ފުން ލޯބި (36)

” ހައިކް އަހަރެންނަށް އިނގޭ ހައިކް އަހަރެންނަށް ވަރަށް ބޮޑު ކަމެއް ސިއްރުކުރާކަން.. އަހަރެންނަށް ތެދަށް ހުރިހާއެއްޗެއް ކިޔާދީބަ..” އޯޑާރ ދިނުމަށްފަހު ހަމަ ޖެހިލަމުން އަހަރެންވެ މައުލޫއާގެން ކުރިޔަށްދިޔައީމެވެ.

” ޔަލް ވަޓް އާ ޔޫ ޓޯކިންގް އެބައުޓް..؟” ހައިކަލް ނޭންގޭ ކަަމަށް ހަދާލާފަ ސުވާލު ކޮއްލިއެވެ.

” ހައިކް އެއްވެސް ކަމެއް އަބަދު ސިއްރުކުރެވިފައެއް ނޯންނާނެއެއްނު.. އައި ނޯ އެވްރީތިންގް ޖަސްޓް ޓެލް މީ ދަ ޓްރޫތު.. އަހަރެން ބޭނުމީ ހައިކަލް ކިޔާދޭ އަޑުއަހަން..” ހައިކަލްގެ ވާހަކަތަށް އަހަރެންނަށް ނޭންގޭއިރުވެސް އިނގޭ ކަމަށް  ހަދާފަ ވާހަކަދެއްކީ ހައިކަލް ކިޔާދޭތޯއެވެ. އިސްދަށަން ޖަހާލައިގެން ހައިކަލްއިނީ ކުއްވެރިއެއް ފަދައިންނެވެ.

” އިޓްސް އޯކޭ ހައިކް.. ޓެލް މީ އެވްރީތިންގް..” ހައިކަލްއަށް ހިތްވަރުދޭ ފަދަ ގޮތަކަށް އަހަރެން ބުނެލީމެވެ. ހައިކަލް ވާހަކަ ކިޔާދޭންފެށިއެވެ.

” ޔަލް ފުރިތާ ވަން އިޔާ ވިތަނާހެން ރާޔާވެސް ހޮސްޕިޓަލްގެ ޖޮބަށް ނިކުންނަން ފަށައިފިއެވެ. ރާޔާ އުޅުނީ ރިސެޕްޝަނިސްޓަކަށް ކަމުން ބައެއް ފަހަރު ރާޔާއާ ވާހަކަ ދައްކާ ހަދަން ޖެހެއެވެ. އެކަމާ އަހަރެން ކިތަންމެ ފޫހިވި ނަމަވެސް އެކަން ނުދައްކާވޭތޯ މަސެއްކަތް ކުރީމެވެ. އެހެން އުޅެނިކޮށް ހޮސްޕިޓަލް ފަރާތުން މުއައްޒަފުންގެ މެދުގެ އެކުވެރިކަން އާލާކުރަން ކައިރި ރަށަކަށް ދަތުރުދާން ރޭވީމަ އަހަރެންވެސް އޭގަ ބައިވެރިވެލީ ޒައިންކިޔާވަރުންނެވެ.

އެދަތުރުގެ ރާޔާގެ އިތުރުން ހޮސްޕިޓަލްގެ ގިނަ ސްޓާފުން ބައިވެރިވިއެވެ.  އެދުވަހު ހޭދަވީ ވަރަށް މަޖާކޮށް  ނަމަވެސް އަހަރެންނާ ޒައިން އުޅުނީ ވީހާވެސް ބޮޑަށް ރާޔާއާ ދުރުނެވެ. އޭނަ ފެނުނަސް ވާ ފޫއްސެއްގެ ބޮޑުކަމުންނެވެ.

