ލޯ މެރޭ ހިނދު ހީވޭ ގާތުގާ ވާހެން (20)
ދިމްރާ ދެތިންފަހަރަކު ޔުއާން ދުރަށް ކޮއްޕާވެސްލިއެވެ.އެވަރުންވެސް ޔުއާންގެ ހަރަކާތްތަކަށް ހުއްޓުމެއް ނައެވެ.އެތައް ގަދައެއް ހަަދަހަދާފައި ދިމްރާއަށްވެސް ޔުއާންގެ އެ އަމަލާ ނޭނގިހުއްޓާ އެންމެފަހުން ވެވުނީ ބައިވެރިއެވެ. ދެލޯ މަރާލިއިރު ޔުއާންގެ އެ އަމަލުތަކަށް ދިމްރާއަށްވެސް އިޖާބަ ދެވިގެން ދިޔައެވެ. ދެމީހުންނަށްވެސް ދުރަށް ޖެހިލެވުނީ ނޭވާ ކޮޅަށް ދިއުމުންނެވެ.މައިނޭވާލަމުން ދިޔައިރު ޔުއާން ހުރީ އެމޫނަށް ބަލަހައްޓައިގެން ކަމުގައިވިޔަސް ދިމްރާއަށް ޖަހާލެވުނީ މޫނު އިސްދަށަށެވެ. ދިމްރާވެސް އެ އަމަލުގައި ބައިވެރިވީތީ ޔުއާން ހިތަށް އަރާނީ ކީކޭ ބާއޭ ދިމްރާގެ ހިތަށް އެރުމުން އިތުރަށް އެ މޫނު ރަތްވެގެން ދިޔައެވެ.
“ދިމް..އައިމް ސޮރީ..ޖަޒުބާތުގަ ޖެހެވިފަ ހުރިވަރުން ވާނުވާވެސް އަހަރެންނަށް ނޭނގުނީ..ސޯ ވަރަށް ބޮޑަށް ސޮރީ..ބަޓް މިރޭ ނޭނގި ނަމަވެސް އެ ހާމަ ކުރެވުނީ ހަޤީގަތް..އިތުރަށް ސިއްރު ކުރާކަށް ބޭނުމެއް ނޫން..މިހާރުވެސް އެ ލަފްޒުތައް ދުލަށް ނުގެނެސްވޭތޯ އަހަރެން ވަނީ އެތައް ހަނގުރާމައެއް ކޮށްފަ..އެކަމު މިރޭ އެ ހަނގުރާމައިން އަހަރެން ބަލިވެއްޖެ..ސޯ ދިމް! އައި ރިއަލީ ލަވް ޔޫ..ދިމް އަހަރެންނަށް އާންސްއެއް ދޭނަންތަ” ޔުއާން ދިމްރާގެ ދަތްދޮޅި ދަށަށް އިނގިއްޔެއް ލައްވާލުމަށްފަހު ދިމްރާގެ އިސްއުފުލުވާލާ އޭނާއާއި ހަތަރުކަޅި ހަމަކުރުވަމުން އެ ބަސްތައް އިއްވާލިއެވެ.
އެވަގުތު ޔުއާންއަށް ނޭނގުނަސް ދިމްރާގެ ހިތުގައި ކުޅެވިގެން ދިޔައީ ފޮނި ރާގެކެވެ.ދެވަރަ ހުރިނަމަ އުދުއްސައި ގަތީސްކަންވެސް ޔަގީނެވެ.އެހާވެސް އެހިތް އުފަލުން ނަށަމުން ދިޔައެވެ.އެވަގުތު ޔުއާންގެ އެ ބަސްތަކަކީ ނޭނގި ނަމަވެސް ދިމްރާއަށް އެތައް ދުވަހަކަށް އިންތިޒާރު ކުރެވެމުން ދިޔަ ބަސްތަކެއްކަން ޔަގީންވިއެވެ.ދިމްރާއަށް އެއްޗެކޭ ނުބުނެވިފައި ހުއްޓާ ދެންވެސް ވާހަކަ ދެއްކީ ޔުއާންއެވެ.
“އޯކޭ މިވަގުތު އާންސްއެއް ނުދެވެންޏާ ވިސްނާލާފަ ދިނަސް”
“އެހެންތަ”
“ހޫމް” ޔުއާން ލުއި ހިނިތުންވުމަކާއިއެކު ދިމްރާގެ ނިއްކުރީގައި އޭނާގެ ނިއްކުރި ޖައްސަމުން ބުނެލިއެވެ.
“ތިހެންޏާ އަހަރެންނަށް ފަސްދޮޅަސް ފަހެއް ވާ ދުވަހުން އާންސް ހޯދަން އާާދޭ އެނގޭ” ޔުއާން އިތުރަށް ގާތްވެލަން އުޅެނިކޮން ދިމްރާ ޔުއާން ނުވިސްނާ ހުއްޓާ ދުރަށްޖެހިލަމުން ބުނެލިއެވެ. ޔުއާން “ޑެމިޓް” އޭ ކިޔާ އަތް މުއްކަވާފައި ފާރުގައި ޖަހާލިއިރު ދިމްރާ ގޮސް ދޮރު ތަޅުގައި ހިފަނީއެވެ.ދިމްރާ ހޭންފަށަމުން ދޮރުހުޅުވާފައި ނުކުމެ ބަލައިލިއިރު ޔުއާންގެ މޫނުމަތިގައިވެސް ހިނިތުންވުމެއް ހުއްޓާ ފެނުނެވެ.ދިމްރާ ދޫ ނެރިލާ ވައްތަރު ޖައްސާލާފައި ދުއްވައިގަތުމުން ފަހަތުން ނުކުމެ ޔުއާންވެސް ދުއްވައިގަތެވެ.ހެމުން ދިޔަ ދެމީހުންވެސް ހުއްޓި ހަމަހިމޭންވީ ސުކޫލް ވޮޗަރު ކުރިމައްޗަށް ޖެހުނީމައެވެ.އެއާއެކު ދެމީހުން މަޑުމަޑުން ހިނގާލާފައި ގޮސް އަވަަހަށް ހޯލްތެރެއަށް ވަނެވެ.
ދިމްރާ މިރޭ ވީ ކަންތަކުން ރުޅިއައިސްގެން އެއްޗެކޭ ނުބުނުމުން ޔުއާން ހުރީ ވަރަށް ހިތްހަމަޖެހިލާފައެވެ.އެތައް ކުދިންނެއް ތިބީ ދިމްރާއާއި ޔުއާންގެ ސްޓޯރީގެ ފަހުން ވީ ގޮތް އެނގެން ބޭނުންވެފައި ކަމުގައިވިއަސް އަހާލަން ކެރޭވަރު މީހެއް ނެތެވެ.ތަނުގެ ގޮތުން ދިޔާންމެންވެސް އެކަމާ ބެހޭގޮތުން ވާހަކަ ދައްކާކަށް ނުހަދައެވެ.
އެރޭގެ ޕާޓީން މިންޖުވެގެން ހަމީހުންނަށް ގެއަށް ދެވުނީ އެގާރަ ޖަހަން އުޅެނިކޮށެވެ.ދިމްރާއާއި ޔުއާންއަށްވުރެ ކުރިން ޔުއާންމެން ގެއަށް ވަންނަން ދަމުން ހަތަރު މީހުން ލޮލުގެ އިޝާރާތުން އަންގާލީ މިރޭގެ ޕްލޭން ފައްޓަންށެވެ.އެހެންކަމުން ޝާރިމްއާއި ރީމް ދިޔަ ގޮތަށް ދިޔައީ ޓެރަހަށެވެ. ދިޔާންއާއި އުޝާ މަޑުކޮށްލީ ސިޓިންރޫމުގައެވެ. އެއާއެކު ދިމްރާއާއި ޔުއާންއަށްވެސް އައިސް އެދެމީހުން ކައިރިއަށް މަޑު ކޮށްލައިފިއެވެ.
“ދިމް!ކަމެއް ކޮށްދޭން ވެއްޖެ”
“އަނެއްކާ މިހާރު ކިހިނެއްވީ”
“މިރޭ މީ ރެންގެ ބާތްޑޭ..އެހެންވެ ރެންއަށް ނޭނގޭ ގޮތަށް ކުޑަކަމެއް ކޮށްލަންކަމަށް މި ވިސްނަނީ”
“ސީރިއަސްލީ!! އޯ..ސޯ އަހަރެން ކީއް ކޮށްދެންވީ”
“އެންމެންގެ ފަރާތުން ދޭ ގޮތަށް ޕްރެޒެންޓެއް ހަދާފަ އިންނާނީ..އެކަމު އެ ހަނދާން ނެތިގެން ގޭގަ ބޭންދިފަވީ..ސޯ ދިމް ކޮށްދޭންވީ ކަމަކީ ގެއަށް ގޮސް އެ ގެނެސްދެންވީ..އެން ވާރެވެސް ތުނިކޮށް ވެހޭ އެބަ..އަހަރެންނާ އުޝާއާ އެބަޖެހޭ ކޮންމެ ގޮތެއްވިއަސް ރެން ހިފަހައްޓަން ތިބެ.. ސޯ އާން ކާރުގަ ދާންވީނުން ދިމް ގޮވައިގެން”
“އެކަމު ޔާން! ޔާންއާ އުޝާއަށްވެސް ދެވޭނޭނުން ހަމަ” ދިމްރާ ކަންބޮޑުވެފައި ހުރެ ބުނެލިއަސް ބެލީ މޫނުމަތިން އެކަން ނުދައްކާ ވޭތޯއެވެ.
“ދިމް ޓްރައި ޓު އަންޑަސްޓޭންޑް..ތި ދެމީހުން ނެތިގެން ސުވާލު ކުރިޔަސް އަހަރެމެންނަށް ބުނެވޭނެ އަހަރެމެން ދެބައި މީހުންނަށް ޕްރައިވެސީ ދޭންވެގެން ތި ދެމީހުން ކޮޓަރިއަށް ވަދެއްޖެޔޭ.. އޭރުން ރެން އަކަށް ކުޑަކޮންވެސް ޝައްކެއް ނުވާނޭނުން..”
“ތެދެއް ރީމް!ދެން ދޭބަ އަވަހަށް ގޮސްލާފަ ހިފައިގެން އަންނަން” އުޝާވެސް ދިޔާންގެ ބަހަށް ތާއީދު ކުރަމުން ބުނެލިއެވެ.ދެމީހުން އެހެން ބުނުމުން ދިމްރާއަށް ގޮތް ހުސްވިއެވެ.ނަމަވެސް އެއްބަސްވެ އެނބުރި ހިނގައިގަތީ އެދެމީހުންނަށްވެސް އަދި ޔުއާންއަށްވެސް އޭނާ ޖެހިލުންވެފައި ހުރިކަން ދައްކަން ބޭނުން ނުވާތީއެވެ.
ދިމްރާ ނުކުތްއިރު ޔުއާން އޭނާގެ ވޮލްވޯކާރު ގަރާޖުން ނެރިގެން ނުކުއްނަނީއެވެ. އޭރުވެސް ވާރޭ ކަނިކަނި ޖަހަމުން ދެއެވެ.ޔުއާން ކާރު މަޑުކޮށްލުމުން ދިމްރާ ހަމަޖެހިލާފައި ކުރީ ސީޓަށް އެރިއެވެ.ބޭނުމަކަށްވީ ދިމްރާގެ ކުރީގެ ގޮތްގަނޑުގައި ހުންނާށެވެ.ހަޤީގަތުގައި ޔުއާންއަށް ކާރު ދުއްވަން އެނގޭކަމެއް ކުރިއަކުން ދިމްރާއަށް އެނގިފައި ނުވާތީ ދިމްރާ އިނީ އަޖައިބުވެފައެވެ. ނަމަވެސް މޫނުމަތިން އެކަން ނުދައްކަންވެގެން ދިމްރާ ކާރު ތެރެއަށް ނަޒަރު ހިންގާލިއެވެ. އެކާރުގެ ރީތިކަމުން ދިމްރާއަށް ތައުރީފު ނުކޮށްލާއި ނީނދެވުނެވެ.އޭރު ޔުއާން ކާރު މަގު މައްޗަށް ނެރި ދުއްވާލަނީއެވެ.
“ވާއޮ!!ނައިސް ކާރ..ނާސިރުބެގެ ކާރެއް ދޯ މީ”
“ނޫން! އަހަރެމެންގެ އަމިއްލަ ކާރެއް މިއީ”
“ވަޓް؟..ޔޫއާ ކިޑިން މީ..ރައިޓް..” ދިމްރާ ހައިރާންވެ ދެލޯ ބޮޑުކޮށްލަމުން ތަންކޮޅެއް ބާރަށް ބުނެލިއެވެ.ޔުއާންގެ އަނގައިން އެއާއެކު އިވިގެން ދިޔައީ ލުއި ހީލުމެއްގެ އަޑެވެ.
“ގަބޫލު ކުރެވުނަސް ނުކުރެވުނަސް މީ އަހަރެންގެ ކާރެއް..މި ދުއްވާތަން ނުފެންނާތީ ދިމް ހީކުރަނީ އަހަރެން އަތުގަ މި އެއްޗެހި ނުހުންނަ ކަމަށް ދޯ.. ބަޓް އަހަރެންގެ އަތުގަ ކާރުވެސް ސައިކަލުވެސް ހުރޭ..އަހަރެން ދުއްވާ ނޫޅުނަކަސް..އަސްލު ވާރެވެހޭތީ އަހަރެން ކައިރީ ދާށޭވެސް ޔާން އެބުނީ އެހެންވެ..އެއީ އަހަރެން އަތުގަ އެކަނި ލައިސަންސް އޮންނާނީ އަދި”
“އައި ކާންޓް ބިލީވް ދިސް..ހުރިހާ އެއްޗެއް ހުރެ އަދި އަމުދުން މިޒަމާނު ފިރިހެނަކު އެ އެއްޗިއްސަށް ނާރާ އުޅޭނެތަ” ޔުއާންއާއި ދިމާލަށް ބުނި އެއްޗަކަށްވިއަސް ބޮޑަށް ހީވަނީ ދިމްރާ އަމިއްލަ ނަފްސަށް ބުނެލި އެއްޗެއް ހެންނެވެ. އެއާއެކު ޔުއާންގެ ހިނިތުންވުންވެސް ފުންވެގެން ދިޔައެވެ.
