“އައްދެ އަނބިމީހާ ނުކުރާ އަމުރު މިކުޑަ ފަހަރި މިއޮއްކުރަނީ”
ޝާހިދު ނިޝާއަށް ބަލާލާފަ ހީލަމުން މިހެން ބުނެފަ ބޯޖަހާލާފަ ދިޔައީއެވެ.
ރޭގަނޑު އެތަށް ދަމެއްވިއިރުވެސް ޝާހިދު ގެޔަށް ނާދެއެވެ.
ނިޝާއާއި ދުންޔާ އޮށޯވެލައިގެންތިބީ ނިޝާގެ އެނދުގައެވެ. ކުއްލިއަކަށް ކާރު ގޭގެޕޯޓިކޯތެރެއަށް ވަންއަޑު އިވިގެންް އަވަހަށް ތެދުވެގެން ދާން ދުންޔާ އުޅުނެއެވެ. ނިޝާ ދުންޔާ މަޑުކުރުވިއެވެ.
“ކޮއްކޮ ދާނެ ކަމެއްނެތް”
“އެކަމަކު ޅިޔަންބެ …”
“އަޅާނުލާ އެހާލަހުން އަންނަރޭ އޭނާ އަންނާނީ ކައިގެން ކޮއްކޮ ނިދާލާ”
ކުޑަކޮށް ހިންހަމަ ނުޖެހިފައިވީނަމަވެސް ދުންޏާ ބޭރަށް ނުގޮސް ނިދާލީއެވެ.
ޖެހިގެން އައިދުވަހެވެ. ބަގިޗާތެރޭގައި މާގަދަޔަށް ސަކަރާތް ޖަހާ ހުނުމުގެ އަޑުގަދަވާތީ ނިޝާ އޭނާގެ ކޮޓަރީ ކުޑަދޮރުން ބޭރަށް ނަޒަރު ހިންގާލިއެވެ. އޭނާއަށް ފެނުނީ ދުވަހަކުވެސް އޭނާ ފެންނާނެ ކަމަށް އުންމީދު ކުރި މަންޒަރު ތަކެއް ނޫނެވެ.
ޝާހިދުއާއި ދުންޔާ ސުވިމިންގު ޕޫލްތެރޭގައި އެކަކު އަނެކަކުގެ ގަޔަށް ފެންޖަހާ މަޖާކުރަނީއެވެ. ދުންޏާ ލާފަ ހުރި ހެދުމަކީ ޅިޔަނެއްގެ ކުރިމަތީ ލާން ލަދުގަންނަން ޖެހޭފަދަ ހެދުމެކެވެ. އެހާވެސް ނިވާކަން ކުޑައެވެ. އެވަގުތު ޝާހިދު އަށް ވެސް ނިޝާ ކުޑަދޮރުން ބަލަން ހުރިތަން ފެނުނެވެ. އަދި އަންނާށޭ ކިޔާ ހަނާ އަޅަންފެށިއެވެ. ނިޝާ ވީފޫހިން ކުޑަދޮރުގެ ފޮތިގަނޑު ކަހާލާފަ ގޮސް އެނދުގައި އިށީނެވެ. ދުންޏާ އާއި ޝާހިދު އެކަކު އަނެކަކަށް ބަލާފަ މަލާމާތުގެ ގޮތަކަށް ހީލީއެވެ. އެރޭގެ ދަންވަރެވެ. ނިޝާއަށް ހޭލެވުނީ ފެންބޮވައިގަނެގެންނާއި ބަނޑަށް އުނދަގޫވާތީއެވެ. އެނދުގެ އޭނާއޮންނަ ފަޅިން އޭނާ ކުކުރަމުން އެނބުރިލީ ދުންޔާ އަށް ގޮވާށެވެ. އެކަމަކު ދުންޏާއެނދުގައި ނެތެވެ. ވަރަށް އުނދަގުލުން ނިޝާ ފެންބޯން ފެންއަޅާފައި ހުންނަ ޖަގިހިއްލާލިއެވެ. ޖަގުގައި ފެންނެތެވެ. އޭތިވެސް ހުރީ ހުސްކޮށެވެ. ފެންބޯން ބޭނުމީއްޔާ މިގަޑީގައި އޭނާ ދާންޖެހޭނީ ކާގެއަށެވެ. ފެންލިބޭނީ އޭރުންނެވެ. ކޮޓަރިން ނިކުތުމާއެކު އޭނާއަށް އިވެމުންދިޔައީ ދުންޔާގެ ހުނުމުގެ އަޑެވެ. އެވެސް ޝާހިދު ނިދާކޮޓަރިންނެވެ. ނިޝާގެ އަތުން ބިއްލޫރި ފެންއަޅާ ޖަގު ދޫވެ ބިންމަށްޗަށްވެއްޓި ޖަގު ތެޅި ފުނޑުފުނޑު ވިއެވެ. މިއަޑަށް ސިޓިންރޫމްގަ ނިދާފަ އޮތް ފަރީދާ ދައްތަޔަށް ހޭލެވިގެން އަވަހަށް އައެވެ. އަދި ހައިރާންވެފަ ނިޝާއާއި ދިމާލަށް ބަލަން ހުއްޓެވެ.