އެރޭ ވަރަށް ދަންވަންދެން އަހަރެމެން ސަކަރާތްޖަހަން ތިބީމެވެ. އަހަރެންނަށް ހެދުނު ހޭލެވުނީ މީހަކު ބައްދާލިހެން ހީވެގެންނެވެ. ކައިރީގަ އަންނައުނެއް ނެތި ނިދާފައޮތް ރާޔާފެނިގެން އަހަރެންނަށް ފުންމައިގެން ތެދުވެވުނެވެ. އަނެއްކާ ރާޔާއާ އަހަރެން އެފަދަ ފާހިޝް ކަމަަކަށް އަރައިގަނެވުނީހެއްޔެވެ؟ އެހެންވާންވީ ކީއްވެހެއްޔެވެ؟ އެފަދަ އެއްވެސް ކަމެއް ވީ ހަނދާނެއް އަހަރެން ނެެތެވެ.

” ރާޔާ.. މި ކޮންކަމެއް..” ރާޔާ ލޯ ހުޅުވާލިތަން ފެނިފަ އަހަރެން ނުރުހުންވެފަ ހުރެ ބުނެލީމެވެ. ރާޔާވެސް ހައިރާވެފަ ބަލަންއިނީ މި ވަމުންދާ ކަންތައް އޭނައަށް ރޭކާނުލާފަދަ ގޮތަކަށެވެ. އަވަސް އަވަހަސް ދުރުގަ ހުރި އޭނަގެ އަންނައުނުތަށް ނަގައިގެން ލާންފެށިއެވެ.

” ރާޔާ ވަޓް އިޒް ގޮއިން އޮން.. ކީއްވެ ރާޔާ މިތާ ނޭކެޑްކޮށް އޮންނަންވީ..” އަހަރެން އިތުރަށް ރުޅިގަދަވާން ފެށިއެެވެ.

” ހައިކަލް ކިތަންމެ ބާރަށް ހަޅޭލެވިޔަސް ތިޔަށް ދޭނެ ޖަވާބެއް އަހަރެންނަކަށްވެސް ނޭންގެ.. ހައިކަލްއެކޭ އެއްވަރަށް އަހަރެންވެސް މިހިރީ ޝޮކެއްގަ.. ” ރާޔާ އެހެން ބުނެލާފަ އެތަނުން އަތިރިމައްޗަށް ނިކުމެވޭން އިން މަގުން ހިނގައިގަތެވެ. އަހަރެން ހުރީ ހަދާނެ ގޮތް ހުސްވެފައެވެ. އަހަރެން ހިތް ބުނަމުން ދިޔައީ ރޭގަ ކޮންމެވެސް ގުޅުމެއް ދެމީހުންގެ މެދުގަ ހިނގާފަވާކަމަށެވެ. އަހަރެންވެސް ދުރުގަ އޮތް ޓީޝާޓް ލައިގެން ޒައިންމެން ތިބި ހިސާބަށް ދާން ހިނގައިގަތީމެވެ. އަހަރެމެންނަށް ތިބެވުނީ ދަތުރުއައިސް ތިބިތަނާ ފުދޭ ވަރަކަށް ދުރު ހިސާބަކަށް ވުމުން އެހިސާބަށް ދެވުނީ ދިހަ ވަރަކަށް މިނެޓް ހިނގި ފަހުންނެވެ. އޭރުން ޒައިން އަހަރެން ނުފެނިގެން ހޯދަނީއެވެ. ރާޔާވެސް  ޝަމްމުއާ ކޮންމެވެސް ވާހަކައެއް ދައްކަން މަޑުކޮއްލައިގެން ހުއްޓެވެ. ކިތަންމެ ޝެއާކުރަން ބޭނުން ވިޔަސް ވާހަކައިގެ ގޮތުން ޒައިންއާ އެކަން ޝެއާ ކުރާކަށް ނުކެރުނެވެ. ޔަލްއާވެސް ފުރަތަަމަ އަހަރެންނަށް ދުރުވެވެން ފެށީ އެހިސާބުންނެވެ. އަހަރެން ޔަލްއާ ރައްޓެހިވެގެން ހުރެ އެހެން އަންހެން ކުއްޖަކާއެކު އެފަދަ ފާފައެއް ކުރެވުނުކަމަށް ހިތައް އަރާފަ ގިލްޓީ ފީލްވަނީއެވެ. އެންމެ ފަހުން އަހަރެން ވިސްނީ އަހަރެެމެން ދެމެދުގަ އެފަދަ ކަމެއް ނުހިނގާ ކަމަށެވެ. އެހެން ވިސްނަދީގެން ދިރިއުޅުމައިގެން ކުރިޔަށް ދަނިކޮށް އަހަރެންގެ ދިރިއުޅުން ބަދަލް ކޮއްލީ ރާޔާގެ މެސެޖެވެ.