ޔުއާން ހީކުރީ ދެން އިތުރަށް ދެމީހުން އެކަނި ވެއްޖެއްޔާ ވަރަށް އޮޑު ގޮތެއް ފީލްވާނެ ކަމަށެވެ.ނަމަވެސް ދިމްރާގެ ކުރީގެ ގޮތްގަނޑުގައި ހުރުމުން ދެމީހުންނަށްވެސް އެކަހަލަ ގޮތެއް ނުވިއެވެ.ހަމަ ކުރިއެކޭ އެއްގޮތަށް، ތަފާތެއް ނައިސް ކުރިންވެސް އުޅެވޭ ކަހަލަ މާޙައުލެއްގައި އުޅެވޭ ކަހަލަ އިހުސާސެއް ވުމުން ޔުއާން ހުރީ ވަރަށް ހިތްހަމަޖެހިފައެވެ.
“ޔާން!ޕްލޭން ވޯކް ކުރާނެތަ؟” ހަތަރުމީހުން ވާހަކަ ދައްކަން ތިބީ އެގޭ ސިޓިންރޫމްގައެވެ.
“ނޭނގޭ ބަލަންޖެހޭނީ..ކުރިން ރޭވި ޕްލޭންއަށްވުރެ މި ޕްލޭން ރަނގަޅުވާނެ ކަމަށް މިބަލަނީ..ވާރެ ވެހުން މީ ހަމަ ލެއްވި ރަހުމަތެއް..ވާރެ ވެހޭތީ ކުރީގެ ޕްލޭން މި ބަދަލު ކުރީވެސް..ވާރެ ބޯކޮން ވެހިއްޖެއްޔާ އަހަރެމެންގެ ޕްލޭން ވޯކް ކުރާނެ..ޔުއާންއެއް ނުދާނެ ވާރެއަކަށް..މިހާރު އޭނަ ވާރެއާާ ތެމި ނުލާތާ ވީ އަހަރެއް އޭނާއަކަށްވެސް ބުނާކަށް ނޭނގޭނެކަން ޔަގީން..ސޯ ދެމީހުން އެގޭގައި މަޑުކުރަންށޭނުން ޖެހޭނީ..މިގޮތަށް އަބަދު ދެމީހުން އެއްތަން ކުރުވީމަ މާގިނަ ދުވަހު ރިލޭޝަނަކަށް ނުގޮހެއް ދެމީހުންނަކަށް ނުތިބެވޭނެ” ދިޔާންގެ މޫނު މައްޗަށް އެއާއެކު އުފާވެރި ހިނިތުންވުމެއް ވެރިވެގެން ދިޔައެވެ.
ޔުއާންއާއި ދިމްރާ ގުޅޭނެ ދުވަހަކަށް އޭނާ އިންތިޒާރު ކުރާތާ ކިތަންމެ ދުވަހެއް ވެއްޖެއެވެ. ޔުއާންގެ އެ އަނދިރި ދުނިޔެ ބަދަލުކޮށްލި މީހަކީ ދިމްރާއަށްވާއިރު އެ ދުނިޔޭން ޔުއާން ނެރެވޭނެ ހަމައެކަނި މީހަކީ ދިމްރާކަން ދިޔާންއަށް މިހާރު ޔަޤީންވެއްޖެއެވެ.ޔުއާން މިހާރުވެސް ކުރިއާއި އަޅާ ބަލާއިރު ހާދަ ބޮޑު ތަނެއް ރަނގަޅު ވެއްޖެއެވެ. މިވީ އެތައް އަހަރެއްތެރޭ ޔުއާންއަށް އެކަކަށްވެސް ނުގެނެވުނު ބަދަލު އެއް އަހަރުތެރޭ ދިމްރާ ގެނެސްދީފިއެވެ.މިހާރު ޔުއާންގެ ކިބައިން ފެންނަ މަޖާކަމާއި،ހިނިތުންވުމާއި އެ ފެންނަ ގާތްކަމުގެ ސަބަބުން ދިމްރާއަށް ޝުކުރު ހައްޤެވެ.
“ދެން އެގޭގަ އެދެމީހުން ތާށިވީމަ އަހަރެމެން ކިހިނެއް ހަދާނީ”
“އެދެމީހުންނަށް ވަގުތު ކޮޅެއް ދީފަ އަހަރެމެންވެސް ކާރެއްގަ އެގެއަށް ދާނީ” ރީމްގެ ސުވާލަށް ޖަވާބުދިނީ ޝާރިމްއެވެ.އެއާއެކު ހަތަރުމީހުންގެ މޫނުމަތިންވެސް މައުނަވީ ހިނިތުންވުމެއް ފާޅުވެގެން ދިޔައެވެ.
“އާން ވާރެ ވެހޭތީ އަންނަން އެއްބަސްނުވީމަ، ދިމް ވަރެއް އަރުވާލާނެ ދޯ އެ ފަކީރަށް..ނޭނގެ ހަދާލާނެ ގޮތެއްވެސް” އުޝާ މަޖާވެލާފައި ބުނެލިގޮތުން ހީވީ އެ މަންޒަރު ސިފަ ކޮށްލަމުން ބުނެލި ހެންނެވެ.
“ހޫމް! އާން ތަޅުލައިގެންވެސް ބަލާނެ ވާރެއަށް ނުނިކުމެ ވާނެ ގޮތެއް ވޭތޯ ދޯ” ޝާރިމްވެސް އުޝާއާއި އެއްބައިވެލާފައި ބުނެލިއެވެ.އެއައްފަހު އެންމެން އެއްފަހަރާ ހީގަތީ އެދެމީހުން އުޅޭނެގޮތް ސިފަކޮށްލެވުމުންނެވެ.
“ދުއްވާފަ ދާއިރު މާ ދުރު ދޯ”
“ވަންވޭ ތަކަށް ނުވަދެވެންޏާ ވާނީ އެހެންނޭނުން.. ހިނގާފަ ދަންޏާ ކޮންމެ މަގަކުން ކޮންމެ ކޮޅަކަސް ދެވޭނެވިއްޔަ..ބައިދަވޭ ދިމްއަށް ލަސްވަންޏާ ސްޕީޑް ބާރުކޮށްލަ ދީފާނަން”
“ނޫން ނޫން” ދިމްރާ ދެލޯ ބޮޑުކޮށްލަމުން ޔުއާންއަށް ބަލައިލިގޮތުން ދިމްރާ ޔުއާން އެހެން ބުނެލި ކަމަށްޓަކާއިވެސް ޖެހިލުންވިވަރު ފެނި ޔުއާންއަށް މަޖާވިއެވެ.ދިމްރާއަށް ޖެއްސުން ކުރުން ޔުއާންއަށް މަޖާކަމަކަށް ވާންފެށީ ކޮންއިރަކުން ފެށިގެން ކަމެއް ޔުއާންއަކަށްވެސް ނޭނގެއެވެ. ނަމަވެސް ޔުއާން މިހާރު ދިމްރާއަށް ޖެއްސުންކޮށް ރުޅިގަދަ ކުރާ ހިތްވެއެވެ.ރަނގަޅަށްވެސް ޔުއާންއަށް އެކަން އާދައަކަށް ވެއްޖެއެވެ.އެހެންކަމުން ޔުއާން ވަގުތުން ސްޕީޑް ފުލް ކޮށްލިއެވެ.ޔުއާންގެ މި އަމަލުން ދިމްރާއަށް ހީވީ އޭނާގެ ހިތް ފަޅާފާއި ބޭރަށް ނުކުތް ހެންނެވެ.
“ޔުއާން!ޔުއާން ޕްލީޒް..ސްޓޮޕް ދަ ކާރ..ޔުއާން މަޑުކުރާށޭ” ދިމްރާ އަޅައަޅައި ގަންނަމުން ހަޅޭއްލަވާއި ޒާތަކަށް ވާހަކަ ދައްކަމުން ދިޔަގޮތުން ޔުއާންއަށް މަޖާވިއެވެ.ހިތްވަރުގަދަ ކަމަށް ދައްކައިގެން އުޅޭ ކުއްޖާއަކީ އަނދިރިދެކެއާއި ބާރު ސްޕީޑަށް ދުއްވަންޏާއި ބިރުގަންނަ ކުއްޖެއްކަން އެންމެ ކައިރިންވެސް މި އެނގެނީ ޔުއާންއަށެވެ. އެކަމު ޔުއާން ކައިރީ އަބަދުވެސް ގޮތުގައި ހުންނަން ދިމްރާ މަސައްކަތް އެބަކުރެއެވެ.ޔުއާންގެ ހިތަށް އެހެން އެރުމުން ހިނިގަނޑު ކޮންޓްރޯލެއް ނުކުރެވުނެވެ.ޔުއާން ހޭންފެށުމުން ދިމްރާ ހައްތަހާ ރުޅިގަދަވުން ނޫންކަމެއް ނުވިއެވެ.
ދިމްރާ އެވަރަށް ކާރު މަޑުކުރާށޭ ކިޔުމުންވެސް ޔުއާން ގޮތުގައި ހިފަހައްޓާތީ ދިމްރާ އިނީ އެކަމާއިވެސް އިންތިހާއަށް ރުޅިގަދަވެފައެވެ.އަދި ބިރުވެސް ގެންފައެވެ.ޔުއާން ކާރު މަޑު ކުރީވެސް ދިޔާންމެންގޭ ދޮރުމައްޗަށް އައިސްފައެވެ.ދެ ކަންފަތުގައި އަތް އަޅާލައިގެން އިން ދިމްރާ ލޯ ހުޅުވާލީވެސް ކާރު މަޑުކުރިކަން ޔަޤީންވީމައެވެ.
“އައި ހޭޓް ޔޫ އަހުމަދު ޔުއާން ނާސިރު” ދިމްރާ ދެލޯ އަޅާލުމަށްފަހު ކާރުން ނުކުމެ އަތުގައި ހުރި ބާރެއް ލާފައި ކާރު ދޮރު ޖަހާލިއެވެ.ދިމްރާގެ ރުޅިގަނޑު ފެނިފާއި ޔުއާންގެ ގާތަށް ހައްތަހާ އަންނަނީ ހިންޏެވެ.ދިމްރާ ރުޅިއައީމަ ކުޑަކުދިން އުޅޭގޮތަށް އުޅޭތީ އޭނާއަށް މަޖާ ވަނީއެވެ.
“ބަޓް އައި ލަވް ޔޫ” ޔުއާންވެސް ކާރުދޮރު ހުޅުވާފައި ނުކުމެ ހުރެ ދިމްރާއަށް އަޑު އިވޭ ވަރަށް ގޮވާލިއެވެ.އެ އަޑަށް ދިމްރާ ތަޅު ހުޅުވުމަށްފަހު ޔުއާންއާއި ދިމާލަށް އެނބުރި ތުން އަނބުރާލުމަށްފަހު އެތެރެއަށް ވަނެވެ.އެހެންކަމުން ޔުއާންވެސް އަވަސްވެގަތީ ދިމްރާ ފަހަތުން ދިއުމަށެވެ.އެހެނަސް ޔުއާންއަށް އެތެެރެއަށް ރަނގަޅަށް ނުވަދެވިގެން އުޅެނިކޮން ފެނުނީ ދިމްރާ އެބުނާ ޕާރުސަލެއް ހިފައިގެން ނުކުންނަން އާއި ތަނެވެ.
ދިޔާންމެންގެ ޕްލޭނާއި އެއްގޮތަކަށް ކަންތަކެއް ނުވިއެވެ.ދެމީހުން އެގެއިން ނުކުތްއިރުވެސް ވާރެ ބޯކޮށެއް ނުލިއެވެ.ނަމަވެސް އޭރު ފުދޭ ވަރަކަށް ވާރެތިކި ތަޅަމުންދިޔައެވެ.ޔުއާން ދުވެފައިގޮސް ކާރަށް އެރީ ދިމްރާ އާދޭތޯވެސް ބަލާއިނުލައެވެ. އެހާވެސް ވާރެއިން ރެކެން ޔުއާން ހުރީ ބޭނުންވެފައެވެ.
“ޔުއާން މިފަހަރު ކާރު ބާރަށް ދުއްވައިފިއްޔާ އަހަރެން ފުންމާލާނަން…ވަގުތުން” ދިމްރާ ރުޅިއައިސްފާއި ކަމަށް ހަދާފައި ދެއަތް އުރާލަމުން ބުނެލިއެވެ.
“އޯކޭ އޯކޭ ކުޑަކުޑަ ބޭބީ..އަހަރެންދެކެ ރުޅިއައިސްފަ ހުރީމަ ސްކޫޕަށް ގޮސް ހޮޓް ޗޮކުލެޓެއް ގަނެގެން ދާނީ”
“ސީރިއަސްލީ..ޔޭ..ކިހިނެއް އެނގުނީ އެއީ އަހަރެންގެ ފޭވަރިޓް ކަމެއް..ރަސްފަންނުގަ ދޯ އެތަން މިހާރު ހުންނަނީވެސް” ދިމްރާ ދެންމެއާއި ޖެހެންދެން އައިސްފައި ހުރި ރުޅި ޔުއާންގެ އެ ބަސްތަކުން ދިޔަތަނެއްވެސް ނޭނގެއެވެ.ހަމަ ކުޑަ ކުއްޖަކު ރުއްސާހެން ދިމްރާވެސް ޖެހެނީ ހަމަ އެހެން ރުއްސާށޭ ހިތަށް އެރުމުން ޔުއާންގެ ތުންފަތްމައްޗަށް ލާނެއް ހިނިތުންވުމެއް ވެރިވެގެން ދިޔައެވެ.އޭރު ޔުއާން އެދޭން ބުނީތީ ދިމްރާ އިނީ އުފަލުން ފޮޅިފައެވެ.
ދިހަ މިނެޓުގެ ދުއްވުމަކަށްފަހު ދެމީހުން ގޮސް އެތަނަށްވަނެވެ.ޔުއާން އެއްވެސް އެއްޗަކަށް އޯޑަރު ނުކޮށް ކައިރީ އިނީ ދިމްރާ ގެ ހަރަކާތްތަކަށް ބަލާށެވެ.ހޮޓް ޗޮކުލެޓް ތަށި މީރު ކޮށްކޮށްފައި ބޮމުން ދިޔަ ގޮތުން ޔުއާން އިނީ މަޖާވެފައެވެ.އެ ހުސްވުމާއިއެކު އިތުރަށް މަޑުކުރަން ނުހެދީ ގަޑިން އެގާރަ ގަޑި ސާޅިސްވެފައި ހުރުމުންނެވެ.
