ފުން ލޯބި (31)

*** ތިން އަހަރު ފަސް***

އަހަރެންގެވެސް ކިޔެވުން ނިމި އިންތިޒާރު ކުރެވުމުން ދިޔައީ ގުރެޖްއޭޝަންއަށްށެވެ. ރާއްޖެ ދެވޭތީ އަހަރެން ހުރީ ނުހަނުއުފާ ވެފައެވެ. ހައިކަލްގެ ހަބަރެއް ނުވާތާ މިހާރު ތިން ދުވަސް ވަނީއެވެ. އަހަރެން މެސެޖް ކުރިޔަސް ރިޕްލައިވެސް ކުރަނީކީ ނޫނެވެ. ޒައިން ކައިރީ އަހާލުމުން ބުނީ ހައިކް މާ ބިޒީ ކަމަށް ވެދާނެކަމަށެވެ. އެހެން ކަމުން މާ ބޮޑަށް ހައިކަލްއަށް އުނދަގޫ ނުކޮއް އަހަރެންވެސް ކެތްކޮއްލައިގެން ހުރީ ރާއްޖެ ދެވެން ދެކަށެވެ. އޭރުން ކުރިމަތީ ހުރެ ހިތުގަ ހުރި ހުރިހާ ޝަކުވާއެއް ކޮއްލެވޭނެތީއެވެ. މިހާރު ހައިކަލް ނުފެންނަ ތާ ފަސް އަހަރުވީއެވެ. ފަހުން އައި ދެ ޗުއްޓީގަވެސް ބައްޕަ އަހަރެން އެކަނި ދާންޖެހޭތީ ނުފޮނުވީއެވެ. އަހަރެންވެސް މާ ބޮޑު ޝަކުވާއެއް ނުކޮއް ކެތް ކޮއްލައިިގެން ހުރީ ކިޔެވުން ނިމެންދެކަށެވެ. ހިތްހަމަ ޖެހޭ ފަދަ މޮޅު ނަތީޖާއަކާއެކު އަހަރެން ކޯސްނިންމާލީ މަންމައާ ބައްޕަ ފަހުރުވެރި ވާނެ ފަދަ މޮޅު ޑޮކްޓަރއަކަށް ވެެގެންނެވެ. އެންމެ ފަހުން އަހަރެން އިންތިޒާރު ކުރަމުން އައި ގްރެޖްއޭޝަން ނައިޓްވެސް އައިސްފިއެވެ. ސްޓޭޖްމަތިން ސެޓްފިކެޓް ހިފައިގެން ފޭބީ މަންމައާ ބައްޕަގެ މޫނުމަތިން އުފާވެރިކަން ގެނެސްދެމުންނެވެ. މަންމައާ ބައްޕަ ބޭނުންވާ ކަހަލަ މޮޅު ކުއްޖަކަށް ވެވުނީ އެތަކެއް ރެޔެއްގެ ނިދި ނަގާލާ އަހަރެން ކުރި ބުރަ މަސެއްކަތުންނެވެ. ކުރި ބުރަމަސެއްކަތުގެ ފޮނިކަން މިރޭ އަހަރެންނަށް އިހްސާސްކޮއްލެވިއްޖެއެވެ.

” ވީއާ ސޯ ޕްރައުޑް އޮފް ޔޫ ބޭބީ ގާލް..” ހަފްލާ ނިންމާލާފަ ކާރަށް އަރަން ދަމުން ބައްޕަ އަހަރެން ބޮލުގަ ފިރުމާލާފަ ބުނެލިއެވެ. ގެޔަށް ދެވުނު އިރު އަހަރެން ހުރީ ކުޑަކޮއް ނިދި އަންނަގޮތްވެފައެވެ. ގޭގެ ދޮރުހުޅާލިއިރު މުޅިގޭތެރެ އަނދިރިކޮއް އޮތުމުން އަހަރެން ހައިރާންްވެފަ މަންމައަތު ބާރަށް ހިފާލީމެވެ. ލޮލުގެ ފެނުން ގެއްލިގެން އުޅުނު ހާލު ހިތައްއަރާފަ  މިހާރުވެސް އަނދިރިކަންދެކެ ކޮންމެވެސް ވަރަކަށް ޖެހިލުންވެއެވެ.

