އެސްފިޔަ 
ލޯ މެރޭ ހިނދު ހީވޭ ގާތުގާ ވާހެން (23)
Level 5
އާމިލް ކޮޓަރިން ނުކުމެ ތިރިއަށް ފޭބިއިރު ސިޓިންރޫމް ސޯފާގައި ގާތްގާތުގައި އިިށީންދެލައިގެން ޔުއާންއާއި ދިމްރާ ތިއްބާ ފެނުނެވެ.”ތަންބްސް ފައިޓް” ގޭމް ކުޅެމުން ދިޔައިރު ދިމްރާ އިނީ ހީހީ ހަލާކުވާ ވަރުވެފައެވެ.ޔުއާންގެ މޫނު މައްޗަށް ބަލައިލުމުން ޔުއާންވެސް އިނީ މަޖާ ވެފައިކަން ހާމަ ކޮށްދެއެވެ.އެފޯރީގައި ތިބި ދެމީހުންނަށް ދުރަށް ޖެހިލެވުނީވެސް އާމިލު އައިސް އެތަނުން ސޯފާއެއްގައި އިށީންދެލުމުންނެވެ.
“އަނހަ!ސައިބޯންތަ ތިއައީ..ވަރަށް ދޮރުގަ ޓަކިވެސް ޖެހިން..ނުހުޅުވީމަ ހީކުރީ ނިދީކަމަށް” ދިމްރާ ފުޅާ ހިނިތުންވުމަކާއިއެކު އާމިލުއާއި ވާހަކަ ދެއްކިއެވެ.އޭރު މަޖާ މޫޑެއްގައި ހުރި ޔުއާންގެ މޫނުމަތީގައި ހިނިތުންވުމުގެ ބަދަލުގައި ފެންނަން ހުރީ ހަރުކަށިކަމެވެ.ނަމަވެސް ދިމްރާއަކަށް އެކަމެއް ނަގައެއް ނުގަނެވުނެވެ.
“އެހެންތަ!ޔާ..ނިދިފަ އޮތީ” އެތާ އިށީނީއްސުރެ އާމިލުގެ ލޯ އަމާޒުކޮށްލެވިފައި ހުރީ ދިމްރާއަށެވެ. އެކަމަކު މަޖާވެލާފައި ވާހަކަ ދައްކަން އިން ދިމްރާއަށް މިކަމެއް ކުޑަކޮންވެސް ރޭކާ ނުލައެވެ.
“އޯކޭ!އަހަރެން ދަނީ ފޮތް ދަސްކުރަން..ބައިދަވޭ މިރޭ ޔުއާންމެން، ޝާރިމްމެން ގެއަށް ގުރޫޕު ސްޓަޑީސް ހަދަން ދަނީ ކޮންއިރަކުންތަ؟” ދިމްރާ ކޮޅަށް ތެދުވަމުން ޔުއާންއާއި ސުވާލުކޮށްލިއެވެ.
“8 ގަ” ޔުއާންގެ ފަރާތުން ލިބިގެން ދިޔައީ ކުރު ޖަވާބެކެވެ.ދިމްރާވެސް އިތުރަށް އެއްޗެކޭ ބުނަން ނުހަދާ އެދެމީހުންނަށް ހިނިތުންވުމެއް ހަދިޔާ ކޮށްލުމަށްފަހު ކޮޓަރިއަށް ދިއުމަށް ހިނގައިގަތެވެ. އެއާއެކު ޔުއާންވެސް ތެދުވެ ބޭރު ދޮރާ ދިމާލަށް ހިނގައިގެންފިއެވެ.އެ މަންޒަރު ބަލަން ސޯފާގައި އިން އާމިލްގެ މޫނުމަތީގައި އޭރު ހުރީ މައުނަވީ ހިނިތުންވުމެކެވެ.
ރޭގަނޑުގެ ވަގުތެވެ.ގޭގައި ދިޔާން އަދި ޔުއާންވެސް ނޫޅޭތީ ދިމްރާ ހުރީ ފޫހިވެފައެވެ.ފޮތްވެސް ހިތްހަމަޖެހޭވަރަށް ދަސްކުރެވިފައިވާތީ އެރޭ ދިމްރާ ފޮތަކު އަތްލާކަށް ބޭނުމެއްނުވިއެވެ.މާދަމާއަކީ ޓެސްޓު ފެށޭ ފުރަތަމަ ދުވަސްކަމުން އަވަހަށް ނިދަންވެސް ޖެހޭނެއެވެ.އެހެންކަމުން އޭގެ ކުރިން ދިމްރާ ދިޔާންއަށް ގުޅާލާއި އެމީހުންނަށް އާދެވޭނެ އިރެއް އޮޅުންފިލުވިއެވެ.ދިޔާންގެ ޖަވާބަކަށްވީ މިހާރު ގެއަށް ދިއުމުގެ މަގުމަތީގައި ކަމެވެ.
ފޯނު ބޭއްވުމުން ދިމްރާ ފާހާނާއަށްވަނީ ފެންވަރާލާށެވެ.ފެންވަރާ ތައްޔާރުވެ ހަދައިގެން ނުކުމެ ނިދަން އެނދަށް އަރަން ހިނގައިތްތަނާ ދޮރުގައި ޓަކިދޭންފެށި އަޑުއިވުނެވެ.އެހެންކަމުން އޭނާ ދުވެލާފައި ގޮސް ދޮރުހުޅުވީ ދިޔާން ގެއަށް އައިސް ދޮރުގައި ޓަކިޖަހަނީ ކަމަށް ހީކޮށެވެ.ނަމަވެސް ދޮރު ހުޅުވާލުމާއިއެކު ދިޔާންގެ ބަދަލުގައި ފެނުނީ އާމިލް ހުއްޓައެވެ.ދިމްރާއަށް އެއްޗެކޭ ނުބުނެވިގެން އުޅެނިކޮން އާމިލް އެތެރެއަށް ވަދެ ފެނުނީ ދޮރު ލައްޕާލިތަނެވެ.
“އާމިލު!ކިހިނެއްވީ؟”ހައިރާންވެފައިހުރެ ދިމްރާއަށް އަހާލެވުނީ އެހެންނެވެ.އެހެނަސް ދިމްރާގެ ސުވާލަށް ޖަވާބު ދިނުމުގެ ބަދަލުގައި ފެނުނީ އާމިލް ދިމްރާ ގެންގޮސް ފާރުގައި ޖައްސާލިތަނެވެ.އާމިލްގެ މި ހަރަކާތުން ދިމްރާގެ ދެލޯ ދިޔައީ ބޮޑުވެގެންނެެވެ.
“ކިހިނެއްހޭވީ؟ދިމް ހީކުރީ އަހަރެން ދިމް މަތިން ހަނދާން ނެތުނީ ކަމަށް ދޯ..ބަޓް އަހަރެންނެއް ދިމް މަތިން ހަނދާނެއް ނުނެތެ..އެކަމަކު އޭގެ ބަދަލުގަ ދިމް އަހަރެން މަތިން ހަނދާން ނެތިއްޖެހެން ހީވަނީ..އެކަމަކު އެނގޭތަ މިއޮއްހާދުހު އަހަރެން މި އައީ ދިމްއަށް އިންތިޒާރު ކުރަމުން.. ދިމްގެ ލޯބި ކޮންމެސް ދުވަހަކުން ލިބޭނެކަމަށް އެތައް ހުވަފެންތަކެއް ދެކެމުން..ދިމް ހީކުރީ އަހަރެންނަށް ދިމް ވީ ތަނެއް ނޭނގޭނެ ކަމަށް ދޯ. އެކަމު ދިމްއަށް ނޭނގުނަސް މިވީހާތަނަށްވެސް އަހަރެން އަބަދުވެސް ދިމް އުޅޭ ނުޅޭ ތަނެއް ބަލަން..މިއޮއްހާ ދުވަހު ނެތް ހިއްވަރަށްވެސް މިކޮޅަށް އާދެވެންދެން ކެތްކޮށްގެން ހުރީ ދިމްއަށް ވިސްނާލަން ފުރުސަތުދޭންވެގެން..އެކަމަކު ދުރުގަ ހުރެވެން ނެތް ހިސާބަށް ދިޔައީމަ މިއައީ” އާމިލް ދައްކަމުން ދިޔަ ވާހަކަތަކުން ދިމްރާ ހުއްޓުން އަރާފައި ހުރިއިރު އެކުއްޖާގެ މޫނުން ފެންނަމުން ދިޔައީ އާމިލް ދައްކަމުންދިޔަ ވާހަކަތައް ގަބޫލުކުރަން ދަަތިވެފައި ހުރިކަމުގެ ނިޝާން ތަކެވެ.
“ސޯ ލެޓްސް ގޯ ޓުދަ ޑައިރެކްޓް ޕޮއިންޓް..ޔުއާން އާ ދުރުގަ ހުރޭ..އެނގޭ ވަރަށް ސެލްފިޝް މީހަކަށްކަން މި ވެވެނީވެސް..އެކަމުވެސް އަހަރެންނަށް ނުލިބޭ ތާނގަ ދިމް އެހެން މީހަކަށް ލިބޭކަށްވެސް އަހަރެން ބޭނުމެއް ނޫން..ސޯ ގޮތް ނިންމުން އޮތީ ދިމްއަށް..ޔުއާން އުފަލުގަ ބަހައްޓަން ބޭނުމިއްޔާ ދިމް ޔުއާންއާ ދުރަށްދޭ..ދިމްއަށް ނޭނގުނަސް ޔުއާން އެތައް އަހަރަކަށް ރާއްޖެއިން ބޭރަށް ފޮނުވާލުމަކީ އަހަރެންނަށް އެއްވެސް އުނދަގޫ ކަމެއް ނޫން..އެކަމު ޔުއާން ބޭނުންވާނެތަ އާއިލާ މީހުން ނުފެނި އެތައް އަހަރަކަށް އެކޮޅުގަ ހުންނަން..ނުވާނެ ދޯ..ސޯ ޔުއާންގެ ހެޕިނެސް ދިމްއަށް މުހިއްމުވަރު އަހަރެންވެސް ބޭނުން ބަލައިލަން..ޔުއާންގެ އުފާ މުހިއްމިއްޔާ ދިމް ހުންނާނީ ޔުއާންއާ ދުރުގަ..ވަންސްއަގެއިން ސޮރީ މިހާ ސެލްފިޝް ވެވޭތީ..ބަޓް ދިމް އަހަރެންނަށް ނުލިބޭ ތާނގަ އެހެން މީހަކަށް، އަދި އަމުދުން އަހަރެންގެ އާއިލާ މެންބަރަކާއިއެކު ދިމް އުޅޭތަން ބަލާކަށް އަހަރެންގެ ހިތަކަށް ކުޅަދާނައެއް ނުވާނެ” އެ ބަސްތައް ބުނެލިއިރު އެމޫނުގައި ނުރައްކާތެރި ސީރިއަސްކަމެއްވީއިރު ދިމްރާއާއި ހަތަރުކަޅި ހަމަކޮށްލައިގެންހުރެ އިއްވާލި ކޮންމެ ބަހެއްގައި ސާބިތުކަންވިއެވެ.އެމޫނުމަތިން ފެންނަން ހުރި ސީރިއަސްކަމަކުން ހުދު ދިމްރާގެ މެއަށްވެސް ހޫނުވެލައިގެން ދިޔައެވެ.
ނަމަވެސް ދިމްރާއަށް އެފަދަ އިންޒާރެއް ދިނަސް އޭނާގެ ހިތުގައި މިހާރު ލޯބީގެ ޒައްރެއްގެ މިންވަރުވެސް ދިމްރާއަށްޓަކައި ނުވެއެވެ.އެފަދަ ނަޒަރަކުންވެސް ނުދެކެވޭއިރު ހަޤީގަތަކީ މިހާރު އޭނާގެ ލޯބިވެރިއެއްވެސް ހުންނަކަމެވެ.އެހެނަސް ޔުއާންގެ އުފާވެރި ހަޔާތް ބަރުބާދު ކޮށްލެވެން އަންނަނީ ދިމްރާ ބޭނުންކޮށްގެން ކަމަށް ވީތީ މިއީ އޭނާ ޖައްސާލި އެކްޓެކެވެ.ދިމްރާއަށްޓަކައި ޔުއާންގެ ހިތުގައިވާ ލޯބި ފާޅުކޮށް އެލޮލުން ފެންނަން ހުރިއިރު ޔުއާންއަށް އެންމެ ބޮޑު ހިތާމައެއް މިއަދު ލިބޭނީ ދިމްރާ އޭނާއާއި ވަކިކުރުވައިގެންކަން އޭނާއަށް ވިސްނެއެވެ.
ބުނަން ބޭނުންވި ވާހަކަތައް ބުނެލާފައި އާމިލް ނުކުމެގެން ދިއުމާއިއެކު ޝޮކެއްގައި ހުރި ކުއްޖާ ފެނުނީ ހުރި ދިމާލަށް ތިރިވި ތަނެވެ.މިވީ ކިހިނެއް ހެއްޔެވެ؟އޭނާ ހީކުރީ އާމިލް މިހާރު އެފަދަ ނަޒަރަކުން އޭނާއާއި ދޭތެރޭ ނުވެސް ދެކޭނެ ކަމަށެވެ.މިވަގުތާ ހަމައަށް އޭނާ އެހާ ހިތްހަމަޖެހިލާފަ ހުރީވެސް އެހެންވެއެވެ.އެހެނަސް ދެންމެ އާމިލް އިއްވާލާފައި ދިޔަ ބަސްތަކުން އޭނާގެ ހިތްހަމަޖެހުން ނަގާލައިފިއެވެ.ކަންތައް މިވީ އޭނާ ކުޑަކޮންވެސް އުއްމީދުކުރި ގޮތަކަށް ނޫނެވެ.