އެހެނަސް ދެމީހުންނަށް ދޮރުން ކިރިޔާ ނުކުމެވުން ވަގުތާ ބޮޑުތިކި ވާރޭ އޮއްސާލި ވަގުތާ ދިޔައީ އެކުއެކީއެވެ.އޭރު ކަންދިމާކުރިގޮތުން އޭރު ދިމްރާއަށް ހުރެވުނީ ފާޑަކަށް މަގުމަތީގައެވެ.އެހެންކަމުން ދިމްރާ ތެމޭކަށް ހިނދުކޮޅެއްވެސް ނުނެގިއެވެ.އެ ބޮޑު ހެދުން އަވަހަށް ދެއަތުން އުފުލާލަމުން އެނބުރި ބަލައިލިއިރު ޔުއާން ހުރީ އެތަނުގެ ދޮރުގައި ލެނގި ގެންނެވެ.އެ އަމަލުންވެސް އޭނާ ވާރެއާއި ޖެހެން ބޭނުން ނުވެފައި ހުރިވަރު ހާމަ ކޮށްދެއެވެ.
ދިމްރާ ތެމިފޯވެފައި ހުރުމުން އިތުރަށް އެތެރެއަށް ވަންނާކަށް ނުހެދިއެވެ.ޔުއާން ގޮވަގޮވާއި އޮއްވާއި ފެނުނީ އޭނާ ވާރެ ތެރެއަށް ދުއްވައިގަތްތަނެވެ.އަދި މަޖާވެލާފައި އެ ބޮޑު ހެދުމާއިއެކު އެނބުރި ގަތްއިރު ހީވަނީ ޕަރީއެއް ވާރޭ ތެރެއަށް ފައިބެގެން އުޅޭ ހެންނެވެ.ޔުއާންއަށް ނަޒަރު ވަކި ކޮށްލަން ނުކުޅަދާނަވެފައި ހުރީ ކުރިމަތިން ފެންނަމުން ދިޔަ މަންޒަރުގެ ފުރިހަމަ ކަމުންނެވެ.ދިމްރާގެ ކޮންމެ އަދާއެއް އެހިތުގައި ރައްކާ ކުރެވެމުން ދިޔައެވެ. އެއާއެކު އޭނާގެ އެ ފިރިހެންވަންތަ ހިނިތުންވުންވެސް އެ މޫނުމަތިން ފާޅުވެގެން ދިޔައެވެ.
ދިމްރާ ދެތިންފަހަރަކު ގޮވާލުމުންވެސް ޔުއާން ފާޅުގައި އިންކާރު ކުރަމުން އަތުން އިޝާރާތް ކޮށްލައެވެ.ދިޔާން، ޔުއާން ވާރެއާއި ނުތެމޭ ވާހަކަ ބުނި ހަނދާންވުމުން ދިމްރާ ޔުއާން ވާރެއަށް ގެންނަން އަދި އިތުރަށް ބޭނުންވެގެން ދިޔައެވެ. އެހެންކަމުން މިރޭ ކޮންމެ ގޮތެއް ހަދާފައިވެސް ޔުއާން ވާރެއަށް ނެރެން ދިމްރާ ހިތުގައި އަޒުމް ކަނޑައެޅިއެވެ.
ޖީބުން ފޯނު ނެގުމަށްފަހު ފޯނަށް ބަލައިލި ޔުއާންއަށް ސިހުން ގެނުވީ ދިމްރާގެ އަޑުންނެވެ. އިސްއުފުލާއި ބަލައިލެވުންއިރު ފެނުނީ ދިމްރާ ބޮލުގައި އަތް އަޅައިގެން ހުރެ ހުރި ދިމާލަށް ތިރިވި ތަނެވެ.ބޯކޮށް ވެހެމުންދިޔަ ވާރޭގައި ދިމްރާ މަގުމައްޗަށް ވެއްޓުނުތަން ފެނުމުން ޔުއާންގެ ދެލޯ ދިޔައީ ބޮޑުވެގެންނެވެ.ވާރޭގެ ތެރެއަށް ވެއްޓިފައި އޮތްއިރު ދިމްރާގެ އެ ބޮޑު ހެދުންވަނީ މަގު މަތީގައި ފެތުރިފައެވެ.ވެއްޓި ޖެހުމާއިއެކު އަތް އުފުލާލީ ޔުއާންއަށް ގޮވާލަންކަން ހަރަކާތްތަކުން ޔުއާންއަށް އެނގުނެވެ.ނަމަވެސް އުފުލާލި އަތް ތިރިއަށް ވެއްޓުނުއިރު ދިމްރާގެ ދެލޯ މެރިގެން ދިޔަތަންވެސް ޔުއާންއަށް ފެނުނެވެ.
“ދިމް!އައި ނޯ އަހަރެން ނުގޮސްގެން ސަމާސާ ކުރަނީކަން ތީ..ސޯ ތިކަހަލަ ސަމާސާ ކުރާކަށް ނުވާނެ..ދެން ތެދުވޭ..ދިމް ކިތަންމެ ސަމާސާއެއް ކުރިއަސް އަހަރެންނެއް ނުދާނަން އެނގޭ” ޔުއާން ގޮތުގައި އެހެން ބުނެލި ކަމުގައިވިއަސް އޭނާ ހުރީ ކޮންމެސް ވަރަކަށް ކަންބޮޑުވެފައެވެ.އަދި ހަމަ އެހެންމެ ޔުއާން އެހެން ބުނުމުންވެސް ދިމްރާގެ ފަރާތުން އެއްވެސް އިޝާރާތެއް ވާތަނެއް އޭނާއަކަށް ނުފެނުނެވެ.އޭރު ހިތްވެސް ދިމްރާ ކައިރިއަށް ވަގުތުން ދިއުމަށް ގޮވަމުން ދިޔަ ނަމަވެސް ވެހެމުން ދިޔަ ވާރޭގެ ސަބަބުން ޔުއާން ހުރީ ދާން ބޭނުން ނުވެފައެވެ.އެހެންކަމުން ދެވަނަ ފަހަރަށްވެސް އޭނާ ދިމްރާއަށް ގޮވާލިއެވެ.ނަމަވެސް ދެންވެސް ދިމްރާ އިނގިއްޔެއް ހާ ހިސާބުވެސް ގުޑުވާ ނުލިއެވެ.އެކަމަކު ދެންވެސް ޔުއާން އިރުކޮޅަކު އެގޮތުގައި ކެތްކޮށްލީ ދިމްރާ އޭނާ ނުދިއުމުން ތެދުވާނެ ކަމަށް ނިންމާފައެވެ.އެހެނަސް އެއް މިނެޓު ހިނގާ ދިޔައިރުވެސް ދިމްރާ ގުޑުމެއް އަރުވާލާ ތަނެއްވެސް ޔުއާންއަކަށް ނުފެނުނެވެ.
ޔުއާންގެ ހިތަށް ބިރުވެރިކަން ވަދެގެން ދިޔައީ އެ ހިސާބުންނެވެ.އެއާއެކު ދިމްރާގެ ގާތަށް ދިއުމަށް ހިތް މަޖުބޫރު ކުރުވުމުން އިތުރަށް އެފިޔަވަޅުތަކެއް ޔުއާންއަކަށް ނުހުއްޓުވުނެވެ.އެހެންކަމުން ވާރޭ ތެރެއަށް ނުކުމެ ދިމްރާއާއި ދިމާލަށް ޔުއާންއަށް ދެވުން ގޮތްވެސް ނޭނގުނެވެ.
ޔުއާން ތެޅެމުން ފޮޅެމުން އައިސް ދިމްރާގެ މަގަތުގައި އިށީންދެ ދިމްރާގެ ބޯ އުނގުމަތީ ބާއްވާލިއެވެ.އޭރު ޔުއާންހުރީ ރަނގަޅަށްވެސް ތެމިފޯވެފައެވެ.ނަމަވެސް އެކަމަކަށް އެވަގުތު އޭނާގެ އެއްވެސް ވިސްނުމެއް ދަތުރެއް ނުކުރިއެވެ. އެއައްވުރެ ބޮޑަށް ދިމްރާއަށް ގޮތެއް ވެދާނެތީ އޭނާ ހުރީ ހާސްވެ ބިރުގެންފައެވެ.އޭރު ކުޑަކޮން ބޯ ގުދުކޮށްލައިގެން އިނދެ އޭނާ ދިމްރާއަށް ގޮވަމުން ދިޔައިރު، އޭނާގެ ނިއްކުރިމައްޗަށް ފައިބާފައިހުރި ފަން އިސްތަށިކޮޅުތަކުން ފައިބަމުންދިޔަ ފެންތިކިތައް ދިމްރާގެ މޫނު މައްޗަށް ފައިބަމުން ދިޔައެވެ.
“ދިމް!އޭ ދިމް..ޕްލީޒް ލޯ ހުޅުވަބަލަ..ޑެމިޓް..އޯޕެން ޔުއާރ އައިސް ދިމް” ޔުއާން ދިމްރާގެ ކޮލުގައި މަޑުމަޑުން ތަޅަމުން، ގޮވަމުން ދިޔައެވެ.އޭރު އެ އަޑުގައިވަނީ އިންތިހާއަށް ހާސްކަމެވެ.
“އަޅެ ދެން ވަރަށް ފޫހިވެ..ޔުއާންގެ މޫނުން ފައިބާ ފެންތިކިތައް އަހަރެން މޫނުމަތީ އައިސް ޖެހެންޔާ އުނދަގޫވާނެ ކަމެއް ހަމަ ނުވިސްނޭތަ” އިރުކޮޅަކު އެގޮތުގައި އޮވެލަން މަސައްކަތްކުރި ނަމަވެސް، އެގޮތަށް މޫނުގައި ފެންތިކިތައް އައިސް ޖެހޭތީ އުނދަގޫވީ ވަރުން ދިމްރާއަށް ބޭއިހްތިޔާރުގައި އެހެން ބުނެލެވުނެވެ.އެއާއެކު ކުއްލިއަކަށް އެއްޗެއް ހަނދާންވިހެން ލޯ ހުޅުވާލުމަށްފަހު ދެލޯ ބޮޑުކޮށްލިއިރު އެދެލޯ ޔުއާންގެ ދެލޮލާ ސީދާވެގެން ދިޔައެވެ.އަދިހަމަ އެހެންމެ ވަގުތުން ފުންމައިގެން ތެދުވެ އިށީންދެވުންއިރު އޭނާއަށް ނިއްކުރިމަތީގައި އަތުންވެސް ޖަހާލެވުނީ ކުރެވުނީ ކިހާ ވަރެއްގެ ކަމެއްކަން ވިސްނުނީމައެވެ.އަނގަ ގަދަ ކަމުން އެކްޓެއްވެސް ކޮށްލެވޭކަށް ނެތޭވެސް ދިމްރާގެ ހިތަށް އެވަގުތު އެރިއެވެ.އަދި އިތުރަށް އެގޮތުގައި އިންނަން ނުހަދާ ދިމްރާ އަވަސްއަވަހަށް ކޮޅަށް ތެދުވެ ޔުއާންއާއި ދިމާލަށް ބަލައިލިއެވެ.އޭރު ޔުއާންވެސް ތެދުވެ ހުރީ ކޮޅަށެވެ.
ޔުއާންގެ ލޮލުގައި އެވަގުތުވާ އަސަރަކުން ދިމްރާއަށް ހަޅޭއްލަވައިގަނެވި އެނބުރި ކާރާ ދިމާލަށް ދުއްވައިގަނެވުނެވެ.އެއާއެކު ފެނިގެން ދިޔައީ ޔުއާންވެސް ދިމްރާގެ ފަހަތުން ދުއްވައިގަތްތަނެވެ.ދިމްރާ ފަހަތަށް ބަލަބަލާފާއި ކުރިއަށް ދުވަމުން ދިޔައިރު ފަހަތަށް ބަލައިލާ ކޮންމެ ފަހަރަކު ހަޅޭއްލަވައިގެންފާއި ފަށަނީ ހޭށެވެ.ދިމްރާއަށް ހުރީ ރަނގަޅަށްވެސް އެކަން މަޖާވެފައެވެ.އެހެންކަމުން އެ ފޯރީގައި ހުއްޓާއި ކުއްލިއަކަށް ޔުއާން ފަހަތުން އައިސް އޭނާގެ ބަނޑާއި ދިމާލުން ދެއަތް ވަށާލާއި އަނބުރާލުމާއިއެކު ދިމްރާއަށް ދިޔައީ ސިހުމެއް ލިބިގެންނެވެ.
ޔުއާން، އެ ބޮޑު ހެދުމާއިއެކު ދިމްރާ އަނބުރާލި މަންޒަރު ފެނުނު މީހަކު ދެވަނަ ފަހަރަށް އެދިމާލަށް ބަލައިލާނެކަން ޔަޤީނެވެ.ސްކޫޕް އެތެރޭގައި ތިބި ބައެއް މީހުންނަށްވެސް އެ މަންޒަރު ފެނުމުން ފޮޓޯ ނެގިއެވެ.ވާރޭގައި ތެމި ފޯވެގެން އެ ޝާހީ ހެދުމުގައި ތިބި ދެމީހުންގެ އެ މަންޒަރު ބަލާ މީހަކު އާާޝޯހުވާހާ އެ މަންޒަރު ފުރިހަމައެވެ.ކޮން ބައެއްކަން ނޭނގުނަސް އެ މަންޒަރު ގިނަ މީހުން ފޯނުގައި ރައްކާކޮށްލީ އެ މަންޒަރުގެ ރީތިކަމާއި ފުރިހަމަކަމުންނެވެ.
އެ އެންމެންގެ ލޯމަތިން އެދެމީހުން ގެއްލުނީ ކައިރީގައި އޮތް ކާރުގެ ފުރަގަހާއި، އެދެމީހުން ނިވާވުމުންނެވެ.ޔުއާން ދިމްރާ އަނބުރާލުމަށްފަހު ގެންގޮސް ލައްކޮށްލީ ކާރުގައެވެ.އަދި އޭނާ ކާާރުގާއި ދެއަތް ވިއްދާލީ ދިމްރާ ދިޔަ ނުދޭންވެގެންނެވެ. އޭރުވެސް ވެހެމުންދިޔަ ވާރެއަކަށް ބަދަލެއް ނާދެއެވެ.
“ކީއްކުރަން ކުރި ސަމާސާއެއް އެއީ” ޔުއާން ދިމްރާއާއި ހަތަރުކަޅި ހަމަކޮށްލަމުން އަހާލިއެވެ.