“ދަރިފުޅާކިހިނެއްވީ މާބޮޑަށް ފެންބޮވާއިގަތީތަ؟”
“ޖަގު އަތުން ދޫވީ” ތުރު ތުރު އަޅާ އަޑަކުން ނިޝާއަށް ބުނެވުނެވެ.
“އެއީ މާބޮޑު ކަމެއް ނޫން ދައްތަ އެތަން ސާފުކޮށްފާނަން ކޮޓަރިޔަށް ދޭ ދައްތަ އަންނާނަން ފެން ހިފައިގެން”
އެވަގުތު ދުންޏާވެސް ހަލުއިކަމާއެކު ނިޝާމެން ކާރިޔަށް އައެވެ.
“އަޅެ ދައްތަ މިޔޯ މިތާ ކީއްކުރަނީ ދައްތަ ނިދާފަ ކަމަށް ހީކޮށް މަ މިއައީ”
“ދުންޏާ ބޭރުގަ ކީއްކުރަނީ މިގަޑީގަ އަހަރެން ފެންބޯންވެގެން ބެލިއިރު ޖަގުގަފެނެއްވެސް ނެތް ގޮވާލާކަށް ދުންޔާވެސް ނެތް އެހެންވެ ފެންއަޅަންއަންނަނިކޮށް ޖަގު އަތުން ދޫވީ”
“ޅިޔަންބެ ކޮފީބޯންވެގެން ބުނީމާ މިގަޑީގަ އައީ ދައްތަވެސް ނިދާފަ އޮތީމާ އައިސްލީ”
އެވަގުތު ޝާހިދު އައިސް އެމީހުންނާ އަރާހަމަ ކުރިއެވެ.
“އަނހަ ކީއްވެ މަގޭ ކަމަނަ ތެދުވެގެން މިއުޅެނީ” ޝާހިދު ނިޝާގެ ދެކޮނޑުގައި ހިފާ ތަޅުވާލަމުން ބުނެލިއެވެ.
ނިޝާގޮވައިގެން ޝާހިދު ކޮޓަރިއަށް ވަނެވެ އަދި ނިޝާ އެނދުގައި ބާއްވާލުމަށްފަހު ރަޖާ އަޅާލަދިނެވެ.
“މިކޮޓަރީ ގެ މިއެނދު ކާރީ ދެން މާދަމާ ހަރު ކުރާނީ ބެލް އެއްދޯ ދުންޔާ” ޝާހިދު ލާނެއް ކަމާއެކު ދުންޔާ އަށް ދޯއެއްދިނެވެ. ދުންޔާ އެއްބަސް ވުމުގެގޮތުން ބޯޖަހާލަމުން ނިޝާކާރީ އެނދުގައި އޮށޯވެލިއެވެ.
“އެއްވެސް ބެލް އެއްހަރުކުރުމުގެ ބޭނުމެއްނެތް” ނިޝާ މޫނު އަނބުރާލަމުން ބުނެލިއެވެ.
ނިޝާގެ ބަޑުގައި ރިއްސާތީ ހޮސްޕިޓަލަށް ގެންދިޔައެވެ. ބޮޑުދައިތަ އާއި ދުންޔާވެސް ޝާހިދު އާއި އެކު ހޮސްޕިޓަލަށް އައެވެ. ވިއްސާ ކޮޓަރީގައި މާގިނަ އިރެއް ނުވަނީސް ނިޝާ ވިހެއެވެ. އެކަމަކު ވޯޑަށް ނިޝާ ދޫކުރެވެން ނެތްވާހަކަ ޑރ ބުންޏެވެ. މާކޮމްޕުލިކޭޑެްއީއެވެ.
