އިންތިހާޔަށް (1ވަނަ ބައި)
ވާހަކަ ފެށުމުގެ ކުރިން އާ އަހަރުގެ ހެޔޮ އެދުންތަކާއި ތަހުނިޔާ ހުރިހާ ކިޔުންތެރިންނަށް އަރިސްކުރަން!!?
“ތިހާ ޅަ އުމުރުގަ މިހާ ބޮޑު ސަކްސެސްއެއް ލިބުމުގެ ފަހަތުގަ ވަނީ ކޮންކަމެއްތޯ؟” ނޫސްވެރިޔަކު ސުވާލުކޮށްލިއެވެ.
“މިއީ އަޅުގަނޑުގެ މިންނެތް މަސައްކަތާއި ގާބިލިއްޔަތުގެ ސަބަބުން އަޅުގަނޑަށް ލިބުން ސަކްސެސް އެއް.. އަމިއްލަޔަށް ލަނޑުދަނޑިތަކަކަށް ފޯކަސް ކޮށްގެން އެކަންތައްތައް ހާސިލްކުރަން ކުރި މަސައްކަތުން ލިބުން ސަކްސެސްއެއް…” ހިނިތުންވުމަކާއި އެކު އައިޝާ ޖަވާބުދިނެވެ.
“މިވިޔަފާރިވެރިން ހާދަ ފޮނިބޮޑުވެޔޭ ދޯ ދެން ނިއުސް ކޮންފަރެންސް ތަކަށް އަރާފަ!” ޓީވީ ނިއްވާލަމުން ޝިޔާނާ ބުނެލިއެވެ. އެވަގުތު ޝިޔާނާއާ އެއްބައިވެލުމުގެ ގޮތުން އޭނަގެ ފިރިމީހާ ނަޒީމްވެސް ބޯޖަހައިލިއެވެ.
“މަންމާ… މަގޭ އައުސް އުޅެނީ އެ އައިޝާގެ ކުންފުނިން ބޭއްވި ފޮޓޯގްރަފީ ޗެލެންޖަކުއޭ ބައިވެރިވެގެން…. އައުޓީ ހޮވިއްޖިއްޔާ އެކުންފުނިން ވަޒީފާއެއް ލިބޭނެ….” ފޮނި ގޮތަކަށް އޭނަގެ މަންމަ ދެންމެ ދެއްކި ވާހަކަ އަޑުއަހަން އިނދެފައި ޒީޝާ ބުނެލިއެވެ.
“ހުނ… ވަޒީފާ ލިބިދާނެ ހަމަ އެހެން ތާކުންވެސް… ތަންކޮޅެއް ހަރުދަނާ މަސައްކަތެއް ކުރާށޭ އައުސް ކައިރީ ބުނެބަލަ… އަބަދު އެ ދުވަނީ ކެމެރާއެއް ކޮނޑުއަޅައިގެން…” ހިތްހަމަނުޖެހޭ ފާޑަކަށް ޝިޔާނާ ބުނެލިއެވެ. ޝިޔާނާ އެހެން ބުނެލުމުން ޒީޝާ ފާޑަކަށް ތުންދަމައިގެން އެތަނުން ތެދުވެގެން ދިޔައެވެ.
ޒީޝާއާއި އައުސްއަކީ އެންމެ ކުޑައިރުން ފެށިގެން އެންމެ ގާތް ދެރަހްމަތްތެރިންނެވެ. އެކުގައި އުޅެ ބޮޑުވުމުން މިހާރު ދެމީހުން ނޭވާލަނީވެސް އެކީގައެވެ. ލާނެތްކަމުން ފުރިފައިވާ އައުސް ހަމައެކަނި ހަމަޔަކަށް އެޅުވެނީ ޒީޝާއަށެވެ. ގޯސްކަމެއް ކޮށްފިނަމަ މަންމަ ފަދައިން ހަޅޭތްލަވައި ނަސޭހަތްދޭނެއެވެ. ބަލިވެއްޖެނަމަ ޑޮކްޓަރެއް ފަދައިން ބަލަހައްޓާނެއެވެ. އަދި އެހާ ދެރަވެސްވާނެއެވެ. ދެމީހުން އުޅެނީ އެކަކު އަނެކަކުގެ ހިޔަނި ފަދައިންނެވެ. އައުސްގެ ތަބީޢަތަކީ އަބަދުވެސް ލާނެތް އަދި މަޖާ ތަބީޢަތެކެވެ. އާއިލާގެ ހުރިހާ އެންމެންވެސް ވަނީ އެކަމަށް ހޭނިފައެވެ. ޒީޝާގެ ކުޑަކުޑަ އާއިލާއާއި އައުސްގެ ކުޑަކުޑަ އާއިލާވަނީ ގުޅިލާމެހިފައެވެ. ދެއާއިލާވެސް އުޅެނީ އެއްއިމާރާތެއްގައެވެ. ނަމަވެސް ދިރިއުޅެނީ އިމާރާތުގެ ދެބައިގައެވެ.
