ފުން ލޯބި (32)

” ޔަލް އަހަރެންނަކަށް ނޭންގެ މިވާހަކަ ފަށާނެ ގޮތެއްވެސް…”   ހައިކަލް އިސް ޖަހައިގެން އިނދެ ބުނެލިއެވެ. ހައިކަލްގެ އެ އަމަލު ތަކުން ހިތް ނުތަނަވަސް ވާން ފެށިއެވެ. ހައިކަލް އެ ދައްކަން އެ އުޅެނީ ކޮން ވާހަކައެއް ހެއްޔެވެ؟ އެތައް ސުވާލް ތަކެއް ހިތުގަ ފުނިޖެހެމުން ދިޔައިރު އަހަރެން އިންތިޒާރު ކުރަމުން ދިޔައީ ހައިކަލް ފަރާތުން މިވެގެން އުޅޭގޮތް އޮޅުން ފިލާނެ އިރަކަށެވެ.

” ޔަލް އެއްވެސް ކަމެއް އަބަދު އެއްގޮތަކަށް ދެމިއެއްނޯންނާނެ.. އިންސަނާގެ ހިތަކީ އެނބުރޭ ވަހުތާނެއްހެން ބަދަލުވާ އެއްޗެކޭ ބުނެއެއްނު.. އަހަރެމެން ދުރުގަ އުޅޭތާ މިވީ ފަސް އަހަރު..  އެހެން ވީމަ އަހަރެންގެ ހިތް ބަދަލު ނުވާން ވީ އެއްވެސް ސަބަބެއް އެބައިންތަ؟ އަހަރެންގެ ހިތް ބަދަލްވުން އެއީ އަހަރެން އަމިއްލައަށް ކުރާނެ ކަމެއްތަ؟ ޔަލް ދެކެ ކިތަންމެ ލޯބިވާން މަސެއްކަތް ކުރިޔަސް އެ ލޯބި ޔަލްއަށް ނުދެވުން އެއީ އަހަރެންގެ ކުށެއްތަ؟ އަހަރެން ކުރިން ޔަލް ކައިރީ މިވާހަކަ ނުބުނީ ޔަލްގެ ކިޔެވުމަށް މިކަމުގެ ސަބަބުން އަސަރު ކޮއްފާނެތީ..” ހައިކަލްގެ ކޮންމެ ޖުމްލައަކުން ހިތްކުދި ކުދި ވަމުން ދިޔައެވެ. މީ އަހަރެން އެެއްވެސް ވަރަކަށް އުންމީދު ކޮއްގެން ހުރި ކަމެއް ނޫނެވެ.

” ކަޓް ދަ ކްރެޕް ޑޮކްޓަރ ހައިކަލް.. ޖަސްޓް ޓެލް މީ ވަޓް ޔޫ ވޯނަ ސޭ..” އަހަރެންނަށް ރުޅި އާދެވުނެވެ. ހައިކަލްއަށްޓަކާ ފަސް އަހަރުގެ ދިގު އިންތިޒާރެއްކޮއްފަ މިއައީ މިފަދަ ވަހަކަ ތަކެއް އަޑުއަހަން ތައްޔާރުވެގެނެއްނޫނެވެ.

” އައި އޭމް މެރިޑް.. އިޓް ހޭސް ބީން ތްރީ އިޔާސް..” ހައިކަލް މަޑު މަޑުން ބުނެލިއެވެ. އަހަރެންނަށް އިނީ ހައިކަލް އެ ދައްކާ ވާހަކަ ގަބޫލު ނުކުރެވިފައެވެ.

” ސަމާސާ ކުރަނީ ދޯ..” ގަބޫލް ނުކުރެވިގެން އަހަރެން އަހާލީމެވެ.

” ނޫން މީ ހަގީގަތަކީ.. ޔަލް މަންމަމިނަށްވެސް އިނގޭ.. އެހެންވެ އެމީހުން ޗުއްޓީގަ ޔަލް މިކޮޅަށް ނުފޮނުވީވެސް..” ހައިކަލް އަދިވެސް އިނީ އިސްޖަހާ ލައިގެންނެވެ.