” ކަރަންޓް ނެތީތަ.. އެކަމް އެހެން ގޭގޭގަ އެބައޮތެއްނު ކަރަންޓް.. ޒާމެން މީހަކުވެސް ނޫޅެނީތަ..” އަހަރެން އެހެން ބުނަމުން އަތުގަ އޮތް ފޯނުން އަލިކޮއްލަން ހަދާލިތަނާ މުޅި ސިޓިންރޫމް އަލިވެގެން ދިޔައެވެ.

” ސަޕްރައިސް..” އެންމެން އެއް އަޑުން ކިޔާލިއެވެ.

ސިޓިންގް ރޫމް ފާރުގަ ރަން ކުލައިގެ އަކުރުން ވެލްކަމް ޑރ.ޔަލްވީ ޖަހާފައިނެވެ. މުޅިތަން ޒީނަތްތެރި ކުރެވިފަ ވަނީ ކަޅާ ރަން ކުލައިގެ ހަންތަކުންނެވެ. ސިޓިންގް ރޫމް ޓޭބަލް މަތި ފަޅުފިލުވާލާފަ ވަނީ ބޮޑު ކޭކަކުންނެވެ. ފަސް ހަފޮތް މަތި މައްޗައް އިންނަގޮތުން ހަދާފަ އިން ވަރަށް ރީތި ކޭކެވެ. ކޭކު މަތީގަ ވީއާ  ސޯ ޕްރައުޑް އޮފް ޔޫ ޖަހާލާފައިނެވެ.

” އަޅޭ… އައި ލަވް ދަ ސަޕްރައިސް..” އުފަލުން ހުރެ އަަހަރެން ބުނެލީމެވެ.

” ޒައިން އެންޑް އައިޝާ.. ކޮބާ ހައިކް.. އޭރުވެސް ހިތަށް އެރިޔޭ ޔަލްއަށް ސަޕްރައިސްދޭން ހައިކް އަންނާނޭ..” ޒައިންއާ އައިޝާ ފުނުމުން އުފަލުން ހުރެ ހައިކަލްގެ ވާހަކަ އަހާލީ ހައިކަލް އައި ކަމަށް ހީކޮއްށެވެ. ނަމަވެސް ހައިކަލްގެ ވާހަކަ ބުނުމުން  ޒައިންގެ މޫނުމަތީގަ ވީ ހިނިތުންވުން ބަދަލުވިތަން ކިތަންމެ ރީއްޗައްވެސް އަހަރެންނަށް ފާހަގަވިއެވެ.

” ޔަލް..  ހައިކް ނާދޭ.. ޔަލް ތިއުޅެނީ ޓޫ ޑޭސް ތެރޭ ފުރާކަށްނު..” ޒައިން އަހަރެން ކައިރިޔަށް ޖެހިލަމުން ބުނެލިއެވެ. ޒައިންގެ މޫނު މަތިން ފެންނަ ކުލަތަކުން ކޮންމެވެސް ކަމެއް ސިއްރުކުރާކަމުގެ އިހްސާސް ކުރެވުނެވެ. ނަމަވެސް ދެދުވަސް ތެރޭ ހައިކަލްއާ ދިމާވާނެތީ ހިތުގަވި ޝަކުވާތަކުގެ މައްޗައް ހިނިތުންވުން އިސްކުރީމެވެ. އެންމެން އެކީގަ ސަކަރާތް ޖަހާ މަޖާ ކުރަން އެތައް އިރަކު ތިބީމެވެ. އަހަރެން ނިދަން ވަދެފަ ފޯނު ބަލާލީ ހައިކަލްގެ މެސެޖެއް ލިބިފަ އިންނާނެ ކަމަށެވެ. ނަމަވެސް ކޮންގްރެޓްސްގެ ހިސާބުވެސް ކިޔާލާފަ ނެތުމުން ހިތުގަ ޖެހުނެވެ. ވައިބާރ އިން ހައިކަލްއަށް ގުޅާލީމެވެ.

