާބަށް ކައިރި ވަމުންދިޔައެވެ. ޑިންގީ ދުއްވަން އިންމީހާ ވަނީ ނޭފަތުން ފެށިގެން އަނގަމަތި ފޮތިގަނޑެއް އައްސާ ފޮރުވާފައެވެ. އީލާމް ގެ ލޮލުގައި ހިފެހެއްޓިފައިވާ ކަރުނަތައް ހޯސްލާފައި ފައިބައިގެން ދިޔައީ  އެފަސްގަނޑުން އޭނާ ގެންގޮސްފިނަމަ އެކަކަށްވެސް އޭނާ ހޯދަން އުނދަގޫވާނެކަން އިނގޭތީއެވެ. ޑިންގީގައި އިން މީހާ އޭނާ އުފުއްލާލާފައި އެއަށް އެރުވިއިރު ، އީލާމް އައްސައިގެން ގެނައި މީހާ އޭނާގެ ފޮށި އެރުވުމަށްފަހު ޑިންގީއަށް އަރައި ދުއްވާލަން އެދުނެވެ. ރޭނގަޑުގެ އަނދިރީގައި ދުއްވަމުން ދިޔައިރު އީލާމް އޭނާ އައްސައިގެން ގެނައި މީހާ އަށް ރަނގަޅަށް ބަލާލީ  ކާކުތޯ ޔަގީންކޮށް ލުމަށެވެ. މޫނުމަތީގައި އައްސާފައިވާ ސްކާފް ރަނގަޅަށް ނައްޓާލުމަށްފަހު އޭނާގެ މޫނަށް ޑިންގީގައިވާ ޓޯރޗްއިން އަލިކޮށްލިއެވެ. “ޝާމް ” އީލާމަށް ގަބޫލު ނުކުރެވޭފަދަ ގޮތަކަށް ބުނެލިއެވެ.ޝާމް އޭނާއަށް ހިނިތުންވުމެއް ދިނުމަށްފަހު ފަހަތަށް އެނބުރި ސިގިރޭޓެއް ރޯ ކޮށްލީ އޭނާއާއި ހަވާލުކުރެވިފައިވާ މަސަތްކަތުގެ ފުރަތަމަ މަރުހަލާ އެއްވެސް އުނދަގުލެއްނެތި ކާމިޔާބު ކަމާއެކު ނިންމާލެވުނީމައެވެ.

ޝާމް ސިގިރޭޓް ބޯން އިންއިރު އޭނާގެ ހިތުގައި ނޭނގޭ ފަދަ އިހްސާސްތަކެއް ދައުރުވަމުންދިޔައެވެ. އޭނާ މާލެއިން ރ.މީދޫއަށް މި ކުރަން ޖެހުން ދަތުރަކީ  ހަތްލައްކަ ރުފިޔާގެ އިނާމެއް ލިބޭނެ މަސައްކަތެކެވެ. އީލާމް އާއި ދިމާވީ ލޯންޗް އަކުން ނޫނެވެ . އޭނާ އީލާމަށް ފާރަލާތާ މިހާރު ދޮޅުމަސް ވަނީއެވެ. ފަސް މަސް ކުރީގެ ހަނދާނެއް އާކޮށްލަމުން ދެވަނަ ސިގިރޭޓް ރޯ ކޮށްލީ ދާން ހަމަޖެހިފައިވާ މަންޒިލަށް ނުދެވޭތީއެވެ. ޝާމްގެ މަންމަ ނިއުޒާ ކުއްލިއަކަށް ބަލިވެގެން ޑޮކްޓަރަށް ދެއްކުމުން އިނގުނީ ކިޑްނީ ޓްރާންސްޕްލާންޓެއް ބޭނުންވާކަމެވެ. އެތައްބަޔަކަށް އާދޭސް ކޮށްގެންވެސް ކިޑްނީ ޑޯނޭޓް ކުރާނޭ މީހަކު ނުވުމުން އޭނާއަށް މަޖުބޫރުވީ އެހެން ގައުމެއްގެ މީހެއްގެ ފަރާތުންވެސް އޭނާގެ މަންމައަށް ކިޑްނީއެއް ލިބޭތޯއެވެ. ޝާމް މެންގެ ނަސީބު އަތުގައި ހިފީ އިންޑިއާގެ ފަގީރު ހިސާބުގައި ދިރިއުޅޭ ރާޖޫ ކިޔާމީހަކު ކިޑްނީ ދޭން އެއްބަސްވުމުންނެވެ. ނަމަވެސް އެއީ އޭނާއަށް 04 ލައްކަ ރުފިޔާ ދޭން އެއްބަސްވުމުންނެވެ. ޝާމް ކިޔަވައިގެން