” ވަޓް ދަ ހެލް.. ލައިކް ސީރިއަސްލީ ވަޓް ދަ ހެލް… ޔުއާ މެރިޑް އެންޑް ލިވިންގް ހެޕިލީ ފޯ ތްރީ އިޔާސް.. އެކަމް ފަސް އަހަރު ވީ އިރު އަހަރެން މި ހުންނަނީ ހައިކަލްގެ އިންތިޒާރުގަ.. އެހެން މީހަކާ ކައިވެނިކޮއްގެން އުފަލުގަ ވަގުތު ހޭދަ ކުރަމުން ދާއިރު ހައިކަލްއާ ކައިވެނި ކުރެވޭނެ ކަމުގެ ފޮނި ހުވަފެން ދެކެމުން ދާތާ ފަސް އަހަރު މިވީ.. ވިސްނަބަ.. ފަސް އަހަރު ވަންދެން ބޮޑު އޮޅުން ގަނޑެއް ތެރޭގަ ބަހައްޓައިގެން ތިހިރީ.. ތީ އާއިލީ ބައްޔެއްތަ؟ ޔާނުވެސް ބްރޭކްއަޕް ވާންވެގެން ބުނީ ތިމައްނައަށް ލޯބި ނުވެވުނީއޭ.. ހައިކަލްވެސް މިހަރު ތިބުނަނީ އެހެން.. އަހަންނަކަށް ނޭގެ ހައިކަލް އަހަރެންދެކެ ވާ ލޯބި ބަދަލް ވާންވީ ސަބަބެއް.. އެންމެ ފަސް އަހަރުވަންދެން އަހަރެންނަށް އިންތިޒާރު ކޮއްނުލެވުނުދޯ.. އަހަރެން ހިޔެއް ނުކުރަން އެންމެން އަހަރެން ދޫކޮއްލާފަ ދިޔަސް ހައިކް އަހަރެން ދޫކޮއްލާފަ ދާނެ ކަމަކަށް.. ލޯބި ނުވާއިރު ކީއްކުރަންތަ އަހަރެންނާ ހެދި އެވަަރަކުން އުޅުނީ..” އަހަރެންނަށް ރޮވޭ ވަރުން ވާހަކަ ދެއްކޭވަރެއްވެސް ނުވިއެވެ.

” ޔަލް މަޑުކޮއްބަ..” އަހަރެން ގޮޑިން ތެދުވެގެން ދާން ފެށުމުން ހައިކަލް ބުނެލިއެވެ.

އެއްވެސް ޖަވާބެއް ނުދީ އަހަރެންގޮސް ޓާރމިނަލް އިން ޓިކެޓް ނަގައިގެން އަވަހަށް ފެރީއަށް އެރީމެވެ. ހައިކަލް އެ އިންގޮތަކަށް އެތާ އިނެވެ. ޔާނުއަށްވެސް އަހަރެން ފެނުނީ ފެރީއަށް އަރަނިކޮށެވެ. އޭނަ ދުވެފަ އައިއިރު ފެރީ ނައްޓާލައިފިއެވެ.

ދިރިއުޅުމަކީ ކޮންފަދަ ކުޅިގަނޑެއް ހެއްޔެވެ.؟ ހައިކަލްގެ މިޒާޖަށް މިއައި ބަދަލަކީ އެއީތާއެވެ. އަހަަންނާ ދުރުވަމުން ދުރުވަމުން ގޮސް ކައިވެނި ކުރެވުނީމަ އެއްކޮށް ދުރުވީއެވެ. އެކަމް ހައިކަލް އެފަދަ ކަމެއް ކޮއްފާނެ ކަމަކަށް އަދިވެސް އަހަރެންގެ ހިތް ގަބޫލެއްް ނުކުރެއެވެ. ޕާކިސްތާންގަ ހުރި އިރުވެސް އެވަރަށް ހައިކަލް އަހަރެން އެވޮއިޑް ކުރިއިރު އެކަހަަލަ އެއްޗެއް ހިތައް ނޭރީ ހައިކަލް އަހަރެންދެކެ ވީ ލޯބި ފެނިފަ ހުރީމައެވެ. އެހާ ލޯބިން އަހަރެންނަށް ހުރިހާ ކަމެއް ކޮއްދީފަ އެގޮަތަށް ކަންކުރާނެ ކަމަށް އަދިވެސް އަހަރެންގެ ހިތް ގަބޫލެއް ނުކުރެއެވެ. ފެރީއިން ފައިބައިގެން އަހަރެން ފުރަތަމަވެސް ގުޅީ ޒައިންއަަށެވެ.