” ހައިކްް.. އިނގޭތަ މިރޭ މީ ކޮން ރެޔެއްކަން.. ދެމީހުން އެންމެ އިންތިޒާރު ކުރަމުން އައި ރޭ.. ފައިނަލީ ޔަލް ކިޔަވާ ނިމިގެން ހައިކް ކަހަލަ ޑޮކްއަކަށް ވީ.. އެންމެ ފަހުން ދިމާވި ދުވަހު  ބުނީމެއްނު ބަސް އަހައިގެން މޮޅަށް ކިޔަވައިގެން އެނބުރި ހައިކް ކައިރިޔަށް އަންނާށެ… އިން ޝާ ﷲ ވަރަށް އަވަހަށް ހައިކް ކައިރިޔަށް ދާނަން.. ޔަލް ދިޔައިމަ ތިހެން ބިޒީކޮއް ޓައިމް ނުދީ ނޫޅެވޭނެ އިނގޭ.. ސޯ މިހާރު ދެން ބިޒީވެގެން އުޅޭ.. މިސިންގް ޔޫ ސޯ ބޭޑްލީ..”  ތިން ފަހަރު ގުޅި އިރުވެސް ފޯނު ނުނެގުމުން ހައިކްއަށް މެސެޖްކޮއްލީމެވެ.

” އައި އޭމް ބިޒީ.. ވިލް ކޯލް ޔޫ ޓްމޯރޯ..” އެޔަށް ލޯބިން މެސެޖް ކޮއްލީމަވެސް ހައިކަލްއަށް ރިޕްލައި ކުރަން އިނގުނު ގޮތަކީ މީހެއްޔެވެ. އަހަރެންނަށް ދެރަވެގެން ރޮވުނެވެ. އެންމެ ފަހުންރޭ ޑައިނަމޯގަ އިނދެ ކިޔަވާށޭ ކިޔާފަ ހައިކް ދެއްކި ވާހަކަތައް ހަނދާންވިއެވެ. އެރޭވީ ދެމީހުން އެކުގަ ހޭދަކުރި އުފާވެރި ވަގުތުތައް އިއްޔެ ވީ ކަމެއްހެން ލޮލު ކުރިމަތިން ސިފަވަމުން ދިޔައެވެ. ކުއްލިޔަކަށް ސިއްސައިގެން ދިޔައީ ފޯނު ރިންގްވާ އަޑަށެވެ. އޭރު ވައިބާރއިން ޔާނު ގުޅަނީއެވެ. އެއީ އަބަދުވެސް ޔާނުގެ އާދައެވެ. އަހަރެންގެ ރިޕްލައިއެއް ނުލިބޭއިރުވެސް ހުއްޓުމެއްނެތި ކޮންމެ ދުވަހަކު އެތަށް މެސެޖެއް ޔާނު މި ވޭތުވެދިޔަ ފަސް އަހަރުތެރޭގަ ކުރިއެވެ. އޭގެން އެއްވެސް މެސެޖަކަށް އަހަރެންް ރިޕްލައިއެއް ނުކުރަމެވެ. ސީން އަރުވާފަ އިގްނޯ ކޮއްލަނީއެވެ. ނަމަވެސް މިރޭ ދެރަވެފަ ހުރި ވަރުން އަހަރެން ފޯނު ނެގީމެވެ.

” ހަލޯ ޔަލް.. ” ފޯނު ނެގުމާއެކު ޔާނު ބުނެލިއެވެ.