އާމިލް އަދިވެސް އޭނަދެކެ ލޯބިވާ ތާނގަ ޔުއާންއާއި ދުރުގަ ހުންނަންވެސް ބުނީއެވެ.އެކަމަކު އާމިލް އެހެން ބުންޏަސް އޭނާ ޔުއާންއާއި ދުރުގަ ހުންނާނީވެސް ކިހިނެއް ހެއްޔެވެ؟އެއީ އޭނާ މިދުނިޔޭން އިޝްގީ ލޯތްބޭ މިކިޔާ ލޯބިވެވުން ފުރަތަމަ ފަރާތެވެ.އޭނާގެ އުފާތަކާއި، ހިތްހަމަޖެހުމާއި ގުޅިފައިވަނީ ޔުއާންއާއި ކަމަށްވީއިރު އޭނާގެ އުފާތަކާއި ހިތްހަމަޖެހުން ނެތިކޮށްލާނީ ކިހިނެއް ހެއްޔެވެ؟ނުވިސްނާ ހުއްޓާ މިދިމާވީ ކޮންފަދަ ބޮޑު އިމްތިހާނަކާއި ހެއްޔެވެ؟މާދަމާ ފެށޭ އިމްތިހާނަށްވުރެ މި އިމްތިހާން އޭނާއަށް ބޮޑެވެ.އިއްޔެއާއި ހަމައަށް ހިޔާލެއް ފިކުރެއްނެތި އުޅުނުއިރު މިއަދު އެކަން ބަދަލުވެއްޖެއެވެ.
ސިކުނޑިއަށް ވެރިވެގެން ދިޔަ ހިޔާލުތަކުން ދިމްރާގެ ލޮލުން ކަރުނަތައް ފައިބެގެން ދިޔައެވެ.ދިމާވި ވަރުގަދަ ބޮޑު އިއްތިފާގަކުން ލޯބީގެ މައިދާނުގައި އޭނާ ތާށި މިވީ އެއް އާއިލާ ދެމެންބަރުންގެ މެދުގައެވެ.އެ އާއިލާގެ ހަމަޖެހުންވެސް ގުޅިގެން މިދިޔައީ އެންމެފަހުން އޭނާގެ ނިންމުމާއެވެ.ދިމްރާއަށް ޔަޤީންވާ އެއްޗަކީ އާމިލްދެކެ އޭނާއަށް ލޯބީގެ ކުޑަވެސް ނަޒަރަކުން ނުދެކެވޭނެ ކަމެވެ.ނަމަވެސް އާމިލްގެ އެ އިންޒާރުތަކުން އޭނާއަށް ޔުއާންގެ ކައިރިއަށް ދެން ދާން ކެރޭނެ ހެއްޔެވެ؟އޭނާއަށް މިވަގުތު އެނގޭހާވެސް އެއްޗަކީ ޔުއާންގެ އުފާވެރިކަން ނަަމަކަށްވިއަސް ރިސްކެއް ތެރެއަށް ލާކަށް އޭނާއަށް އެއްބަސް ނުވެވޭނެކަމެވެ.ވީއިރު ދެން އޭނާ ހަދާނީ ކިހިނެއް ހެއްޔެވެ؟އެވަގުތު އެއާއެކު އޭނާގެ ހިޔާލަށް އައީ ރީމްއަށް ގުޅާފަ އެ ހަބަރު ދޭށެވެ.އެއީ އާމިލް އެންމެ ރަނގަޅަށް ދަންނާނެ ދެވަނަ ފަރާތަކީ ރީމް ކަމަށް ވީމައެވެ.ނަމަވެސް އަތަށް ފޯނު ނަގާފައިވެސް އޭނާއަށް މަޑުޖެހިލެވުނީ ސިކުނޑިއަށް އެވަގުތު އަރައިގެން ދިޔަ އެއްޗަކުންނެވެ.
“ނޯ!ރީއަށް އަދި މިހަބަރު ނުދީ މަޑުކޮށްލާނީ.. މިހާރުވެސް ޓެސްޓު ކަންތަކުގަ އެހާ ސްޓްރެސްވެފަ ހުންނާނީ..މި ދަނޑިވަޅުގަ އެހެންވީމަ ރީ އަށް އިތުރު ޓެންޝަންއެއް އަހަރެން ފަރާތުން ދޭކަށް ނުވާނެ..ސޯ ޓެސްޓު ނިމުނީމަ ހުރިހާ ވާހަކައެއް ކިޔާދޭނީ..އެހާ ހިސާބަށް އަހަރެން ޖެހެނީ މިވާހަކަ ސިއްރުކުރަން..ޔާ..އެއީ އެންމެ ރަނގަޅު ވާނެ ގޮތަކީ” ދިމްރާ އަމިއްލަ ނަފްސަށް އަޑުއިވޭ ވަރަށް ވާހަކަ ދެއްކިއިރު ބޭނުމަކަށްވީ ހިތާއި ސިކުނޑިއަށް ވިސްނާއިދިނުމެވެ.ހިތާމައާއި ހަނގުރާމަ ކުރާ ހާލު ދިމްރާ ގޮސް އެނދަށް އަރާ އޮށޯތީ ނިދޭތޯއެވެ. ނަމަވަސް ދިރިއުޅުން އެކޮޅުކޮޅުން ޖެހިގެން ދިޔަގޮތުން އޭނާގެ ނިދިވަނީ މާ ދުރަށް ގޮސްފައެވެ.
ޓެސްޓު ދުވަސްކޮޅު އެ އެންމެންނަށްވެސް ފެނިގެން ދިޔައީ މުޅިން މަޑުމައިތިރިވެފައިވާ ދިމްރާއެކެވެ.ނަމަވެސް އޭގެ ފަހަތުގައި ބޮޑު ސިއްރެއް ވާނެކަމަށް އެކަކަށްވެސް ލަފާ ކޮށްލަން ނޭނގުނީ އެއީ އިމްތިހާނުގެ ސަބަބުން އައިސްފައި ހުރި ބަދަލެއްކަމަށް ހީކުރެވުނީމައެވެ.އެ ހަމީހުންވެސް އެއްކޮން ދިމާވެލަނީ ޓެސްޓަށް ދާ ވަގުތު ކޮޅުގައި އެކަންޏެވެ.އެހާވެސް އެ އެންމެން މަސައްކަތް ކުރަމުން ދިޔައީ ބިޒީ ޝެޑިއުލްއެއްގައެވެ.އެހެންކަމުން ރީމް އާއި އުޝާ ޔުއާންމެން ގެއަށް ނުދާތީ ޔުއާންމެން ގެއަށް އައިސްގެން އުޅޭ އާމިލްއަކާވެސް އަދި ދިމާވެފަކާވެސް ނެތެވެ.އެއީ މިވަގުތަށް ދިމްރާ ބޭނުންވެފާވެސް ހުރިގޮތެވެ.އުޝާއަށް އެ ކާކުކަން ނޭނގުނަސް ރީމްއަށް އާމިލް ފެންނައިރަށް އެކާކުކަން އެނގޭނެއެވެ.ޓެސްޓު ދުވަސްވަރު ރީމް އެކަމާއި ބޯ ގޮއްވާކަށް ދިމްރާ ބޭނުމެއް ނުވެއެވެ.
ދިމްރާ މާ ބޮޑަށް މަޑުމައިތިރިވެފާ ހުންނަތާނގަ ބަސްމަދުކަމާއި، އަބަދުވެސް ކަމަކަށް ގެއްލިފާ ހުންނަކަމަށް ފަސްމީހުންނަށްވެސް ފާހަގަ ކުރެވުނެވެ.ޓެސްޓު ނިންމާފަ ކޮންމެ ދުވަހަކު ހޯލުން ނުކުމެގެން އަންނައިރު އެފަސްމީހުން އެތައް ވާހަކައެއް ދައްކާއިރު ދިމްރާ ގިނަވަގުތު ހުންނަނީ އެހެން ދުނިޔެއެއްގައެވެ.މިކަމާ އެއްޗެކޭ ނުބުނަން ހުރެފައިވެސް އެކަމާ ދިމްރާއާއި އެންމެ ފުރަތަމަ ވާހަކަ ދެއްކުނީ އުޝާއަށެވެ.އެވެސް ހަމަ ޓެސްޓު ނިންމާފަ ހޯލުން ނުކުމެގެން އާއި މަގުމަތީގައެވެ.
“ދިމް!ހާދަ މައިތިރިވެފައޭ ތި ހުންނަނީ..އަނެއްކާ އަބަދު ހީވަނީ އެހެން ދުނިޔެއެއްގަ ހުންނަހެން..ހީވެ ދިމް މާ ދުރުދުރުން އުޅޭހެންވެސް”
“އެހެންތަ!މައިތިރިވެފަތަ މި ހުރެވެނީ..ތިހެން ބުނީމަ މި އެނގުނީވެސް..ޓެސްޓު ސްޓްރެސް ކަމަށް ވާނީ..އާނ!އެބަ އަންނަން އެނގޭ ލައިބްރަރީއަށް ވަދެލާފަ..” އަބަދު ހީ އުޅޭ ކުއްޖާއަށް މިއަދު ތުންފަތްމައްޗަށް ހިނިތުންވުމެއް ވެރިކުރެވުނީ ގަދަކަމުންނެވެ.އަދި އެވަރުން ނުވެގެން ލައިބްރަރީއަށް ދާން ބަހަނާވެސް ދެއްކުނީ އެމީހުން އެ މައުޟޫ ނެގީމައެވެ.
“މިނޫނީ ޓެސްޓުތަކާ ހެދި މިވަރުން އުޅޭތަނެއް ނުދެކެން..ޔަގީން މިފަހަރު ކުލާހުން އެއްވަނަ ކަން ގެންނާނީ” ރީމް، ދިމްރާ ދިޔަ ދިމާލަށް ބަލަން ހުރެ ބުނެލި ބަސްތަކުން ދެންތިބި ހަތަރު މީހުންގެ މޫނު މައްޗަށް ހިނިތުންވުމެއް ވެރިގެވެން ދިޔައެވެ.
ދިމްރާ ދިޔަ ދިމާލަށް ބަލަންހުރި ޔުއާންގެ ހިތުގައިވެސް ހިނގަމުން ދިޔައީ ދިމްރާގެ ހިޔާލުތަކެވެ.މިވީ ދުވަސްކޮޅުތެރޭ އޭނާއަށް ހީ ކުރެވިފައިވަނީ ދިމްރާ، އޭނާއާއި ދުރުވީ ކަމަށެވެ.ނަމަވެސް އެގޮތަށް އިހްސާސް ކުރެވެނީ އޭނާއަށް އެކަނި ނޫންކަން އުޝާގެ ވާހަކައިން އޭނާއަށް ވިސްނުނެވެ.
މިވީ ދުވަސްކޮޅުތެރޭ ދިމްރާ އުޅެނީ ވަރަށް ދުރުދުރުންނެވެ.ޔުއާންއަށް ދިމްރާ ފެނިލަނީވެސް އެތައް ގަޑިއިރެއް ވާ ފަހުންނެވެ.އެއްގެއެއްގައި އުޅޭއިރުވެސް ވަނީ އެވަރެވެ.އެންމެން ކާ ގަޑީ ދިމްރާ ކާންވެސް ނާރާތީ އެވަގުތުވެސް ދިމްރާގެ ސޫރަ ޔުއާންއަށް ފެންނަ ވަރެއް ނުވެއެވެ. އެހެންކަމުން އޭނާއަށް ހީކުރެވުނީ އެއީ ޔުއާންގެ ކުރިމައްޗަށް ނާރަންވެގެން ދިމްރާ އުޅޭ ގޮތް ކަމަށެވެ.އެކަމާ އޭނާ ހުންނަނީވެސް ބޯ ހާސްވެފައެވެ.ނަމަވެސް އުޝާމެނަށްވެސް އެގޮތަށް ހީކުރެވިފައިވާތީ ދިމްރާ ވަކި އޭނާ ދުރު ކޮށްލަނީ ނޫންކަން އެނގި އެހިތަށް ހަމަޖެހުން ލިބުނެވެ. އެހެންކަމުން ޓެސްޓު ނިމުނީމަ އެކަމަށް ހައްލެއް ލިބޭނެކަމަށް ހިތަށް ވިސްނައިދީ ހިތްހަމަޖައްސާލިއެވެ.
ނަމަވެސް ހަޤީގަތަކީ އެއީއެވެ.އާމިލްގެ އިންޒާރުގެ ބަސްތަކުން ދިމްރާއަށް ޔުއާންއާއި ދުރުގަ ހުންނަން އެގޮތަށް އަމަލު ކުރެވޭ ކަމެވެ.ދިމްރާ ދިޔައީ ދުވަހަކަށްވުރެ ދުވަހެއް އެހާސްކަމުގައި އަރަޤު ވަމުންނެވެ.މިހާރު ޒީނަތުމެންގެ ސުވާލާވެސް އޭނާ ކުރިމަތިލާން ޖެހިއްޖެއެވެ.ކާގަޑިއަށް ކާން ނައުމާ ފަހުން ކާން އަންނާތީ އެކަމާއެވެ.ނަމަވެސް ރަށުގައިވެސް ޓެސްޓު ދުވަސްވަރު އޭނާ އުޅެނީ އެހެންކަމަށްބުނެ އެކަން އޭނާ ހަމަ ޖައްސާލިއެވެ. އެހެންކަމުން ގޭގައި ގެންގުޅޭ މީހެއްގެ އެހީގައި ދިމްރާއަށް އެގަޑީ ކެވޭނެ އިންތިޒާމް ޒީނަތު ބެހެއްޓީ ކޮށްދީފައެވެ.މިކަމާ ދިމްރާ ޝަކުވާ ކުރުމުންވެސް ޒީނަތު އެކަން ބަދަލެއް ނުކުރިއެވެ.
ރޭގަނޑުގެ ވަގުތެވެ.ދިމްރާ ބެލްކަންޏަށް ނުކުމެލީ ސާފުވައި ކޮޅެއް ހޯދާލުމުގެ ނިޔަތުގައެވެ.މާދަމާގެ ޓެސްޓަށް ފޮތް ދަސްކުރުމަށްފަހު އޭނާ ބޯ ހަމަޖައްސާލަން ބެލްކަންޏަށް ނުކުތީ ކުޑަކޮންވެސް ޔުއާން އެތާ އެވަގުތު ހުރެދާނެ ކަމަކަށް ނޫނެވެ. އެހެންކަމުން އެތަނަށް ނުކުތުމާއިއެކު އެތާހުރި ޔުއާންފެނި އޭނާއަށް ސިހުން ލިބިގެންދިޔައެވެ.