ކޮޓަރިޔަށްވަދެ ޒީޝާ އެނދު މައްޗައް ވެއްޓިގަތެވެ. އަދި ފޯނުނަގާ ފޭސްބުކްއަށް ވަދެލިއެވެ. ފޯނަށް ބަލަން އޮވެފައި ކުއްލިއަކަށް ހަޅޭތްލަވާގަނެފައި ޒީޝާ އެނދު މައްޗައް ކޮޅަށް ތެދުވިއެވެ. އަދި ފޯނަށް ބަލަމުން ހީހީފައި ފުންމަމުން ދިޔައެވެ. ޒީޝާގެ މިއަމަލުން ހައިރާންވެފައި އޭނަގެ ކޮއްކޮ ޒައިން މަންޒަރު ބަލަން ހުއްޓެވެ.
“މަންމާ ތީ މޮޔަވަނީ!” ދޮރުކައިރިޔަށް ޖެހިލާފައި ޒައިން ގޮވައިލިއެވެ. އެޔާއިއެކު ޝިޔާނާ ދުވެފައި އެކޮޓަރިޔަށް އައެވެ. ޒީޝާ އުޅެމުންދިޔަ ގޮތް ފެނިފައި ޝިޔާނާވެސް ހުރީ ހައިރާންވެފައެވެ. ޝިޔާނާ ފެނުމުން ޒީޝާ އެނދުން ފައިބައިގެން އައިސް ޝިޔާނާގެ އަތުގައި ހިފައިގެން އެނބުރެން ފެށިއެވެ.
“ޒީ ކިހިނެއް ވެގެން ތިއުޅެނީ؟” ޝިޔާނާ އަހައިލިއެވެ. “ޔޭ” އޭ ކިޔާފައި ޒީޝާ ޝިޔާނާގެ އަތުގައި ހިފައިގެން އެނބުރެމުންދިޔައެވެ.
“ތީ ކޮން މޮޔައެއް ވެެގެން ތިއުޅެނީ؟” ޒައިން ބުނެލިއެވެ. އެވަގުތު ޒީޝާވެސް އެނބުރުން ހުއްޓާލައިފައި ޒައިންގެ ކުރިމައްޗައް އެރިއެވެ. އެނބުރުން އަރައިގެން ޝިޔާނާ އެނދުމަތީ އިށީންދެލިއެވެ.
“މޮޔައެއް ނުވޭ.. މޮޔަވާނީ މަގޭ އައުޓީ މީތި ފެނިފަ…” ޒައިންއަށް ފޯނު ދައްކައިލަމުން ޒީޝާ ބުނެލިއެވެ.
“ވިނާރ އޮފް އައިޝާސް ފޮޓޯގްރަފީ ޗެލެންޖް… މިސްޓާރ އައުސް އަހުމަދު” ޒައިން ކިޔައިލިއެވެ.
“އެވަރު ކަމަކާ ކުޑަކުއްޖެއްހެން ތި ތެޅިބާލަނީ..” ހިތްހަމަ ނުޖެހޭ ފާޑަކަށް ޝިޔާނާ ބުނެލިއެވެ.
“މީ އެވަރު ކަމެއް ނޫނޭ… ހަފްތާއެއް ވަންދެން ނުނިދާ އައުޓީ ކުރި މަސައްކަތް މީ.. ހީ ޑިޒާވް އިޓް… ތީ މިދަނީ އައުޓީއަށް ހެޕީ ނިއުސް ދޭން.. ޔަގީން ނިދާފަ އޮންނާނީ!” ޒީޝާ ބޭރަށްދާން ދުއްވައިގަތެވެ. ޝިޔާނާވެސް ފާޑަކަށް ބޯހޫރާލުމަށްފަހު ހިނިތުންވެލިއެވެ.