އަހަރެން ވާހަކަ ދެއްކި ގޮތުން ޔާނުއަށް އަހަރެން ރޮނީކަން ފާހަގަވާކަށް މާ ގިނައިރުތަކެއް ނުނެގިއެވެ.

” ޔަލް..” ބޭރުން ޒައިން ގޮވާ އަޑަށް އަހަރެން ގޮސް ދޮރުހުޅުވާލީމެވެ.

ދޮރު ކުރިމަތީ ހުރި ޔާނު ފެނިފަ އަހަރެން ހައިރާންވިއެވެ. ޔާނު މިގަޑީ މިތަނަށް އައީ ކިހިނެއްބާއޭ ހިތަައްއެރިއެވެ.

” އާދެބަ ސިޓިންގް ރޫމަށް..” ޔާނު އަހަރެން އަތުގަ ހިފައިގެން ސިޓިން ރޫމަށް ދިޔައެވެެ. އޭރު ޒައިންއާ އައިޝާ އުޅެނީ ބަދިގޭގަ ކޮންމެވެސް އެއްޗެއް ކައްކާށެވެ.

” ޔަލް އައި ނޯ ޔަލް މި ހުރިހާ ދުވަހު އަހަރެން ތި އިގްނޯ ކުރަނީ އަހަރެންނަށްްކުރެވުނު ކުށުގެ ސަބަބުންކަން.. އެކަމާ އެއްވެސް ޝަކުވާއެއްވެސް ނެތް..” ޔާނު ވާހަކަ ދެއްކިއެވެ.

” ކީއްވެ ތި ރޮނީ.. ހައިކް އެއްޗެކޭ ބުނީތަ..” ޔާނު ފުން ނަޒަރަކުން އަހަރެންްގެ ލޮަލަށް ބަލާލަމުން ސުވާލުކޮއްލިއެވެެ. އަހަރެންނަށް ބޭއިހްތިޔާރުގަ ރޮވިއްޖެއެވެެ.

” ޔަލް ނުރޮއެ ވެގެން އުޅޭގޮތް ކިޔާދީބަ..” ޔާނު އަހަރެންގެ ކަރުނަ ފޮހެލަ ދެމުން ބުނެލިއެވެެ. އެ އޯގާތެރިކަމަށް އަހަރެންގެ ހިތް އެދެމުން ދިޔައެވެ.

އިހްތިޔާރަކާ ނުލާ ހިތުގަ ވީ ޝަކުވާތަށް ޔާނު ކުރިމަތީ ބަންޑުން ކޮއްލީމެވެ. ޔާނު އަހަރެންގެ ހުރިހާާ ވާހަކައެއް އަޑުއަހަން އިންއިރު އެ މޫނުމަތިން އެއްވެސް ކަހަލަ ހައިރާންކަމެއް ނުވެެއެވެ. ހީވަނީ ޔާނުއަށް މާކުރިން އެކަން އިނގިފަ ވާހެންްނެވެ. ޔާނު އަހަރެންނަށް އެތައް ގޮތަކުން ހިތްވަރުދީ ހެދިއެވެ. މާލެ ދެވެން ދެން މާގިނަ ދުވަސް ނެތުމުން އަހަރެންވެސް ހިތްހަމަ ޖައްސާލައިގެން ހުންނަން ނިންމީމެވެ.

” ބައިދަވޭ ޔާނު ކޮންއިރަކު އައީ..” އަހަރެންނަށް ފުރަތަމަ ކުރަން ޖެހޭ ސުވާލު ކޮއްލެވުނީ އެންމެ ފަހުންނެވެ.