މީހަކު އާއިކަމުގެ ހިލަމެއް ވެގެން ކަންނޭނގެއެވެ. ޖީބަށް ދެއަތް ޖަހާލައިގެން ތަރިތަކަށް ބަލަންހުރި ޔުއާންވެސް އެނބުރި ދޮރާ ދިމާލަށް ބަލައިލިއެވެ. އާއިކޮޅަށް ކިތަންމެ ދާން ބޭނުންވިއަސް ޔުއާންއަށް އޭނާ ފެނުމުން އޭނާއަކަށް އެނބުރި އާއިކޮޅަށް ދާކަށް ނުކެރުނެވެ.އެހެންކަމުން ގަދަކަމުން ތުންފަތްމައްޗަށް ހިނިތުންވުމެއް ވެރިކުރުވަމުން ދިމްރާ ޔުއާން ހުރި ދިމާލަށް ހިނގައިގަތެވެ. ޔުއާންއާއި ފިލަން ވެގެން ތާ އަބަދު ގިނަވަގުތު ކޮޓަރީގައި ހޭދަ ކޮށްކޮށް އުޅުނީމަވެސް އެންމެފަހު ވަގުތު މިޖެހުނީ ހަމަ ޔުއާންގެ ކުރިމައްޗަށްށެވެ. ޔުއާންއާއިއެކު އެކަނިވުމުން ދިމްރާ ހުރީ އޭނާގެ ހާސްކަން ޔުއާންއަށް ފަހުމް ވެދާނެތީ އެކަމާ ހިތް ސިހިސިހިއެވެ.އޭނާއަށް ޔުއާންކުރާ ސުވާލުތަކަށް ޖަވާބު ނުދެވިދާނެތީ އޭނާހުރީ އެކަމާވެސް ހާސްވެ ހިތްބިރުގެންފައެވެ.
ދިމްރާ ގޮސް ޔުއާންއާއި އެއް ހަމައެއްގައި ހުއްޓިލުމުން ޔުއާންއަށް އެގޮތް ކަމުނުދިޔައީ ކަންނޭނގެއެވެ.ފެނުނީ ދިމްރާގެ އަތުގައި ހިފާ ޔުއާންގެ ކުރިމައްޗަށް ގެނަތަނެވެ.ޔުއާންއާއި ފުރަގަސްވާ ގޮތަށް ޔުއާން ދިމްރާ ބެހެއްޓިކަން އެއީ ނަސީބޭ ދިމްރާގެ ހިތަށް އެރިއެވެ.ޔުއާން ދިމްރާގެ ދެކޮނޑުމަތިން އަތް ވަށާލާ ގާތަށް ޖެހިލުމުން ދިމްރާގެ ބޯ ޔުއާންގެ މޭގައި ލައްވެގެން ދިޔައެވެ.
“ދިމް!ވަޓް ހެޕަން؟އިސް ސަމްތިންގް ރޯންގް؟” އެއީ ޔުއާން މިވީ ދުވަސްތެރޭ އެންމެ އަހަން ބޭނުންވެފައިވާ ސުވާލެވެ.އެވަގުތު ދިމްރާގެ މޫނު ޔުއާންއަށް ނުފެންނަ ގޮތަށް ހުރުން އެއީ ދިމްރާގެ ނަސީބުކަމަށް ދިމްރާ ދެކުނެވެ.ޔުއާންގެ އަތުތެރެއަށް ދިމްރާ ގެނެސްލީ ގޮތުންވެސް ޔުއާންގެ ހިތުގައިވާ މަތިވެރި ލޯބި ދިމްރާއަށް އިހްސާސްވެގެން ދިޔައިރު އެދެލޯ ފެންކަޅިވީ އެހެންވެއެވެ.
“ކަމެއް ވެއްޖެތަ؟ ޔުއާން ކީއްވެ ތިހެން ތިއެހީ؟”
“އަހަރެންނަށް ކީއްވެތަ ދިމް އަހަރެން ދުރައްލާހެން ފީލް ވަނީ؟”
“ތީ ޔުއާންއަށް ހީވާ އެއްޗެކޭ..ސީރިއަސްކޮށް އަހަރެން އެއްވެސް ކުއްޖަކާ ދުރެއްނުވަމޭ..ވެދާނެ ޓެސްޓުތަކުގަ މާ ބޯ ގޮއްވައިގެން އުޅޭތީ ތިމީހުންނަށް އެހެން ފީލްވާގޮތަށް އަހަރެންނަށް އަމަލުތައް ބެހެއްޓެނީ ކަމަށް” ދިމްރާ މިހެންބުނެ ކުޑަކޮން ހީލީ އޭނާގެ ހާސްކަން ފޮރުވާލުމަށެވެ.
“އެހެންތަ!އޯކޭ ލެޓްސް ސީ ދޯ..މާދަމާ މީ އެންމެ ފަހު ޓެސްޓު އޮންނަ ދުވަހެއްނު..ސޯ މާދަމާގެ ޓެސްޓަށްފަހު އަހަރެންގެ ދިމް އަހަރެންނަށް ލިބެންޖެހޭނެ އެނގޭ”
“ނުލިބިއްޖެއްޔާ؟” ދިމްރާ އެހެން އަހާލީ މަޖާވެލާފައި ކަމުގައިވިއަސް، މަޤްސަދަކަށްވީ ޔުއާންދޭ ޖަވާބެއް ބެލުމެވެ.
“ނުލިބިއްޖެއްޔާ..ނުލިބިއްޖެއްޔާ ގަދަކަމުންވެސް ހޯދާނަން” ޔުއާން މިހެންބުނެ ދިމްރާގެ މޫނު ޔުއާންއާއި ކުރިމަތިވާނެ ގޮތަށް ދިމްރާ އޭނާއާއި ދިމާލަށް އަނބުރާލިއެވެ.
“އެން އައި ނޯ މެޖިކް، ކުރީގެ ދިމް އަނބުރާ ގެންނަން” މިހެންބުނެ ޔުއާން ކުޑަކޮށް ހީލުމުން ދިމްރާވެސް ލުއި ހިނިތުންވުމެއް ވެރިކޮށްލިއެވެ. ދެވަނަ ސިކުންތުގައި އެއާއެކު ފެނިގެން ދިޔައީ ޔުއާން ދިމްރާގެ ގައިގައި ބައްދާލިތަނެވެ.
“އަޅެ އަައި މިސްޑް ޔޫ ގާލް” ޔުއާން، އެހެންބުނެ އިތުރަށް ދިމްރާ އެދެއަތުގެ ތެރޭގައި ބޮނޑި ކޮށްލިއެވެ.އެއާއެކު ދިމްރާވެސް ޔުއާންގެ ގައިގައި ލޯތްބާއިއެކު އޭނާގެ ދެއަތް ވަށާލިއެވެ.އެވަގުތު ދިމްރާއަށް އިހްސާސްކުރެވުނީ މިއީ ދިމްރާއަށް ލިބޭނެ އެންމެ ފަހު ފުރުސަތުގެ ގޮތުގައެވެ.ދެން ޔުއާންގެ މޭގައި މޫނު ފޮރުވާލާކަށް ނުލިބޭނޭ އެހިތް ބުނަމުން ދިއުމުން ދިމްރާ ބޭނުންވީ ލިބުން ފަހު ފުރުސަތުގައި އެ ހަނދާން ރައްކާކޮށްލުމަށް ޔުއާންގެ ގައިގައި ބައްދާލަންށެވެ.އެހެންކަމުން ޔުއާން ދުރުކޮށްލަން އުޅުމުން އޭނާ އިތުރަށް ޔުއާންގެ ގައިގައި ވަށާލެވިފައިވާ އޭނާގެ ދެއަތަށް ބާރުކޮށްލީއެވެ.އޭރުން ދެން މިފަދަ ފުރުސަތެއް ނުލިބުނަސް އެ ހަނދާންތައް އަބަދުވެސް އޭނާއާއިއެކު ވާނެތާއެވެ.
“ދެން ހިނގާ ދޯ ނިދަން ދާން..އަދި މާދެން ފަހު ޓެސްޓް ވިއަސް އެބައޮތެއްނު”
“ހޫމް!އެކަމު ދިމް ދޭ އެނގޭ..އަހަރެންވެސް ދާނަން އިރުކޮޅަކުން”
“ހޫމް އޯކޭ ގުޑްނައިޓް”
“ގުޑްނައިޓް ބޭބީ ގާލް” ޔުއާން، މިހެންބުނެ ދިމްރާގެ ނިއްކުރިއަށް ބޮސްދިނުމަށްފަހު ދިމްރާއާއި ދުރަށް ޖެހިލިއެވެ.ދިމްރާވެސް ލޯތްބާއިއެކު ޔުއާންއާއި ދިމާލަށް ބަލައިލުމަށްފަހު އެނބުރި ކޮޓަރިއަށް ދިއުމަށް ހިނގައިގަތެވެ.ކުޑަވަގުތު ކޮޅަކަށްވިއަސް ޔުއާންގެ އަތުގެ ތެރޭގައި ހުރެވުމުން ދިމްރާ އުފާވިއެވެ.
އެ ހިޔާލުގައި ކޮޓަރިއަށް ވަންނަން އާއި ކުއްޖާއަށް ސިހުން ލިބުނީ ދިމްރާގެ އަތުގައި ހިފާ މީހަކު އެ ދިމާލުގައި ހުރި ކޮޓަރިތެރެއަށް ދަމައިގަތުމުންނެވެ. އެމީހާ ދިމްރާ ހޫރާލުމާއިއެކު ދިމްރާ ވެއްޓުނީ ކޮޓަރީގައި ޖަހާފައި ހުރި މާބްލްސްތައް މައްޗަށްށެވެ.ޖެހުންގޮތުން ދިމްރާއަށް ތަދުވެސްވިއެވެ. ނަމަވެސް ވީ ތަދަށްވުރެ ދިމްރާ ސަމާލުކަންދިނީ އެއީ ކާކުތޯ ބަލާށެވެ.އިސްއުފުލާ ބަލައިލުމާއިއެކު ރުޅިއައިސްފައި ހުރި އާމިލްގެ ދެލޯ ފެނިފާ ދިމްރާގެ ހިތް ހީވީ ހުއްޓިގެން ދިޔަ ހެންނެވެ.އާމިލް އެހާ ރުޅިއައިސްފާ އެހުރީ ދެންމެގެ މަންޒަރުތައް ފެނިގެން ކަން ދިމްރާއަކަށް ޝައްކެއްނެތެވެ.
“ކިހާ ވަރަކަށް ބުނިއްޔާތަ ދިމްރާއަށް އަހަރެން ބުނާ އެއްޗެއް އަޑުއިވޭނީ..އަހަރެންނަށް އެ މަންޒަރުތައް ފެންނާތީ ބަލާކަށް ކުޅަދާނައެއް ނުވެޔޭ..އެ އަމަލުތައް އަބަދު ފެންނަން ފަށައިފިއްޔާ އަހަރެންނަށް އިހްތިޔާރުން ބޭރުވެ އަތުންފައިން ގޯހެއް ހެދިދާނެތީޔޭ ދިމްރާއަށް އެކަން އަބަދު މި ހަނދާން ކޮށްދެނީ” އާމިލް ދިމްރާއާއި ދިމާލަށް ގުދުވެ ޝަހާދަތް އިނގިލި ދިއްކޮށްލަމުން ރުޅިގަދަވެފައިހުރެ ބުނެލިއެވެ.ޔުއާން އުފާވީތީ އެކަމުގެ ރުޅި އޭނާއަށް މި ބޭލެނީ ކުށެއްނެތް ކުއްޖަކަށްކަމެއްވެސް އެވަގުތު އޭނާގެ ހިތަކަށް ނައެވެ.އެއައްވުރެ ޔުއާންގެ އުޖާލާވި މޫނު ފެނި އޭނާ ހުރީ ހަމައިން ނައްޓާފައެވެ.ނަމަވެސް އިރުކޮޅެއްގެތެރޭ ސިހުން ލިބިފައި އިން ދިމްރާ ފެނުމުން އޭނާއަށް އަމަލު ކުރެވުނު ގޮތް ހިތަށް ވަދެގެން ދިޔައެވެ.އެހެންކަމުން ރުޅިއައިސްފައި ހުރެވެސް އޭނާ މަޑުމައިތިރިކަމާއިއެކު ދިމްރާ ކައިރީ އެތަނުން ނުކުމެގެން ދިއުމަށް ބުންޏެވެ. އާމިލް މަޑުމައިތިރިކޮށް އެހެން ބުނުމުންވެސް ދިމްރާއަށް ހީވީ އިންޒާރެއް ދިން ހެންނެވެ. އެއާއެކު ގެންފައިވާ ބިރުން އެބަހަށް ދިމްރާއަށް ދުވެފާ ނުކުމެވުނު ގޮތްވެސް ނޭނގުނެވެ.އެދިޔަ ބާރުމިނުގައި އޭނާ ހުއްޓުނީވެސް އަމިއްލަ ކޮޓަރިއަށް ވަދެވުމުންނެވެ.
ކޮޓަރިއަށް ވަންނަން އާއި ޔުއާންއަށް އާމިލްގެ ކޮޓަރިން ނުކުމެގެން ދުވެފަގޮސް ކޮޓަރިއަށް ވަތް ދިމްރާ ފެނި ލިބުނީ ހައިރާން ކަމެވެ.ދިމްރާ އާމިލްގެ ކޮޓަރިން ނުކުންނަން ޖެހުނު ސަބަބެއް ޔުއާންއަކަށް ވިސްނާއި ގަންނާކަށް ނޭނގުނެވެ.އާމިލްގެ ކޮޓަރި ދޮރުން ބޭރަށް އާމިލް ނުކުންނަން އަންނަހެން ހީވުމުން ޔުއާން އަވަހަށް އޭނާގެ ކޮޓަރިއަށް ދޮރު ހުޅުވާފައި ދެމިގަތެވެ. ނަމަވެސް އޭރުވެސް އޭނާ ހުރީ ސުވާލުމާކެއްގެ ތެރޭގައެވެ.