” ހައިކަލް އަހަރެން އެބޮތް ވަރަށް ބޮޑު ވަހަކައެއް ދައްކަން ބޭނުންވެފަ.. ބްރޭކް ގަޑި ޖެހުނީމަ ލެޓް މީ ނޯ..” ރާޔާގެ އެމެސެޖުން އަހަރެންގެ ހިތް ތެޅިލިއެވެ. އަނެއްކާ ރާޔާ ދައްކަން އެ އުޅެނީ ކޮން ވާހަަކައެއްބާއެވެ. އެރޭގެ ހާދިސާ ރާޔާއަށް އިނގުނީ ހެއްޔެވެ؟ އެރޭގަ ރާޔާވެސް ޑިއުޓީގަ ހުރިކަން އެއީ ނަސީބެކެވެ. ބާރަ ޖެހި ހާއިރު ބްރޭކް ނަގާފަ އަހަރެން ރާޔާއަށް ގުޅާލީމެވެ. ހޮސްޕިޓަލް ކެންޓީނުގަ އަހަރެން ރާޔާގެ އިންތިޒާރުގަ މަޑުކޮއްލައިގެން އިނީމެވެ. އަހަރެންގެ ހިތް އަވަސްވެފަ ވަނީ ރާޔާ އެ ދައްކަން އުޅޭ ވާހަކައެއް ނޭންގޭތީއެވެ.

” ހެއި..” ގޮޑީގަ އިށީންނަމުން ރާޔާ ބުނެލިއެވެ.

” ހައިކް އައި އޭމް ޕްރެގް..” ރާޔާ ބުނެލީ އަހަރެން އެއްވެސް ވަރަކަށް އުންމީދުކޮއްގެން ހުރި ވާހަކައެއް ނޫނެވެ.

” ވަޓް..” ރާޔާ އެ ދައްކާ ވާހަކަ ގަބޫލު ނުކުރެވިގެން އަހަރެން އަހާލީމެވެ.

” ޔެސް ހައިކް… އަސްލް އަހަރެންވެސް ހީކުރީ އެރޭ އަހަރުން ދެމެދު ގުޅުމެއް ނުހިނގާކަމަށް.. އެކަމް އޭގެ ޓޫ ވީކްސް ފަހުން ބޯ އަނބުރާފަ ހޮޑުލެވޭތީ ޑޮކަށް ދެއްކީމަ އިނގުނީ ޕްރެގްކަން.. މިއޮތީ ޕްރެގްނެންސީ ޓެސްޓް ރިޕޯޓްވެސް.. ” ރާޔާގެ ބޭގުން ކުޑަ ސިޓީ އުރައެއް ނަގާ އަހަރެންނަށް ދިއްކޮއްލަމުން ބުނެލިއެވެ.

” އެކަމް ކީއްވެ މިހެން ވާންވީ..؟ އަހަރެން އެއްވެސް އެއްޗެއް ހަނދާނެއް ނެތް.. ގައިމް ކަމެއް ވީ ނަމަ ދެމީހުނަށްވެސް އިނގޭނެއްނު..” އަހަރެން ހާސްވެފަ ހުރެ ސުވާލްކޮއްލީމެވެ.

” އަހަރެންވެސްް ޕްރެގްނެންސީ ޓެސްޓް ނަތީޖާ ލިބުމުން ގަބޫލް ނުކުރެވިފަ ހުރީ.. އަހަރެން އެންމެ ކްލޯސް ފްރެންޑަކީ ޝަމްމު ކަމުން އޭނަ ކައިރީ އެވާހަކަ ޝެއާ ކުރުމުން ބުނީ ނިއްޓު މިނަށް ލަނޑުދޭންވެގެން އެރޭ ކޮފީތައްޓަށް އެއްޗެއް އެޅިވާހަކަ.. ދެން އަހަރެންނަށް ވިސްނާލެވުމީ.. ނޭންގި ނަމަވެސް ދެމީހުނަށް މިބޮވުނީ އެ އެއްޗެއް އަޅާފަ ހުރި ކޮފީ.. އެހެންވެ ވާނުވާ ނޭންގުނީ..” ރާޔާއަށް އިނގިފަވާވަރު ކިޔާދިނެވެ.