ޔުއާންގެ މޫނު އެހާ ގާތުގައި ވީއިރު އެ ވިއްސާރާގައި އެފަދަ ގޮތަކަށް ޔުއާން ފެނިލުމުން ދިމްރާގެ ހިތަށް އެނގުން ވެލައިގެން ދިޔައެވެ. ނިއްކުރިމަތީ ހުރި އިސްތަށިކޮޅުން ފެންތިކި ތަޅަމުން ދިޔައިރު ބަލާ ފޫހިނުވާނޭފަދަ މަންޒަރަކަށް ދިމްރާއަށް އެ މަންޒަރުވިއެވެ.އާޝޯހުވެފައި ހުރި ދިމްރާއަށް ހަމަހޭވެރިކަންވީ ޔުއާން ދެވަނަ ފަހަރަށް ވާހަކަ ދެއްކުމުންނެވެ.
“ކީއްކުރަން ކުރި ސަމާސާއެއްހޭ އެއީ”
“ޔުއާން ގެންނަންވެގެން”
“އަހަރެން ގެންނަނީ ކީއްކުރަން..އަނެއްކާ އެ ނޫން ސަމާސާއެއް ކުރަން ދިމްރާއަށް ނޭނގުނީތަ.. ސަމާސާ ކުރުމުގައިވެސް ހައްދެއް އޮންނާނެ ދޯ.. އެއީ މީހުން ސަމާސާ ކުރާ ކަހަލަ ކަންތަކެއް ނޫނޭ..ދިމްރާއަށް އަސްލު ކަމެއްވާ ދުވަހުން މީހަކު ގާތްނުވެ ހުރެދާނެ ވަރުކަމެކޭ އެއީ” ޔުއާން ސީރިއަސްވެފާއި ވާހަކަ ދެއްކި ގޮތުން ޔުއާން ހިތްހަމަނުޖެހިފައި ހުރިވަރު ދިމްރާއަށް އިހްސާސް ކުރެވުނެވެ.އެހެންކަމުން ދިމްރާގެ ތުންފަތުގައިވި ހިނިތުންވުން ގެއްލި އެ މޫނުންވެސް ސީރިއަސްކަން ފެނިގެން ދިޔައެވެ.އަދި ހަމަ އެހެންމެ އޭނާ އިސްޖަހާލީ ޔުއާންއާއި ހަތަރުކަޅި ހަމަކޮށްގެންހުރެ އޭނާއަށް ޖަވާބުދޭން ފަސޭހަ ނުވާނެތީއެވެ.
“ޔުއާން ވާރެއަށް ގެންނަން ބޭނުންވި ވަރުން އެކަން ކުރީ”
“ދިމްރާއަށް ރަނގަޅަށް އެނގޭނެ އަހަރެން މީ ވާރެއާ ތެމޭ މީހެއް ނޫންކަން”
“އެހެންވެއޭ އެފަދަ އަމަލެއް ހިންގައިގެންވެސް ޔުއާން ގެންނަން ބޭނުންވީ..ޔުއާން ވާރެއާ ފިލަން އުޅޭތީ” ދިމްރާ އިސްއުފުލާލާއި ޔުއާންއާއި ހަތަރުކަޅި ހަމަ ކޮށްލަމުން ބުނެލިއެވެ.ދިމްރާގެ އެ ބަސްތަކުން އެ މޫނުގެ ކުލަ ބަދަލުވެގެން ދިޔަތަން ދިމްރާއަށް ރަނގަޅަށް ފެނުނެވެ.ޔުއާން ދިމްރާއާއި ދިމާލަށް ބަލަހައްޓައިގެން ހުރީވެސް ބުނާނެ އެއްޗެއް، ދޭނެ ޖަވާބެއް ނޭނގިފައި ހުރި މީހެއް ފަދައިންނެވެ.
“ކީއްވެތަ އެފަދަ ކޮންމެ އުފަލަކުން ޔުއާން އަމިއްލައަށް މަޙްރޫމްވާން މަސައްކަތް ތި ކުރަނީ.. ކިހާ ދުވަހެއް ވަންދެން ތި ގޮތަށް ފިލަން ދުވާނަންތަ..އުފާވެރިކަން ހޯދަން މަސައްކަތް ކުރުމަކީ ކުށެއް ނޫނޭ..ސޯ ޔުއާން ރުޅި އަޔަސް އަހަރެން ބޭނުންވީ މި އުފާވެރި ދުނިޔެއަށް ކުޑަ ވަގުތު ކޮޅަކަށްވިއަސް ޔުއާން ގެންނަން..ނެގުނީ އެކަން ކުރަން ގޯސް ސްޓެޕަކަށް ވީތީ އައިމް ސޮރީ..ބަޓް އެކަން އަހަރެން ރިގްރެޓެއްވެސް ނުކުރަން” ދިމްރާ މިހެންބުނެ ޖެހި ބުދެއްހެން ހުރި ޔުއާންގެ ދެއަތް ކާރުން ނައްޓުވާލިއެވެ.އަދި އޭނާ ހިތްހަމަނުޖެހިފައި ހުރެ އެނބުރި ހިނގައިގަތެވެ. ނަމަވެސް ތަންކޮޅަކަށް ދިޔަތަނާ އަނެއްކާވެސް ސިހުން ގެނުވީ ޔުއާން ކުއްލި ހަރަކާތަކާއިއެކު އޭނާގެ އަތަށް ދަމާލާއި ގެނެސް ބައްދާލުމުންނެވެ. ވާނުވާ އެނގެން ހިނދުކޮޅެއް ނެގި ނަމަވެސް ވާނުވާ އެނގުމާއިއެކު ދިމްރާވެސް ޔުއާންގެ ގައިގައި އެ ދެއަތް ވަށާލިއެވެ.
“ސޮރީ ޔުއާން..އިފް އައި ހާޓް ޔޫ..ޔުއާންއަށް ހާޓް ކުރުމުގެ ނިޔަތުގަ ކުރިކަމެއް ނޫން މީ..އައި ޕްރޮމިސް”
“ނޫން! އެން ތެންކްސް ދިމް..އަހަރެން ދެން އެއްވެސް ކަމަކާ ނުފިލާނަން..ހުރިހާ ކަމަކާ ކުރިމަތިލާނަން..ތެންކްސް އަ ލޮޓް ދިމް..ތެންކްސް އަ ލޮޓް..އެން ޔޫ ނޯ ވަޓް..އެކްޗުއަލީ އައި ލަވް ރެއިން..އަހަރެން ކުޑައިރުވެސް ވާރެއަށް ވަރަށް ލޯބިކުރަން..އިރެއްގަ އެ ވާރެއާ ނުޖެހެން މަސައްކަތް ކުރިނަމަވެސް މިއަދު ވާރެއާ ތެމެވުނީތީ ހިތަށް އެތައް އެއްޗެއް އަރައިފި..އެނގޭތަ ކޯއްޗެއްކަން އެރީ..ކީއްވެބާާއޭ ކުރިން ތެމެން މަސައްކަތް ނުކުރެވެނީ..ކީއްވެބާއޭ އެންމެ ކުޑަމިނުން ނޭނގުމެއްތެރޭވެސް ތެމިނުލެވުނީ ކުރިން..އެހެންނޫންނަމަ މިއަދު މި ލިބުނު ހިތްހަމަޖެހުން އަހަރެންނަށް ލިބޭނެތާ ކިތަންމެ ދުވަހެއް ދޯ..އެން މިއަދު ވާރެއާ ތެމިލެވުނީމަ އަޖައިބެއްފަދަ ހިތްހަމަޖެހުމެއް ލިބިއްޖެކަމަށް، ބޭނުން ނުވިޔަސް އަހަރެން ޖެހޭނީ އެއްބަސްވާން” ޔުއާން އެހުރިގޮތަށް ހުރެ ވާހަކަ ދައްކަމުން ދިޔައިރު ދިމްރާވެސް އެހުރިގޮތަށް ޔުއާން ދައްކާ ވާހަކަ އަޑުއަހަން ހުއްޓެވެ.އަދި ހަމަ އެހެންމެ ޔުއާން އެ ދެއްކި ވާހަކަތަކުން ދިމްރާއަށް ލިބުން އުފަލުގައ ހިނިތުންވެސް ވެލެވުނެވެ.
“ސޯ ލެޓްސް ގޯ ޓުދަ ބީޗް” ދިމްރާ ޔުއާންއާއި ދުރަށް ޖެހިލާ ފުޅާ ހިނިތުންވުމަކާއިއެކު އެހެން ބުނެލިއެވެ.އަދި ދެން ފެނުނީ ގޮނޑުދޮށާ ދިމާލަށް ދުއްވައިގަތްތަނެވެ.އޭރު ދިމްރާއެކޭ އެއްފަދައިން ޔުއާންގެ މޫނުމަތީގައިވެސް ހިނިތުންވުމެއް ވިއެވެ. އަދި އެއާއެކު ފެނުނީ ޔުއާންވެސް ކުއްލިއަކަށް ދިމްރާގެ ފަހަތުން ދުއްވައިގަތްތަނެވެ.
ދެމީހުން ގޮނޑުދޮށަށް ފައިބެގެން އުޅުންގޮތުން ހީވަނީ ކުޑަކުދިންތަކެއް ހެންނެވެ.އެކަކު އަނެކަކު ގަޔަަށް ވެލިޖަހާ ދުވަމުން ދިޔައިރު ހިޔާލެއް ފިކުރެއްނެތި އުޅޭ ބައެއްހެން ހީވެއެވެ.ސަކަރާތްޖަހާ ހީ ހަދަމުން ދިޔައިރު ދެހިތްވެސް ވަނީ އުފަލުން ފުރިފައެވެ.އަދި ހަމަ އެހެންމެ ވާރޭގެ ތެރޭގައި އެކަކު އަނެކަކު އަތުލުމަށް ދުވަމުން ދިޔައިރު ދެމީހުންގެ މޫނުމަތިންވެސް ފެންނަން ހުރީ ހިތްހަމަޖެހުމެވެ.
ޔުއާންގެ އުފާވެރި މޫނު ފެނުމުން ދިމްރާއަށް ލިބިފައިވަނީ ވަރަށް ބޮޑު ހިތްހަމަޖެހުމެކެވެ.ޔުއާން އެހެން އުފާވެލާފާއި ހުންނައިރު އެ މާޙައުލެއްވެސް އުފާވެރިވެގެން ދާނޭ ދިމްރާގެ ހިތަށް އެރިއެވެ.އެ ފިރިހެންވަންތަ ހިނިތުންވުމުގައި ހުރެ މޫނު މައްޗަށް ހިއްލައިލާ ދެއަތް ދަމާލިގޮތުން އެ ވާރެއިން ޔުއާން ހިތްހަމަޖެހުން ހޯދަން މަސައްކަތް ކުރާކަށް ހާމަކޮށްދެއެވެ.މި މަންޒަރު ބަލަން ހުރި ދިމްރާގެ ހިނިތުންވުން ފުންވެގެން ދިޔައެވެ.
ދިމްރާވެސް ޔުއާންއާއި ބައިވެރިވެލުމުގެ ގޮތުން ޔުއާންއާއި އެއް ހަމައަކަށް ހުއްޓި ދެއަތް ދަމާލުމަށްފަހު މޫނު ވާރެއާއި ދިމާކޮށްލިއެވެ.އެހިނދު ވާރޭ ތިކިތައް އައިސް މޫނުގައި ޖެހެންފެށި ގޮތުން ދިމްރާއަށްވެސް ހިތްހަމަޖެހުން އިހްސާސްވެގެން ދިޔައެވެ.ޔުއާން ކުޑަކޮށް ބޯ އަރިކޮށްލާ ބަލައިލީ ކައިރިއަށް ދިމްރާ އައިސް ހުއްޓިލިކަމުގެ އިހްސާސް ވުމުންނެވެ.އެއާއެކު ޔުއާންގެ އަމަލުތައް ކޮޕީ ކޮށްލައިގެން ދިމްރާ ހުރިތަން ފެނުމުން ޔުއާންގެ މޫނު އުޖާލާވެގެން ދިޔައިރު މައުނަވީ ހިނިތުންވުމެއް އެ މޫނުމަތިން ފެނިގެން ދިޔައެވެ.
އެއާއެކު ދެން ފެނިގެން ދިޔައީ ޔުއާން ދިމްރާގެ ފުރަގަހަށް ހުއްޓި އޭނާގެ ދެއަތް ދަމާލާއި ދިމްރާގެ ދެއަތްތިލާގައި ހިފަހައްޓާލިތަނެވެ.ޔުއާން ދެމީހުންގެ އަތް ގުޅުވާ ލާމަހާލުމުން ދިމްރާ މަރައިގެން ހުރި ލޯ ހުޅުވާލި ނަމަވެސް ދުރަށް ދާކަށް މަސައްކަތެއް ނުކުރެއެވެ.އަދި އޭގެ ބަދަލުގައި ފެނިގެން ދިޔައީ ދިމްރާވެސް ޔުއާންއެކޭ އެއްފަދައިން އަނެއްކާވެސް ލޯ މަރާލާ އެއްވެސް ހުރަހެއް ނެތި ވެހެމުން ދިޔަ ވާރެއަށް މޫނު އުފުލާލިތަނެވެ.އެ މަންޒަރު އިތުރަށް ފުރިހަމަ ކަމަށް ދައްކަނީ ދިމްރާގެ ބޯ ޔުއާންގެ މޭގައި ޖެހިފާއި ވާއިރު ދިމްރާއަށް ފާޑަކަށް ޔުއާންގެ ގައިގައި ލައްގަނެވިފައި ހުރީމައެވެ.
“އޯ ޝިޓް” އެގޮތުގައި ދެތިން މިނެޓެއް ވަންދެން ހުރެފާއި ދިމްރާއަށް ތެޅިގަނެވުނީ ކުއްލިއަކަށެވެ. އެއާއެކު ޔުއާން ދެލޯ ހުޅުވާލާއި މޫނު ތިރިކޮށްލާއި ބަލައިލިއިރު ދިމްރާ ޔުއާންއާއި ވީ ފަރާތަށް އެނބުރިލަނީއެވެ.
“ކިހިނެއްވީ” ދިމްރާއަށް ވީގޮތް ފެނިފައި ޔުއާންއަށް އަހާލެވުނެވެ.