ކޮޓަރިއަށް ވަދެވެސް ދެކޮޅަށް ހިނގާލަ ހިނގާލަ ހުރެވުނީ ފެނުނު މަންޒަރުން ބޯ ހާސްވި ވަރުންނެވެ.އަނެއްކާ އެދެމީހުންގެ ސިއްރު ގުޅުމެއް އޮންނަނީ ބާއޭވެސް ޔުއާންގެ ހިތަށް އެރިއެވެ. އެހެންވެސް ވިސްނުނީ އެދެމީހުންގެ މިފަދަ އަމަލެއް މިއީ ފެނުނު ދެވަނަ ފަހަރަށް ވީތީއެވެ. ފުރަތަމަ ފަހަރު ފެނުނީ އާމިލް އާއި ރޭ ދިމްރާގެ ކޮޓަރިން ނުކުތްތަނެވެ.ނަމަވެސް ނޭނގި ނޫނީ ކަމެއްވެގެން ވަނީކަމަށް ހިތަށް އަރުވާލާ އޭނާ ހިތްހަމަ ޖައްސާލީއެވެ.އެރޭ އޭނާގެ ހިތުގައި ޝައްކެއްވެސް ނުއުފެދެއެވެ.ނަމަވެސް މިރޭ އަނެއްކާ ދިމްރާ އާމިލްގެ ކޮޓަރިން ނުކުތްތަން ފެނުމުން ބޭނުންނުވިނަމަވެސް އޭނާގެ ހިތުގައި ޝައްކު ހިނގާލައިފިއެވެ.އެދެމީހުންގެ ކޮންމެސް ސިއްރު ގުޅުމެއް ވާކަމަށް ހީ ކުރެވިގެން ދިޔައެވެ.
ކުރެވުނު ހިޔާލުތަކުން ކަންނޭނގެއެވެ.ދެފަރާތަށް ބޯ ހޫރަމުން ފެނުނީ އަވަސް އަވަހަށް އެނދުގައި އިށީންދެލިތަނެވެ.ދިމްރާއާއި ދޭތެރޭ އޭނާއަށް މިކުރެވުނީ ގޯސް ހިޔާލެއްކަމަށް ހިތް ބުނަން ފެށިއެވެ.އާއެކެވެ.ދިމްރާއަކީ އެކަހަލަ ކުއްޖެއް ނޫނެވެ.ފިރިހެން ކުއްޖަކަށް ސަމާލުކަމެއް އެފަދަ ގޮތަކަށް ދޭ ތަނެއްވެސް ކުރިއަކުންވެސް ފެނިފަކާއެއް ނެތެވެ.ވީއިރު ދިމްރާއަށް ޝައްކު ކުރާކަށްވެސް ހެޔޮ ނުވާނެއެވެ.ކޮޓަރި އޮޅިގެން ނޭނގުމެއްތެރޭ ވަދެވުނީ ކަމަށްވެސް ވެދާނެއެވެ. އެހެންނޫނަސް ދިމްރާގެ ލޮލުގައި އޭނާއަށް ލޯބި ވާ ކަމަށް އެނާގެ ހިތްވެސް ބުނެއެވެ.
އެހެންކަމުން އެރޭ ޔުއާން ނިދަން އޮށޯތީ ހިތްހަމަޖެހިގެން އޮވެއެވެ. ދިމްރާއާއި ދޭތެރޭ އެފަދަ ގޮތަކަށް ކުޑަވަގުތު ކޮޅަކަށްވިއަސް ޝައްކު ކުރެވުނީތީ އޭނާ އެކަމާ ދެރަވެސްވިއެވެ.
ފަހު ޓެސްޓަށްފަހު އެދުވަހުގެ ކަމަކަށް އޮތީ އެރޭގައި އޮތް ދިޔާންގެ އުފަންދުވަހުގެ ޕާޓީއަށް ތައްޔާރުވުމެވެ.ނާސިރުއާއި ދާނިޝްގެ އޮފީހުގެ މީހުން އެކަމާއި އުޅޭތީ ދިޔާންމެނަކަށް އެކަންކަމުގައި އުޅޭކަށް ނުޖެހުނެވެ.ނަމަވެސް ޔުއާންމެންގެ އެދުމަށް ޒީނަތު އުޅުނީ ދިމްރާ އެކަމުގެ ތެރެއަށް ލައިގެންނެވެ.
ދިމްރާ އެކަމުގެ ތެރެއަށް ވައްދަން އެމީހުން ބޭނުންވީ އެރޭގެ ބާރައިގެ ފަހަށް ދިމްރާއަށް ސަޕްރައިޒެއް ރެޑީ ކުރުމަށްޓަކައެވެ.އެހެންކަމުން އެ ފަސްމީހުން އެދުވަހު އުޅުނީ ދިޔާންގެ ކޮޓަރި އެކަމަށް ޑެކަރޭޓް ކުރުމުގައެވެ.ދިޔާންގެ ކޮޓަރި އެކަމަށް ހަމަޖެއްސީ ދިމްރާއަށް ޝައްކެއްވިޔަ ނުދިނުމަށްޓަކައެވެ.އެއީ ދިމްރާ އެކޮޓަރިއަށް އެހާ ވަދެ ނޫޅޭތީއެވެ.
ކަންދިމާކުރިގޮތުން އެދުވަހު އެގެއަށް ރީމްމެން އާއިއިރު އާމިލްއެއް ގެއަކު ނޫޅެއެވެ.އެހެންކަމުން ހަވީރު ހުރިހާ ކަމެއް ނިންމާފައި ރީމްމެން ގެއަށް ދާންޖެހުނީވެސް އާމިލްއާއި ދިމާނުވެއެވެ.ތަޤުދީރުގައި ރީމްއާއި އާމިލް ބައްދަލުވާން އެހެން ގޮތަކަށް ލިޔެވިފާ އޮތީ ކަންނޭނގެއެވެ.
އާމިލްއަށް ގެއަށް އާދެވުނުއިރު ހުރީ ފަހެއް ޖަހާ ބޮޑުވެފައެވެ.އޭރުވެސް ތަން ޒީނަތްކުރާ މީހުން އެކަމުގައި އުޅެއެވެ.އެކަމަށް ފަރުވާލެއްނެތި އާމިލް ކާގެއާއި ދިމާލަށް މިސްރާބުޖެހީ ބަނޑުހާއިވެފައި ހުރުމުންނެވެ.ނަމަވެސް ދޮރާ ހިސާބަށް އަރާފަ އޭނާއަށް މަޑުޖެހިލެވުނީ ކާގެއިން ޒީނަތުއާއި ނާސިރު ވާހަކަ ދައްކާ އަޑު އިވުމުންނެވެ. އެހެންކަމުން އެމީހުން ދައްކާ ވާހަކައިގެ ގޮތުން އިތުރަށް އަޑުއަހަން ބޭނުންވާތީ ޔުއާން އެތެރެއަށް ނުވަދެ އެތާ މަޑުކޮށްލިއެވެ.
“އަޅެ މިރޭ ދިމް ޖަވާބު ދޭނެ އިރަކަށް އެންމެ އިންތިޒާރު ކުރެވެނީ..ހީވެ އާއެކޭހެން ބުނާނީ.. އެހެންނޫންނަމަ ވަކި ދުވަހަކަށް ޖަވާބު ދޭކަށް މަޑެއް ނުކުރާނެތާ ދޯ”
“އާނ!ޔުއާންގެ އުފާވެރިކަން އަނބުރާ ގެންނަން އަހަރެންވެސް ވަރަށް ބޭނުން..އެމީހަކީ ދިމްރާއަށް ވީތީ އަހަރެންނަށްވެސް އުއްމީދުކުރެވޭ އެކުއްޖާ އާއެކޭ ބުނުމަށް” ޒީނަތުއާއި ނާސިރުގެ ރާގުންވެސް އެދެމީހުން އުފާވެފާ ތިބި ވަރު އެނގިގެން ދެއެވެ.އެހިސާބަށް ވާހަކަތައް އަޑުއިވުމުން އާމިލްވެސް އެތެރެއަށް ވަނެވެ.އޭރު އޭނާވަނީ މޮޅު ޕްލޭނެއްވެސް ރާވާލާފައެވެ.
“އަނހާ!މިއޮއް އައީނުން..އާދޭ ސައިބޯން އަވަހަށް” އާމިލް ފެނުމާއިއެކު ޒީނަތު އަވަހަށް ޖޯޑަކަށް ކޮފީ އަޅަން ފެށިއެވެ.އާމިލްވެސް ހިނިތުންވެލާފައި ނާސިރުއާއި ޖެހިގެން އިން ގޮނޑީގައި އިށީނެވެ.
“ދައްތައާ ބޭބެ މިއަދު ހާދަ އުފާވެފަ ތިބިހެން އެބަ ހީވެޔޭ” އާމިލް، އެމީހުން ދެއްކި އެއްވެސް ވާހަކައެއް އަޑުއިވުން ކަމަކަށް ނުހެދިއެވެ.އޭގެ ބަދަލުގައި އޭނާ ބޭނުންވީ އެމީހުންގެ ދުލުން އެހެން ބުނުވާށެވެ.
“ހޫމް!އާމިލް ކައިރީ އަދި ނުބުނެވެއޭ ދޯ..މިގޭގަ އެއުޅެނީީ އޭނުން ދިމް..އާން ވަރަށް ލޯބިވޭ ދިމް ދެކެ..އެން ފައިނަލީ މިރޭ މީ އާން ކުރި ޕްރޮޕޯޒަށް ދިމް ޖަވާބު ދޭނެ ރޭ” ޒީނަތު ފުޅާ ހިނިތުންވުމަކާއިއެކު ބުނެލިއެވެ.އެހެން ބުނެލިގޮތުންވެސް އެދެމީހުން ގުޅުމަށް ޒީނަތު އެދޭވަރު ހާމަވެގެންދެއެވެ.
ޒީނަތު އެހެން ބުނެލިއިރު އާމިލް އިނީ ކޮފީޖޯޑު އަތަށް ނަގައިގެންނެވެ.ނަމަވެސް ޒީނަތުގެ ވާހަކަ އިވި ހާސްވި މީހަކު ފަދައިން އާމިލް ކޮފީތަށި ދޫކޮށްލިއެވެ.އެއާއެކު ކޮފީތައް މޭޒު މައްޗަށް ބަންޑުން ވެގެން ދިޔައެވެ.ނަމަވެސް އެކަމަށްވުރެ އާމިލްއަށް ވީގޮތްފެނި ޒީނަތުއާއި ނާސިރު ތިބީ ހައިރާންވެފައެވެ.ހާސްވެފާ އިން އާމިލްފެނި އެމީހުންތިބީ ވާނުވާ ނޭނގިފައެވެ.އެދެމީހުން އެންމެ އަޖައިބުވީ އާމިލް ސައިބޯ ހިތް ނެތްކަމަށްބުނެ ވަގުތުން ކާކޮޓަރި ދޫކޮށް ދިޔުމުންނެވެ.އާމިލްއަށް އެއާއި ކުއްލި ބަދަލު އަންނަން ޖެހުނު ސަބަބެއް ޒީނަތުމެންނަކަށް ހަމަ އެއްގޮތަކަށްވެސް ނުވިސްނުނެވެ.
އޭރުއްސުރެ އާމިލް މަސައްކަތް ކުރަމުން ދިޔައީ ދިމްރާއާއި ދިމާވޭތޯއެވެ.ނަމަވެސް އިރުއޮއްސި އަނދިރިވެގެން އާއި އިރުވެސް އާމިލްއަށް ހުރީ ބޭނުންވި ފުރުސަތެއް ނުލިބިފައެވެ.
ނުވައެއް ޖަހާއިރު ފަށަން ހަމަޖެހިފާ އޮތް ޕާޓީއަށް ވީތީ އައްގަޑި ފަނަރަ ހާއިރު ދިމްރާ ތައްޔާރުވެގެން ތިރިއަށް ފޭބީ ކުރަންޖެހޭ ބައެއް ކުދިކުދި ކަންތައް ހުރުމުންނެވެ. މިރޭ ވިއްސާރަ ވެހޭނެކަމަށް ލަފާ ކުރެވޭތީ ޕާޓީ އިންތިޒާމް ކޮށްފާ ވަނީވެސް ސިޓިންރޫމްގައެވެ.
މިރޭ ދިމްރާ ލާފައި ހުރީ ފިޔާތޮށި ކުލައިގެ މެކްސީއެކެވެ.އެ ހެދުން ހުރީ ކުރިމަތިން ކަކުލުން ތަންކޮޅެއް ތިރިއަށް ފަސްބާއި ބަހައްޓާފަ ފަހަތަށް ބިމުގައި ކެއްތޭވަރަށް ފަސްބާއި ދިގު ކޮށްލާފައެވެ. އަދި އިތުރު ފުރިހަމަ ކަމެއް ގެނުވުމަށް ހިމަ ހުދު ބެލްޓެއްވެސް އަޅާލާފައި ހުއްޓެވެ.ފަން އިސްތަށިގަނޑު މިނިވަންކަމާއިއެކު ދޫކޮށްލާފައިވާއިރު ބޭންޑެއްގެ ސްޓައިލަށް ބޮލުގައި ހުރީ ޕިންކާ ވައިޓް ކުލައިގެ ކުދިކުދި މާ ޖަހާފައި ހުރި ކުދިކުދި ވަކިތަކެއް ޖަހާލާފައެވެ.ތުންފަތުގައި މަޑު ޕިިންކު ކުލައިގެ ލިޕްގްލޯސްއެއް ޖައްސާލާފައިވާއިރު ލޯ ކައިރި ކަޅުކުލައިން ފަވާލާ އެސްފިޔަތަކުގައި ހުރީ މަސްކަރަވެސް ޖައްސާފައެވެ.އެހެންކަމުން އެ ދިގު އެސްފިޔަތައް އިތުރަށް ދިގު ކަމަށް ދައްކައެވެ.ފެންނަ ކޮންމެ މީހަކު ތައުރީފު ކޮށްނުލާ ނުދާނެހާ ދިމްރާ މިރޭ ފުރިހަމައެވެ.
ދިމްރާ ސިޓިންރޫމަށް އާއިއިރު ރީމްމެން އުޝާމެންގެ އިތުރުން އެހެނިހެން މީހުންވެސް ހަރަކާތްތެރިވަމުން ދިޔައެވެ.ރީމްއާއި އުޝާއެކޭ އެއްފަދައިން ދިމްރާވެސް އާއިގޮތަށް އަވަސްވެގަތީ މުޅި ސިޓިންރޫމްގައި ހުރި އެތައްބައިވަރު އުއްބައްތި ތަކުގާ އަލިފާން ރޯ ކުރާށެވެ.މުޅި ސިޓިންރޫމްގެ ލައިޓްތައް ނިވާލާފައިވާއިރު އަލިކުރަން ބަހައްޓާފައި ހުރީ މަތީގައި އެލުވާފައިހުރި ފުޅިބައްތި ތަކާއި ލައިޓްބޯލްސް ތަކާއި އުއްބައްތި ތަކެވެ.އެހެންކަމުން ތަނުގައިވަނީ ހިތްގައިމު އަލިކަމެކެވެ.ބަލާލި ކޮންމެ ދިމާލަކުންވެސް ފެންނަން ހުރީ ޕިންކާއި ހުދުކުލައެވެ.ފުއްޕާހަންތަކާއި،މާވެޔޮތަކާއި،ގަސްތަކާއި ފޮތިތަކުގައިވެސް އެކުލަވާލާފައިވަނީ އެދެކުލައެވެ.