” އައި ނީޑް ސަމްޓައިމް..” އަހަރެން އެތަނުން ތެދުވެގެން ދިޔައީ ރާޔާ ކުރިމަތީ އެންމެ އިރުކޮޅަކަށްވެސް ހުންނަން ބޭނުން ނުވާތީއެވެ. އަނެއްކާ މީ ރާޔާގެ މޮޅު ރޭވުމެއް ބާއޭ ހިތަށްއެރިއެވެ. އެކަމް ރާޔާ ދެއްކި ވާހަކަ ތަކުން އޭނައަށްވެސް ކުރިން އޭގެން ކަމެއް ރޭކާ ނުލާކަން އިނގެއެވެ. އޭނަވެސް ގަސްތުގަ އަމިއްލައަށް އެހާބޮޑު  ދެރައެއް ނުދޭނެ ކަމަށް އަހަރެންނަށް ވިސްނުނެވެ. ޔަލްއަށް މިވާހަކަތަށް ކިޔާދޭން ވަރަށް ބޭނުންވި ނަމަވެސް ޔަލް އަހަރެންނާ ރާޔާގެ އެފަދަ ވާހަކައެއް އިނގިިއްޖިޔާ ދެރަވާނެ ވަރު ހިތަސް އަރާފަ  ބުނަން ނުކެރުނީއެވެ. އަދި އޭރު އެއީ ޔަލްގެ ޓެސްޓް ދުވަސްކޮޅު ކަމުން އަހަރެން އެކަން ސިއްރު ކުރީމެވެ. އެއްވެސް މީހަކަ ޝެއާ ނުކޮަށް އަމިއްލައަށް ކަން ކުރާނެ ގޮތަކާމެދު ވިސްނަމުން ދިޔައީމެވެ.