“ޔުއާން މިހާރު ބާރަޖަހާ ބޮޑުވާނެ..ރެންގެ ބާތްޑޭއަށް ޕްރެޒެންޓެއް ބަލާ އާއި މީހުންނޭނުން މިއީ..މިހާރު އެ މީހުން އަހަރެމެން ލަސްވެގެން ހޯދާނެ..ނޭނގެ ގަނޑިން ވީ އިރެއްވެސް” ދިމްރާ ކަންބޮޑުވެފައި ހުރެ ހީވީ އެއްނޭވާއިން ހުރިހާ އެއްޗެއް ބުނެލި ހެންނެވެ.
“ހިނގާ ދާން” ދިމްރާ ޔުއާންގެ އަތުގައި ހިފާލަމުން ކާރާ ދިމާލަށް ދިއުމަށް ހިނގައިގަތެވެ.އެނބުރި ފަހަތަށް ބަލައިލެވުނީ ޔުއާންގެ އެއްބާރުލުމެއް ނުލިބުމުންނެވެ.ޔުއާންގެ މޫނަށް ބަލައިލުމުން އެ މާހައުލު ދޫ ކޮށްފާއި ދާހިތް ނުވެފައި ހުރިކަން ދިމްރާއަށް ނަގައި ގަންނާކަށް އުނދަގުލެއް ނުވިއެވެ.ނަމަވެސް އިތުރަށް ދެން މަޑުކުރެވޭކަށް ނެތެވެ.މިހާރުވެސް މާ ލަސްވެއްޖެއެވެ.
“ޔުއާން! ލެޓްސް ގޯ” ދިމްރާ އަނެއްކާވެސް ޔުއާންގެ އަތުގައި ހިފާއި ދަމާލިއެވެ.ހިތާއި ދެކޮޅަށް މިފަހަރު ދިމްރާއާއިއެކު ޔުއާންވެސް ހިނގައިގަތެވެ. ނަމަވެސް ހަޤީގަތުގައިވެސް ޔުއާން ހުރީ ދާހިތް ނުވެފައެވެ.ދިމްރާއާއި އޭނާއަށް އެކަނި ވަގުތު ކޮޅެއްލިބި އެވަގުތުކޮޅު ނިމުމަށްވުރެ ބޮޑަށް އޭނާ ދާހިތްނުވީ އެބޯ ވާރޭ ދޫކޮށްފައެވެ.ނަމަވެސް ދިއުން ނޫން އިތުރުގޮތެއް ނެތްކަން އެނގި ހިނގައިގަތީއެވެ.ކޮންމެ ގޮތެއްވިއަސް މިރެއަކީ އޭނާގެ ބެސްޓީގެ އުފަންދުވަހެވެ.ވީއިރު ނުގޮހެއް އޭނާއަކަށް ނުހުރެވޭނެއެވެ.ޝާރިމްގެ ހިޔާލު ވަނުމުން ޔުއާންއަށްވެސް އަވަސް އަރުވާލެވުނެވެ.
ދެމީހުން ގޮސް ކާރު ގަރާޖަށް ލީއިރު ހުރީ ބާރަގަޑި ވިހިވެފައެވެ.ކާރުން ފައިބެގެން އައިސް ދޮރު މައްޗަށް އެރިއިރު ދިޔާންމެން ހަތަރުމީހުން ތިބީ ދޮރުމަތީގައެވެ.ހަތަރު މީހުންވެސް ބުނަން އުޅުނު ބަސްތައް ހަނދާންނެތި ދެލޯ ބޮޑުކޮށްލައިގެން ބަލަންތިބީ ފެނުނު މަންޒަރު ގަބޫލު ނުކުރެވިފައެވެ.ފެނުނު މަންޒަރު ހަގީގަތަކަށްވުރެ ހުވަފެނެއްކަމަށް ހަތަރު މީހުންނަށްވެސް ހީކުރެވުނެވެ.
ވާރެއާއި ތެމިފޯވެގެން ހުރި ދެމީހުން ފެނުމުން ވާނީ އެހެންތާއެވެ.ދެމީހުންނެއް ނޫނެވެ.ހަތަރު މީހުންވެސް އާޝޯހުވެ އަޖައިބުވެފައި ތިބީ ތެމިފޯވެފައި ހުރި ޔުއާން ފެނުމުންނެވެ.މީހެއްގެ ދުލުން ޔުއާން ތެމުން ވާހަކަ ބުނިނަމަ އެތަނުން އެކަކަށްވެސް ގަބޫލު ނުކުރެވޭނެކަން ގައިމެވެ.ލޯ ކުރިމަތީ އެ މަންޒަރު ފެންނަން ހުރިއިރުވެސް މިހާރުވެސް އެމީހުން އެތިބީ ފެންނަ މަންޒަރު ގަބޫލު ކުރަން ދަތިވެފައެވެ.
“ހެލޯ!ހުވަފެނެއް ނޫނޭ ތި ފެންނަނީ..ހަމަ ރިއަލް ސީންއެއް ތި ފެންނަނީ” ދިމްރާ އެމީހުންގެ ލޯ ކުރިމަތީ އަތް ހޫރުވާލަމުން ބުނެލި ބަސްތަކުން ހަތަރު މީހުންނަށްވެސް ސިހުމެއް ލިބިގެން ދިޔައެވެ.އެއާއެކު ފެންނަނީ ހަމަ ހަޤީގަތެއްކަން ގަބޫލު ކުރެވިގެން ދިޔައިރު އެ ހަތަރު މީހުންގެ އަމަލުތައް ހުރިގޮތުން ޔުއާން ހުރީ ރަކިވެސްފައެވެ.
“އާން!ތީ އަހަރެން ބާތްޑޭގަ ލިބޭނެ އެންމެ ބޮޑު ސަޕްރައިޒްކަން އަހަރެންނަށް ހަމަ ޔަޤީން” ޝާާރިމް ހިނިތުންވެލާފައި ޔުއާންގެ ކޮނޑުގައި ޖަހާލަމުން ބުނެލިއެވެ.އެއާއެކު ޔުއާންއެކޭ އެއްފަދައިން ދެންތިބި މީހުންގެ މޫނުމަތިންވެސް ފެނިގެންދިޔައީ ހިނިތުންވުމެވެ.
“ހެޕީ ބާތްޑޭ ބްރޯ”
“ހެޕީ ބާތްޑޭ ރެން” ޔުއާންއާއި ދިމްރާއަށް އެހެން ބުނެލެވުނީ އެއްފަހަރާއެވެ.އެއާއެކު އެކަކު އަނެކަކުގެ މޫނަށް ދެމީހުން ބަލައިލިއިރު ދެންތިބި ހަތަރުމީހުން ޖަހާލީ ހިނިގަނޑެކެވެ.އަދި އަވަހަށް އެތެރެއަށް ވަންނާށޭ ކިޔާފައި އެ ހަތަރު މީހުން އެތެރެއަށް ވަނެވެ.އެއާއެކު ޔުއާން އަވަސް އަވަހަށް މެއާއި ދިމާލުން ގައިގައި ތަތްވެފައި އޮތް ގަމީހުގައި ހިފާއި ތަޅުވާލުމަށްފަހު އެމީހުން ފަހަތުން އެތެރެއަށް ވަނެވެ.ދިމްރާވެސް ހެދުން ކުޑަކޮށް ހިއްލައިލާ ތަޅުވާލުމަށްފަހު އެމީހުންގެ ފަހަތުން ދިއުމަށް އަވަސްވެގަތެވެ.އޭރު ސިޓިންރޫމް މޭޒުމަތީ ޗޮކްލެޓް ކޭކެއް ބައިންދާލާފައި އިނެވެ.ރީމް އަމިއްލައަށް ޝާރިމްއަށްޓަކައި އެޅި ކޭކެއްކަން އެނގުމާއިއެކު ދިމްރާ ރީމްއާއި ދިމާކޮށްލިއެވެ.
“އޭ އަހަރެންގެ ގާލް ލަދުނުގަންނަވާ އެނގޭ” ޝާރިމް ރީމްގެ އުނަގަނޑުގައި ހިފަހައްޓާލައިގެން ހުރެ އެހެން ބުނެލުމާއިއެކު ފެނިގެން ދިޔައީ ރީމް ޝާރިމްގެ މޭގައި މޫނު ފޮރުވާލިތަނެވެ.
“ތެންކްސް ލަވް..އަސްލުވެސް ހީވެ ވަރަށް މީރުވާނެހެން” ޝާރިމް ރީމްގެ ބޮލުގައި ކުޑަކޮން ގުދުވެ ދަތްދޮޅި ޖައްސާލަމުން އަނެއްކާވެސް ލޯތްބާއިއެކު ބުނެލިއެވެ.އެއާއެކު އަވަހަށް މާ ފޮޅުވަން ނުތިބެ ކޭކު ފަޅާށޭ ކިޔާ އެންމެން ދިމާކުރަން ފެށިއެވެ.ބޮލަށް އުނދަގޫވުމާއިއެކު ޝާރިމް އަވަހަށް ކޭކު ފަޅަން އަވަސްވެގަތެވެ.އެ ހުރިހާ މަންޒަރެއް ފޯނުގައި ރައްކާ ކުރަމުން ދިޔައިރު ތަނަށް ވެރިވެފައި އޮތީ އުފާވެރިކަމެވެ.
“އަހަރެމެން ތިމީހުން ނައިސްގެން ވަރަށް ކަންތައް ބޮޑުވެފަ ތިއްބާ ތިއައީ..ޔުއާންގެ ފޯނަށް ގުޅުމުންވެސް ޖަވާބު ނުދިނީމަ މާ ހާސްވި.. އެހެންވެ ގެ ބަލައިލަން ދާން ހަމަ ނުކުތްތަނާ ތިމީހުން އައިސް ތިވަނީ” ކޭކު ކޮޅެއް ޓައްޓަކަށް ލައިގެން ސޯފާގައި އިށީންދެ ކާންފަށަމުން ދިޔާން ވާހަކަ ދެއްކިއެވެ.އޭރު ޔުއާންއާއި ދިމްރާ ނޫން އެންމެންވެސް ސޯފާތަކުގައި އިށީންދެލައިގެން ތިބެ ކޭކު ކަމުން ދިޔައެވެ.ޔުއާންއާއި ދިމްރާވެސް ދިޔައީ ކޭކަށް އިންސާފު ކުރަމުންނެވެ.
“އެކަމު އަހަރެމެން ހާސްވެގެން ތެޅި ފޮޅުންއިރުވެސް މި މީހުން މިއައީ ވާރެއާ ތެމި މަޖާ ނަގަނަގާފަ..ޔަޤީން އެގަޑީ ބޯ ގޮވާނެ ބަޔަކު ތިބިކަން އެދެމީހުންގެ ހިޔާލަށްވެސް ނާންނަކަން.. އަނެއްކާ މި ދިމް ގެންގުޅޭ އުކުޅެއްވެސް ބަލަން ވެއްޖެ މިހާރު..ޔުއާން ނުކުރަން ފައި ވިއްދާފަ ހުރި ކަމެއް ވިއްޔާ މި ދިމް އެބަ ކުރުވާވިއްޔަ..ހަދާ ގޮތެއްވެސް އެނގެނީކީ ނޫން” ޝާރިމް މަޖާވެލާފައި އެހެން ބުނެލުމުން ދިމްރާ ރަކިވިއިރު ޔުއާންގެ މޫނުގައިވެސް ހުރީ ލަދުރަކި ހިނިތުންވުމެކެވެ.ދެންތިބި މީހުން އެއާއެކު މަޖާވެގެން ފެށީ ހޭށެވެ.
އެރޭ ނިދަން އެނދަށް އެރުންއިރު ހުރީ ވަރަށް ދަންވެފައެވެ.ޔުއާންއަށް ވަރުބަލިކަންވެސް އިހްސާސް ކުރެވުނީ ތަންމަތީ އޮށޯވެ ހަމަޖެހިލެވުމުންނެވެ.އެހެންކަމުން ތަންމަތީ ޖެހުންހެން ހީނުވެ ނިދީގެ ތެރެއަށް ދަތުރުފެށިއިރުވެސް ޔުއާންގެ ސިކުނޑީގައި ވީ ދިމްރާއާއި އަދި އެރޭގެ އުފާވެރި ހާދިސާތަކުގެ ހަނދާންތަކެވެ.
ޔުއާންއަށް، ދިމްރާ ދެކެ ހަމަ އެހާ ލޯބިވެވިފާއި ވަނީ ހެއްޔެވެ؟އާއެކެވެ.އެހެން ނޫންނަމަ އޭނާއަށް އެހެން މީހުން އެތައް އާދޭހެއް ކުރިއިރުވެސް ދޫ ނުދެވުންއިރު، ދިމްރާގެ ކުޑަކުޑަ އަމަލަކުންވެސް ދޫ ދެވި ދިމްރާ ބޭނުންވާ ގޮތަށް އެހާ ފަސޭހަލަށް ކަންތަކެއް ނުކޮށްދެވޭނެތާއެވެ.ހައްތަހާވެސް ލޯބީގެ ބާރެވެ.ކުރަން ބޭނުން ނުވާ އެތައް ކަމެއް ދިމްރާ އޭނާ ލައްވާ ވާއިރުވެސް އޭނާއަށް އެންމެ ކުޑަމިނުން ދިމްރާދެކެ ރުޅިވެސް އާދެވެނީކީއެއް ނޫނެވެ.ވިއްޔާ ވަނީ ލޯބި އިތުރެވެ.ހަމަ އަޖައިބެއްފަދަ ކަމެކެވެ.އެހެނަސް ދިމްރާ އޭނާގެ ހިތާ ދެކޮޅަށް އެ ހުރިހާ ކަމެއް ކުރުވި ނަމަވެސް އޭނާ އެކަމާއާ ހިތްހަމަ ނުޖެހުމުގެ ބަދަލުގައި ދެރަވީ މިއޮއްހާއި ދުވަހު އެކަންކަމާއި ފިލަން ދުވެވުނީތީއެވެ.މޮޔަ ހިތަށްވެސް އެރިއެވެ. އެހެންނޫންނަމަ މިރޭ އޭނާއަށް އެ ލިބުނު ހިތްހަމަޖެހުމާއި އުފާވެރިކަން ލިބުންތާ ކިތަންމެ ދުވަހެކެވެ.އެހެނަސް ކުރިއަށް އޮތްތާ ދެން އެކަންކަމާއި ނުފިލުމަށް އޭނާ ހިތުގައި އަޒުމް ކަނޑައެޅިއެވެ.