ކުރަންހުރި މަސައްކަތް ކޮށް ނިމުމުން ދިމްރާ ދިޔައީ ފެން އަޅާފައިހުރި ތަށިތައް ކައިރިއަށެވެ. އެތަނަށް ގޮސް ހުއްޓިލިހާއިރުން އުޝާއާއި ރީމް އައީ ތިންމީހުން އެއްކޮން ފޮޓޮއެއް ނަގަން ކެމެރާމަން ގޮވައިގެންނެވެ.ހިތް ފުރޭވަރަށް ފޮޓޯ ނަގާއި ނިމުމުން އުޝާއާއި ރީމް ޒީނަތު ގޮވުމުން އެދިމާލަށް ދިޔުމުން ދިމްރާ ފެންތައްޓެއް ނަގައިގެން ބޯންފެށިއެވެ.
ފެންބޮއެ ނިމިގެން އެނބުރި ދާން ހިނގައިގަތް ދިމްރާއަށް ސިހުން ލިބުނީ އާމިލް އައިސް އޭނާގެ އަތު އުޅަބޮށީގައި ހިފާލުމުންނެވެ.މީހަކަށް ވިސްނާލުމެއްނެތި އާމިލް އޭނަ ގޮވައިގެން ސިޑިން އަރަން ފެށުމުން ދިމްރާ ހާސްވެފާހުރެ އެއަތްދަށުން މިންޖުވާން ގަދަހެދިއެވެ.ނަމަވެސް މިންޖު ނުވެވިގެން އުޅެނިކޮން އާމިލް އޭނާގޮވައިގެން ގޮސް އާމިލްގެ ކޮޓަރިއަށް ވަނެވެ.
މި މަންޒަރު ފެނުން ރީމް ހުރީ ލިބުން ޝޮކްގައި ދެލޯ ބޮޑުވެފައެވެ.އެއީ ކާކުކަން އޭނާ ވަރަށް ރަނގަޅަށް ހަނދާން އެބަ ހުއްޓެވެ.އެއީ ދިމްރާގެ ފަހަތުން ރަށުގާ ލޯބި ހުށަހަޅަމުން ދުވި ކުއްޖާއެވެ. ނަމަވެސް އޭނާ މިގޭތެރެން ފެންނަން ޖެހުނު ސަބަބެއް ރީމްއަކަށް ނުވިސްނުނެވެ.ދެމީހުންގެ ހަރަކާތްތަކުން އަލަށް ބައްދަލުވި ބައްދަލުވުމެއް ނޫންކަން ރީމްއަށް ނަގައިގަނެވުނުއިރު މީހާ ހުރީ ހައިރާންވެފައެވެ.ދިމްރާ ގައިމު އޭނާއާއި ބައްދަލްވީ ވާހަކައެއް މިއިން ދުވަހަކު ބުނެފައެއް ނެތެވެ. ވީއިރު އެގޮތަށް އަތުގާ ހިފައިގެން ގެންދަން ޖެހުނީ ކީއްވެބާާއޭ ރީމްގެ ހިތަށް އެރިއެވެ.ކޮންމެ ގޮތެއްވިއަސް ވާނުވާ އެނގެން ރީމް ބޭނުންވިއެވެ. އެދެމީހުން ފަހަތުން ދާން ހިނގައިގަތް ރީމްއަށް އެހެނަސް ހުއްޓެން ޖެހުނީ އުޝާ ދުވެލާފައި އައިސް އޭނާގެ އަތުގައި ހިފާލުމުންނެވެ.
“ރީ ހިނގާބަ އަހަރެންނާއެކު ގެއަށް ގޮސްލާފަ އަންނަން ދާން..ހަނދާން ނެތިގެން މި އާދެވުނީ ޔާންއަށް ދޭން ތައްޔާރުކުރި ޕްރެޒެންޓް ބާއްވާފަ.. ކޮންމެ ގޮތެއް ހަދާފަވެސް ޔާންމެން ރެޑީވެގެން އަންނަން ވާއިރަށް އެބަޖެހޭ އެ ގެނެސް ފޮރުވަން.. ސޯ ޕްލީޒް ހިނގާބަ އަވަހަށް” އުޝާ ހާސްވެފައިހުރެ އެއްނޭވާއިން ބުނެލި ގޮތުން ރީމްއަށް އިންކާރު ކުރާކަށް ނުކެރުނެވެ.އެހެންކަމުން ދިމްރާގެ ފަހަތުން އެހާ ދާން ބޭނުންވެފައި ހުރެވެސް ރީމް އުޝާއާއިއެކު ދިޔުމަށް ހިނގައިގަތެވެ.މަގުމަތިން ކާރެއް ހޯދައިގެން ދެމީހުން ގެއާ ދިމާލަށް މިސްރާބުޖެހިއިރުވެސް ރީމްއަށް އިނދެވުނީ އެކަމާއި ވިސްނާށެވެ.
“ކިހިނެއްވެފަތަ ތިއިނީ” ރީމް، މާ ހިމޭންވެފައި އިންކަން ފާހަގަ ކުރެވުމުން އުޝާ އަހާލިއެވެ
“މި ކީކޭ ބުނާނީވެސް..އުޝް..އަހަރެމެން ކިޔަމެއްނު ރަށުގަ އުޅުންއިރު ދިމް ދެކެ ލޯބިވެގެން އުޅޭ ބޯއީއެއްގެ ވާހަކަ..ވަރަށް ގިނައިން ޗޮކްލެޓް ދޭނޭ ކީމެއްނު..ހަނދާންވެއްޖެތަ؟”
“ޔާ!އޭނަ ކިހިނެއްވީ؟” ރީމް ބުނަން އުޅޭ އެއްޗެއް އުޝާއަށް ނަގާއި ގަންނާކަށް ނޭނގުނެވެ.
“މިރޭ އަހަރެންނަށް އޭނަ ފެނިއްޖެ..އެން ޔޫ ނޯ ވަޓް..ފެނުނީ އެވެސް އާންމެންގެ ގެއިން..އަހަރެން އެންމެ ހައިރާންވީ އޭނާ އައިސް ދިމްގެ އަތުގަ ހިފައިގެން އެއްފަރާތަކަށް ދިޔައީމަ..އެދެމީހުންގެ އަމަލުތައް ހުރިގޮތުން އެނގޭ އެއީ އެމީހުން ފުރަތަމަ ބައްދަލްވީ ބައްދަލުވުމެއް ނޫންކަން..އެކަމު އެއްޗެއް ވިސްނައި ގަންނަންވެސް ނޭނގިފަ މި އިންނަނީ ދިމް މިވީހާ ތަނަށް މާލެ އައިސް ސުރެން ނަމަކަށްވެސް އެކަހަލަ ވާހަކައެއް ދައްކާފަ ނެތީމަ”
“އެހެންތަ!ޔާ..އަހަރެން ކައިރިއަކުވެސް އޭނާގެ އެއްވެސް ވާހަކައެއް ދައްކާފައެއް ނެތް..ދެން ގޮސް ބަލާނީ ދޯ ވާނުވާ” އުޝާ އެހެން ބުނުމުން އުޝާއާއި އެއްބައިވުމުގެ ގޮތުން ރީމް ބޯ ޖަހައިލިއެވެ.
“އާމިލް!އަހަރެންނަށް ތަދުވެޔޭ” އާމިލް ހިފަހައްޓާފައި ހުރިގޮތުން ދިމްރާއަށް ހުރީ ރަނގަޅަށްވެސް ތަދުވެފައެވެ.އަނެއްކޮޅުން އާމިލްއާއި އެއްކޮޓަރިއެއްގައި ހުރެވޭތީ އެކަމާވެސް ދިމްރާ ހުރީ ހާސްވެފައެވެ.
“އަހަރެންނަށް މިއަދު އަޑު މި އިވުނީ ރަނގަޅު ވާހަކައެއްތަ..ދިމްރާ މިރޭ ޔުއާންއަށް ޖަވާބެއް ދެނީޔޯ” އާމިލްގެ ތޫނު ނަޒަރު ދިމްރާގެ ދެލޮލާ އަމާޒު ކޮށްގެން ހުރެ އާމިލް ބުނެލިއެވެ.އެއާއެކު ދިމްރާ މޫނު އިސްދަށަށް ޖަހާލީ އާމިލްގެ މޫނަށް އިތުރަށް ބަލަން ބޭނުން ނުވުމުންނެވެ.ހަޤީގަތަށް ބުނަންޏާ އާމިލް އެކުރާވަރުން ދިމްރާގެ ހިތުގައި ފޫހިކަމެއް ހިނގާލައިފިއެވެ.
“އެއީ އާމިލް ނާންނަނީހެން އަހަރެން ޒީނައްތަ ކައިރީ ބުނެފައިވާ ވާހަކައެއް..އެހެންވެ އެމީހުން އެހެން އެކީ” ދިމްރާ އިސްދަށަށް ޖަހާލައިގެން ހުރެ މަޑުމައިތިރިކަމާއިއެކު ބުނެލިއެވެ.
“އޯވ!މިހާރު މިކަން މާ މައްޗަށް ގޮސްފައޭނުން މިއޮތީ..ސޯ ދެން ކަންތައް ކުރާނެ ގޮތް އެނގޭނީ އަހަރެންނަށް..ދިމްރާ މި އާއިލާގެ ހެޕިނެސް ބޭނުންވަންޏާ އަހަރެން ދައްކާ ވާހަކައާ ދެކޮޅަށް އެންމެ ލަފްޒެއްވެސް ބުނެގެން ނުވާނެ.. އަޑުއިވިއްޖެތަ..ޔުއާންގެ އުފާވެރިކަމާ ޔުޝްރައްތަގެ އުފާވެރި މުސްތަޤުބަލްވެސް އޮތީ އަހަރެންގެ އަތްމަތީގަ..އަހަރެން މި އާއިލާއާ ގުޅުން ކަނޑާލާފަ ހިނގައްޖެނަމަ އަހަރެންގެ ދޮންބެވެސް ޔުޝްރައްތަ ދޫކޮށްލާފަ އަހަރެންނާއެކު ދާނެ..އޭރުން ޔޫޝްރައްތައާ ބޭބީ ބިކަވެގެން ދާނީ..ސޯ ދިމްރާއަށް އޮތް ހަމައެކަނި ގޮތަކީ އަހަރެމެންގެ މި އުފާވެރި އާއިލާ މި ގޮތުގަ ބާއްވަން ބޭނުންވަންޏާ އެއްޗެކޭ ނުބުނެ ހުރުން” ހަރުކަށިކަމާއިއެކު ބުނަން ބޭނުންވި އެތި ބުނެފާ، އާމިލް ކައިރީ ހުރި ރެކްމަތީ އޮތް ފޮޓޯގަނޑެއް އަތަށް ލައިގެން ނުކުންނަން ހިނގައިގަތެވެ.އާމިލްގެ ހަރުކަށި ބަސްތަކުން ޝޮކެއް ލިބިފާހުރި ދިމްރާއަށް ވާނުވާވެސް ރޭކާލީ އިރުކޮޅެއް ފަހުންނެވެ.އެއާއެކު ފެނުނީ ދުވެފާ ގޮސް ސިޑިން ފައިބަން ދިޔަ އާމިލްއާއި އެއްވަރު ކޮށްލިތަނެވެ.
“އާމިލް!އާމިލް ޕްލީޒް..ތިހެން ނުހަދާ އަހަރެންނަށް. އަހަރެން ކުރި ކޮށް ކުށެއްގެ އަދަބެއްތަ ތި ދެނީ.. އާމިލް ދެކެ ލޯބިނުވެވި ޔުއާންދެކެ ލޯބިވެވުން އެއީ އަހަރެންނަށް ކުރެވުނު ކުށެއްތަ.. އެން ކީއްވެތަ އަހަރެން ކައިރީ ތި ދުރުވާށޭ ތިކިޔަނީ..ޔުއާން ކައިރީ ނުކިޔާ..އަސްލު އަހަރެންނަކަށް ހިއެއްނުވެ އާމިލް އަހަރެންދެކެ ލޯބިވާހެންނެއް..އެހެންނޫންނަމަ ތިހެންނެއް އަހަރެންނަކަށް ނުހަދާނެ ދޯ..މި އާއިލާގެ އުފާވެރިކަމަށް އާމިލްވެސް ވިސްނާނަމަ ތިހެންނެއް ނުހަދާނެ ދޯ” ހިތް އަވަސްވެފާއި ހުރި ހާލު ދިމްރާއަށް ރަނގަޅަށް ކިޔޭ ނުކިޔޭވެސް ނޭނގެއެވެ.އެހެނަސް ހިތުގައި ހުރި ހުރިހާ އެއްޗެއް ބަންޑުން ކޮށްލުމާއިއެކު ދިމްރާއަށް އަނެއްކާވެސް ކުރިމަތިލާން ޖެހުނީ އާމިލްގެ ރުޅިވެރި ނަޒަރާއެވެ. އާމިލް ބަލައިލިގޮތުން ފެންނަ މީހަކުވެސް މިވަގުތު ޖެހިލުންވާނެކަން ގައިމެވެ.އާމިލް ބަލައިލީ އެހާވެސް ރުޅިގަދަވެފައި ހުރެއެވެ.އެހެނަސް އެއްޗެއް ބުނުމުގެ ބަދަލުގައި ފެނުނީ ކުރިއަށް ވުރެ ބާރަށް ފިޔަވަޅުތައް އަޅަމުން ކުރިއަށް ދިއުމަށް ހިނގައިގަތްތަނެވެ.އާމިލްގެ އެ ބަލާލުމުން، ބުނެވުނީ މިވަގުތު ބުނަން ނުވާ ވަރު އެއްޗެއްކަން ދިމްރާއަށް ބުނެދިން ކަހަލައެވެ.އާމިލް އެ ސުވާލުތަކަށް ޖަވާބު ނުދިނީ އެހެންވީމަތާއެވެ. އެހެންކަމުން އާމިލްގެ އެ އަމަލުން ދިމްރާގެ ފަހުގެ އުއްމީދުގެ ހުޅުކޮޅުވެސް ނިވިގެން ދިޔައެވެ.