ރާޔާ ކުރިން ކިތަންމެ ގޯސްކޮށް ކަންކުރި ނަަމަވެސް އޭނަގެ ބަނޑުގަ އެވަނީ އަހަރެންގެ ދަރިއެެކެެވެ. އެދަރިފުޅަށް އެއްވެސް ދެރައެއް ލިބޭކަށް އަހަރެން ބޭނުމެއްނޫނެވެ. ޔަލްގެ ލޮއެއްބަށް ވުރެ އަހަރެންގެ ދަރިފުޅު އަހަރެންނަށް ހާއްސަވިއެވެ. ރާޔާ ކުރިން ކިތަންމެ ގޯސްކޮށް ކަންކޮއްފަ ހުރި ނަމަވެސް މިކަންތައްމީ އޭނަ ގަސްތުގަ ލަނޑެއްދޭން ކޮއްފައޮތް ކަމެއްގެ ގޮތުގަ ނުބެލެވެއެވެ. އެކަންތަކުގެ އެކަކު އަނެކަކަށް ކުށްވެރިކުރެވޭނެ ޖާގައެެއްވެސް ނެތެވެ. ރާޔާ ވެދިޔާތަނާންގަ  ކަންކޮއްފަހުރި ގޮތް ހަނދާންނައްތާލާ ރާޔާ އެކު އުޅެން ނިންމީ ދަރިފުޅުގެ ހައްގުގައެވެ.  އެއްވެސް މީހަކާ މިވާހަކަ ޝެއާކުރަން ބޭނުން ނުވީ ކޮންމެވެސް ގޮތަކުން އެކަން ޔަލްއަށް އިނގިދާނެތީއެވެ. ދުނިޔޭގެ ލަދުން ސަލާމަތްވާން ރާޔާ ނިންމީ ކައިވެނި ކުރާށެވެ. އެގޮތަށް ކުރެވޭ ކައިވެންޏަކީ ހުއްދަ ކައިވެންޏެއް ނޫންކަން އިނގި ހުރެވެސް އަހަރެން ކައިވެނި ކުރީ ރާޔާގެ ބަދުނާމުން ސަލާމަތް ކޮއްދޭށެވެ. ރާޔާ ބަދުނާމްވެއްޖެ ނަމަ އެކަމުގަ އަހަރެންވެސް ބެދޭނެކަން ޔަގީނެވެ. އަހަރެންނާއެކު އަހަރެންގެ އާއިލާގެ އަގުވެއްޓޭނެކަންވެން އަހަރެންނަށް އިނގެއެވެ. އެހެންކަމުން ހުރިހާ ގޮތަކަށް ވިސްނާފަ އަހަރެން ކައިވެނި ކުރީމެވެ. ކައިވެނި ކުރި ނަމަވެސް ދެމަފިރިން ދެމެދު އެ އޮންނަންޖެހޭ ފަދަ އެއްވެސް ގުޅުމެއް އަހަރެންނާ ރާޔާއާ މެދުގަ ނޯވެއެވެ. ނަމަވެސް ރާޔާއަށް ކޮއްދެން ޖެހޭ އެހެން ހުރިހާކަންތައްކޮއްދީ ހަދަމެވެ. އެހެނަސް ރާޔާދެކެ ކުރިން އެވާ ފޫއްސެއްމިހާރަކު ނުވެއެވެ.  އެކުގަ އުޅެން ފެށުުމުން އަހަރެންނަށް ރާޔާގެ  ކަންތައް އިނގެން ފެށިއެވެ. ކުރިން ރާޔާގެ ފަރާތުން ފެނުނު ކަހަލަ ކަމެއް ނުފެނުމުން އަހަރެންނަށް ގަބޫލް ކުރެވުނީ ރާޔާވެސް އިސްލާހް ވީ ކަމަށެވެ.  ބޭބީ ލިބުނު ނަމަވެސް ދެމީހުން ނިދަނީވެސް ދެކޮޓަރީގައެވެ.

ދުވަސްތަށް ފާއިތުވަމުން ގޮސް ބޭބީ ލިބުނުތާ އެއް އަހަރު ވީ ދުވަހު ރާޔާ އަހަރެންނާ ގާތްވާން އުޅޭހެން އަހަރެންނަށް ހީވެގެން ރާޔާއާ ވާހަކަ ދެއްކީމެވެ. ކައިވެނި ކޮށްގެން މިހެން ނޫޅެވޭނެ ކަމާ ދެމަފިރިން އެކަކު އަނެކަކަށް އަދާކޮށްދެން ޖެހޭ ހައްޤުތަކެއް  ވާކަމަށް ބުނެ އަހަރެން ކައިރީ ޝަކުވާކޮށް ހަދަންފެށިއެވެ. ރާޔާގެ ޝާކުވާތަކުން އުނދަގޫވެގެން އަހަރެން  މި ކައިވެނި ސައްހަ ނުވާނެކަމަށް ބުނެދިނީމެވެ. ރާޔާ އެކަން ގަބޫލު ނުކުރުމުން ދީނީ އިލްވެރިޔެއްލައްވާ އެކަން އޮންނަގޮތް އޮޅުންފިލުވާދިނީމެވެ. ރާޔާ ބޭނުންވީ އަލުން ކައިވެނި ކުރާށެވެ. ނަމަވެސް އަހަރެން އެކަމާ އެއްބަސް ނުވުުން ރާޔާއަށްވެސް އިތުރަށް އާދޭސް ކުރާކަށް ނުކެރުނެވެ.  ރާޔާގެ އުޅުމަށް ބަލާފަ އަހަރެން ހުރީ ބޭބީއަަށްޓަކައި ކައިވެނި ކޮއްގެން އެކުގަ އުޅެންނިންމައިގެނެވެ. ނަމަވެސް ޔަލް އައި ހިސާބުން އަނެއްކާވެސް ހުރިހާ ކަމެއް ބަދަލްވާ ކަމުގެ އިހްސާސް ކުރެވެންފެށިއެވެ. ކުރިން އަހަރެންނަށް އެހާ ފަސޭހައިން ޔަލްއާ ވަކިން އުޅެވުނީ ޔަލް އާ ދުރުގަ ހުރީމަ ކަންނޭނެގެއެވެ. ޔަލް އަންނަ ދުވަހަށް އިންތިޒާރު ކުރެވުނު ނަމަވެސް އަހަރެންގެ ހިތަށް ވިސްނަދެމުން ދިޔައީމެވެ. ޔަލް ކުރިމަތީގަ އަހަރެންނަކީ ބޭވަފާތެރިއެކެވެ. ހުދު އަހަރެންވެސް އެކަން ގަބޫލް ކުރަމެވެ. އެދުވަހު އެއާޕޯޓަށް އަހަރެން ދިޔައީވެސް ޔަލް ދެކިލާހިތުންނެވެ. ޔަލްއަށް ހަގީގަތް ކިޔާދިނުމުން ޔަލް ދެރަވިވަރުން އަހަރެން މާ ބޮޑަށް ދެރަވިއެވެ. ޔަލް ދެރަވެގެން ދިޔަތަން ފެނިފަ އެރޭވެސް ކެތްނުވެގެން ޔަލް ކައިރިޔަށް ދިޔައީ ހަޤީގަތް ކިޔާދޭންށެވެ. ނަމަވެސް ޔަލް ހުރިލެއް ލޯބިކަމުން ރާޔާގެ ވާހަކަ ކިޔާދީ އަނެއްކާވެސް ތިހިތަށް އަނިޔާދޭން ނުކެރުނީއެވެ.