” ޒައިން ހައިކް އެ ދައްކަނީ ދޮގު ވާހަކަ ދޯ.. އަހަންނާ ސަމާސަ ކުރަނީ ދޯ އެ..” އަހަރެންނަސް ރޮވޭ ވަރުން ރަނގަޅަށް ވާހަކަވެސް ނުދެއްކުނެވެ.

” ޔަލް އެއީ ހަޤީގަތް.. ކީއްކުރާނީ… ހައިކަލްގެ ނިންމުން އެއީ.. އަަހަރެން ވަރަށް  ނަސޭހަތްވެސް ދިނިން.. އެންމެ ފަހުން އެކަންތަކުގަ ދެމީހުން ޒުވާބުކޮއްގެން އަހަރެން އެގޭން ނިކުތީވެސް…  އަހަރެންނަށް އިހްސާސްވެސް ކޮއްނުލެވޭ ޔަލް ދެރަވާނެ ވަރު..  އެހެންވެ ކިޔަވަ ނިމެންދެން އެކަން ސިއްރު ކުރީވެސް… އައި އޭމް ސޮރީ ޔަލް..” ޒައިންގެ ބަސްތަކުން އިތުރައް އަހަރެންނަށް ރޮވުނެވެ. ބަހެއްވެސް ނުބުނެ ފޯން ކަނޑާލާފަ ލަވައެއް ޖަހާލައިގެން މަންޒިލެއް ނެތި ހިނގަމުން ދިޔައީމެވެ. އިރުކޮޅަކުން ޔާނު އަހަރެންނަށް ގުޅަން ފެށުމުން ފޯނު ފްލައިޓް މޫޑަށް ލީމެވެ. މިވަގުތު އެއްވެސް މީހަކާ ވާހަކަ ދައްކަން ބޭނުން ނުވާތީއެވެ. ޓެކްސީއެއް ނަގައިގެން ގެޔަށް ދާން ބޭނުން ނުވާތީ އަހަރެން ދިޔައީ ތިންރުއް ޕާކަށެވެ. މީގެ ކުރިންވެސް އަހަރެން ހިތްހަމަ ޖައްސާލަން އަންނަތަނަކީ އެއީއެވެ. ނަމަވެސް އެތަނަށް ދިޔުމުން މާބޮޑަށް ހައިކަލްގެ ހަނދާންތައް އާވާން ފެށިއެވެ. އެންމެ ފަހުން ހައިކަލްއާއެކު މިތަނަށް އައި ދުވަހެވެ. އެދުވަހު ދެމީހުން ތެމިގެން ސައިކަލް ބުރު ޖަހަން ދިޔަ ހަނދާންތަކެވެ.

ކަލާ ކީއްވެހޭ ވަކިވީ ޔާރާ، ކޮން މަޖުބޫރެއް ވީ ފަހެ ޔާރާ

އެ ކީއްވެގެން ހެ ބަދަލް ވީ ، ކެހި ދީފާ ނުދާށޭ، މިތުރާއޭ އަހާށޭ

ވޭނާ ވޭނާ ކެކުޅުން މިހިތައް ދީފަ، ޔާރު ދިޔާ ވައުދު އުވާލާ

އެކީއްވެހޭ ބަދަލް ވީ، ކެހިދީފަ ނުދާށޭ، ހިތުގާ ފޮރުވީމާ ކަލާ

ތިޔަ ވީ ބޭވަފާ………………

ހައިކަލްގެ ހިޔާލްތަކަށް ގެއްލިފަ އަހަރެންނަށް އިނދެވުނު އިރެއްވެސް ނޭންގެއެވެ. ކުއްލިޔަކަށް ވާރޭ ވެހެން ފެށީމަ އަހަރެން ތެދުވީ ގެޔަށް ދާން ޓެކްސީއެއް ލިބޭތޯއެވެ. އޭރު އިޝާ ނަމާދަށް ބަންގި ދޭ އަޑުއިވެއެވެ. ޓެކްސީއެއް ހޯދަން އުޅެންޔާ ފަސޭހަ ރަހުމަތަކު ޓެކްސީއެއްވެސް ނުލިބޭނެއެވެ. ކުއްލިޔަކަށް ސިހުނީ މަގުމަތިން ދިޔަ ކާރެއް މަޑުކޮއްލާފަ ބަރުގަނޑު އަޅާލި އަޑަށެވެ. ސިހިފަ ބަލާލީ ހައިކަލް ކަމަށް ހީކޮއްށެވެ.