” ޒައިންމިނާއެކު އައީ.. ޒައިންއާ އައިޝާއާވެސް އުޅެނީ އަހަރުމެންގޭގަ.. އެމީހުން ޔަލްގެ ގުރެޖްއޭޝަންއަށް ސަޕްރައިސްދޭން އަންނަވެގެން އަހަރެން ކައިރީވެސް ބުނީ.. ދެން ހިތައްއެރީ ޔަލް ދެކިލަން ގޮސްލާނީއޭ.. އެކަމް އިނގޭ ދިޔަސް ޔަލް އަހަރެންދެކެ ފޫހިވެފަކަން ހުންނާނީ.. އަހަރެން ފެނިއްޖިއްޔާ ޔަލް މޫޑް އޮފްވާނެކަން.. އެހެންވެ ޔަލްއަށް ނުފެނި މިރޭވެސް އުޅުނީ.. ދެން ދެންމެ ފޯނު ނަގާފަ ވާހަކަ ދެއްކިގޮތުން އިނގިއްޖެ ޔަލްއަށް ކޮންމެވެސް ކަމެއްވީ ކަން.. ” ޔާނު ކިޔާދިނެވެ.

” ތެންކް ޔޫ ސޯ މަޗް..” ޔާނުއަށް ބަލާލާފަ ހިނިތުންވެލަމުން ބުނެލީމެވެ.

” ވެއިޓް.. ޒައިން އުޅެނީ ޔާނު މެންގޭގައޭ.. ކީއްވެ ހައިކްމެންގޭގަ ނޫޅެނީ.. އަނެއްކާ މައްސަލައެެއް ޖެހުނީތަ… އެހެންވެތަ މިރޭ ހައިކްގެ ވާހަަކަ އެހީމަ ޒައިން ފާޑަކަށް ހުރީ..” އަހަރެން ހިތުގަ އުފެދުނު ހުރިހާ ސުވާލެއް ކޮއްލީމެވެ.

” ނޫން އެއީ ހައިކްމެންގޭ ފެމިލީ ބައެއް އައިސް އުޅޭތީ ވިވަގުތަށް ޔާނުމެންގެޔަށް ޗޭންޖްވެލީ.. ” އަހަރެންގެ ސުވާލަށް ޖަވާބުދިނީ ބަދިގެއިން ނިކުމެގެން އައި ޒައިންއެވެ.

” އޯހް.. އެހެންތަ..” އަހަރެން ބުނެލީމެވެ. ޒައިންމިނާ ވާހަކަ ދައްކަން އިރުުކޮޅަކު މަޑުކޮއްލުމަށް ފަހު ދިޔައީ ނިދާށެވެ. ޔާނުއާ ހިތުގަ ހުރި ޝަކުވާތައް ޝެއާކޮއްލެވުނީމަ އަހަރެން ހުރީ ހިތްހަމަޖެހިފައެވެ. ދުވަހެއް ދުވަހަކަށް އަހަރެންނާ ޔާނުގެ ގުޅުންވެސް ދިޔައީ ރަނގަޅު ވަމުންނެވެ. ޒައިންމިނާއެކު މަޖާކޮއް އުޅެން ފެށުމުން ދެދުވަސް ފާއިތުވިގޮތްވެސް އަހަރެންނަށް ނޭންގުނެވެ.

ފުރާ ދުވަސް ޖެހުމުން އަހަރެން ހުރީ ނުލާހިކް އުފާވެފައެވެ. ހައިކަލް ދެކޭ ހިތުން މިހާރު ކެތްކުރެވެނީކީވެސް ނޫނެވެ. ފްލައިޓްގަ އިން އިރުވެސް އަހަރެން އިނީ ލަވައެއް ޖަހާލައިގެން ހައިކަލްގެ ހަނދާންތަކަށް ގެއްލިފައެވެ. ދެމީހުންގެ އެކުގަ ހޭދަ ކުރެވިފައިވާ ދުވަސްތައް ހަނދާންއާ ކުރަމުން އަހަރެން ދިޔައީމެވެ. އެހެނަސް އަހަރެންގެ ހިތުގަ ރިއްސާލީ ފަހަކަށް އައިސް ހައިކަލް އަހަރެންނާ ދޭތެރޭ ކަންކުރަމުން އަންނަ ގޮތް ވިސްނާލާފައެވެ. ފޯނުން ކުރިން ހައިކަލް ކޮއްފަ ހުރި މެސެޖް ތަކާ މިހާރު ކުރާ މެސެޖްތައް އަޅާކިޔާލެވުނެވެ. އަހަރެންދެކެ ލޯބިވާ ކަމަށް ދުވާލަކު އެތައް ފަހަރަކު ބުނަމުން އައި ހައިކަލް މިހާރު އެހެން ބުނި ދުވަހެއްވެސް އަހަރެން ހަނދާންނެތެވެ.