ޖެލީއަށްދިޔަ ދުވަހު ރާޔާގެ ކަންތަށް ޔަލްއަށް އިނގުމުން ވާނެ ދެރަ އަހަރެންނަށް އިހްސާސް ކޮއްނުލެވުނު ނަމަވެސް އަހަރެން އިނީ ކުރެވުނު ކަންތައް ރިގްރެޓް ކުރެވިފައެވެ. އަހަރެން އެއްވެސް ހާލެއްގަ އެހެން ކަން ކުރީ ޔަލްއަށް ދެރައެއްދޭކަށް ނޫނެވެެ. އަހަރެންގެ މަޖްބޫރީ ހާލަތުގެ ގޮތުންނެވެ. އަހަރެންނަށް އިތުރަށް އުނދަގޫ ވާން ފެށީ ޔަލް ޝަމްމުއާ އެެކު ފެންނަން ފެށުމުންނެވެ. ރާޔާ ކައިރީ ޝަމްމުގެ ވާހަކަ އަހަރެން އަހާލި ރާޔާއާ ޝަމްމު ގާތް ކަމުންނެވެ. ރާޔާ ފަރާތުން ޝަމްމު އުޅެނީ ޔަލްއާ ރައްޓެހިވެގެންކަން އިނގުނު ދުވަހު ކިތަންމެ ދެރަވިނަަވެސް އަހަރެން ކެތްކުރީމެވެ. ރާޔާ މީހަކާ ރައްޓެހިވުމުން އަހަރެންނަށް މިހާ އަަސަރު ކުރާއިރު އަހަރެން ތިން އަހަރު ދުވަހު ކައިވެނި ކޮއްގެން ދަރިއެއް ހުންނަކަން އިނގުނު އިރު ޔަލް ވާނެ ދެރަ އަހަރެންނަށް އަންދާޒާވެސް ކޮއްނުލެވުނެވެ. އެތަށް ފަހަރަކު ޔަލްއަށް ހަގީގަތް ކިޔާދޭން ހިތަށް އެރިއެވެ. އެކަމް އޭރުން ޔަލް އަހަރެންގެ އިންތިޒާރުގަ ހުރެދާނެތީ އެގޮތް އަހަރެން ބޭނުންނުވީއެވެ. ދަރިފުޅަށް މަންމައާ ބައްޕަގެ ލޯބި އެއްވެސް އުނިކަމެއްނެތި ދޭން އަހަރެން ބޭނުންވިއެވެ. އަހަރެންގެ ހުރިހާވެސް އެއްޗަކީ ދަރިފުޅެވެ. ރާޔާއާ އެކު ބޭރަށް ގޮސް އުޅެނީ ދެމީހުން އެކުގަ ވަގުތު ހޭދަކުރާ ހިތަކުން ނޫނެވެ. އެހެނަސް ދަރިފުޅުގެ ހައްގުގައެވެ.  އަހަރެންގެ އަމިއްލަ އުފާތަށް ގުރުބާންކޮއްލާފަ ޔޫންއަށްޓަކައި ކޮންމެ ކަމެއް ކޮއްދޭންވެސް އަހަރެން މިހިރީ ތައްޔާރަށެވެ. އެ ތުއްތު ދަރިފުޅަށް ދުނިޔެމަތީގެ ހުރިހާ އުފަލެއް އަަަހަރެން ހޯދަ ދޭނަމެވެ.