ޒީޝާ އެދިޔަބާރުމިނުގައި ސިޑިން އަރައިގެން އައުސް އުޅޭ ބަޔަށް ދިޔައެވެ.
“ކޮބާ އައުޓީ؟” ވަތްގޮތައް ޒީޝާ އަހައިލިއެވެ. އޭރު އައުސްގެ މަންމަ އަމީރާ އިނީ ތަރުކާރީ ކޮށާށެވެ. އައުސްގެ ބޭބެ އާލިމްވެސް ކައިރީގައި ޓީވީ ބަލަން އިނެވެ.
“އެބައޮތް ނިދާފަ… މާ އުފާވެފަ ތިހުރީ ކީއްވެގެން؟” އާލިމް އަހައިލިއެވެ. އެވަގުތު ހީލުމަށްފަހު ޒީޝާ ދުވެފައި އައުސްގެ ކޮޓަރިޔަށް ވަދެގެން ދިޔައެވެ. އައުސް އޮތީ ނިދާފައެވެ. ޒީޝާ އެދިޔަގޮތައް ގޮސް އެނދުމަތީ އިށީންދެލާފައި އައުސް އަށް ގޮވަން ފެށިއެވެ. ނަމަވެސް ހަމަ އަޅާވެސްނުލައި އައުސް އަނެއްފަރާތައް އެނބުރެލިއެވެ.
“އައުޓީ ހޭލަބަލަ ދެން… ވާހަކައެއް ބުނާށޭ…” އައުސްގެ ކަންފަތައް ފުމެލަމުން ޒީޝާ ބުނެލިއެވެ. އެވަގުތު އައުސް ކަންފަތުގައި އަތްއެޅިއެވެ.
“ފޮޓޯގްރަފީ ޗެލެންޖުން އައުސް އައުޓް..” ޒީޝާ މިހެން ބުނުމާއި އެކީ އައުސް ފުންމައިގެން ތެދުވިއެވެ.
“ވަޓް…” ދެލޯ ބޮޑުކޮށްލަމުން އައުސް ބުނެލިއެވެ. ޒީޝާ ފާޑަކަށް ހޭންފެށިއެވެ. އައި ރުޅިން މުޅި ގައިގައި ރަޖާގަނޑު އޮޅާލަމުން އަނެއްކާވެސް އައުސް އޮށޯވެލިއެވެ.
“ޔޫ ވޮން…” ޒީޝާ އައުސް ކަންފަތް ދޮށުގައި ބުނެލިއެވެ.
“އުނދަގޫ ނުކުރޭ…” ޒީޝާ ދުރަށް ކޮއްޕާލަމުން އައުސް ބުނެލިއެވެ.
“އޯކޭ… ނިދަން އޮވޭ.. ހޭލާފަ އެފްބީ ބަލާފަ ފޮނިވެގެން ޒީ ކައިރިޔަށް ނާންނާތި އައި ވޮން އޭ ކިޔާފަ… މީ މީހުން ނިދާގަޑިތަ؟” ރުޅި އައިސްގެން ޒީޝާ ދާން ހިނގައިގަތެވެ. ޒީޝާ ދިއުމުން އައުސް އެއް ލޯ ހުޅުވައިލިއެވެ. އަދި ފޯނުނަގައި ރަޖާގަނޑު ދަށުގައި އޮވެގެން އެފްބީ ބަލައިލިއެވެ. އެވަގުތު ފެނުން އެއްޗަކުން އައުސް އުފަލުން ފޮޅުނެވެ. ނަމަވެސް ސިއްސައިގެން ދިޔައީ ކޮންމެވެސް މީހަކު އޭނަގެ ގައިމަތީ އޮތް ރަޖާގަނޑު ނެގީމައެވެ. ބަލައިލިއިރު ކުރިމަތީ ހެވިދިލިފައި ހުރީ ޒީޝާއެވެ. ޒީޝާ ފެނުމުން އެޔަށްވުރެ ބޮޑަށް ހީލުމަށްފަހު އައުސް ކޮޅަށް ތެދުވިއެވެ. އަދި ޒީޝާގެ ގައިގައި އޮޅުލައިގަތެވެ.