މީހުން އެބުނަނީ ތެދެއްޔެވެ؟ ލޯބީގެ ފޮނި މީރުކަން އިހްސާސް ކުރެވޭނީ ފުރަތަމަ ދުވަސްކޮޅުގަ ހެއްޔެވެ؟ ގިނަ ދުވަސް ވާ ވަރަކަށް ކޮންމެ މީހަކުވެސް ބަދަލްވާނެއޭ ބުނާ އަޑު އިވެއެވެ. ނަމަވެސް އެއީ އަހަރެން ގަބޫލު ކުރާ ހަގީގަތެއް ނޫނެވެ. ލޯބިވަންޔާ ކިތަންމެ ގިނަ ދުވަސް ވިޔަސް ބަދަލުވުމެއްނެތި ދެމީހުނަށް ފުރަތަަމަ އުޅުނުހެން ލޯބިން އުޅެވިދާނެއެވެ.

އެކަމް އަހަރެންނަށް ގޮތް ނިންމަން ނޭންގުނީ ހައިކަލްގެ ބަދަލްވަމުން  ގޮސްފަވާ މިޒާޖާ މެދުގައެވެ.

ޓްރޮލީތައް ހިފައިގެން ބޭރަށް ނިކުތް އިރު އައިޝާ ހުރީ ޒައިން އަތުގަ ހިފާލާއިގެންނެވެ. އެހެން ކަމުން އަހަރެންވެސް މަންމައާ ޔާނުއާ ދެމީހުނާ އެއްވަރަށް ހިނގާފަ ބޭރަށް ނިކުތީމެވެ.  އަހަރެންގެ ފިޔަވަޅު ހުއްޓުނީ ބޭރު ގޮނޑިބަރީގަ އިނށީންދެލައިގެން އިން ހައިކަލް ފެނިފައެވެ. އަހަރެން ފެނުމުން ހައިކަލްވެސް ކޮޅަށް ތެދުވިއެވެ. އެއް ފަހަރު އަހަރެންނަށް އަނެއްފަހަރު ޔާނުއަށް ބަލާލިއެވެ. އަހަރެންނާއެކު ޔާނު  ފެނުމުން ހައިކަލްގެ ހިތަށް އެތަށް ސުވާލް ތަކެއް ފުނިޖެހޭނެކަން އިނގެއެވެ. އަނެއްކާ ހައިކަލް އަހަރެންދެކެ ރުޅި އަންނާނެ ހެއްޔެވެ. ހައިކަލް އަހަރެންނަށް ވަގުތު ނުދެންޔާ ހައިކަލް އާ އަހަރެން ކަންކަން ޝެއާ ކުރާނީވެސް ކިހިނެތްހެއްޔެވެ؟

” ޔަލް އެންޑް ޔާނު…” ހައިކަލް ހައިރާންވެގެން ބަލަން ހުރެ ބުނެލިއެވެ.

