ދަ ލެޖެންޑްރީ ވޯރިއާރސް

ދުވަހަކީ އުޑުމަތި ސާފު ވައިމަޑު ކަނޑުމަޑު ވަރަށް ނަލަ ދުވަހެކެވެ. އާލިކާއި، އަޖުވަދު ހުރީ އަތިރީގައި ދަތުރަށްދާން ރެޑީވެގެންނެވެ. ގަޑިން 6:30 ހިނގީއެވެ. އެމީހުން އިންތިޒާރު ކޮށްގެން ހުރީ އެމީހުންގެ ދަތުރުގެ ބައިވެރިން އަންނާނެ އިރަކަށެވެ. އިރުކޮޅަކުން އާލިކްގެ ފޯނަށް ކޯލެއް އައެވެ.

“ އޭ މިދަނީ އިނގޭ. ދަގަނޑުތައް ތޫނު ކޮށްލަންވެގެން ލަސްވީ. މިހާރު މިނައްޓާލަނީ. ދޯނި ކައިރި ކޮށްލާތި އިނގޭ. “ ދަތުރުގެ ބައިވެރިއެއްކަމަށްވާ ފިނާޒް ބުންޏެވެ.
“ އޯކޭ. “ ފޯނު ކަނޑައިލަމުން އާލިކް ބުންޏެވެ. އާލިކް އަޖުވަދު އަތަށް ދަބަސް ދީފައި ދޯންޏަށް އަރަން ދިޔައެވެ. ޢަޖުވަދު، އާލިކަށް އެހީވުމަށްޓަކާ ދަބަސްތައް ބަހައްޓާފައި ދޯނިދޮށަށް ދިޔައެވެ. މިކަމުން ނިމުނުތަނާހެން ފިނާޒްމެން އަތުވެއްޖެއެވެ. މިގުރޫޕުގައި އުޅެނީ، ފިނާޒް، އައްލާމް، އާލިމް، އާލިކާއި އަދި އަޖުަވަދެވެ.

ދޯންޏަށް އެއްޗެހި އެރުވުމަށްފަހު މަޑުއްވަރީއަށް ދާން ފުރައިފިއެވެ. ވަރަށް ނިޔާމަ ދަތުރެކެވެ. ކުދިަކުދި ދޯނިކޮޅުކޮޅު ވަދާ ދުއްވާތަން ފެނެއެވެ. ދޯނި ނެރުން ނިކުތީއްސުރެ، އާލިކް އުޅުނީ ވަދުނަނެއް ހެދޭތޯއެވެ. މަޑުއްވަރީއަށް ލެފުނުއިރުވެސް ނަނު ނުހެދިގެން އުޅެއެވެ. އެންމެން އެކަމާ ހީ ހީ ހަލާކުވެއްޖެއެވެ.
“ ބްރޯ، ތިކަން ދެން ނުވާނެ ކައެއަކަށް. ތީތި ބާއްވާފަ ހިނގާ އެތިކޮޅުބާލަން. “ ފިނާޒް ހެމުން ބުނެލިއެވެ.
“ އާނ. ހިނގާދޯ. “ ނަނު ފޮއްޓަށް ލަމުން އާލިކް ބުނެލިއެވެ. ދޯނިން އެއްޗެތިތަށް ބާލާފަ ދޯނި އަޅާފަ އެންމެން އެއްޗެތިތަށް ހިފައިގެން އެއްގަމަށް ހިނގައިގަތެވެ. ރީތި ހިތްގައިމު ތަނެއް ފެނޭތޯ ހިނގަމުން ދަނިކޮށް ރަނގަޅު ހިސާބެއް ލައްވާލައިފިވެ. އެއްޗެހިތައް ބެހެއްޓުމަށްފަހު، އައްލާމް ހެނދުނުގެ ސައި ރެޑީކޮށްލިއެވެ. ސަޔަށް ހުރީ ފާރޮށި މޮޑެފައެވެ. ސައި ނިންމާލާފަ އެންމެން ރަށުތެރެ ބަލައިލަން ދިޔައެވެ. ސަކަރާތް ޖަހަމުން މަޖާކުރަމުންނެވެ. ވަކި ހިސާބަކުން ކުޅިއާ ދިމާވިއެވެ. އެތާ ތިބެ ފެންގަނޑަށް އެކަކު އަނެކަކު ވައްޓާ ފޮޓޯ ނަގައިގެން އެހެން ދިމާލަކަށް ހިނގައްޖެވެ. މެންދުރުވުމުން މަސްހިފާން އެންމެން މޫދަށް ދިޔައެވެ. މޫދުން އެރިއިރު ހުރީ ހަވީރުވެފައެވެ. އެންމެން ތިބީ ބަނޑުހައިވެގެންގޮސް ހާންތިވެފައެވެ.
އައްލާމާއި، އާލިކް އަވަހަށް ކައްކަން ރެޑީކުރަން ދިޔައެވެ. ހިފިފަ އޮތީ 5 ގުރުވައާއި، 4 ބޯވައާއި، އިއްސެކެވެ. ދެންހުރި މީހުން ވަލަށް ފަން ހޮވަން ވަނެވެ. ފަންހޮވާ ނިމިގެން އައި އިރު ކައްކަން ހުރީ ރެޑީކޮށްފައެވެ.
“ އޭ ކޮބާ ފިނާޒް؟ އާލިމްމެންނާއެކު ނޫންތަ ދިޔައީ؟ “ އާލިކް އަހާލިއެވެ.
“ މަ ހީކުރީ ކަލޭމެންނާއެކު ކައްކަން ރެޑިކުރަންކަމަށް އޭނަ ހުރީ. “ އާލިމް ބުންޏެވެ. އެކަކަށްވެސް އޭނަ ދިޔައީ ކޮންތާކަށްކަމެއް ނޭނގެއެވެ.
“ ވެދާނު މޫދުން އަދި ނާރަނީކަމުގަ. މަ މޫދުގަ އޮއްވާ ދާން ހިނގާށޭ އޭނަ ކައިރީ ބުނިން. އޭނަ ބޮލުން އާއެކޭ ބުނި. “ އަޖުވަދު ފަންތައް ބަހައްޓަމުން ބުންޏެވެ. އާލިކާއި އަޖުވަދު ފިނާޒް ހޯދަން އަތިރިއަށް ދިޔައެވެ. ދިޔައިރު މާދުރުނޫން ހިސާބަކުން މޫދުން މީހަކު އަވަދިނެތި އުޅޭތަން ފެނިއްޖެއެވެ. އިރުކޮޅަކުން ބޯ ހިއްލާލާފަ އާލިކުމެން ފެނިގެން އައުމަށް ހަނާއަޅާލިއެވެ. އާލިކާއި އަޖުވަދާ ދެމީހުން ދުވެފަ އެއްގަމަށް އަރައި މާސްކާ ފިންސާ ހިފައިގެން މޫދަށް ދިޔައެވެ.