“އޯކޭ!އަހަރެން ޔުއާންއާ ދުރަށް ދާން ތައްޔާރު.. އާމިލްގެ މި ހެޕީ ފެމެލީ އަހަރެންނާ ހެދި ރުއިން ވިޔަކަ ނުދޭނަން..ބަޓް ޕްލީޒް..މިރޭގެ މި އުފާވެރިކަން ގެއްލުވާ ނުލާ..މިގަޑީ އާމިލް ތިހުރީ ހެދޭ ނުހެދޭވެސް ނޭނގޭ ހިސާބުގަ..ފަހުން ވާނުވާ އެނގޭއިރު ކުރެވުނު ކަންތައް ވިސްނި އާމިލް ދެރަވާނެ..ސޯ ޕްލީޒް..މިގަޑީ ތިހެން ނުހަދާ.. ފަހުން އާމިލް ކޮންމެ ގޮތަކަށް ކަންތައް ކުރިޔަސް އަހަރެން އުފްވެސް ނުބުނާނަން” ދިމްރާ ހިތްދަތިވެފާއި ބުނެލި ބަސްތައް އަޑު އިވުން ނަމަވެސް އާމިލް ބޭނުންވީ އޭނާ ރޭވި ޕްލޭނާ އެއްގޮތަށް އެކަން ނިންމާށެވެ.
އެއްމެން ތެރޭ އޭނާ އެ އެކްޓުތައް ޖައްސައިފިނަމަ މާ ފޯރިގަދަވާނެއެވެ.އެންމެން އެއްތާކުން ފެންނާނީވެސް މިކަހަލަ މަދު ރެއަކުއެވެ.ވީއިރު އޭނާއަށް މިރޭ މި ލިބުނު ރަނުގެ ފުރުސަތު މިސް ކޮށްލެވޭކަށް ނެތެވެ.އެންމެންނަށް އެނގި މި ހާދިސާ ހިނގީމަ ޔުއާންއަށް އެ ހިތާމައިން އަމުދުން އަރައިގަންނާކަށް ފަސޭހައެއް ނުވާނެއެވެ. އެންމެންނަށް އެނގިގެން މިކަންވުމުން ޔުއާން އަނެއްކާވެސް އެ އަނދިރި ދުނިޔެއަށް ދާނެއެވެ. މިހާރުވެސް ޔުއާންގެ މޫނަށް އަރާފައިބެގެންދާނެ ކުލަވަރުތައް އޭނާ ބަލައިލާ ހިތް ވެއްޖެއެވެ.އެ ލޮލުން ފެނިގެންދާނެ ވޭން ދެކިލަން އޭނާ ވަކިން ބޭނުމެވެ.
އާދޭސް ކުރަމުން އާމިލްއާއި އެއްވަރަށް ފައިބަމުންދިޔަ ދިމްރާއަށް ހުއްޓިލެވުނީ އާމިލް ސިޑީގެ ހަރުފަތްތައްމަތީ ހުއްޓިލުމުންނެވެ.އެއާއެކު އާމިލް ދޮރާ ދިމާލަށް ބަލަހައްޓައިގެން ހުރުމުން ދިމްރާއަށްވެސް އެދިމާލަށް ބަލައިލެވުނެވެ.އެވަގުތު އެތެރެއަށް ވަދެގެން އާއި ދާނިޝްގެ އާއިލާއާއި ޔުޝްރާގެ ދެމަފިރިން ފެނި ދިމްރާގެ ދެލޯ ދިޔައީ ރަނގަޅަށްވެސް ބޮޑު ވެގެންނެވެ.މިރޭ ރަނގަޅު ގޮތެއްގާ ނިމިގެން ނުދާނެކަމަށް ސިކުނޑިވެސް އެވަގުތު ސިގުނަލް ދެމުން ދިޔައެވެ.އޭނާގެ ސަބަބުން ދިޔާންގެ އުފާވެރި ޕާޓީ އަދިހަމަ އެހެންމެ އެންމެންގެ އުފާވެރިކަން ގެއްލިގެންދާނޭ ހިތަށް އެރުމުން އެދެލޯ ފެންކަޅިވެގެން ދާކަށް ހިނދުކޮޅެއްވެސް ނުނެގިއެވެ.
އޭރު އަދި ނުވައެއް ޖަހަން ވިހި ވަރަކަށް މިނެޓް އިނުމުން އެއްވެސް މެހެމާނެއް ނާދެއެވެ.ނަމަވެސް އާއިލާ މީހުންނާއި ދިޔާންމެން އެންމެންވެސް ސިޓިންރޫމްގައި ތިބިއިރު އެތާނގަ މި ވަގުތަށް މަދީ ހަމައެކަނި އުޝާއާއި ރީމް އެކަންޏެވެ.
“ދައްތާ” ސިޑިން ފައިބަމުން އާމިލް ގޮވާލުމުން ދިމްރާއަށް ސިހުމެއް ލިބުންއިރު ސިޓިންރޫމްގައި ތިބި އެންމެންގެ ލޯތަށްވެސް އެދިމާލަށް އަމާޒުވެގެން ދިޔައެވެ.
“އަހަރެން ވަރަށް ބޮޑު ވާހަކައެއް ބުނަން ބޭނުން” އެއްވެފާއި ތިބި އެންމެން ކައިރިއަށް ހުއްޓިލަމުން އާމިލް އެހެން ބުނެލިއިރު އެ އަޑުގައިވާ ހިތާމަ މީހަކަށް ސިއްރެއް ނުވާނެއެވެ.އޭރު ދިމްރާވެސް އާމިލް ކިޔަން އުޅޭ އެއްޗެއް ނޭނގިި ހުރި ހާލު، އެމީހުން ކައިރިއަށް އައިސް ހުއްޓިިލިއެވެ.
“އަހަރެއްނަށް މިއަދު ހަވީރު ދައްތަމެން ދެއްކި ވާހަކައިން އެހާ ބޮޑު ޝޮކެއް ލިބުނީ ކަމެއްވީމަ. އިތުރަށް މިވާހަކަ ނުބުނެ ލަސްކުރުން ބުއްދިވެރި ނުވާނެތީ މިވަގުތު މިވާހަކަ ދައްކަން މިޖެހުނީ” އާމިލްގެ އަމަލުތައް ހުރީ ވާހަކަ ދައްކަން އުނދަގޫވެގެން އުޅޭ މީހެއް ގޮތަށެވެ.
“މި މާ ކުރިން އަހަރެންނާ ދިމްރާގެ ގުޅުން އޮވޭ” އާމިލް ބުނެލި ބަސްތަކުން އަނގަމަތީ އަތް އަޅާލަމުން ދިމްރާއަށް ބަލައިލެވުނީ ޔުއާންއާއި ދިމާލަށެވެ.ޔުއާންގެ އުފާވެރި މޫނަށް އެވަގުތު ވެރިވެގެން ދިޔަ އަސަރުތައް ދިމްރާއަށް ރަނގަޅަށްވެސް ފެނުނެވެ.އޭރު ބޭރު ދޮރުން ވަތް އުޝާއާއި ރީމްއަށްވެސް އާމިލްގެ ވާހަކަ އިވި، ތިބީ ޝޮކެއް ލިބިފައެވެ.އަޑުއަހަން ތިބި އެހެންމީހުންގެ ހާލަކީވެސް އެއީއެވެ.
“އަހަރެންނަކަށް ނަމަވެސް ކުޑަކޮންވެސް އެނގިފައެއް ނެތް ދިމްރާ ޔުއާންއާ ވެސް ގުޅުމެއް ފަށައިގެން އުޅޭ ކަމެއް..އަހަރެން މިފަހަރު އެހާވަރުން މާލެ މިއައީވެސް ދިމްރާ ކައިރިއަށް.. އަހަރެންނަށް އެނގޭ މިގޭގަ އުޅެޔޭ ދައްތަމެން ބުނި ދިމްއަކީ އަހަރެން ގުޅުމެއް ފަށައިގެން އުޅޭ ދިމްކަން..އެކަމަކު އެހެން ނުބުނެ މަޑުކުރީ ހާއްސަ ރެއަކުން ދައްތަމެންނަށް ސަޕްރައިޒްއެއް ދޭންވެގެން..އެހެންވެ ދިމް ކައިރީވެސް ބުނީ ނުބުނުމަށް..ދިމްއާ އަހަރެންނާ ދިމާވީ ވިޔަފާރި ކަމެއްގަ އެރަށަށް ގޮސް އުޅުނުއިރު..ކުރިން އަހަރެން ކުރި އާދޭހަށް ދިމް ނޫނެކޭ ބުނެ ބުނެފަ ދިމް މާލެ އަންނަން އޮތް ދުވަހުގެ ކުރީރޭ އަހަރެންނަށް ޖަވާބު ދިނީވެސް..އޭރު އަހަރެން ދިމްރާގެ ލޯބި ހޯދަން ޗޮކްލެޓްފަދަ ތަކެތި ދޭކަށް ދިމްރާގެ ރައްޓެހިންނަށްވެސް އެނގޭނެ..މިއަދު ދައްތަމެން އެހެންބުނުމުން އަހަރެންނަށް މި އިނގުނީވެސް އެކަން..ދިމްރާ އަހަރެން ކައިރީ އެވާހަކަ ނުވެސް ބުނެ އެހުރީ..މިއަދު، އާއިލާ ދެމީހުންނަށް އެއްފަހަރާ ދިމްރާއާ ހެދި އުޅެވޭކަން އަހަރެންނަށް މި އެނގުނީވެސް.. އެކަމު އަހަރެން ދިމް ކުއްވެރިއެއް ނުކުރަން..ޔުއާންއާ ގާތުގަ އުޅެވުނީމަ ޔުއާންދެކެ ލޯބި ވެވުނީކަމަށްވެސް ވެދާނެ..އެހިސާބުން ލޯބި ބަދަލުވީ ކަމަށްވެސް ވެދާނެ..އެކަމު ދިމް އަދި އާންއަށް ޖަވާބެއް ދީފަ ނެތީމަ ނޭނގޭ އަހަރެންނަކަށްވެސް ދިމް އަސްލު ޔުއާންދެކެ ލޯބިވާކަމެއް އަދި އަހަރެމެން ދެމީހުން ތެރެއިން އަސްލު ލޯބި ވަނީ ކާކު ދެކެ ކަމެއްވެސް..އެކަމު އަހަރެންނާ ރައްޓެހިވެގެން ހުރެ އާންއާ ގުޅުމެއް ބޭއްވީމަ އަހަރެން ކިތަންމެ ލޯބިވިއަސް ދިމް ދެން ބޭނުމެއް ނޫން” އާމިލްގެ ވާހަކަތައް ތެދުކަން ހާމަކޮށްދިނުމަށްޓަކާއި އާމިލްގެ ހަރަކާތްތައްވެސް ބެހެއްޓީ ހިތް ހަލާކުވެފައިވާ މީހެއް ފަދައިންނެވެ.ދެލޯ ފެންކަޅިވެފާއި ވާއިރު ހީވަނީ ދެންމެ ދެންމެ ރޮއެގެންފާނެ ހެންނެވެ.
އާމިލްގެ ބަސްތަކުގެ ތެދުކަން ގަބޫލުކުރަން އެތާ ތިބި އެންމެންނަށް މަޖުބޫރުވީ އާމިލްގެ ހިތް ހަލާކުވެފައިވާކަން ހާމަކޮށްދޭ މޫނާއި ދިމްރާގެ ހަމަހިމޭންކަމުންނެވެ.ޔުއާންއާއި ދިމާލަށް އޭރު ބަލައިލި ކުއްޖާ އެހުރިހާ ވާހަކައެއް އާމިލް ދެއްކިއިރުވެސް ހުރީ ޖެހި ބުދެއްހެން ހަމަ އެގޮތުގައެވެ.އޭރު އޭނާގެ ސިކުނޑިވެސް ރަނގަޅަކަށް މަސައްކަތެއް ނުކުރެއެވެ.އާމިލް ފާޅުގާއި ހަދާލި ދޮގުން ދިމްރާ ހުރީ ހަމަ އެހާވެސް ބޮޑު ޝޮކެއްގައެވެ.އޭނާ ހުރީ އާމިލްއަށް ފާޅުގާއި އެވަރު ބޮޑު ދޮގެއް ބުނަން ކެރުނީތީ އެކަން ގަބޫލުކުރަންވެސް ދަތިވެފައެވެ.އެވެސް އަދި އެއްވެސް އުނދަގުލަކާއި ނުލައެވެ.
“މީ އެދުވަސްވަރު އަހަރެން ދިމްއަށް ޗޮކްލެޓް ބާސްކެޓެއް ދެނިކޮން ނަގާފަ އިން ފޮޓޮއެއް.. މި ހެކިދޭނެ އަހަރެންނާ ދިމްއާ ކުރިންވެސް ދިމާވިކަމުގެ” އާމިލް، މިހެންބުނެ އަތުގައި އޮތް ފޮޓޯ ދިއްކޮށްލިއެވެ.ގިނަބަޔަކު ބެލުމަށްފަހު އެ ފޮޓޯގަނޑު ޔުއާންގެ އަތަށްވެސް ދިޔައެވެ.އެހެނަސް އެ ފޮޓޯއަށް އެންމެ ނަޒަރެއް ދީފަ ދެން ފެނިގެން ދިޔައީ އަތަށް އެ ފޮޓޯގަނޑު ބޮނޑިކޮށްލިތަނެވެ. ވޭނާ ކަރުނައާއި އެކުވެފައިވާ ދެލޯ ދިމްރާއާއ އަމާޒު ކޮށްލުމުން އެ ލޮލުގައިވާ އެތައް ހާސް ޝަކުވާ ދިމްރާއަށް ފެނުނުއިރު ޔުއާންގެ އެ ބަލައިލުމުން މުޅި ހަށިގަނޑަށް ރިހުމެއް އަރާލައިގެން ދިޔައިރު ދިމްރާގެ ހިތް ފޮތިފޮތިވެގެން ދިޔަފަދަ އިހްސާސެއް އޭނާއަށް ކުރެވިގެން ދިޔައެވެ.