މެންދުރު ސުކޫލް ނިންމާފައި ތިން މީހުން ގެއަށް އާއި އިރު ޒީނަތު މެންދުރަށް ކާން ހަދަން އުޅެއެވެ.އެހެންކަމުން ތިންމީހުންވެސް އަވަހަށް ގޮސް ފެންވަރާއި ނަމާދުކޮށްލައިގެން އައީ ކެއުމުގައި ބައިވެރިވާށެވެ.ޒީނަތު ހުންނާނީ އެމީހުންގެ އިންތިޒާރުގައިކަން އެމީހުންނަށް އެނގެއެވެ.އެމީހުން ކާން އިށީންނުމުން ޒީނަތުވެސް އެމީހުންނާއި ބައިވެރިވެ ކާން އިށީނެވެ.
“ދަރިފުޅާ! ބައްޕަ މިއަދު ގުޅި..ބުނި ދަރިފުޅަށް ނުއެއް ގުޅެޔޯ..ރޭއްސުރެ ގުޅަން މަސައްކަތް ކުރި ވާހަކަވެސް ބުނި..ނިވާލާފަޔޯ އޮންނަނީ”
“އާނ! ރޭގަ ފޯނު ކުޑަ މައްސަލައެއް ދިމާވެގެން ފޯނު ހަދާ ތަނަކަށް ލާފަ ވީ” ޔުއާން ވައްކަޅިން ދިމްރާއާއި ދިމާލަށް ބަލައިލަމުން ޒީނަތުއަށް ޖަވާބުދިނެވެ.އޭރު ދިމްރާ އިނީ އަނގަޔަށް ބަތްގުޅަ ލީ ގޮތަށް ދިރުވާވެސްނުލާއި ޔުއާން ދޭ ޖަވާބެއް އަޑުއަހާށެވެ.އެހެންކަމުން އޭނާއަށް ހަމަޖެހި ކާންފެށުނީވެސް ޔުއާން ޒީނަތުއަށް ޖަވާބު ދިނުމުންނެވެ.
“އާނ..އަދި ހަނދާން ނެތިފައޭ މިހުރީ..ޒީނައްތާ ބަލާބަލަ މިއޮއް އެއްޗެއް..މިހާރު ޒީނައްތައަށް މި ދައްކާހިތުން ހުންނަތާ ކޮން އިރެއް” ދިޔާން އެހެންބުނީ އޭނާގެ ފޯނު ނަގާއި އެއާ ކުޅެން ފަށަމުންނެވެ.ހަރަކާތްތަކުން އޭނާ ކޮންމެސް އެއްޗެއް ހޯދަނީކަން އެނގެއެވެ.އެ އެއްޗެއް ފެނުމާއިއެކުހެން ފެނުނީ އަވަސް ހަރަކާތަކާއިއެކު އޭނާ ޒީނަތުއާއި ދިމާފަށް ފޯނު ދިއްކޮށްލި ތަނެވެ.އޭރު ވާނުވާ ނޭނގިފައި ޔުއާންއާއި ދިމްރާވެސް ބަލަހައްޓައިގެން ތިއްބެވެ.
ފެނުނު އެއްޗަކުން ޒީނަތުގެ ދެލޯ ދިޔައީ ބޮޑުވެގެންނެވެ.ފޯނު ސްކުރީނުގައި އަތް ހިންގާލިއިރު އެ މޫނު މައްޗަށް ފުޅާ ހިނިތުންވުމެއް ވެރިވެގެން ދިޔައެވެ.ބަލަން އިންގޮތުން ފެންނަ މަންޒަރު ގަބޫލު ނުކުރެވިފައި އިންކަން އެނގެއެވެ. މަންމައަށް އާއި ބަދަލުތަކުން ޔުއާންއަށް ކޮންމެސް އެއްޗެއް ނަގައިގަނެވުނެވެ.އެހެންކަމުން ޔުއާން މަންމަގެ އަތުން ފޯނު ނަގާއި ބަލައިލިއެވެ.
އޭގައި ފެންނަން ހުރީ ޔުއާންއާއި ދިމްރާ ވާރޭ ތެރޭގައި ތިބި މަންޒަރުގެ ފޮޓޯއެކެވެ.މޫނު ވަކިކުރަން ނޭނގުނަސް އެއީ އެދެމީހުންކަން ލާފައި ތިބި ހެދުމުން އެނގެއެވެ.ނަމަވެސް ރޭގެ މަގުމަތީ މަންޒަރެއް ދިޔާންއަށް ލިބެން ޖެހުނު ގޮތެއް ޔުއާންއަކަށް ނުވިސްނުނެވެ.
“މި ކިހިނެއް ޔާންއަށް ލިބުނީ” އެންމެން މާ ޝައުގުވެރިވެފާއި ބަލާ އެއްޗެއް ދިމްރާވެސް ބަލަން ބޭނުންވިއެވެ.އެހެންކަމުން ޔުއާން، ދިޔާންއާއި ސުވާލުކޮށްލިހާއިރުން ފެނިގެން ދިޔައީ ދިމްރާ އެ ފޯނު ޖަހައިގަތްތަނެވެ.ފެނުނު ފޮޓޮއިން ދިމްރާގެވެސް ދެލޯ ބޮޑުވެގެން ދިޔައެވެ.ވަގުތުން އިސްއުފުލާއި ބަލައިލެވުނީވެސް ދިމްރާއަށް ޒީނަތުއާއި ދިމާލަށެވެ.އޭރުވެސް ޒީނަތުގެ މޫނުމަތީގައިވީ ހިނިތުންވުމެވެ.
“އެއްކަލަ ޑޭޑްގެ އޮފީހުގަ އުޅޭނުން ޒައިން..އަހަރީ ދުވަހުގެ ޖަލްސާގަ އަހަރެމެންނާ އެއް މޭޒެއްގަ އިނެންނު..ހަނދާން ވެއްޖެތަ..އޭނާއަށް ރޭގަ އިއްތިފާގުންވިއަސް އެތާ ސްކޫޕްގަ އެވަގުތު އިނދެވުންކަމަށްވަނީ..މިއަދު ބްރޭކަށް މަގުމައްޗަށް ނުކުމެލި ގަޑީ ދިމާވީ..އޭނާއަށް އެއީ ޔުއާންކަން އެނގޭތީ އެވާހަކަ ދެއްކީ..ސޯ އަހަރެން ބުނީ ތި ޕިކް ދޭށޭ..ޒީނައްތައަށް ދައްކަން ބޭނުންވެގެން” ދިޔާން ހުރިހާ ވާހަކައެއް ކިޔާއިދިނުމަށްފަހު ހިނިތުންވެލާފައި ޒީނަތުއާއި ދިމާލަށް ބަލައިލިއެވެ.
“ތެންކްސް އެނގޭ ތި ފޮޓޯ ބަލައިލަން ގެނައީމަ.. އެންޑް ދައްތައަށް ކޮންމެހެން ހަދާފައިވެސް ތި ފޮޓޯ ދޭންވާނެ..އަޅެ ހާދަ އުފާވެފައޭ މި އިނީ”
“މޯމް” ޒީނަތު ޖޯޝާއެކު ބުނެލުމުން، ޔުއާން ޒީނަތުއަށް ގޮވާލީ އަކުރުތަކަށް ދަމާލާފައެވެ.ޔުއާން އިނީ ރަނގަޅަށްވެސް ރަކިވެފައެވެ.ޔުއާންއަށް ވެފައި އިން ގޮތްފެނި ދިޔާންއާއި ދިމްރާ ފެށީ ހޭށެވެ.ޒީނަތުވެސް އެދެމީހުންނާއި ބައިވެރިވަމުން ހޭން ފެށިއެވެ.
“އަހަރެން ހިތަށް އަރާ ދިމް ކިހިނެއް ބާއޭ އާންއަށް އަޅެ ހަދަނީ..އަނެއްކާ އާ ވައްތަރެއްގެ ފަންޑިތައެއްތަ..އެކަމަކުވެސް ވަރަށް ވަރަށް ބޮޑަށް ތެންކްސް އެނގޭ” ޒީނަތު މަޖާވެލާފައި ބުނެލި އެއްޗަކުން ދިމްރާގެ ހުނުން އެއްފަހަރުން ހުއްޓުނީ ރަކިވި ވަރުންނެވެ.އަނގަ ހުޅުވާފައިވެސް ލައްޕާލެވުނީ ބުނާނެ އެއްޗެއް ނޭނގިގެންނެވެ.ޒީނަތު އެހެން ބުނުމުން އެކުއްޖާ ރަނގަޅަށްވެސް ލަދުގަތީއެވެ.ދިމްރާއަށް ވީގޮތްފެނި ޔުއާންވެސް އިސްދަށަށް ޖަހާލައިގެން އިނީ ތުންފަތް މައްޗަށް ވެރިވާން އުޅޭ ހިނިތުންވުން ކޮންޓްރޯލް ކުރުމަށްޓަކައެވެ.
“ހޫމް!ތިންމީހުން މިހާރު ފޮތް ދަސްކުރަން ފަށައިފިންތަ..މިހާރު ސެމިސްޓާރ ނިމެންވެސް ކައިރިވަނީނުން..ޓެސްޓުތަކަށް ހުރިހާ ކުދިންވެސް ޖެހޭނެ ރަނގަޅަށް ދަސްކުރަން މިއަދު ދިޔާންގެ ޑޭޑްވެސް ގުޅި..ބުނި ރަނގަޅަށް ފިލާވަޅުތައް ދަސްކޮށް ބަސްއަހައިގެން އުޅެއްޗޭ ބުނައްޗޭ ދެކުދިން ކައިރީވެސް..ދިޔާން ކައިރީވެސް ބުނިދޯ އަދި އެކޮޅުގަ ދުވަސްކޮޅެއް ވާނެ ވާހަކަ” ޒީނަތު ފަހުންކުރި ސުވާލު އަމާޒު ކޮށްލީ ދިޔާންއާއެވެ.
“އާނ!ކޮންމެ ދުވަހަކުވެސް ގުޅާލައިފިިއްޔާ ބުނަނީ ތި ވާހަކަ..އަހަރެންނަށް ހީވަނީ އަހަރެމެންގެ އުނދަގޫ ބޮޑުކަމުން މަމް އެން ޑޭޑް އަންނަ ހިތް ނުވެފަ ކަންނޭނގެ އެތިބެނީ” ދިޔާން މަޖާވެލާފާއި އެހެން ބުނެލިހާއިރުން ދެންތިބި އެންމެންގެ ހުނުމުގެ އަޑުވެސް އިވިގެން ދިޔައެވެ.
“އާނ އަދި މަންމަ ހަނދާން ނެތިފައޭ މިހުންނަނީ.. ދަރިފުޅާ! މާދެން އަންނާނެ އާމިލް” ޒީނަތު ހިނިތުންވެލާފައި އެހެން ބުނެލި ގޮތުންވެސް އެއީ ވަރަށް ހާއްސަ ފަރާތެއްކަން ދިމްރާއަށް ވިސްނުނެވެ.ނަމަވެސް ޒީނަތު އެހާ އުފާވެލާފައި އެހެން ބުނެލިއިރުވެސް ޔުއާންގެ މޫނުމަތިން އުފާވެރިކަން ކީއްކުރަން އެހެން ޝުއޫރެއްވެސް ނުފެނުނީތާ ދިމްރާއަށް ހައިރާން ކަމެއް ލިބުނެވެ.
“އެއީ ކާކު؟” އެއީ ކާކުކަން އެނގެން ބޭނުންވި ވަރުން ދިމްރާއަށް އެސުވާލު ކޮށްލެވުނެވެ.
“އެއީ އާލިކްގެ ކޮއްކޮ” ދިމްރާ ކުރި ސުވާލުގެ ޖަވާބު ދިނީ ދިޔާންއެވެ.
“ތެދެއް!އާލިކްގެ ކޮއްކޮ އެއީ..އާލިކްއާ އާމިލްއާ އެއީ ދެބެން..އެ ދެކެދިންނަކީ މިގޭގަ ގެންގުޅުން މީހެއްގެ ދެދަރިން..ހުރި ހަމައެކަނި ފިރިމީހާ ދޫކޮށްލާފަ ދިއުމުން ބިކަވެގެން އަޅާލާނެ މީހެން ނެތިގެން އުޅެނިކޮން ދައްތައަށް ފެނުނީ..އެހެންވެ ދައްތަ އޭނާ މިގެއަށް ގެނައީ..އޭރު އާލިކްއަށް ދެއަހަރަށް އަޅާފަ ހުރިއިރު އާމިލްއަށް އޭނާ ބަނޑުބޮޑު..އޭރު އަދި ދައްތައަށްވެސް ކުއްޖަކު ނުލިބޭ…އެހެންވެ ދައްތައަށް އާލިކްއާހެދި ވަރަށް ވަރުން އުޅެވޭ..އަމިއްލަ އުފަން މަންމައަށްވުރެ ދައްތައަށް އެކުއްޖާ ގެންގުޅެވެ..އެހެންވެ އާލިކްވެސް ފަހުން ފަހުން ދައްތައަށް ވަރަށް ދޯޅަވާނެ..އެހެން އުޅެނިކޮން އާމިލް ލިބުނީ..އެކަމު އެދެބެންގެ މަންމަ ވަރަށް ބަލިވި އެހިސާބުން..އެނދުންވެސް ނުތެދުވެވެ..އާމިލްއަށް ނަން ކީތާ ދެދުވަސްވެސް ރަނގަޅަށް ނުވެ ދުނިޔެ ދޫކުރިއިރު..އެކަމު މިދުނިޔެ ދޫކުރުމުގެ ކުރިން ދައްތަ ކައިރީ އެދެކުދިން ބަލައިދިނުމަށް އެދުނު..ދައްތަ އޭރުވެސް އެދެކުދިންނަށް ދަރި ކުލުނު ޖެހިފަ ހުރީ.. އޭރުއްސުރެ މިއަދާ ހަމައަށް ހަމަ އަމިއްލަ ދަރިން ފަދައިން ބަލަމުން މި އަންނަނީ..އެހާވެސް އެދެކުދިން ދެކެވެސް ލޯބިވޭ..އަނެއްކޮޅުން ޔުއާން ބައްޕަވެސް އެދެކުދިން ދެކެ އެހާ ލޯބިވާނެ… ޔުއާންމެނާ ޔުޝްރާމެނާ ތަފާތު ކޮށްލުމެއްވެސް ނޯއްނާނެ..އަނެއްކާ ޔުޝްރާއާ އާލިކްއާ އިންނަން ގަބޫލުވީވެސް ރުހިގެންހުރެ..އަނެއްކޮޅުން ޔުއާން އަދި ކިޔަވާ ކުއްޖަކަށްވީމަ ނާސިރުބޭގެ ވިޔަފާރީގެ ތެރެއަށް އާމިލް ލައިގެން އެ އުޅެނީވެސް”
ޒީނަތު އެ ހުރިހާ ވާހަކައެއް ހިއްސާ ކުރަމުން ދިޔައިރު ދިމްރާއަށް ކުރިން އަޑު އިވިފާއި ނުވާ ވާހަކައަކަށް ވީތީ އަޑުއަހަން އިނީ ޝައުގުވެރިވެފައެވެ.ޒީނަތު އެހާ ވަރަށް އެމީހެއްގެ ވާހަކަ ކިޔައިދެމުންދާތީ ދިމްރާވެސް އެމީހަކު ދެކިލުމަށް ވަރަށް ބޭނުން ވެގެން ދިޔައެވެ.އަދި ހާއްސަކޮން ޔުއާންއާއި އެބުނާ އާމިލްއަކާއި ކުޑައިރު ވަރަށް އެއްކޮން އުޅޭ ވާހަކަ ޒީނަތު ކިޔައި ދިނީތީ ވަކިން ބޮޑަށް އެކުއްޖަކާއި އޭނާ ބައްދަލު ކުރާ ހިތްވިއެވެ.
