ކުށަކީ ކޮބާ… 01

ސިއްސައިގެން ގޮސް އަހަރެންނަށް ހޭލެވުނީ އެނދު ކައިރި ހުރި މޭޒުމަތީ އިން ގަޑި ސޯނާވާ އަޑަށެވެ. އެހިނދު މޯޅިއަކަށް ދެމިލަމުން ކައްނެތް ގޮތަކަށް ބޯ

ހިއްލައި ލަމުން އަހަރެން ގަޑިޔަށް ބަލައިލީމެވެ. އޭރު ގަޑިން ހަތްގަޑި ބައިވަނީއެވެ.

އަހަރެންނަށް ހީވީ ބިރެއް ފެނުނު ހެންނެވެ. ވަގުތުން ހުއްމައިގެން ތެދުވެ ގަޑީގެ ސޯނާ އޮފް ކޮށްލުމަށް ފަހު ހަރުގަނޑުގަ އަޅުވާފައިން ތުވާލި ހިފައިގެން

ހިނގައިގަތީ ފާހަނަޔާ ދިމާއަށެވެ.

ފާހަނަޔަށްވަދެ ފެންވަރައިގެން ނުކުމެ އަވަސް އަވަސް ކޮށްލައިފަ ރީތި ވުމަށްފަހު ގެއިން ނުކުމެވުނު އިރު ގަޑި ޖެހެން އިނީ އެންމެ ފަސްމިނެޓެވެ.

އޭރު އުޑުމަތި އޮތީ ކުޑަކޮން ބަނަކޮށެވެ. ޖެހެމުންދާ ހިތްގައިމު ފިނި ފިނި ވައިރޯޅި އައިސް ގައިގާ ބީހިލުމުން ބުނެދޭން ވެސް ނޭނގޭހާ ހިތްހަމަ ޖެހުމެއް

ހިތައް ގެނެސްދެއެވެ.

ރަސްމީ ދުވަހެއް ކަމުން އޮފީސް ތަކަށާއި އެހެނިހެން ބޭނުން ތަކަށް ނުކުމެ އުޅޭ މީހުނައިގެން މަގުމަތި ވެސް ވަނީ ހަލަބޮލި ވެފައެވެ.

އެގޮތުން އެއްބަޔަކު އޮފީހަށް ސަކަލްގައި ދާއިރު އަނެއްބަޔަކު ޓެކުސީގައެވެ. އޭގެ އިތުރުން އޮފީސްތަކަށް ފައި މަގުގައި ހިނގާފަދާ މީހުނެއް ވެސް ވަކި

މަދެއްނޫނެވެ.

އަހަރެން އުޅެނީ މަޖީދީ މަގުގައި ހުންނަ ގެއެއްގައެވެ. މާފަންނުގަ ހުރެފަ ދާން ޖެހެނީ ވެސް ހެންވޭރަށް ކަމުން މިއަދު ގަޑި ޖެހޭނެޔޭ ހިތަށް އަރައި އަހަރެން

އަވަސް އަވަހަށް ސައިކަލަށް އަރައި އިސްޓާޓު ކޮށްލީމެވެ.

މަޖީދީ މަގަކީ އަބަދުވެސް ރަސްމީ ދުވަސް ދުވަހު އެންމެ ބާރު ބޮޑު އެއް މަގު ކަމަށް ވެފައި ގަޑި ޖެހެން ކުޑަތަން ވެފައި ހުރުމުން މަޖީދީ މަގުން ދަންޔާ

ދުއްވާފަދާ އެއްޗެހި ތަކަށާއި މަގުގައި ހިނގާފަދާ މީހުންނަށް ބަލަން ޖެހުމުގެ އިތުރުން ޓުރެފިކުގައި ޖެހި ގަޑިޔަށް އޮފީހަށް ނުދެވި ދާނެހެން ހީވާތީ ގެޔާ

ޖެހިގެން އޮތް ގޯޅިންލާފަ އަހަރެން ނުކުތީ ސީދާ  ބޮޑުތަކުރުފާނު މަގަށެވެ.

ސަބަބަކީ އެއްވެސް އިރެއްގައި އަހަރެންނަކީ އޮފީހަށް ގަޑި ޖެހިގެންދާ މީހަކަށް ނުވާތީ ގަޑި ޖެހުމުގެ ކުރިން އޮފީހަށް ދިއުމުގެ ބޭނުމުގައެވެ.

ބޮޑުތަކުރުފާނު މަގަށް ނުކުތް އިރު އެމަގުގައި ވެސް ހިނގާ މީހުންގެ އިތުރުން ދުއްވާ އެއްޗެހި މަދެއް ނޫނެއެވެ. އެހެނަސް ޓުރެފިކު ޖެހޭހާ ގިނަ އެއްނޫނެވެ.

އެހެން ކަމުން މަގުގައި ދުއްވަމުން ދިޔަ އެހެން އެއްޗެހި ތަކުން ނައްޓަމުން އޮފީހާއި ދިމާއަށް އަހަރެން ދުއްވަމުން ދިޔައީ ނުހަނު ބާރު މިނުގައެވެ. އޮފީހާ

ހަމަޔަށް ދެވުމުން ސައިކަލް ޕާރކު ކޮށްލައިފަ އޮފީހަށް ވަދެ އިން ވެލުމަށް ފަހު އަހަރެން ދިޔައީ ސަޔަށެވެ.