“ނަން އޮފް ޔުއާ ބިޒްނަސް ތިއްތި.. ޖަސްޓް ޓެލްހާ ދި ޓްރޫތު..  ” ޔާނު ހައިކަލްއާ ވާހަކަ ދެއްކި ގޮތުން އަހަރެން ހުރީ ހައިރާންވެފައެވެ. ހައިކަލްއަަށް އަހަރެންނާއެކު ޔާނު ހުއްޓާ ފެނުނީ ޔާނު ފޮނިވެލީހެއްޔެވެ. އެކަމް ޔާނު އެބުނީ ކޮން ޓްރޫތް އެއްގެ ވާހަކަ ހެއްޔެވެ؟ އަނެއްކާ ހައިކަލް އަހަރެންނަށް ކަމެއް ސިއްރު ކުރަނީ ހެއްޔެވެ؟ ޒައިންވެސް ހައިކަލް ފެނުމުން ބަހެއް ނުބުނެ ހުރުމުން އެދެމެދުގަ ކުރިން އޮތް ގުޅުން ނެތްކަން އަހަރެންނަށް ފާހަގަވިއެވެ.

” ކިކޭ ތިބުނީ ޔާނު..” އަހަރެން ކެތް ނުވެގެން އަހާލީމެވެ.

” ތިއްތި ކައިރިން އަހާބަ.. މި ހުރިހާ ދުވަހު ކެތްކޮއްގެން މިހިރީ އޭގެން ކަމަކުން ޔަލްގެ ކިޔެވުމަށް އަސަރު ކޮއްފާނެތީ.. އެންމެނަށް އިނގޭއިރުވެސް ޔަލްއަށް ޓަކާ ތެދުހާމަ ނުކޮށްމިތިބީ.. އައި ތިންކް އިޓްސް ޓައިމް ޓް ޓެލްހާ ދި ޓްރޫތު..” ހައިކަލްއާ ދިމާލަށް ބަލާލަމުން ޔާނު ބުނެލިއެވެ. ޔާނު ދައްކާ ވާހަކަތަކުން އަހަރެން ކުޑަކޮއް ހާސްވާން ފެށިއެވެ. އެ ދައްކަނީ ކޮން ހަގީގަތެއްގެ ވާހަަކަ ހެއްޔެވެ؟ އެންމެންނަށް އިނގޭއިރު އަހަރެންނަށް ނޭންގެންވީ ކީއްވެ ހެއްޔެވެެ؟  އަނެއްކާ ހައިކަލްއަށް ކަމެއް ވީ ހެއްޔެވެ؟

” ވަޓް އާ ޔޫ ޓޯކިން އެބައުޓް.. ކިހިނެތް ވެގެންތަ މިއުޅެނީ.. ކޮން ހަގީގަތެއްގެ ވާހަކަ ތި ދައްކަނީ.. ތި ކިޔާ އެއްޗެއް އިނގޭ ގޮތައް   ކިޔާބަ..” އަހަރެން ވާނުވާ ނޭންގިފަ ހުރެ ސުވާލު ކޮއްލީމެވެ. ހައިކަލް މަންމަ ކައިރިން ހުއްދަ ހޯދައިގެން އަހަރެން އަތުގަ ހިފާލައިގެން ދިޔައީ އެއާޕޯޓްގަ ހުންނަ ރެސްޓޯރެންޓަށެވެ. މަންމަ ޒައިން މިނާއެކު ފެރީއަށް އަރަން ދިޔަތަން އަހަރެން ދެކުނީމެވެ. ނަމަވެސް ޔާނު އެތާ ގޮނޑިއެއްގަ މަޑުކޮއްލައިގެން އިނެވެ.

” ހައިކް.. ކިހިނެތް ވެގެންތަ މިއުޅެނީ..” އަހަރެން ހައިކަލްއާ ހަތަރު ކަޅި ހަމަ ކޮއްލަމުން ބުނެލީމެވެ. އަހަރެންނަށް ޖަވާބު ދިނުމުގެ ބަދަލުގައި ހައިކަލް އިސް ދަށަށް ޖަހާލީއެވެ. އެހާ ގިނަ ދުވަސް ވެފަ ފެނުނީމަ އުފަލުން ހުރި ހެނެއްވެސް ހިޔެއްނުވެއެވެ.

” ޔަލް އަހަރެންނަކަށް ނޭންގެ މިވާހަކަ ފަށާނެ ގޮތެއްވެސް…”

 ނުނިމޭ