“ޔުއާން..އައިމް ސޮރީ” ދިމްރާއަށް ބުނެވުނީ އެހިސާބަށެވެ.އިތުރަށް އެއްޗެއް ބުނަން އުޅުމާއިއެކު ފެނުނީ ޔުއާން ދިމްރާއާއި ދިމާލަށް ބަލަންހުރެ ދެފަރާތަށް ބޯ ހޫރާލުމަށްފަހު ސިޑިއާއި ދިމާލަށް ދުއްވައިގަތްތަނެވެ.ޔުއާން ދިޔަ ދިމާލަށް އަތް ދިއްކޮށްލެވުންއިރު ދިމްރާގެ ހިތުގައި އެތައް ހާސް އަސަރުތަކެއްވިއެވެ.
އޭނާ މައާފަށް އެދުނީ ޔުއާންއަށް ހިތާމައެއް ދެވޭތީއެވެ.ޔުއާންގެ އުފާވެރިކަން ނިއުޅާއި ގަނެވޭތީއެވެ.ޔުއާންގެ ހަޔާތަށް އޭނާއަށް ދެވެން ނެތީތީއެވެ.ޔުއާންދެކެ އިންތިހާއަށް ލޯބިވެ ހުރެ އެހެން ނުބުނެވޭނެތީއެވެ.
ބޭއިހްތިޔާރުގައި އެ ހިޔާލުގައި ހުރެ ދިމްރާއަށް އެދިމާލަށް ދެވެން އުޅުނެވެ.އޭރު އެންމެންވެސް ތިބި ފިޔަވަޅުމަތީ ތިބީ ފެންނަމުންދާ މަންޒަރުތަކާއި އިވޭ އަޑުތައް ގަބޫލު ނުކުރެވިފައެވެ.ލިބިފާއި ތިބި ޝޮކްގައި އެންމެންތިބީ ބުނާނެ އެއްޗެއް އަމަލު ކުރަންވީ ގޮތެއްވެސް ހިތަށް ނައިސްފައެވެ.އާމިލްގެ ބަސްތައު ގަބޫލުކުރަން ބޭނުންނުވިއަސް ދިމްރާގެ އެ ހަމަހިމޭންކަމުން އެއީ އާމިލް ދެއްކި ވާހަކަތަކާއި އެއްބަސްވުން ކަމަށް އެމީހުންނާ ޖެހުނީ ގަބޫލުކުރާށެވެ.ދޮގެއްނަމަ ދިމްރާ އެންމެ ބަހެއްވެސް ދިފާއުގާ ބުނެލީސްތާއެވެ.ނަމަވަސް އޭގެ ބަދަލުގައި ބުނެލިހާވެސް އެއްޗަކީ ސޮރީ އެކަންޏެވެ.ވީއިރު އަޑުއަހަން ހުރި މީހަކަށް އެބަހުގެ މާާނަވެސް ނެގޭނީ ކުރެވުނު ކުށަށް ދިމްރާ މައާފަށް އެދުނީ ކަމަށްތާއެވެ.
ޔުއާން ދިޔަ ދިމާލަށް ދާން އުޅުން ދިމްރާއަށް ހުއްޓެން ޖެހުނީ ޔުއާންއާއި ދިމާލަށް ދިއްކޮށްލައިގެން ހުރި އަތުގައި ދާނިޝް ހިފާއި ދާނިޝްއާއި ވީ ފަރާތަށް އޭނާ އަނބުރާލުމުންނެވެ.
“އަހަރެން ކުރަން ބޭނުމީ އެންމެ ސުވާލެއް..ދިމްރާ އާމިލް ދަންނަންތަ” ދާނިޝްގެ އަޑުގައިވާ ހަރުކަށިކަމުން ދިމްރާގެ ހިތް ރޯލިއެވެ.އެއީ އޭނާއަށް މިވީހާ ތަނަށް ހަރުކަށި ކަމެއް ދައްކާފައިނުވާ އޭނާގެ ދޮންބެއެވެ.ކަމެއްވިއަސް ލޯބިން ނޫނީ ވިސްނާއިދޭފަދަ ރާގަކަށް އޭނާއަށް ކަންކަން ވިސްނައިދިން ދޮންބެއެވެ.ވީއިރު، މިއަދު އެ ދޮންބެގެ ހަރުކަށިކަން ފެނުމުން އެހިތަށް ކެތްވާނެ ހެއްޔެވެ؟
“ދަންނަން..އެކަމަކު….” އިތުރަށް ބުނަން އުޅުން ބަސްތައް ފުރިހަމަ ކޮށްނުލެވުނީ މޫނު މައްޗަށް އަރައިގެން ދިޔަ ދާނިޝްގެ އަތުގެ ހޫނު ހަމަލާގެ ސަބަބުންނެވެ.
މި މަންޒަރު ފެނި އެންމެންގެ ދެލޯ ބޮޑުވެގެން ދިޔައިރު ދިޔާންއަށް ކުރި އަސަރު މާ ފުނެވެ. އޭނާގެ ބައްޕައަކީ އެންމެ ދެރަވެގެން އޭނާގެ ގައިގައި ޖަހަންވެސް އަތް އުފުލާލާފައިވާ މީހެއް ނޫނެވެ.ހީނުކޮށް ހުއްޓާ ދާނިޝްގެ އަތުގެ ހަމަލާއެއް މޫނަށް އެރުމުން ޝޮކެއް ލިބިފާއި ހުރި ދިމްރާގެ މޫނުގައި އަޅާލިވޭނަށްވުރެ އޭނާގެ ހިތުގައި އަޅާލިވޭން ގަދައެވެ.އޭނާ ހުރީ ދާނިޝްގެ އެ އަމަލު ގަބޫލުވެސް ނުކުރެވިފައެވެ.އެހެނަސް ދާނިޝްގެ މި ހަމަލާއިން އެކުއްޖާ އެއްކޮން ހަމަހިމޭންވެގެން ދިޔައިރު ދިފާއުގައި އިތުރު ބަހެއްވެސް ބުނެލަން އިތުރަކަށް މަސައްކަތެއް ނުކުރިއެވެ.
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Comments (150)
Comments are closed.
inthizaaruga inda upvi…
iga reeeethi vana kan….like always…
Awwhh..thanxx nini ???????
me first dhw
/////*//////
second hehe
Thi varu vx rangalheyy dearr ??????
Ithoooo thankooo haaadha inthixaar eh kohfymey adhi nuvess kin kiyaafa comment eh kohlaanan igey reeethi vaaane kan love u so much????????
Awwhh..wc sam..n ly tooooo ????????
i hate that aamil varah foohivey how can he do that to yuannnn ohh theena vaahaka in beyrukureyyy
Awwh..wait beyru kohlaanan hurey adhi…☺☺??
Awesome as always!! Waiting for the next part???
Awwhh..as always thanxx Rykko ???????
Vaahaka kiyaafa hama rovijje????
Alhe nooneyy nurohchey ekamu ????
alhey…haadha dhera gothekey e v… konmes dhim r yuaan r gulhuvahchey…
waiting for next part..
Yaa konmes dhuhukun gulheyne..wait kohlahcheyy a dhuhakah..
alhey… asluves rovehjje… ithoo this was awesome … i really really love this story.. but haadha dherakoshey dhw e v…
Awwhh..thanxx rau.. Aee konme kameh vumuga vx hikumatheh ohnaaneynun dww.. Ekan vumuga vx so rangalhu gotheh vaan othy kamah vx vedhaaneynun dww dearr..hehehe..thanxxxx once again rau..??????
Haan… Ekam Aan n Dhim dhuru nukurahchey… They belongs together?
Keep it up ithoo????❤?
Yaa they belongs to each other hama .?☺?☺??
Dhn mi amil ves ulhey vathareh haadha foosey avaha dhim gulhuvaba aan aa
Aaekeyy a kujja ulhey gothun haheegaih ingey konme meehaku vx foohivaane..
Hiy rovvaalaifi ???waiting for the next part ☺
Nurohcheyy dearr anehkaa..ingeyy..☺☺
Maly ah rovijje. Dhen dhin thedhah buneba alhe.. pls.. thihen hadhaakah nuvaane ehnu aamil… pls yuaan aa dhim aa dhemyhunnah thihen nahadhaa.. ithoo v v asarugadha mi part ves.. bt dhen avahah dhim aa yuaan aa dhemyhun gulhuvaba.. next part ah inthizaaru kuran..
Dhim ehchekey nubunan a hury kyhve kan fahun ingeyne dear..n aslu dhim try kuri dww yuaan kairy bunan..dhn dhim ge life ga adhi kanthahthah experience kurun othy..
Oh haadha dheraey dho
waiting for the next part
Yaa dww kiya ☺☺
Alhey yuaan ah tihen nahadaa dim ah ves ??????????????????????????????????????????????????????
Alhe sajooo ?? a dhe kudhihnah mivaguthu huri gothey aee..
Hmm dhw keehkuraani keii kurun nun goteh neii????????????????????????????????????????????????????????????????????????????????????????????????
Dwwwwwww ???????
Aaamiloooooo .. Kaley kykkuraanamey hithaatha thihn thiulheny .. Body kameh kaleaa hure .. Kaley handhaan nahthaa nulaathi dhimraa hithuga elhi veynah vure body veyneh kaley ufulan jeheynekan .. Handhaan bahattaathi .. Kaley hithun ma molhukameh thoacheh thikurevuny .. Hunna nulafaa man .. Kaley visnaign ulheythi .. Yuaan ulhunu adhiri dhuniyeygai fahun hunnan jeheyny hama kalo ey .. Fuppaafa thi ulheny .. ???????????
Kaleah visney iru mashah hyvany kalo onnaany coma ga kanneyge … !!!!! ?????
Well said Rock ☺☺
V v v shalhi.. Masha Allah…
Awwhh thanxx my dear black rose ??????
Mi part kiyaafa rulhi ves gadha vejje. Aamil ah kaamiyab vaan jeheytha. Dhim ah trust vi ekaku ves nethy tha hama :@ foohi vejje
Dwww ?????
Kanthah vee gothun heevany vx ehen dww dearr..plus dhim a hury anagin vx nubune..n aamil aky vx adhi a myhuhnah trust kurevey varu kujjehthaa dww..cox adhi neih dww trust gehleyvaru kameh kohfa aamil eh..n kihaa trust kureveythy busiiness ge mahsoolihyathu havaalu kohfa huhnaanee vx dww..so aamil bunaa bahakay a meehuhnah v gaboolu kuran faseyha vaane bas thakeh dww plus dhim hanu hureethihyaa eku..
Ithoooo alhey kihineh thaaa eveeeee yuan dherakohlaaafii raglhah hama yuan dhera v maa Sam ah ves rovihjee.. dhim eh ves kusheh neh ekm ves ehmen dhim dheke rulhi araaany dhwwww dhim dheravaane varu visnaalaafa hama asluvess lolun fen aisfiii ,,,,,??????? ithooooo Sam ????rovaalaaafi ragalhah ves hama.. so sad ekm dhima n yuan dhuru nukuraaathi dhim plx.. vvvvvv nice storyyy?? ? thankss ithoo plx up next part waiting …..???aaamil ah dhuvahkuvesss maaf nukuraanan yuan n dhim ah ehaaa haalugaa jah saatthi vvv foohivey aamil ?????
Ithooooo aaan ah ehn nuhadhaaa Sam maruvess vedhaaane ??????
Alhe sam thihaa dhera nuveyy ???
Alhe sam ekamu anehkaa nurohcheyy..dhn othy adhi dhim ah life ge ehen kankan experience kuran..bt konme kameh vumuga vx ohnaaneynun dww hikumatheh..so ehaa dhera nuvey ingey sam..n thanxxx thivaarun mi stry kiyaalaathy..ly my dearr ???????
Welcome ithoo??? Sam ah nuvesss nidheyne tonight ithooo yuan n dhim ulheyne haalaa medhu visnalaafa hama lolun karuna ah nanyy ????? …… Alhe e aamil maraaalabalaaa Sam ah athujehunyaaa aamil maraalaaanan ehaaa fooohivey ???? …… Love u ithooo ????GOODNIGHT????
Ekamu vx nuroane ingey..n gud nytt my dearr..ly toooo ?????????
Alhey… Reem thihen nuhure ehcheh bunebala. And dhim eha kerey kujja keevve meehaku dhey inzaarakah biru gannanvy? Plz say the truth
Dearr reem adhi a hury hama vaanuvaa vx neyngifa..dhim dhifaauga ehcheh nubunanyaa reem akah vx bunaane ehcheh neyngeyneynun dww dearr..dhim birakunneh noon a hury eh aslu bt ehen kamakah vissnaaalaafa a huhnanee dhim madun..☺☺
Too too much nice.alhe ithoo u r the best..Even my heart is also crying by reading this part of story
Awwhh..glad to hear that my dearr..n ekamu vx nurohcheyy ingeyy sunoo..n v v dhuhah fahun dww anehkaa sunoo aa mi dhimaa v..rangalhahtha mibunevunyy☺☺
Alhey hama ragalhah vx rovijje… hiyy kudhi kudhi vejje… hithaamaige kolheii neiii… ithoo thigen hurihaa kudhin ge hiyy halaak kohlee nu. ..but mi part vx v v v v v v v v v v v v v v v v v v v v v reethi… obinexxxxxx to the maxxxxx…
Alhe ekamu nurohchey dearr..yaa dww hurihaa kudhim rovey vaahaka bunanee vx..so hurihaa kudhin sry for that ingeyy..n thanxxx ingey abadhu vx thidhey supportah..ly dearr??????
Ithoo Ur always wc… inshaa allah I will be with you always..
Awwhh ????
Nehyyyyyy???????
No dhim. Madun hunnaane kameh nei. Adhi myhaku dhakka birakah fasjeheyne kameh ves nei. Fight for your love. Fight for your happiness.
Be brave and face it lurve??
Dhim birakuhneh nooney a hury cherry.. A kujja ehen kamakah visnaalaafa madun a huhnanee..n thanx cherry thidhey support ah..??????
Oh my god. What happened. Nulaahiku happy koh ulhey dhemyhunge medhah aamil vannan jeheytha hama. Varah foohivey
Ebunaahen dww dearr…
Konfadha nubai nulafaa insaanehtha e aalim aky??Aish ah vaanama hama mihaaru gos thedhu haama kh dhinymus..anyways this story is awsome!!!
Kyhkuraany a kujja ehen kamakah visnaa varun myhuhnah vaane gothakah nuvisne..hehe..thanxxx Aish..?????