“އައި ވޮން… އޯ މައި ގޯޑް… ޒިޕީ އައި ވޮން…” އުފަލުން އައުސް ހަޅޭތްލަވައިގަތެވެ.
“ކޮން އީދެއް އައިސްގެން ތިއުޅެނީ؟” އާލިމް އައިސް ވާހަކަ ދެއްކުމުން އައުސް ޒީޝާއާއި ދުރުވެލިއެވެ. އައުސް އާއިލާގެ އެންމެންނާއި އެކީ އޭނަގެ އުފާ ހިއްސާކުރިއެވެ. އެންމެ ބޮޑަށް އުފާކުރީ ޒީޝާއެވެ. ހީވަނީ އެއީ ޒީޝާއަށް ލިބުން ކުރިއެރުމެއް ހެންނެވެ.
ހަވީރުގެ ވަގުތެވެ. އައުސްއާއި ޒީޝާ ތައްޔާރުވަމުން ދިޔައީ މިއަދު ހުޅުމާލޭގައި އޮތް ފޮޓޯ ޝޫޓަކަށެވެ. އައުސްގެ މުޅި ދިރިއުޅުން ބިނާވެފައިވަނީ އެކަމުގައެވެ. ހުރިހާ އެންމެން އެކަމަށް ތަރުހީބުދޭއިރު އެކަމާ ނުރުހެނީ ޒީޝާގެ މަންމަ ޝިޔާނާއެވެ. ޝިޔާނާ ގަބޫލުކުރާގޮތުގައި ފޮޓޯގްރަފީއަކީ އެއްވެސް ކުރިއެރުމެއް އޮތް ކަމެއް ނޫނެވެ. ހަރުދަނާ މަސައްކަތެއް ނުކުރާނަމަ ޒިންމާދާރު މީހަކަށް ނުވާނެ ކަމައް އަބަދުވެސް ބުނެއެވެ. ޝިޔާނާ ބުނާފަދައިން “ޒިންމާ” އެ ލަފްޒަކީ އައުސް ދަންނަ އެއްޗެއް ނޫނެވެ. އައުސްގެ ހުރިހާ ޒިންމާއެއްވެސް ބަލަހައްޓަނީ ޒީޝާއެވެ. ޒީޝާ އައުސްއަށް ބާރުނާޅާނަމަ އައުސްއަކީ މިއަދު އެއްވެސް މީހެއްނޫނެވެ. އައުސްގެ ހުވަފެންތަކުގައި ކުލަޖެހެމުން މިދަނީވެސް ހަމަ ޒީޝާގެ އެއްބާރުލުމާއި ހިތްވަރުންނެވެ. އަމިއްލަ ވަޒީފާއަށް ސަލާމް ބުނެފައިވެސް އައުސްއަށް އެހީވުމުގައި ޒީޝާ ދެމިހުންނަނީ އައުސްދެކެ ވާ ލޯތްބެއްގެ ބޮޑުކަމުންނެވެ.
“ތަންކޮޅެއް ބޮޑަށް ލޯ ހުޅުވަބަލަ…” ކެމެރާ ތިރިކޮށްލަމުން އައުސް ބުނެލިއެވެ.
“އައުޓީ… އޭނަގެ އޭނީ ބުޅާ ލޮލެއް ނޫނޭ ލޯ ބޮޑުކުރާކަށް..” ޒީޝާ ބުނެލިއެވެ. ޒީޝާ އެހެން ބުނުމުން ކެމެރާ ފުރަގަހުގައި ތިބި އަންހެން ކުދިންތައް ހޭންފެށިއެވެ.
“އެކަަމަކުވެސް ހީވަނީ ނިދާފަ ހުންނަހެން….” އައުސް ހަމައެކަނި ޒީޝާއަށް އިވޭވަރަށް ބުނެލިއެވެ. އައުސް އެހެން ބުނެލުމުން ޒީޝާ ފާޑަކަށް ހޭންފެށިއެވެ.
ފޮޓޯ ނަގައި ނިމުމުން އައުސް އެއްޗެހިތައް އަޅާ މާލެދާން ތައްޔާރުވަމުން ދިޔައެވެ. އެވަގުތު އައުސްއަށް ފޯނެއް އައެވެ. އަވަސް ކޮށްލާފައި ފޯނުނަގާ ބަލައިލިއިރު ގުޅަނީ ކޮންމެވެސް އޮފީހެއްގެ ނަމްބަރަކުންނެވެ. އައުސް ފޯނު ނަަގައި “ހަލޯ” އޭ ބުނެލިއެވެ.