ރޭގަނޑު ދިހަގަޑި ބައިކަން ހާއިރު ދިމްރާ ގެއަށް އައިސްވަނީ އުޝާމެންގޭގައި ރީމްއާއި ތިންމީހުން ގުރޫޕު ސްޓަޑީސް ހަދަން ތިބެފައެވެ.ސެމިސްޓާރ ޓެސްޓުތައް ކައިރިވާތީ ތިންމީހުންވެސް ގަދައަޅާއި މަސައްކަތް ކުރަންވަނީ ފަށާފައެވެ.ދިމްރާ ގޭތެރެއަށް ވަތްގޮތަށް މަޑުކުރަން ނުހަދާއި މިސްރާބުޖެހީ އޭނާ އުޅޭ ކޮޓަރިއަށް ދިއުމަށެވެ.އޭރު މުޅި ގޭގައިވެސް ވަނީ ހަމަހިމޭންކަމެވެ.އެދިޔަގޮތަށްގޮސް ކޮޓަރިއަށް ވަންނަން އުޅެފައިވެސް އޭނާއަށް މަޑުޖެހިލެވުނީ ޔުއާން ކޮޓަރީގެ ދޮރު ކުޑަކޮށް ހުޅުވިފައި ހުރިތަން ފެނުނީމައެވެ.
އެ ހަނި ދޭތެރެއިން ދިމްރާ ބޯ ދިއްކޮށްލާއި ބަލައިލިއިރު ފެނުނީ ޔުއާން ބޭރަށް ފައިލައިގެން އެނދުމަތީ އިށީންދެ އިންތަނެވެ.ޔުއާންގެ ނަޒަރު ހުރީ އަތުގައި އޮތް އެއްޗަކަށްކަން އެނގުމުން ދިމްރާ ޔުއާންގެ އަތަށް ބަލައިލިއެވެ.އަތުގައި އޮތީ ފޮޓޯގަނޑެކެވެ.ޔުއާން މާ އަސަރާއިއެކު ބަލަން އިންގޮތުން ދިމްރާގެ ހިތުގައި ސުވާލު އުފެދުނެވެ. އެހާ ޝައުގުވެރިކަމާއިއެކު އެ ފޮޓޯއަށް ބަލަން އިންއިރު ދިމްރާއަށް ލަފާކުރެވުނީ އެ ބެލުމުގައި ވަނީ ހިތާމަ ކަމެވެ.އެހެނަސް ސީދާ އެއްވެސް ޝުއޫރެއް އެމޫނު މައްޗަށް ބަލާފައި ދިމްރާއަކަށް ކަނޑައަޅާކަށް ނޭނގުނެވެ.އެވީ ވަގުތު ކޮޅުގައިވެސް އެންމެ ފަހަރަކުވެސް ޔުއާން އެ ފޮޓޯގަނޑުން ނަޒަރު ވަކިކޮށް ނުލުމުން ޔުއާންއަށް އެ ފޮޓޯގަނޑު މުހިންމުވަރު ދިމްރާއަށް ނަގައި ގަނެވުނެވެ.އެހެންކަމުން ދިމްރާގެ ހިތުގައިވެސް އެ ފޮޓޯ ބަލައިލުމުގެ ޝައުގުވެރިކަން އުފެދިގެން ދިޔައެވެ.އެއާއެކު އިތުރަށް ވިސްނާލަންވެސް ނުހަދާ ދިމްރާ ޔުއާންގެ ކޮޓަރި އެތެރެއަށް ދެމިގަތެވެ.
“ކޯއްޗެއް ތިބަލަނީ” ދިމްރާގެ އަޑަށް ޔުއާން ސިއްސައިގެން ދިޔަވަރުން އަތުގައި އޮތް ފޮޓޯގަނޑުވެސް ކާޕެޓު މައްޗަށް ވެއްޓިގެން ދިޔައެވެ.އެއާއެކު ދިމްރާ އަވަސްވެގަތީ ފުށުން ޖެހިފާއި އޮތް އެ ފޮޓޯގަނޑު ނަގާށެވެ.ނަމަވެސް ޔުއާން އެއައްވުރެ ކުރިން ދިމްރާގެ އަތުގައި ހިފަހައްޓާލިއެވެ.އޭރު ޔުއާންގެ މޫނުމަތީގައިވަނީ އިންތިހާއަށް ހާސްކަމެވެ.ހީނުކޮށް ހުއްޓާ ފެންނަން ބޭނުން ނުވި މަންޒަރެއް ދިމްރާއަށް ފެނުމުން އޭސީ އޮން ކޮށްފާއި ހުއްޓަވެސް އޭނާގެ މޫނުމަތިން ދާ ހިތްލާއި ލައިފިއެވެ.ޔުއާން އެއްއަތުގައި ހިފެހެއްޓުމުން ދިމްރާއަށް މަޖާވިއިރު ދެން އޭނާ އެއާއެކު މަސައްކަތްކުރީ އަނެއް އަތުން ފޮޓޯގަނޑު ނެގޭތޯއެވެ.
“ދިމް ސްޓޮޕިޓް” ޔުއާން ތެޅިގަނެފާއި ދިމްރާގެ އަނެއް އަތުގައިވެސް ހިފެހެއްޓިއެވެ.އަދި ދިމްރާގެ ދެއަތް ޔުއާންގެ އެއްއަތުން ހިފަހައްޓާލަމުން ސަލާމަތުން އޮތް އަތުން އޭނާ އަވަސް އަވަހަށް ފޮޓޯގަނޑު ނެގިއެވެ.އެއާއެކު ދިމްރާގެ އަތް މިންޖުކޮށްލާފައި ޔުއާން އަވަހަށް އެ ފޮޓޯގަނޑު އޮތް އަތް ގެންގޮސް ފުރަގަހަށް ލިއެވެ.ޔުއާންއަށް ވާގޮތް ފެނިފާއި ދިމްރާއަށްވީ މަޖާ ކަމަކަށެވެ. އެހެންކަމުން ދެންވެސް ދިމްރާ މަސައްކަތްކުރީ ޔުއާންގެ އަތުން އެ ފޮޓޯގަނޑު އަތުލެވޭތޯއެވެ.
“ދިމްރާ ސްޓޮޕިޓް..ސީރިއަސްކޮން ހުއްޓަބަ ދެން” ނަމަވެސް ދެންވެސް ދިމްރާ އެ އަޑެއް ނޭހިއެވެ. އަނެއްކާވެސް އޭނާ އުޅެގަތީ އެ ފޮޓޯގަނޑު އަތުލެވޭތޯއެވެ.އޭރު ސީރިއަސްކަމާއި ހާސްކަން އެކުލެވިފައިވާ ޔުއާންގެ މޫނެއް ދިމްރާއަކަށް ނުފެނެއެވެ.
“ދިމްރާ އައި ސޭޑް ސްޓޮޕިޓް” ހާސްވެފައި ހުރިވަރުން ޔުއާންއަށް އެހެން ބުނެވުނީ ފުދޭވަރަކަށް ބާރަށެވެ.ހީނުކޮށް ހުއްޓާ އެހާ ބާރަށް ބުނެލުމުން ދިމްރާގެ ހަރަކާތްތަކަށް ހުއްޓުމެއް އައެވެ.ޔުއާންގެ އަޑުން ދިމްރާ ދިޔައީވެސް އެއްލައިގެންނެވެ.އެހެންކަމުން ދެލޯ ބޮޑު ކޮށްލާފައި ހުރެ އެ ފަކީރަށް ޔުއާންއާއި ދުރަށް ޖެހިލެވުނު ގޮތްވެސް ނޭނގުނެވެ.
Other Articles
ފުން ލޯބި (33)
މާފުކުރާށޭ… 03 ފަހުބައި
138 Comments
Comments are closed.
Hey all.. Fb page ga ihnaane ingey ithoo’s stories name ga page eh..beynun kudhihnah ithoo aa ethanun dhimaa kureveyne vaahaka bunelan..n hope kuran hurihaa kudhihnah mi part vx kamudhaane kamah..☺☺
yess ithoo v kamu gosfi hama..thank u for de lovely story..:)
Awwhh..thanxx kayashandy ????
Hey ithoo… dude I’m totally in love with this story… and lahun kiyunee wifi nulibeythee… sorry for that??? btw waiting for the next part beautiful ❤️ Good night ? Ly???❤️??????
Itx ok..kiyaifi kan inguneema happy vejje eyy..hehe..n thanxxx chum handi..good nytt..ly tooo ??????
mee first dhw
v reethi mi part ves… lysm ithoo….. Dhim n Aan gulheyne irakah inthizaaru kurevenee.. dhen avahah gulhuvaba e dhemeehun…
Awwhh..thanxxx dearrr..gulhuvan v tha hama..??????
yeah .. mihaaru gulhey part kiyaahithun hurevenee eh noo
Yey finally!!!
Varah reethi ?
Thanxxx Yax ????
Vvvvvv reethi mi part vxx…..
Thanxxx dearr????????
Mi part vx v v reethi Mashaa Allah…
Awwhh..glad to hear that..thanxxx my dearr ????
Yaa me first. Ithoo vaahaka varah reethi.. Next part kon irakun? Please avahah genesdheeba… I am dying to read it :*
In sha Allah maadhan noon aneh dhuhun dear..hehe..n thank u so so so so so so much my dearr sallu ???????
Alhey.. v v reethi mi part ves.. nd kaakuge pic eh baa yuaan hifaigen e iny.. dhim ge tha..? next part ah inthixaaru kuran.. thanks ithoo
Hehe..a hama ingeynee yuaan ah dearr??..hehe..wc dearr n thanxx to u also dearr Maly.. ???
Alhey Ithooo… Vrh vrh vrh salhi mi part vx…?? ILY??? U r the best??
Awwhh..happy to hear that Nana..thank u..n luv u too ?????
Its beautiful. Neynge dhn bunedheyne gothehvx. Its awesome..
Thanxxx yanaa..neyngenyaa dhn ehcheh nubunyma ok vaane..hehe..thanxx once again dearr???
Fb use nukuraakudhinasho dhen ??…hey ithooo thanks v salhi mi part ves…waitin waitin……yaun egengulheny girl kuhjehge photo eh kahneyge dho ithoo hehe..lol?
Alhe a kudhihnah kihineh hadhaanee dearr..btw thanxx dearr..aee kaakuge pic eh kan ingeynee hama yuaan ah..hehehe..thanxx so so much dearr???
Wowwwww………
It really really nice story
Waiting for next part…..
Awwhh..glad to hear that..thanxx Lyn ????
Yaa. V reethi.???
Thanxxx Naash ????
ithoo ithuru stories ves publish kurantha.. is this ithoo ge first story. ithooge ehen soties kiyan libeyny kon site ahkun..
mi part ves v reethi. ithooge stories kiyan shaugu hunnaathyve ithooge ithuru stories kiyan v beynun.
/////*/////
Alhe dearr ithoo ge frst stry mee.. Hehe..thanxx thihaa ithoo ge stories ah shaugu verikan bahahtaathy dearr..happy to hear that..????
First story dhw unmeedhu kuran last story ah nuvaane kamah. This story is the best story
Yaa In sha Allah hama fehnaane ingey dearr..n really really happy to hear that ingey dearr..hehe..thank u so so much ?????
Ohhhh v nice uaan dhim aa vakinuvah chchey pls n waiting nxt??
Ithoo vx beynumeh noon e dhe kudhin vaki kuruvaakah..thanxx khajja ??
Varah varah reethi…konirakun next part
Thanxx shaya .. In sha Allah maadhen noon aneh dhuhun up kuraanan.?????
mi part vex varah nice. next part avahah up kohdhaythi
Thanxx lovelyy gurl ??.. In sha Allah maadhen noon aneh dhuhun up kohdheynan ??
Mioh up v nun.. kn ireh mihaaru balaathaaa.. thank uuuu.. vrh vrh rythi ingey mi prt vxx.. nxt prt kn irakun..
Awwhh..naseebehnu avahah up kohdhevunkan..n thanxxxx Nanni????????
V reethi ingey. Story nimentha miulheny? Aneh part ge inthizaaruga
Nooney adhi nimeykan noolhe..n thanxxx dearr ????
Wow…. Mi part vess varah rythi?
Thanxxx dearr ????
Mashaa Allah v reethi mi part ves,keep it up,next part soon plx
Awwhh..thanxx haw ????
Mirey adhi eh prt up khla dhevidhrne thr ithooo.. plxxxx.. m sooo curios 2 read..
Alhe sryy dearr..write koh nunime afhi next part eh..ehaa kurukon genaeema kamaku vx nudhaaneynun dww ???
Vvv reethi mi part ves ?. When is the next part
In sha Allah sunday ga ingeyy..n thanxx lovegirl ????
Ok waiting for the next part ☺
ithoo.. mi part upp veythos balan eba iru iru kolha.. v reethi mi psrt ves. and i think e alah anna boy and yuaan aamahssala eh jehuni hen girl eh ge mahsalaiga.. ehen ve kanneynge ehaa change vi… v curious mihaaruves…. <3
Hehe… Aee dear ah image kurevun goih dww vaane kamah..hehe..thanxx dearr so so so much ingeyyy..?????
Wowww…. V v v v reeethi mi bai vx … Masha Allah… Luv u ithoo…
Awwhh..thanxxx dearr..n luv u too??????