” ކަމާލް..” އަހަރެން ގޮސް އަވަހަށް ކާރަށް އެރީމެވެ. އޭރުވެސް ހުރީ ކޮންމެވެސް ވަރަކަށް ތެމިފައެވެ.

“ކަމާލް ކޮންއިރަކު ރާއްޖެއައީ.. ބައްޕަ ނުވެސް ބުނޭ ކަމާލް އަންނަ ވާހަކަ އެއް..” އަހަރެން ކާރަށް އަރާ ހަަމަޖެހިލަމުން ކަމާލް އާ ސުވާލް ކޮއްލީ ހިނދީއިންނެވެ.

” ދެ ހަފްތާއެއް ވަރު ވެދާނެ.. ބޮސް ފޮނުވީ ތަންކޮޅެއް ކުރިން.. މާލެ މަގުތަކުގަ އެހާ ރަނގަޅަށް ދުއްވަން ނޭގޭތީ ދަސް ކުރަންށާއެކީ.. އޭރު މެޑަމްމެން އަންނަ އިރަށް ދަސް ކުރެވިފައެނު ހުންނާނީ..” ކަމާލް ބުނެލިއެވެ. ކަމާލްއަކީ ބައްޕަ ކާރު ދުއްވަން ގެންގުޅޭ ޕާކިސްތާނު މީހެކެވެ.

” ކަމާލް މިކޮޅުން ބިޓެއްވެސް ނެގީތަ؟ ހާދަ ކުރިއަށް ޖައްސާލައިފީމޭ ދޯ..” ފަހަތުން މީހަކު ވާހަކަ ދެއްކި އަޑަށް ސިހިފަ އަހަރެން ފަހަތު ސީޓް ބަލާލީމެވެ.

” އެކްސްކިއުޒް މީ..” ލާނެތް ފާޑަކަށް ހެވިފަ އަހަރެންނާ ދިމާލަށް ބަލަހައްޓައިގެން ފިރިހެން ކުއްޖަކު އިނެވެ.

” އޫޕްސް ސޮރީ.. ” އަހަރެން ފާޑަކަށް ބަލާލުމުން އެ ފިރިހެން ކުއްޖާ ބުނެލިއެވެ. ރުޅި އައި ނަމަވެސް އިތުރަށް އެއްޗެކޭ ނުބުނީ މިގަޑީގަ އެކަކާވެސް ވާހަކަ ދައްކާހިތް ނުވާތީއެވެ.

މާގިން އިރު ތަކެއް ނުވެ ގެޔަށް ދެވިއްޖެއެވެ. އަހަރެން ކާރުން ފައިބައިގެން ގެޔަށް ވަންނަން ހިނގައިގަތުމުން އެ ފިރިހެންކުއްޖާ ހައިރާންވެފަ އަހަރެންނާ ދިމާލަށް ބަލަން ހުއްޓެވެ.

” ދަރިފުޅާ ކޮންތާކު އުޅެ އުޅެފަ ތިއައީ.. ދަރިފުޅު ފޯނަށް ގުޅޭތޯވެސް ހާދަ މަސެއްކަތެއް ކޮއްފީމޭ.. ހާސް ވެގެން ކިރިޔާ ހަލާކު ނުވީ.. ޒައިންއާ ޔާނުވެސް ވީ ދަރިފުޅު ހޯދަން ނިކުމެ..” އަހަރެން ފެނުމުން ދުުވެފަ އައިސް އަހަރެން ގައިގަ ބައްދާލަމުން މަންމަ ބުނެލިއެވެ.

” އައި އޭމް ސޮރީ..” އަހަރެންނަށް ބުނެވުނީ އެހިސާބަށެވެ. އަހަރެންނަށް ހަމަ ރަނގަޅަށްވެސް ރޮވިއްޖެއެެވެ.