“އައުސް؟” އެކޮޅުން އަންހެން ކުއްޖަކު ބުނެލި އަޑު އިވުނެވެ. އެއަޑު ޖެހުމުން އައުސްގެ ކަންފަތައް ހީލިއަރައިގެން ދިޔަހެން ހީވިއެވެ.
“އައިޝާ! ޕާސަނަލީ މިގުޅާލީ މިކުންފުނިން ބޭއްވި ފޮޓޯގްރަފީ ޗެލެންޖުން ފޭސްބުކްގައި އެންމެ ގިނަ ލައިކްސް އެންޑް ޝެއާރ ހޯދައިގެން އެއްވަނަ ހޯދީމަ… ކޮންގްރެޓްސް…” އައިޝާގެ ރީތި އަޑުން ވާހަކަ ދައްކަމުންދިޔައެވެ. އައުސް ހީލުމަށްފަހު “ޝުކުރިއްޔާ” އޭ ބުނެލިއެވެ. އައިޝާ އެދުނީ މާދަމާ ހެނދުނު އޭނަގެ އޮފީހަށް އައުސް އައުމަށެވެ. އެކަމަށް އެއްބަސްވެފައި އައުސް ފޯނު ކަނޑައިލިއެވެ.
“ކާކު ގުޅީ؟ ދަތް ނޫންގުޅާތަ ތިހުރީ؟” ފާޑަކަށް ނިތް އަރުވާލަމުން ޒީޝާ ބުނެލިއެވެ.
“އުނގުޅިން އިނގޭ! ހަޑީތަ؟” ދަތްޕިލަ ދައްކާލަމުން އައުސް ބުނެލިއެވެ. ޒީޝާވެސް ބޯހޫރާލުމަށްފަހު ހީލިއެވެ.
“އައިޝާ ގުޅީ!” އައުސް އެހެން ބުނެލުމުން ޒީޝާ ދެލޯ ބޮޑުކޮށްލިއެވެ.
“އައިޝާ މަގޭ އައުޓީއަށް ގުޅީ؟ ކީކޯ ބުނީ؟” ހައިރާންވެފައި ޒީޝާ އަހައިލިއެވެ. އައުސް އައިޝާ ބުނި ވާހަކަ ޒީޝާ ކައިރީ ބުނެލިއެވެ.
“ވާއު… މަގޭ އައުޓީ ފޭމަސް ވާނެ ދުވަސްކޮޅަކުން… އައި މީން މިހާރުވެސް އެފްބީގަ ފޭމަސް އެކަމަކު ދެން މިޔަށްވުރެ ބޮޑަށް…” އައުސްގެ އަތުގެ މުލައްދަނޑީގައި ހިފާލަމުން ޒީޝާ ބުނެލިއެވެ. އަދި އެއްޗެހިތައް ހިފައިގެން ދެމީހުން ފެރީ ޓާމިނަލްއަށް ދާން ހިނގައިގަތެވެ.
ރޭގަނޑުގެ ވަގުތެވެ. މުޅިގޭތެރޭގައިވަނީ އަނދިރިކަމެވެ. އަނދިރީގައި ފޯނުހިފައިގެން ސިޓިންރޫމުގައި އައިޝާއިނީ އައުސް ނަގާފައިހުރި ފޮޓޯތައް ބަލާށެވެ. މިހެން އިންދައި ކުއްލިއަކަށް މުޅިތަން ދިއްލިގެން ދިޔައެވެ.
“މަންމަ ބުނަމެއްނު އަނދިރީގަ ނީންނާށޭ..” އައިޝާގެ މަންމަ ފަރީޝާ ބުނެލިއެވެ. އަދި އައިސް އައިޝާ ކައިރީ ސޯފާގައި އިށީނެވެ.
“އަނދިރީގަ އިނީމަ މީހުންނަކަށް ފާހަގައެއް ނުވާނެ ކާކުކަމެއް… މީހުންގެ ސަމާލުކަމަކަށް ނާންނާނެ..” އެއިން ގޮތައް އިނދެ އައިޝާ ބުނެލިއެވެ.