އަހަރެން ޔަލްއާ ދުރުވީ ލޯބި ނުވާތީއެއް ނޫން.. އަހަރެން އަބަދުވެސް ޔަލްދެކެ ލޯބިވޭ.. އެކަމާ އަހަރެން ހިތާމަ ކުރާވަރު މޮޅަށް ދެނެވޮޑިގެންވާނީ ހެއްދެވި ފަރާތް..” ހައިކަލްއަށް ހަމަ ރަނގަޅަށްވެސް ރޮވިއްްޖެއެވެ.

” ހައިކް ހިތްވަރު ކުރަން ވާނެ.. ހައިކް އަބަދުވެސް ބުނަމެއްނު އެއްވެސް މީހަކަށް ނުއުފުއްލެވޭ ވަރުގެ ބުރައެއް ނުޖައްސަވާނޭ.. ޔަލްއަށް އެންމެ ހިތަވަރު ދިން މީހާ ތިހެން ރޮންޔާ ޔަލް ކިހިނެތް ބްރޭވްކުއްޖަކަށް ވާނީ..” އަހަރެންނަށް ހައިކަލް ރޯތަން ބަލާކަށް ކެތެއްނުކުރެވުނެވެ.

” ޔަލް އަޅެ ކޮންމެ މީހަކަށްވެސް ކެތްވާނީ ވަކި ވަރަކަށްނު.. ރާޔާ މައްސަލައިގަ ޒައިން އާ އަަހަރެންގެ ގުޅުން އެއްކޮށް ކެނޑިގެން ދިޔައީ.. ޒައިންއާ ޔަލްއާ ނުލާ އަހަރެންނަށް ދިރިއުޅެން ހާދަ އުނދަގުލޭ..” ހައިކަލް ރޮވިފަވާ އަޑަކުން ބުނެލިއެވެ. ހައިކަލް އެހެން ރޯތަން ފެނުމުން ވަރަށް ހިތަށް އަސަރުކުރިއެވެ. ފިރިހެނަަެަކު އެ ގޮތަށް ރޯނީ ހާދަ ހިތައް އަސަރު ކުރީމައޭ ހިތަށް އެރިއެވެ.

” އައި ނޯ ހައިކް.. އެކަމް ހައިކްއަށް ކަންތަށް އިނގިފަ ތިއޮތީ މުޅިން ރަނގަޅަކަށް ނޫން.. ދެއާއިޒް ސަމްތިންގް ޔޫ ނީޑް ޓް ނޯ..” އަހަރެން ބުނެލީމެވެ. ހައިކަލްގެ ހުރިހާ ސަމާލުކަމެއް ހުއްޓިފަވަނީ އަހަރެންނަށްށެވެ. ބުނަން މިއުޅޭ ވާހަކައިގެ ގޮތުން އަހަރެން ހުރީ ކުޑަކޮށް ޖެހިލުންވެފައެވެ. އިތުރަށް ހައިކަލް ދެރަ ކުރަން ބޭނުން ނުވިނަމަވެސް މިހަޤީގަތް ކޮންމެހެން ހައިކަލްއަށް އިނގުން މުހިންމު ކަމުގަ އަހަރެންނަށް ވިސްނުނެވެ.

 ނުނިމޭ