މަންމަ އަހަރެން ގެނެސް ސޯފާގަ ބޭންދިއެވެ.

” ދަރިފުޅާ.. ހައިކަލް އެ ކަންތައް ކުރީ މަންމަމެންވެސް ހީކުރި ގޮތަކަށް ނޫން.. އެކަމް މަންމަ ކައިރީ ޒައިން އެވާހަކަ ބުނުމުން މަންމަ ބޭނުން ވީ އެކަން ދަރިފުޅަށް ސިއްރު ކޮއްފަ ބާއްވަން..  އެހެންވެ ހައިކަލް ކައިރީވެސް ބުނީ ދަރިފުޅު ކިޔަވާ ނިމެންދެން ކޮންމެވެސް ވަރަކަށް ވާހަަކަ ދައްކާ ހަދާލާށޭ..ދަރިފުޅު ދެން އެކަމާ ހިތާމަ ކުރާނެ ކަމެއްނެތް.. ދަރިފުޅާ ދޭތެރޭ ނުވިސްނި މީހަކާ ދޭތެރޭ ވިސްނާފަ ދަރިފުޅު ހިތާމަ ކުރަނީ ކީއްކުރަން.. ދަރިފުޅަށް އަދި ހައިކަލްއަށްވުރެ މާ ރަނގަޅު މީހުން ލިބޭނެ.. ނުރޮއެ ހުއްޓާލާދެން..  ދެން މީ ހައިކަލްއަށް ޓަކައި ދަރިފުޅު ރޯ އެންމެ ފަހުރޭ..” މަންމަގެ އުނގުގަ ބޯ އަޅާލައިގެން އަހަރެން ސޯފާގަ އޮތީމެވެ. މަންމަމެން  އަހަރެންނަށް އެކަން ސިއްރުކުރުމުން އެކަމާ އަހަރެން މަންމަމެން ދެކެ ރުޅިއެއް ނާންނަމެވެ. އެކަން އޭރު އިނގުނުނަމަ އަހަރެންގެ ކިޔެވުމަށް އޭގެ އަސަރު ކުރާނެކަން ޔަގީނެވެ. އެކަން އޭރު ނޭންގި އޮތުން އެއީ ނަސީބެކޭ ހިތައްއެރިއެވެ.

” ދަރިފުޅާ.. ” އަހަރެންނަށް ހޭލެވުނީ މަންމަ ގޮވާލި އަޑަށެވެ.

” ނުކައެއްނު ތިއޮތީ އަވަހަށް ތެދުވޭ ކާން..” ކާން ހަދަން ހުރެފަ ތަންކޮޅެއް ބާރަށް މަންމަ ގޮވާލިއެެވެ. ފުންމައިންގެން ތެދުވުނީ ކުރިމަތީ އިން ސޯފާގަ މިއަދު ކާރުން ދިމާވި ޒުވާނާ  އިންތަން ފެނިފައެވެ. އޭނަގެ ހުރިހާ ސަމާލުކަމެއް ހުއްޓިފަ ހުރި ޓީވީއަށެވެ. އަހަރެން ތެދުވެގެން ގޮސް މަންމަ ކައިރީ ސިއްރު ސިއްރުން އެ ކާކުތޯ ސުވާލު ކޮއްލީމެެވެ. އެވަގުތު ފިރިހެން ކުއްޖަކު އައިސް ކާ މޭޒްކައިރީ އިށީންނިއެވެ.

‘ ދަރިފުޅަށް އަދި ތައާރަފްކޮއް ނުދެވިގެން މިއުޅެނީ.. ބުނީމެއްނު ބައްޕަ ރައްޓެހި ބައެއް މިގޭގަ އުޅޭ ވާހަކަ. މީ ޝާން.. ޝާން މިހާރު އެ އުޅެނީ ގްރޭޑް ފަހެއްގަ.. ދެން އޭނީ ޝަމްމޫން.. އޭނަވެސް މިކޮޅަށް އައިސް ބިޒްނަސް ދާއިރާއިން ކޯސް ހަދައިގެން ވަޒީފާއަށް ދާ ވާހަކަ ޒާހިރްބެ ބުނި.. ޒާހިރްބެ ވީ ޑިއުޓީގަ މިގަޑީގަ.. ” މަންމަ އަހަރެންނަސް އެމީހުން ތައާރަފް ކޮއްދިނެވެ.