Omg ithooavahah aneh part up kohdhee….. hiy kudhi kudhi nuvanees… v reethi mi part…:)
Hih kudhi kudhi nuvahchey akamu vx ingeyy.. In sha Allah saturday ga up kuraanan.. Thanxxx dearr ??????
vvv reethi…..when next part
Thanxxx shafu .. In sha Allah saturday va..????
Hama rangalhah ves rovijje
Alhe ekamu vx nurohcheyy misha ???
Damn it.. Kn meehaa gandehtha ais gen eulhenee mihaaru… Just kill him. ???
Hehhehe..maraa levey nama thaa dww dearr..adhi ekamu a kuri kushuge adhabu dheyn vaane dww
Alhey vaahaka kiyaahiyves kendihjje v foohi gothey thivy yuaan haadha dheravaaaney I hate you aamil ???????
Yaa a dhn ekamu konke kameh vx vumuge hikumatheh ohnaanethaa dww dearr..so maybe vedhaane aee rangalhakah v kameh kamah vx..
Nice…. bt m gonna kick that aamil frm maldives aaaan…. if kurimathy huri nama hama kaalys…. dhaanish be ves e kuri kanthah dhw…. reem ves e hury madun kyvetha…. alheyyyyy….. yuaan ves fhw trust kohba…. trust nukoh kihineh vaany fahun
Maldives in amil fonuvaalaanee dhn anehkaa konthaakah..aslu dhaanish dhuvahaku vx huvafeneh ga dhim kohfaane kamah heenukuraa varuge kameh kuryma ekamaa kurimathilaane gotheh neyngigen a ulheny..n aslu dhera vegen dhaanish vx a ulhenyy..bt dhim dhifaauga ehcheh nubunanyaa dhaanish menah jeheynee gaboolu kuran dww beynun nuviyas..dhifaauga ehcheh nubune hanu himeynun huryma heekeuaraanyy aee hageegaih v ma dhekolhahh echeh nubunan hury kamah dww..n reema vx a huhnanee dhim dhifaauga ehcheh nubuneema vaanuvaa neyngifa aee vaagothakyy aslu..☺☺
Dhn nun???hihkudhi kudhi vehje hama …yaan haadha dheravaaney …e aamil gandu vx ulhey gotheh huh?…aamil ge gf vx huhtaa jeheytha ehn kiyan knmehn?…aaamil hama?…ithooo story v v reethi n waiting next part ah??
Dww ekamaku dhn mifaharu v goih dww aee dearr..thanxxx Arkaa ?????
dhen anna part ga aamil eh noolheyne… eyi mirey magey athun aamil maruvaane thee
Happy vejje ?
Awwhh..i see..ehentha dearr..
Nooooooooooon!!!!!!!!!huvaa thihn nahadabaa!!!!!!!!!!!!rovijje!!!!! Dhim ah haadha hurt vaaneey….reem!!!!!do something!!!alhe dharnish ves…..noon!!!!!pls thihen nuhadha!!!!dhimmmmm!!!!speak uppp
Akamu nurohcheyy dearr..ingeyy..
Alhey kihinh evyy.. Vrh kada dhn.. Hehe.. Story vrh salhi ekm…
Hehehe..thanxx Nana ????
Ohh my god ithoo.. Nuroi veytho varah try kurin but I failed.. hama rangalhahvx rovijje.. Sifakurun varah furihama.. kiyaairu hyvany storyga vaa kanthahthah kurimathin fennahn.. U r the best.. Nd Dhim moonuga jehi ethi hyvy hama alhugandu moonuga jehihn.. That hurts a lot.. nd that devil aamil, I just hate him.. Nd kyhvetha ehvx myhaku dhim ah trust nukurevignn e devil buni ehchakah trust kuran veeky.. I’m so sad.. Storyeh kiyaafa blood pressure mihaa high eh nuvey kanneynge adhi.. E devil ehge nan hithah eriyas rulhi gadhavey.. Dhn vaagotheh balaa hithun mihaaruvx kehtherikan kolhun laifi.. Ithoo huhtta laany readers thahvx moya kohlaafa kanneynge.. plxx next part avahah up kohdhehchey.. ehnnoony moyavedhaane.. I love this part also.. but I hate that devil aamil. .. hope to see the next part soon..
Awwhh..dear sry ingey rovey varu kohlevunyma..moya nukoh veythw balaanan hurihaa kudhinkolhu..so eh vx kujjaku nurohcheyy..n thanxx dear for the compliment..really really happy to hear thah..n trust nukurevumah vure dhim dhifaauga ehcheh nubuneema a myhuhnakah vx noahnaane dww dhim ge dhifaauga kiyaane ehcheh..aee ey a vaa gothakee..n thanx ingey once again ??☺??☺
Dhen noooon e amil fonuvaalan ulhey avahah. Dhim ge fault eh neiykan bunedhyba avahha. yaan n dhim gulhuvadhyba plz plz :'(
Ehentha..ok thikamaa visnaanan ingey..akamu dear hurihaa kameh hahlu v ma stry nimeyneynun dww..☺☺
dhen abadhu amil kolhu tha molhu vanee…v foohi… story nice
Hehe..dww..adhi fahun hee nukuraa gotheh vx vedhaaneynun dww dearr..bt inthixaareh kohlan jeheyne ingey..n thanxxx my dearr☺☺??
ithoo dhooni ehen nuhadhaa .. avahah yuaan ah thedhu haama kurey … aamil gandu
Awwhh.visnaanan ingey thikamaa dearr..hehe..
Please thihen nahadhabala aan an dhim a Lovin ithoo
Awwhh..life ga jeheyneynun kuda kon kana kan experience vx kohlan dww dearr..
Aamil haadha goahey…. When is next part
Dww.. In sha Allah saturday ga..☺
Ithooo dhennn abadhu thi goiii nuhadhaaaaa
Adhi eh faharu eyy ehen a vee dearrr..??
ithuu kihineh thihedhii
aamil haadha goahey :< abadhu yuan aa jassaalaafa.. dhim vx aslu avahah buni nama ei dhogekey..
ekam vx mibai vrh reethi ingey
Dww..dhim ah hanu hurun maa buhdhi veri kamah vissnunee..hehe..thanxxx dearr..
Alhey pls pls maadhan eh part up kohdhee. Pls pls pls ??❤❤❤
Alhe dearr adhi a part nuves liyan..??
Aamilooooooo??????
Magey yooaan fakeeru..????..hurabala nikan hageegaiy nasir n zeenath ah ingey dhuvahakaun aamil ah vaane rangalhu gotheh….kaan dhey athuga viyya dhaiy alhanee …..foohi aamil gandeh…vaahaka vv reethi as always….??
Dww Azu.. Eyge dhera libeyne kanneynge fahun aamil ah..n thanxxx Azu..ly dearr?????
Alha hadha dhera eee…V v vv reethi ..Keep it up ??
Awwhh .thanxxx gud crzy grl ????
why aamil why… hama reethi koh naasirubey gaathu bunee ma faharehga milhi industry eh koh ves dheefaane… ekam haadha hurt veyey dhim and yuan egothah ulheythee… hate that aamil.. hithah araa gos karuga hifaafa neyvaa nule vey varu koh laana mey ves… BTW ithooo. miadhu lahun kiyunee vrh busy koh ulhefa geah aissa anehkaa dhatha eh rashah aisgenn egeah dhiyaee… dhen fahun geah aissa beli iru wifi ah faadeh ge gotheh vefa huree… ekam ves varah haalun mikiyaalee… and as usual story hama obi… waiting for the next part so eagerly… Good night.. Lysm..
Thihaa varun vx kiyaathy v v v happy ve dearr..aslu vx dww aamil bunaanama dww property vx dheyn ingeynee dww.thanxx once again dearr.gud nytt..n ly toooo??????
V salhi mibaives… Aamil ah ran’galhu filaavalheh dheythi… Kaandhey athuga dhaiy alhaa raha filuvaalaathi… Alhe dhen Yuaan aa Dhim haadha haalehgaey ulheyny… Yuaan aa Yaan ves masala jeheyne kanneynge… Saandy ah heevany Reem Dhim aa ehkolhah hifaanehen… Next partge inthizaaruga mihury… Keep it up Ithoo 🙂
Dwww…n thanxxx saandy ☺☺??
Mashaa Allah v loabi mi part ves,BT I hate aamil,ithoo kihineh thiheDhee ,mirey nuves nidheyne,heart is beating too fast,n am in pain,don’t do like that,can’t tolerate it,throw him avey from my life,ithoo ur r the best writer I ever see,I love u story,really I am in ur story as a dhim,plx don’t do like that,next part soon plx
Awwhh dhim ah v ma varah gina fight thakeh dhen kuran jeheyne ingeyy dearr..n ehaa hurt nuvahcheyy..n v happy vejje haw gr best writer ah vevunyma..thanxxx my dearr..n ly tooo ??????
Alheyy..
Dhim r Aan ??
Sooooo sad..
Dhera vejje mi part kiyaafa..
Alhe dhimmmmm..
Aan ah hurihaa ehcheh kiyaadheeba thihen sirrunukoh..
Alhe next part kiyaahithun mihaaru vs..
Yaa aslu vx v sad dww..???
Furrrr varah foohi e aamil aee keehkuran ai meehagandheh ?????
Dwwww fathun
Dheravegen roveygoivejje..
Dhn adhi othy roan jehey part thah….haadha salhiye…heevany hama filmeh balaalevunuhen…ithoo v salhi mi part vex genes dheefa oh goi…really like it…..
Nurohchey ekamu..n thanxxx sidhu..????
Alhe?..neheeeeee..yooaan ah ehn hadhan heyo nuvaane???..
????
Bodu fani gandeh dho miaee..that aamil gandu..haadha rulhi ekey aee egothah kanthah kuryma eyna gandu..
Alhe..dhim vs kihaa dheravaane..dhn?
V nice story eh..ekm mi vy gothun v dhera vefa mihury??…
=Tinkerbell=
A vaan oih gotheyy..kyhkuraanee dww….ekamu dnt be sad ingeyy..n thanxx thinkerbell ????
Mi vaahaka kee iruga vs heevany hama mivaahakaige thereyga ulheveyhn hama…v reethi…ekm mivy gothun vrh dhera vehje?…..hithah araa huvafenuga gohsa hageegaiy kiyaidheyn vs eba?
=Tinkerbell=
Alhe ehaa dhera nuveyy dearr..yaa thy rangalhu gotheh..hehe..thanxx once again dearr..?????
alhe ithoo plx thihen nahadhaa emmennah hageegaii anga bala plx
Alhe ehaa avahah angan v tha hama dearr
Alhay, noon c thoo dhimah thihen nuhadhaa.? dhimge hithakah ketheh nukurevayne dhw thihen kanthah kureemakaa. Vvvvvvv loabi mi parts. C thoo thee hama 1 vanaige kuhjeh. Best of luck dear. Luv u c thooo.????
Awwhh..happy to know that..sanu..thanxxxxx sanu..n ly tooooooo ????????????
Alhey koba tha reem…..Pls ehen nahadha baa
Reem a hury bunaane ehcheh neyngifa.. Dhim dhifaauga ehcheh nubunanyaa reem akah neyngeyne dww ehcheh bunaakah..
Konirakuntha dhn up kohdheyny… Mihaaru nuvx hurevey vaaahaka kiyaalaaa hithun.. This stwry is awesome
Awwhh..In sha Allah maadhamaa dearr..n thanxxx Alya ???????
Alheyy thihnn nuhadhaaba yuaan ah ….plxxxxx….hyy kudhi kudhi vejje????
Alhe dearr ???
Neheeee.. alhe ehn nuhadhabr e dhemeehunnah..
Haadhr dheraveyey.. ethr nehthr dhim ah trust kuraa ekakuvx.. huh. Dhn mi part ehr salhi yey noon e meehaku kanthah e kuri gothun..
Plx dhim r yuaan r gulhuvabr avahah.
Dhim madun huryma heevaany hageegaih kamah dww a oh anga gadha kujja baheh vx bune nulaa huryma…
Ithoo..ur the best..mi prt v rythi..Aalim ge sabbabun dhw Yuan kuryga abadhu serious vefa ammila happiness ruin kohly..Aalimhaadha act bodey..Dhim eyy kiyaigen hus dhogu fathuran..Ithoo..Dhimra aai Yuan avahah gulhuvadhybw..Can’t wait 4 dhe nxt prt..???
Awwhh..happy to know that dearrr..n thanxxx v v bodah..????
Ehn nuhadha dhim ah
????
Thee haada makarugada meehekey doa hurihaa hagee gateh agi e demeehun avaha gulhuvaala deyti so interesting…. wating for the next…
Yaa aslu vx varah makaru gadha hama..☺☺
Alheyr haadhr goaher e arlim gandur, Dhenr varar Foohir thihenr hedheemr, salhir mi baivx, Nextr partr waitr kuraananr enger
Awwhh.. Life ga vaahen stry thakuga vx vaanee ehen neynun dww dearrr..hehe..n thanxxx Ninni ☺???
aalim haadha dhogu hadha ey.. hope aan dhim ah trust kuraane kamah.. mi part vecx nice.. next part avahah up kohdhaythi.. dhen vaane gotheh balan now keh madhu vefa mi hunnanyyy
Yaa aslu vx v dhogu hadhaa..n nw innaanee up vefa ingeyy ☺☺
Yuan menge exams ves nimuny so he will leave for higher studies.without knowing the truth hating dhim. Again they will.meet after 3 yrs.or.something and the truth will come out dhw?
Lets see dww kuriah oihthaa vany kihineh tho dearr..☺☺
Alhe plxx..Aamil stry in beyru kohbala..V dhera vi mi prt kiyaafa..Hithah v thadhu vejje..Nxt prt avas kohdheyne kamah hykuran..
Hmmm..ok..beyru kohlaanan ingeyy..hehe..dhera viyas nuronikon ok vaane luhan☺☺
Vvvv reethi . Hama aslahvx rovihje.???????. Anyways vvvvvvvvvvvvvvv reethi.????????????????
Alhe ekamu nurohcheyy dearr..n thanxxxxx my dearrr Amm ???????
Waiting 4 next part ?????
Hehe..nw innanee up kohfa ☺☺
Dhn yuan ah ehn nuhadhaba… aalim ehlaalaaa ithoo.. ????
Whn nxt part??
Nw ihnaanee stry up vefa dearr
Reethi.vaahaka nimen ulheny dw ..