ހުއްޓަސް އޭނާ ވަޒީފާަ އަދާކޮށްގެން ލިބޭ މުސާރައަކުން ދެކޮޅު ނުޖެހިގެން އުޅޭއިރު އިތުރު ހަރަދެއް ކުރަން ފައިސާ ރައްކާވަނީ މަދު ފަހަރެއްގައެވެ. އަދި އެ ރައްްކާކުރެވޭ މަދު ފައިސާ ކޮޅުން އޭނާ މަންމަގެ އޮޕަރޭޝަން މީން ދުވަހަކުވެސް ނުކުރެވޭނެއެވެ. ވަޒީފާ ގަޑި ނިންމާލުމަށްފަހު ޝާމް އަށް ލިބޭ ހުސްވަގުތު ހޭދަކުރަނީ ގޭދޮށުގައި އުޅޭ ގުރޫޕަކާއިއެކުގައެވެ. އެއްދުވަހެއްގެ ހެނދުނެވެ .ޝާމް އާދައިގެ މަތިން އޮފީހަށް ދާން ނިކުމެ ކާރެއް އަންނަން ދެން ދޮރުމަތީގައި މަޑުކޮށްލައިގެން ހުއްޓާ އޭނާގެ ރައްޓެހި އިއްސެ ވަރަށް ބޮޑު ކަމަކު ކިޔަން އެބައޮތް ކަމަށް ބުންޏެވެ އަދި މަސަތްކަތް ނިންމުމަށްފަހު ރަނގަޅު އުޖޫރައެއްވެސް ލިބޭނޭ ކަމަށް ބުންޏެވެ. ޝާމް ވެސް އަވަސްވެގަތީ ކޮންމަސަތްކަތެއް ތޯ ކުރަންޖެހެނީ ބަލާށެވެ. ނަމަވެސް އިއްސެ މިރޭ ބައްދަލުވާނީ ކަމަށް ބުނެފައި ވަކިވީ ޝާމް ބަލާ ޓެކްސީ އައުމުންނެވެ. އެރޭ އިރުއޮއްސުނީސުރެ ޝާމްއަށް އިންތިޒާރު ކުރެވެނީ އިއްސެ އޭނާ ބަލާ އަންނާނެ ވަގުތަކަށެވެ. އެހެން ނުވާންވީވެސް ކީއްވެހެއްޔެވެ. ޝާމް މަންމަ ގެ އޮޕަރޭޝަން ފިޔަވައި އެހެން އެއްވެސް ކަމެއް އޭނާގެ ސިކުނޑީގައި ނުވެއެވެ. އިއްސެ ގެ ފޯންކޯލާއި އެކު ޝާމް އޭނާހުރި ރެސްޓޯރަންޓް އަށް ދިޔައީ އިތުރުމީހަކު އެތާގައި އިނދެދާނެ ކަމަށް ހީކޮށެއް ނޫނެވެ. އިއްސެ އާއި ކައިރީގައި އިނށީދެލައިގެން އިން މީހާ ފެނުމުން ޝާމް އަށް މި ކުރުވަން އުޅެނީ ރަނގަޅު ކަމެއް ނޫންކަން އަމިއްލައަށް ވިސްނާލެވުނެވެ.އެކަމަކު ފަސް އެނބުރި ދާން ޝާމް ބޭނުންނުވީ އޭނާގެ ހިތުގައި އޭނާގެ މަންމަގެ ފުރާނަ ސަލާމަތް ކުރުން އެހެން ހުރިހަާ ކަމަކަށް ވުރެ މުހިންމުވީމައެވެ. ޝާމް ގޮސް އޭނާ އިށީނުމަށް ހަމަޖެހިފައިވާ ގޮނޑީގައި އިށީނުމުން އިއްސެގެ ރަހުމަތްތެރިޔާ އޭނާގެ ވާހަކަ ފެށީ ޝާމް އަތަށް ފޮޓޯއެއް ދިއްކޮށްލަމުންނެވެ. ޝާމް އެ ފޮޓޯ ނުފެންނަގޮތަށް ބަންޑުން ބާއްވާލިއެވެ. އަދި އޭނާ ދައްކަމުން ދިޔަ ވާހާކަ އަޑުއަހާލިއެވެ. ” ތި ފޮޓޯގައި ތިވާ އަންހެން ކުއްޖާއަކީ މެގަ ޕްލަސްގެ އޯނަރުގެ ދަރިފުޅު، އަހަރުމެން ތި ކުއްޖާ ބޭނުންވަނީ އޭނާގެ ބައްޕަ އަހަރުމެންނާއިއެކު ހެދި އެގްރީމެންޓްއާއި ހިލާފްވުމުން އެކަމުގެ ބަދަލު ހިފުމުގެ ގޮތުންނެވެ. ޝާމްގެ މަސައްކަތަކަށް ވާންވާނީ އޭނާ ވާ ވައްދައިގެން ނަމަވެސް ޝާމްގެ މީހަކަށް ހެދުން، އަދި އެއަށްފަހު އޭނާ އަހަރުމެން ބުނާ މީހަކާ ހަވާލުކުރުން” ޝާމްއަށް ބަންޑުން އޮތް ފޮޓޯގަނޑު ނަގާ ބަލާލެވުނީ މި ކުއްޖާއަށް މި ޖެހެނީ ކޮންފަދަ މުސީބާތެކޭ ހިތަށް އަރައެވެ. ފޮޓޯގައި ވާ ކުއްޖާގެ ފުރަތަމަ ފެނިލުމުންވެސް ޝާމްއަށް އޭނާގެ މައުސޫމް ކަން ހާމަވެގެންދިޔައެވެ. އަދި މިކަމެެއް މިގޮތަކަށް ނުކުރެވޭނެޔޭ ކިޔާފަ ، އެތަނުން ދިޔުމަށް ކޮއްޅަށް ތެދުވިއެވެ. ނަމަވެސް ކަންދިމާކުރީ ދިމާ އިދިކޮޅަށެވެ. ޝާމް އަށް އައި ކުއްލި އިންޒާރުން އޭނާ ދުރުކޮށްފައިވާ ގޮނޑި އަލުން ކައިރިކުރުމަށްފަހު އިށީނެވެ. އޭނާގެ މަންމައަށް ގެއްލުމެއް ލިބޭކަށް އޭނާ ބޭނުމެއް ނުވިއެވެ. ހިތާ ދެކޮޅަށް އެކަން ކުރަން އެއްބަސްވިއެވެ. އިއްސެގެ ރަހުމަތްތެރިޔާ އޭނާއަށް ލިބޭނެ އުޖޫރަ ކިޔައިދިނުމަށްފަހު ދާން ހިނގައިގަތީ އަދި އެއްފަހަރު ހަވާލު ކުރެވުނު މަސައްކަތް ނުކުރެވިއްޖެނަމަ ދެން ވާނީ ކިހިނެއްކަން ހަނދާން ކޮށްދެމުންނެވެ. ޑިންގީ ދުއްވާތާ20 މިނެޓްފަހުން ކައިރިކޮށްލީ ކޮންޓެއިނާ ޖަހާ ފުރާފައިވާ ބޯޓަކާއެވެ. ޑިންގީއާއި ދިމާލަަށް އަލިކޮށްލުމަށްފަހު އެއްޗެހި ބޯޓަށް އެރުވުަމަށް ބޯޓުގެ ހުރިމީހާ އިރުޝާދު ދެމުންދިޔައެވެ. ޝާމް އީލާމް އަތުގައިވާ ޓޭޕް ނައްޓާލުމަށްފަހު އީލާމް ކޮއްޅަށް ނަގައި އޭނާ ގަޔާ ލައްކޮށްލިއެވެ. ޝާމްގެ ކުއްލި މިހަރަކާތުން އީލާމް އިތުރު ބޯހާސް ކަމެއްގެ ތެރެއަށް ގަންބާލިއެވެ. ޝާމްގެ ޖީބުން ނޯޓްކޮޅެއް ލާފައިވާ ރަބަރު  ކޮތަޅެއްނަގާ އީލާމްގެ ޖިންސް ޖީބަށް ލުމަށްފަހު މާފް ކޮށްދިނުމަށް އެދި އޭނާ ގައިގައި ބައްދާލިއެވެ. އީލާމް ޝާމްގެ އަތުތެރޭން ނިކުމެލުމަށްފަހު ބޯ ދެކޮޅަށް ހޫރުވާލީ ނޫނެކޭ ބުނާފަދަ ގޮތަކަށެވެ. އީލާމްގެ ދެލޮލުން ފައިބަމުން ދިޔަ ކަރުނަތައް ބަލަންޝާމް އަކަށް ކެތެއް ނުވިއެވެ. އެންމެ ފަހުވަގުތުވެސް އީލާމް އަތްޖޯޑު ކޮށްލުމަށްފަހު ޝާމްގެ ދެފައިގައި ހިފީ އޭނާ މި އަނދަޅަވަށް ވައްޓާނުލުމަށް އާދޭހާއެކުގައެވެ. އީލާމް ކޮއްޅަށް ތެދުވުމަށްފަހު އޭނާގެ އަނގަމަތީ އަޅާފައިވާ ފޮތިގަނޑު ނައްޓާލާ ކުއްލިއަކަށް މޫދަށް ފުންމާލީ އޭނާ އަށް ސަލާމަތް ވެވޭނޭ ކަމުގެ އުއްމީދުގައެވެ..