” ދެން އެއްކޮށް މިގޭގަތަ އުޅެނީ..” ޝާންއަށް އަޑު ނީވޭވަރަށް މަޑު މަޑުން އަހަރެން މަންމަ ކައިރީ އަހާލީމެވެ.

” ޒާހިރްބެ އުޅުނު މަންމަމިން އަންނާތީ  ބަދަލްވާންވެސް.. އެކަމް ބައްޕަ ބޭނުންވީ ޒާހިރްބެވެސް މިގޭގަ ބަހައްޓަން.. ޝާން އަދި ސްކޫލްގަ އުޅޭ ކުއްޖަަކަށް ވުމުން ވަކިން ތަނެއް ހިފައިގެން އެކަނި އުޅެން އުނދަގޫވާނެތީ.. ޝާންގެ މަންމަވެސް ޝާންއަށް އެއް އަހަރުގަ  ޒާހިރްބެއާ ދެ ދަރިން ހަވާލްކޮއްފަ އެހެން މީހަކާ ކައިވެނި ކޮއްގެން ގޮސް ދުރު ރަށަކު އުޅެނީ.. ޒާހިރްބެ ބުނި ދަރިންގެ ހާލު ބަލާލަންވެސް ގުޅާނުލާނޭ..” މަންމަ ވާހަކަ މެދު ކަނޑާލީ ޝަމްމޫންވެސް އައިސް ކާމޭޒް ދަށުގަ އިށީންނުމުންނެވެ.

” ދަރިފުޅާ މީ ޝަމްމޫން.. ޝަމްއޫން މީ ޔަލްވީ.. ދައްތަގެ ދަރިފުޅު..” މަންމަ ޝަމްއޫނަށް އަހަރެން ތައާރަފް ކޮއްދިނެެވެ. އަހަރެންނާ ދިމާލަށް ބަލާވެސް ނުލާ އިސްޖަހާލައިގެން އިނީ މިއަދު ކިޔުނު އެއްސެއްސާ ދޭތެރޭ ލަދުގަނެފަ ކަންނޭންގެއެވެ.

ކާހިތް ނުވި ނަަމަވެސް މަންމަ ކިޔާ ވަރުން ކޮންމެވެސް ވަރަކަށް ކާން މަޖްބޫރުވިއެވެ. ކުރިން އަހަރެން ބަރާބަރަށް ނުކާތީ އެންމެ ޝަކުވާ ކުރާނީ ހައިކަލްއެވެ. ނަމަވެސް މިއަދު ހައިކަލް އަމިއްލައަށް އަހަރެންނާ ދޭތެރޭ ވިސްނާލުމެއްވެސް ނެތި މިހާލު ޖެއްސީއެވެ. ހައިކަލްގެ ހިތަށް ހަމަ އެކައްޗެއްވެސް ނާރަނީ ހެއްޔެވެ؟ . ކައިވެނި ކޮއްގެން ތިން އަހަރު އަހަރެންނަށް އެކަން ސިއްރު ކޮއްގެން އުޅުނު އިރު އަހަރެން ވާނެ ދެރަ އިހްސާސް ކޮއްނުލެވެނީ ހެއްޔެވެ؟

” ޔަލް ތިހެން ނީންދެ ކާލަބަ ދެން.. މަންމަ ހުންނާނެ މިރޭ ކަމާލް ލައްވާ އައިސްކްރީމް ގަނެފަވެސް..” އަހަރެން ވިސްނުމެއްގެ ތެރަށް ގެއްލިފަ އިންތަން ފެނިގެން މަންމަ ބުނެލިއެވެ.   އައިސް ކުރީމްއަކީ އަބަދުވެސް އަހަރެންގެ ފަރުވާއެވެ. ޓެސްޓް ތެރޭގަވެސް ސްޓްރެސް ވެގެން އުޅޭނެތީ އަބަދުވެސް ހުންނާނީ އައިސް ކުރީމް ގަނެދީފައެވެ.

” ޝާން ބޭނުން އައިސް ކްރީމް..” ޝަމްމޫންއާ ދިމާލަށް ބަލާލަމުން ޝާން ބުނެލިއެވެ.