“ދަރިފުޅާ… ދެން ތި ގޮތް ދޫކޮށްލަބަލަ… މީހުންގެ ތެރެޔަށް ނިކުމެ ދުނިޔެ ރަގަޅަށް ދަސްކޮށްބަލަ… އޮފީހެއްގެ ބޮސްއަކަށް ވެގެން އަބަދު އަމުރުވެރި މީހަކަށް ވެގެން އުޅޭކަށް ނުވާނެ… މީހާގެ އެތެރޭގެ ރީތިކަން ފެންނާނީ ހިތްހެޔޮކަންމަތީ މީހުންގެ ކުރިމައްޗައް ނިކުމެގެން… އަނދިރިކަމުގަ ކުލަޖެހޭނީ ރައްޓެހިން ހޯދައިގެން…..” ފަރީޝާ ވާހަކަ ދައްކަމުން ދިޔައެވެ. ނަމަވެސް އައިޝާ އެއްވެސް ސަމާލުކަމެއްނުދީ ފޯނާ ކުޅެމުންދިޔައެވެ. ހީވާގޮތުން އެއީ އޭނަ އަޑުއަހަން ބޭނުންވާ ވާހަކަތަކެއް ނޫނެވެ.
“އިޝީ އިވޭތަ މަންމަ މިދައްކާ ވާހަކައެއް؟” އައިޝާ އަނގައިން ނުބުނުމުން ފަރީޝާ އަނެއްކާވެސް ވާހަކަ ދެއްކިއެވެ.
“މި ކުލަގަދަ ދުނިޔެއަކު މީހަކަށް ހެޔޮއެދޭ މީހަކު ނޫޅޭނެ… އެންމެންވެސް އުޅޭނީ އަމިއްލަ އެދުމާގެން… ކިތަންމެ ރީތި ސިފަޔެއްގެ ކިތަންމެ ހިތްހެޔޮ މީހަކަސް އެތެރެ އޮންނާނީ ހަމަ ދެލިގަނޑެއްހެން…. އަހަރެންގެ ހަޔާތުގަ ގެއިންބޭރުގަ އަހަރެންގެ އުފަލަކީ އަހަރެންގެ އަމިއްލަ އޮފީސް… އެތާންގަ އުޅޭ މީހުންނަކީ އަހަރެންނަށް ބިރުވެތިވާން ޖެހޭނެ ބަޔެއް…. މަންމަތީ އަހަރެންގެ ބަލި ފައި…. އެކަމަކު މަންމަވެސް ޖެހޭނީ އަހަރެން ބުނާ ގޮތައް ހަދައިގެން އުޅެން!” އަމުރުވެރި ރާގަކަށް މިހެން ބުނެލުމަށްފަހު އައިޝާ ތެދުވެގެން ކޮޓަރިޔަށް ދިޔައެވެ. ފަރީޝާ އެއިންގޮތައް އައިޝާ ތެދުވެގެން ދިޔަ ދިމާއަށް ބަލަން އިނީއެވެ. އެމޫނުމަތިން ފެންނަމުން ދިޔައީ ހިތާމަވެރިކަމެވެ. އިރުކޮޅަކު މިހެން އިނުމަށްފަހު ފަރީޝާ ދެން ދިޔައީ އައިޝާގެ ކޮޓަރިއަށެވެ. ފަރީޝާ ދޮރު ހުޅުވާލިއިރު އައިޝާ އޮތީ ލެޕްޓޮޕް ހިފައިގެން އެނދުމަތީގައެވެ.
“ނިދާލަބަލަ… ދުވާލު އެވަރަށް މަސައްކަތްކޮށްފަ ރޭގަނޑު ނުނިދާ އެހާ ލަސްވަންދެން ހުންނާކަށްނުވާނެ….” ކޮޓަރި ދޮރުމަތީ ހުރެގެން ފަރީޝާ ބުނެލިއެވެ.
“މަސައްކަތެއް ނުކޮށް އުޅެން ވެއްޖެނަމަ ސަލާން ޖަހަން ޖެހިދާނެ…. ނިދި އައީމަ ނިދާނަން!” އައިޝާ މަންމަގެ މޫނަށް ބަލައިލަމުން ބުނެލިއެވެ. އައިޝާގެ ޖަވާބު ލިބުމުން ފަރީޝާ އެކޮޓަރިން ނިކުމެގެން ދިޔައެވެ.
މަންމަ ދިއުމުން އައިޝާ ވަގުތުން ލެޕްޓޮޕް ލައްޕައިލިއެވެ. އަދި ތެދުވެގެންގޮސް ކޮޓަރީގެ ދޮރު ލެއްޕުމަށްފަހު ތަޅުލިއެވެ. ދެން އައިސް އިށީނީ ކޮޓަރީގައި ހުރި ސޯފާގައެވެ. މިގޮތައް ލޮލަށް ނިދިނައިސްގެން އެތައް އިރަކު އޮތެވެ. މިއީ ކޮންކަހަލަ އަންހެން ކުއްޖެއް ހެއްޔެވެ؟ މިހާ ޅަ އުމުރުގައި ފައިސާއާއި އިއްޒަތާއި ގަދަރު ލިބިފައިވާއިރު، ކޮންމެވެސް ކަމެއް އައިޝާގެ ހަޔާތުގައި މަދެވެ. މިހުރިހާ އެއްޗެއް ލިބިފައިވާއިރު އެމޫނުމަތިން އުފާވެރިކަމެއް ނުފެނެއެވެ. ހިތައް ހަމަޖެހުމެއް ނުލިބެއެވެ. އެކުވެރިންނެއް ނެތެވެ. މަންމަ ފިޔަވާ އާއިލާގެ މީހެއް ނެތެވެ. އަޮފީހުގައި ހުރިހާ މުވައްޒަފުން އައިޝާގެ ނަން އިވުނަސް ތިބެނީ ބިރުން ވިރިވިރިއެވެ. އެންމެ ކުޑަމިނުން އަމިއްލަ މަންމަވެސް މިއާދަޔާ ހިލާފު ދަރިފުޅުދެކެ ބިރުގަނެއެވެ. ފަރީޝާ އަބަދުވެސް ވިސްނަނީ ގެއްލިފައިވާ އައިޝާގެ ހަޔާތުގެ ހިއްސާ ހޯދައިދޭނެ ގޮތެކެވެ. ނަމަވެސް އައިޝާގެ ހުންނަ ސިފަޔަކުން ނަސޭހަތުގެ ގޮތުން ބަހެއްވެސް ބުނެވޭކަށްނެތެވެ.
އައިޝާގެ މުޅި ދިރިއުޅުން ބަދަލުވެގެން ދިޔައީ މީގެ ފަސްއަހަރު ކުރިން އައިޝާގެ ކާފަ ނިޔާވުމުންނެވެ. ކާފައަކީ މުއްސަނދި ވިޔަފާރިވެރިއެކެވެ. މަރުވުމުގެ ކުރިން ކާފަ ދިޔައީ އައިޝާގެ ނަން މައްޗައް ހުރިހާ މުދަލެއް ބަދަލުކޮށްފައެވެ. ފަރީޝާއަކީ އައިޝާގެ ކާފަ ޖާބިރުގެ ހުރި ހަމައެކަނި ދަރިއެވެ. ނަމަވެސް ވަކި ހިސާބަކުން ފަރީޝާކުރި ކުށެއްގެ ސަބަބުން ޖާބިރުވަނީ ފަރީޝާއާއި ގުޅުން ކަނޑާލާފައެވެ. އައިޝާ އެއީ ކޮންކަމެއްތޯ ހޯދަން ވަރަށް މަސައްކަތް ކުރިއެވެ. ނަމަވެސް އެކަކުވެސް އެކަމަކާ ވާހަކައެއް ނުދައްކައެވެ. ފަރީޝާ ހީކުރި ގޮތާއި ހިލާފަށް ޖާބިރު ވެގެންދިޔައީ ވަރަށް ރަގަޅު ކާފައަކަށެވެ. އަމިއްލަ ނަފްސަށްވުރެ ބޮޑަށް އައިޝާދެކެ ލޯބިވެއެވެ. އެހެންކަމުން އައިޝާ ފަށަން ބޭނުންވާ ކަހަލަ ވިޔަފާރިއެއް ހުޅުވައި ދިނުމަށްފަހު ކާފަ ވަނީ އައިޝާގެ ހިތް ރޮއްވާލަމުން ދުނިޔެ ދޫކޮށް ގޮސްފައެވެ. އޭގެ ފަހުން އައިޝާގެ އަމިއްލަ މަސައްކަތުން މުޅި ކުންފުނި ވަނީ ނަގާ ކޮޅަށް ޖަހާފައެވެ. އޭގެ ނަތީޖާއެއްގެ ގޮތުން އައިޝާ ވެގެން ދިޔައީ ނުފޫޒު ވަރުގަދަ އަދި އަމުރުވެރި ކުއްޖަކަށެވެ. އަމިއްލަ ނަފްސު ދުނިޔޭގެ އުފަލުން މަހުރޫމުކޮށް މުޅި ދިރިއުޅުން އެކީ މަސައްކަތައް ދޫކޮށްލީއެވެ. މަންމައާއި އެކު ގޭގައި ހޭދަކުރާ މަދު ވަގުތު ފިޔަވާ ހުރިހާ ވަގުތެއް ހޭދަވަނީ އޮފީހުގައި ބުރަ މަސައްކަތުގައެވެ.