“ދުންޔާ ދެންމިތާ އަހަރެމެން މަޑުކުރުމުގެ ބޭނުމެއްނެތް ވިއްސާ ކޮޓަރިން ނިޝާ ނެރޭނީ މާދަމާ ހެނދުނު ހިނގާ ގެޔަށް ދާން ބޮޑުދައިތަވެސް މާދަމާ އާދޭދޯ”
ނިޝާ ވިއެހީ އަންހެންކުއްޖެކެވެ. މިކަމާ ބޮޑިދައިތަ ތަފާތު ކޮށް ވާހަކަ ދެއްކިއެވެ. އެންމެ ފުރަތަމަ ލިބެންޖެހޭނީ ފިރިހެން ކުއްޖެކޭ ކިޔާފައެވެ.
ޝާހިދު އާއި ދުންޏާ ދިޔައީ ގެޔަށެވެ.
“ފަރީދާ ދައްތަވީ ރަށަށްގޮސްފަ ދުންޔާ އެކަނި އެގޭގައި ބިރު ގަންނާނެތަ؟” ޝާހިދު ކާރުގައި ދަމުން ދުންޏާއާއި ވާހަކަ ދެއްކިއެވެ.
“ޅިޔަންބެ ހުންނާނަމެއްނު ވީއިރު ކޮންބިރެއް”
“އެންމެ ރަނގަޅު އަހަރެން ދުންޔާ ވައްޓާލާފަ ދާނީ އޮފީހަށް އާދެވޭނީ ރޭގަނޑު އަހަރެން އަންނާނީ ބޭރުން ކައިގެން”
“އެންމެ ރަނގަޅު” މިހެން ބުނެލާފަ ގެޔާއަރާ ހަމަވުމުން ފޭބީއެވެ. މާނަ ވީގޮތަކަށް ހީލާފައެވެ.
ނުނިމޭ
Other Articles
އިންތިޒާރުގައި ހުރިން (11)
ހިތުގެ އެދުމޭތީ (8 ވަނަ ބައި)
11 Comments!
Comments are closed.
V reethi ekam haadha lahey vaahaka up vaaleh
Maree
Thank you mi story yaki weekly once story vima las vani but dhen faharakun long kuranan
thank you
Varah foohi kurin vee goi hundhaanves nei mee aharaku ehfaharu upvaa vaahakehtha
pakaas mihar handaaves neh garunaku eh fahar up vanee den fashan veenu alun
v foohi kureege.bai handaan ves neh alun fashan veenu
thiya bunee hama ragalha kurine vy goi mihaaru Nuves ingey vahaka naraan nukaraneee yaaa nuliya thibey?
garunaku ehfahar up vanee handaan ves neh kureege bai adhi eha kuru liyan nukerey meehun keehkuran liyanee
E dhogeh mi myhun kiyaane ekahala goiy kuda ehchehi.. alhaanulaa vaahaka kuriyah gendheyy.. hadhaan nethiyyaa kuryga baithah keema v nun.. e dhn hama foni kn mi myhunge.. ehvx varakah nuvisnaane writer ge nazarakun.. nikan kerenyaa thi myhun vaahaka eh liyan fashaabala.. eyrun igeynyy… vaahaka dhahkaeyy eba adhi..
Mashaa Allah v reethi mi part ves,kureege part thah handhaan neh kudhin,mi part ga in naane rozy jahaafa e name ah click kohleema kureege hurihaa part thakeh ves fen naane,
Aharen hadhaanebahuri mi Vaahakaige hurihaa baehves hadhaan nunethey adhi iraadhakurehviyyaa adhi hadhaanuge massalaehnugehey
Weekly one viyas digukohlaa nama meehun ehaa faadeh nukiyaane kahneyge.. evar ves nukoh levenyaa rangalh vaany vaahaka nihmaafa up kuriyya.. eyrun dhen myhak ehcheh nukiyaane.. balaabala saandy men.. kihaa salhi.. kohme dvahaku up kohdey eba.. aee vaahaka liye nihmaafa up kuran feshyma aslu.. rozy vx ehen hadaabala..