Ithoo adhi kitha part eba in tha
Adhi stry eboih varah bodu baai dearr ☺☺..stry nihmaalan v tha dearr?? ?????
V reethi .maasha allah. Story ninmafa kiyali nafa rashubas beynun kurevifa hurikan fahagavaane.
Ehentha..hehe..thanxxx dearr sheen????
Masha allah .speechles hama . loabi loabi story kiyaa kiyaa foohi nuve . i think amil n yuan dhemedhuga konmes kameh hingihen .lets see dhw . mihaa loabi story eh genesdheythee thaankYu ithoo Luvv☺☺☺
Hehe..wc dearr n thanxx to u also so much ingey my dearr aff ?????
Masha Allah mi part vx vvvvv reethi igey.. Ithooooooooooo thy hama num 1 igey.. Thivareh hama nuvaane… Haadha inthizaareh kureveye mi vaahaka ah.. Alhe asluvessssss vvvvv reethi .. Ummeedhaky mikahala reethi ethah story eh ithoo genesdhinun.. Nugehlehchey… Vvv reethi ??? burakn work kuramn vx ithoo genesdhey leh dhigu v ma aslu vv hiyyhamajehey.. Ufaavey.. Luv u dear ?????????????????????????????????????????
Awwhh..v happy vejje dearr konme akas..hehe..n happy to hear that dearr..mau men happy kohdhevenyaa ithoo v v happy vaane..so thank u so so so much my dearr ???????
M soo curious….alhey…
Hehe..ehentha dearr..☺??
Maashaa Allah. . Varah furihama. . Varah varah varah varah reethi. .. speechless. .. will u accept my frnd request ithoo:)
Awwhh..glad to hear that..dearr..thanxx for always supportin me..yaa accept kuraanan..ekamu how dearr??..ekamu mihaaru vx frnd ingeyy hama..ly..???????
V lobi mi part ves??? … koniraku next part … thanks ithooo????… Please up next part waiting …..????
In sha Allah sunday ga dearr..wc n thanxx to u also my dearr..??????
Ithooo yuaan n dhim vakii nukurah chey please please ……yuan n dhim avahaaaa gulhuvabaalaaaaa haadha inthixaar ekey mikurany emehun gulhey ne dhuvahakah
Hama ehaa gulhuvan v tha dearr.. Eyrun stry nimumakah ayas ok tha dear ah..☺☺☺?
A dhe kudhin gulhu v ma stry nimeyne..ok tha dearr..
Ehaaaa avahaaa nunimaaathi igey … aslu mibuny yuan aa dhim nun ehn kuhjeh nugulhuvah chey….. eherun v dhera vaaaane .. mi STORY ah ragalhah vesss ? kiyaaafi…..Hehehehehe yuan ah haaasakon Hehehehehe ??? love ithooo???? n v molhu igey ithoo vareh neh hama…thanks ithooo??? waiting for next part please up next part tomorrow okey ????
Adhi stry othy kuriah dearr..n v v happy vejje one of ur best writer akah ithoo ah vevunyma dearr..ingey..so wc dearrr n thanx to u also dearr sam..thank u so so much???????
Sam ge support ithoo ah abadhuves libeyne iraadha kureh v aaaa igey ?????… Ithoo ah comment kurymaa reply ah naathi v happy igey ,,,,,, welcome ithooo ???????????
Awwhh..happy kohlaashey beynun vany vx..hehe..thanxxx dearr..??☺☺
Wow. Hama supperb ❤❤❤ dhen ekm evarah nuthalhuvaa yuan ge sirru foshin konmes vareh bunelaba. e foto gandu eii kaakutha. heyo nuvaane. pls next part avahah up kohdhehchey ??? v reethi mi part ves. . ??❤❤❤
Hehe..dhn dhaanee engemun madu madun..hehe..thanxx firu for always supportin me..thanx u so much..????
Mi story feshigen miadhu ekkoh kiyaalee mi. Notice v baeh thanthankolhu bunelaanan. Dhanish n dimra ge age difference, dhiyan n dhifla ge age difference. School ga drama competition beyvvee emme 2 class ge. I think its unfair to other students. Dhen story pic in heevany 3 couples ge love story eh hen Ekam maa bodah ves miothy dhim and yuaan ge bai. Aneh dhe couples ge bai ves kommeves varakah himanaalinama. I mean emeehun ge love story ge jehey problems thakaa geythereyge life kudakoh.
Ehaa avahah 1 year v tha? Ekam heevany 3 or 4 months v hen story kiyaalaa iru. 6 months v ma sem exam ves onnaane dho. N 1 year vejjeya firihen group ge A’level exam ves onnaane enhu.
Reem and raasha enemies, eh geyehga ulhey iru varah kanthan onnaane. Yuaan ge feelings genesdhyfa huri iru varah repeat vefa huree. I think yuaan and amil gay kanneyge kurin. Lol. Or amil abused yuaan. My opinion inge. No hard feelings
Story varah interesting n i love it. Keep it up. Varah english high school drama or films balaa kujjeh dho.
A kudhinge age difference mahsala akah v gotheh nuvisnun ingey dearrr..n natheejaa faalhu kurun thursday ah hedhy vx ehen class thakuge drama kulhe nihmaafa result neren vegen kamah alyf sir buni vaahaka ithoo ihnaane stry ga himanaafa dearr..aslu miee yuaan n dhim ge mahchah ihna stry eh..dhn ekudhin gulhuvee a kudhin frnd kamuga thibeema ithoo ah ehaa ehaa noon v ma..ehenve kury kolhuga a kudhin baai genaee hama ekani gulhuvaalan vegen..fahun fahun vx abadhu vx a kudhin hama ulheyne..ehenve nw cover vx change kohfa a iny..one couple ge pic akah hadhaafa..dhn one year eh adhi nuvey stry ga eh..ethanun ehen sifa kohdheefa a iny adhi yuaan aa dhim aa a dhimaa v alahshey bunumuge gothun..ethah aharehga ehen myhuhnah nuvi kameh ahareh therey dhim kuri vaahaka bunumuga gothun..so adhi a ahnanee hama ekani semister break adhi..so adhi ekudhin exam eh naadhe ingeyy..mi stryga ehenve reem n raashaa ge fight kurunthah nulee..cox stry hama ekani dhim n yuaan ah ithoo liyefa in stry eh v ma..so hope kuran nw ingihje kamah ingey dearr..n thanxxx dearr Anna ??????
Speechless……… Nice kamunn
Awwhh..thanxxx dearr Naa ????
vvvvvvvvv reethi…. when next part……waiting for next part…..
Thanxx shafu..In sha Allah sundayga dear..????
Heevanee eannan ulhey kujja ves lobivee yuaan ah lobivevunu kujja dhekehen(aamil) ehenve yuaan ah when v hurihaa kamakun mahuroom v ; heevaagoeh miee ey anhen kujja he foto akah hen vaanee.????????
Ehentha…ehen v ma kuriah oihthaa vaa goih balaalaanee dww Afy..n thanxxx Afy????
Wow Amazon keepit up aan egengulhenee kaakuge phote baa anekaa
Yuaan kairy ahaalaanee dww dear.. Hehe.. Btw thanxxxxxx my dear so much ????
Knmeves girl ehge pic kanneyge dhw.. Varan hyvey hama..
Ehentha..yuaan kairy ahaalan jeheynee.. Hehe..n thanxx foe always supprtin me ?????
Sry c thoo kurin dhe partah comment nukurevuneema?? ekamu a 2 part ves keen. 2 part ves hama vvvv loabi. N mi story kiyaahithun mihaaru abadhuves hurevenee. C thooge sifakoh dhinun hama habays. Luv u lots luv.????? gud luck dear
Itx ok ey sanu.. Kiyaakan inguneema vx alhugandu happy vejje ey..hehe..so thanxxx my dear sanu..n luv u more ???????????
Reethi mi part vx. I think adhi kiriyaa kan neyge mi story feshuneemi Amil ahnathanun. Waiting for the next part.☺
plus I gave like to your page ?❤
Hehe..ehentha..n thanx ingey like dhineema..v v happy vejje ehen v ma konme akas..hehe..thanxx once again dearr ????
Ithoo.. Keekey bunaany vx.. speechless Hama… Vvvvvvvvvvvvvvvvvvvvvv reeethi MA Sha Allah.. ????❤❤.. kaaku ge photo gandeh baa e ee? Aamil kanneyge.. ?? alhey ithoo fb beynun nukuramey.. ???
Ithoo.. mi story ninmaafa book eh gothah published Kon neren feney… Kiyaa kiyaa foohi nuvrrne kahala story eh.. ninmaafa book eh gothah published Kon nerehchey ithoo plx plx plx.. Hama reethi kamun..❤??? tvgc of yourself ithoo.. ilysm.. ? ithoo vx add vehje igey nw alhugadu ge best writers thereyah.. ?☺??
Awwh..really really happy to hear that dearr.. Ekamu dearr..ithoo ah heevany publish kuraane fenvareh mi book ga neih hen adhi dearr..n thanxxxx v v v v v bodah ingeyy my dearr??????
Nooney ithoo.. published kuraa varu vey hama.. plx plx..
Hehehe..ehentha dearr ☺?☺
Heyy..all ..nw innaanee up vefa ingeyy stryy..???☺?
wow v salhi . ❤❤??
Thanxxx dearr ????
wow.. vrh reethi sifa kurun thah MaShaAllah. 😀
adhi haassa koh dhim nd yuan vaareyga ulhun iru vrh lwwwwbiii ? ❤????? hiivanii film ehge manxareh hen sifa vaairu.
Awwhh..thanxxx dearrr..feelin happy hama..hehe..thanx once again dearr ?????
Wow super ingey
Thanxx dearr sonumm ????
Rythi varah ?❤️????
Mihaaru ithoo hithah vx araifi ey cherry kobaa baava ey..hehe..thanxxx cherry ??????
ithoo kon rashehtha? Konthaaku duty adhaa kuranee. favourite writer veema ingen beynun vee
Awwhh..ehentha..koohtha fb beynun kurantha??
Alheyy.. Nuves ngi hutta ehnimunee… V v v nycc mi prt.. Ithoo dhn yuaan aa dhim gulhuvaba.. Theyonaashi kaalhu jahaaigenfaane ehn nunee.. Hahaha.. Thnkx ithoo v bodah.. Luv yuh sooo much
Hehehe..really..visnaanan ingey thikamaa dearr..hehe..thanxx samee n luv u toooo????
Alhe mi part up kuri vaguthu hama kiyaalin..ekm adhi comment eh kohlevey varu v mi..
V salhi ingey mi part vs..?
Faahaga vi mistake eh bunelaanan..
Alik ah dhe aharu o e girl egeyah airu dhw..dhn inee alik ah badu bodu vaahaka..
Aslu amil ah dhw baduboduvefa..
Name ehgoih vma v balaafa liyanchey..
Name ehgoih vma kiyaa iruga vs olhun araa..
So liyaa iru visnahchey e kahala mistake thakah..
Ehenve ey kiara dheke loabi vany..hehe..thanxx dearr..faahaga kohla dhinyma..yaa v visnaanan ingeyy..n v sad vejje n sry ingey confuse kohlevunyma ethan kolhun ehen v ma..bt v v visnaanan dhn..thanxxx kiara so so so much..hehe..ly ?????
Thihaaa bxy kon ulhemunves reply kraathi hama v vvvvvv bodah thanks ithoooo
Ur wc my dearr sam ??
I love it lovely story really like this v nice waiting for the next part
Awwhh..thanxxx dearr haja ????
Hey ithoo!! Mi part vex varah reethi! Specially dhim N yuan vaarey aa themunu bai varah loabi hama!! I love this story really very much!! Love you ithoo!!! Waitin 4 the next part!??❤❤??
Awwhh..glad to hear that dearr…thank u so much my dearr.. ???..btw alah tha mi dhimaa vii adhi thi kujja aa..☺☺
Yah ithoo! Varah comment nukuran! Adhi furathama faharah comment kury mi!!! And your most welcome ithoo!!! Mi vaahaka fashaigen vex kiyamun miaee!!! I love this story! ????❤❤
Awwhh..really..so happy to meet u my dearr.. N stry kamu dhiyaeethee v happy vejje…kuriah oihthaa vx dearr aa bahdhalu vaane kamah hope kuran..bt name gothun ithoo ah neyngeynee kanneynge dww..so faahaga vaane konmes gotheh bunela dheyn v nun dear..n thanxxx v bodah my dearr????
Yah!! I have left a comment in the 21st part of the story!!! N there you will get to know me!! Love yah!!!???
masha allah v v v reethi…
Thanxxx dearr ???
Vvvvvv nice mi story adi hama alah mi comment kohly mi story ah .story feshigen kiyamun kiyamun aiss reethi kamun hama comment nukoh nuhurevuni ehaaves story reethi ???
Ithoo
Awwhh..new kujjakaa meet v ma v v happy vejje..so hope kuran kuriah oihthaa vx sajoo aa meet vaane kamah..n v happy vejje sajoo ah stry ehaa reethi v ma..cmnt nukoh nuhurevigen cmnt kuraanee v v v reethi vegen kamah mi bely..hehe..so thanxxx my dearr sajoo??????
Ma sha allah…reyga kiyaifin ingey…comment nukurevunee eyru…ekam lahun viyas comment kohlan beynun vaathee mi kuree……
Ithoo…..my lovely writer….pls e pic ge sababun anehkaa yooaan n dhim aa dhemeehun ge rangalhu vamun anna gulhumah buroo naaruvahchey…..hehe….haadha loabi ey yooaan n dhim ulhey goiy….maadhan reyah inthizaaru kurevenee mihaaru…❤????
Hehe..yaa dww..a dhe kudhihnah hama loabin ulhevenyeyy ekaku anehkaku fehna irah..hehe..n happy vejje Azu ge cmnt eh fenuneema ingeyy..thanxx my dearrr..?????
ithoo..v salhi stry..luhan ah comment nukurevuny ey..v dhera vi nukurevunyma..
A ok eyy dearr..dhera nuveyy ingeyy..n thanxx luhan ??.. Fahun viyas dhimaa v ma happy vejje ingey dearr ??
Than fukeh lahey up vaaleh ahvas kohla dhey
Nw up vefa innaanee dearr..
Kobaaaaaa stry….
Ithooo…kobaaa konirakuntha up kuranee
Ur wlc ithoo.kon irakun next part
Ithoooo story up kuranee kon irakun? Hendhunuh suren mi balanee. Can’t wait to read it. Please up kohla dheeba soon ♥️