” ދޮންބޭ މާދަން ކޮކީއަށް ގަނެދޭނަން.. މިގަޑީ ނުވާނެ އައިސް ކްރީމް ބޯކަށް..” އެއް ފަހަރު އަހަރެންނަށް އަނެއްފަހަރު ޝާންއަށް ބަލާލަމުން ބުނެލިއެވެ.

” މޯނިންގަ ދެކުދިން ކާނީ ދޯ.” ޝާން ދެރަވެފަ އިންހެން ހީވެގެން އަހަރެން ބުނެލީމެވެ.

އެރޭ ނިދަންއޮތް އިރުވެސް އަހަރެންގެ ސިކުނޑިތެރޭގަ އެނބުރެމުން ދިޔައީ ހައިކަލްގެ ހިޔާލް ތަކެވެ. ހައިކަލް އެހާ ލޯބިން އުޅެފަ ބަދަލްވާންވީ ހަމަ އެއްވެސް ސަބަބެއް އަހަރެންނަކަށް ނުވިސްނުނެވެ. އެންމެ ފަހުން ކެތް ނުވެގެން ފޯން ނަގައިގެން ހައިކަލްއަށް ގުޅާލީމެވެ.

” ވަޓް.. ހީ ބްލޮކްޑް މީ..” އުޅެ އުޅެވެސް ހައިކަލްއަކަށް ނުގުޅެނެވެ. އެފަބީ އާ ވައިބާރ ހުރިހާ އެއްޗަކުން އަހަރެން ބްލޮކް ކޮއްލީއެވެ. ހައިކަލްވެސް ކަން އެކުރީ ހަމަ ޔާނު ހެންނެވެ..

ޒައްރެއްގެ މިންވަރަށްވެސް އަހަރެންދެކެ ލޯބި ނުވަނީ ބާއޭ ހިތައްއެރިއެވެ. އިތުރަށް ރޮވެން ފެށުމުން ކަރުނަ ފޮހެލާފަ ބޭރަށް ނިކުތީ އައިސް ކުރީމް މަތިން ހަނދާންވެގެންނެވެ. އައިސް ކްރީމް ތަށި ނަގައިގެން ސިޓިން ރޫމަށް ނިކުތްއިރު ޓީވީ އިން އަންނަމުންދިޔަ ފިލްމެއް ބަލަން ޝަމްމޫން އިނެވެ. އަހަރެންވެސް ގޮސް ޖެހިގެން އިން ސޯފާގަ ޖައްސާލީމެވެ. ކޮޓަރިއަށް ގޮސް އެކަނި ވެއްޖިއްޔާ އަނެއްކާވެސް ހައިކަލްގެ ހިޔާލްތަށް އަހަރެންގެ ހިތް ފަތަހަ ކުރާނެތީއެވެ.

” ހެއި.. ލުކް އައި އޭމް ރިއަލީ ސޮރީ.. ” ޝަމްމޫން އަހަރެންނާ ދިމާލަށް ބަލާލަމުން ބުނެލިއެވެ.

” އިޓްސް އޯކޭ…” ފަރުވާ ކުޑަ ގޮތަކަށް އަހަރެންވެސް ބުނެލީމެވެ.

” ބައިދަވޭ އައި އޭމް ޝަމްމު.. ނަން ނުބުންޔަސް މަންމަ އޮތީ މިއަދު އިންޓްރޮޑިއުސް ކޮއްދީފަ ދޯ..” ރަކި ގޮތަކަށް ހީލަމުން ޝަމްމު ބުނެލިއެވެ.

ކުއްލިޔަކަށް ފޯނު ރިންގްވާ އަޑަށް ބަލާލިއިރު ގުޅަނީ ހައިކަލްއެވެ. ހުރިހާ އެއްޗަކުން އަހަރެން ބްލޮކް ކޮއްލާފަ މިހާރު އަހަރެންނަށް ގުޅަނީ ވަކި ކީއްކުރަންބާއޭ ހިތަށް އެރިއެވެ.

” ޔަލް ކެން ވީ ޓޯކް..؟ މިގަޑީ ބޭރަށް ނިކުމެވިދާނެތަ..؟ ” ފޯނު ނެގުމާއެކު ހައިކަލް ބުނެލިއެވެ.

 ނުނިމޭ 

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.