*** *** ***

އެހެން ދުވަސް ތަކެކޭ އެއްފަދައިން ހެނދުނުގެ ސަޔަށްފަހު އޮފީހަށް އައިސް އަހަރެންގެ އާދައިގެ މަތިން މަންމަޔަށް ގުޅާލީމެވެ. ފަހަކަށް އައިސް މަންމަ

އުޅެނީ ވެސް ވަރަށް ބަލި ކޮށެވެ. އެހެން ކަމުން ކޮންމެ ދުވަހަކުވެސް އަހަރެން މަންމައަށް ގުޅައި މަންމަގެ ހާލުބަލާ ހަދަމެވެ.

އެގޮތުން މިއަދުވެސް މަންމައަށް ގުޅާލުމުން މަންމަގެ ބަލިހާލު އެހެން ދުވަސް ތަކެކޭ ތަފާތެއް ނެތް ކަމުގައި ބުންޏެވެ. އެހެން ކަމުން ފަހުން އަދި

ގުޅާނެ ކަމަށް ބުނެ ފޯނުބޭއްވުމަށް ފަހު އަހަރެން އަވަސްވެ ގަތީ ދުވަހުގެ މަސައްކަތާއިގެންނެވެ.

ކޮންމެ ދުވަހަކީ ވެސް އަހަރެންނަށް ބުރަ ދުވަހެކެވެ. ކުރަން ޖެހޭ މަސައްކަތްތައް ގިނަ ކަމުން އޮފީސް ނިމެންވާ އިރަށް އެ ދުވަހުގެ މަސައްކަތްތައް

ނިންމައި ލެވެނީ ވެސް ހަމަ ކިރިޔާއެވެ. އަމުދުން މިއަދު މާ ބުރަވާނެހެން ހީވެއެވެ.

އެއީ އޮފީހުގައި އުޅޭ އެކުވެރި ފާރިޝް ވެސް އޮފީހަށް ނާންނަ ދުވަހެއް ކަމުން އޭނަގެ މަސައްކަތްތައް ވެސް ކުރަން ހަވާލުކުރީ އަހަރެންނާ ކަމަށް ވާތީއެވެ.

އެއީ ކޮން މެހެން ވެސް މިއަދުން މިއަދަށް ނިންމަންޖެހޭ މަސައްކަތް ތަކެއް ކަމުން މާދަމާ ކުރަން ބެހެއްޓެން ނެތީމައެވެ.

ދެމީހުންނަކީ ވެސް ތަފާތު ދެ ދާއިރާއެއްގައި މަސައްކަތް ކުރާ ދެމީހުންނެވެ. އެހެން ކަމުން ތަފާތު ދެ މަސައްކަތެއް އެއްފަހަރާ ކުރަން ޖެހުމުން އަދި އެއީ

އެފަދަ މަސައްކަތެއް އަހަރެން ކުރާ ފުރަތަމަ ފަހަރު ކަމުން އެމަސައްކަތް ކުޑަކޮން އަހަރެންނަށް އުނދަގޫވާ ގޮތް ވެސް ވިއެވެ.

ނަމަވެސް އަހަރެންނަކީ ކަންކަމުގައި ޝަކުވާ ކުރާ މީހަކަށް ނުވާތީ އަހަރެން ބޭނުންވީ އަހަރެންނާ ހަވާލު ކޮށްފައިވާ މަސައްކަތްތައް އަހަރެންނަށް ކުރެވޭ

އެންމެ ރަނގަޅަކަށް އަދި އެހާމެ ފުރިހަމަކޮން ކުރުމަށެވެ. އެހެން ކަމުން އަހަރެން އިނީ އެ މަސައްކަތްތައް ނިންމުމުގައި އަހަރެންގެ ކެބިން ގައެވެ.

ކަމަކަށްފަހު ކަމެއް ދިޔައީ ނިމެމުންނެވެ. ނަމަވެސް މަސައްކަތުގައި އަހަރެން އެންމެ ބިޒީވީ ވަގުތު ކުއްލި އަކަށް އަހަރެންގެ ފޯނު ރިންގުވާން ފެށިއެވެ.

އެވަގުތު މިހާ ބިޒީ ގަޑިއެއްގަ ގުޅަނީ ކާކުބާއޭ އަހަރެންގެ ހިތަށް އެރިއެވެ.

އިންތިހާ އަށް ބިޒީ ވެފައި އިން ވަގުތެއް ކަމުން މި ގަޑީގަ ނޫނީ ގުޅާ މީހަކަށް ވެސް ގުޅަން ނޭނގުންދޯ އޭ އެވަގުތު އަހަރެންނަށް އަމިއްލަ ހިތާ ވެސް

ސުއާލު ކޮށްލެވުނެވެ.

އަނެއް ކޮޅުން ގިނަ ފަހަރަށް އަންނާނީ ވެސް ބޭކާރު ކޯލްތަކެވެ. އެ ކޯލް ތަކަށް ޖަވާބު ދިނުމަށް ވުރެ އަހަރެން ކުރަން އިން ކަންތައް އަހަރެންނަށް މާ

މުހިންމެއެވެ. އެހެން ހިތަށް އަރައި ގުޅަނީ ކާކުތޯ ވެސް ބަލައި ނުލައި އަހަރެން ކުރަން އިން މަސައްކަތާއިގެން ކުރިޔަށް ދިޔައިމެވެ.

ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.