ދެން އޮތީ އައިޝާގެ ބައްޕަގެ ވާހަކައެވެ. އައިޝާ ހަނދާންވާން ފެށީއްސުރެ މަންމައާއި ބައްޕަވަނީ ވަކިވެފައެވެ. އައިޝާއަށް ފެނުން ބަޔެއް މަންޒަރުތަކުން އައިޝާގެ ކާފަ ޖާބިރު އޭނަގެ ބައްޕަ ރިޔާޒްދެކެ ވަރަށް ރުޅިއަންނަ ކަމަށްވެއެވެ. މިވާ އެއްވެސް ކަމެއް އައިޝާއަކަށް ނޭންގެއެވެ. ނަމަވެސް އުމުރުން 15އަހަރުގައި ބައްޕަގެ ފަރާތުން ފެނުން ކަމެއްގެ ސަބަބުން އައިޝާ ބައްޕަގެ ނަން އިވުނަސް ބިރުން ވިރިގެން ދެއެވެ. ފޫހިވެއެވެ. ރުޅިގަދަވެއެވެ. އެހާ ހިސާބުން ކާފަ ބައްޕަދެކެ އެހާ ރުޅިއަންނަ ސަބަބު ކޮންމެވެސް ވަރަށް އިނގިގެން ދިޔައެވެ. އަދި އޭގެ ފަހުން ބައްޕަ ޖަލަށް ދިޔައީ ކާފަގެ ސަބަބުންނެވެ. އެހުރިހާ ކަމެއްގައި އައިޝާގެ ހިއްސާވެއެވެ. ހުރިހާ ކަމަކާ ކޮންމެވެސް ގޮތަކައް އައިޝާ ގުޅިފައިވެއެވެ. ނަމަވެސް އެއީ މީހުންގެ ލޯތަކަށް ކަޝްފުވެފައިވާ ހަގީގަތްތަކެކެވެ. ބައްޕަ ޖަލަށް ދިޔަ ހިސާބުން އައިޝާގެ ހިތައް ކޮންމެވެސް ވަރެއްގެ ހަމަޖެހުމެއް ލިބިގެން ދިޔައެވެ. ނަމަވެސް އައިޝާގެ ހަޔާތުގެ ވަރަށް މުހިއްމު ހިއްސާއެއް ވަކިވެގެންދިޔައެވެ. އެކަމުގެ ހިތާމަ މިހާރުވެސް އައިޝާ ކުރެއެވެ. މިހާރު އައިޝާގެ ހަޔާތުގައި މަންމަ ފިޔަވާ އެކަކުވެސް ނެތެވެ. ޖާބިރު ދިރި ދުނިޔޭގައި ކޮންމެވެސް ވަރެއްގެ އުފާވެރިކަމެއް ދެމައިންނަށް ލިބުނެވެ. ނަމަވެސް މިހާރު ހުރިހާކަމެއްވަނީ ބަދަލުވެފައެވެ. (ނުނިމޭ)
17
Other Articles
އުފާވެރި އާއަހަރަކަށް މަޜުހަބާ…(2017)
އާ އަހަރެއް ފެށުމުން…
56 Comments
Comments are closed.
So this is a beginning of a new story from the beginning of new year. Happy new year guys. Enjoy!!❤❤
Yay me first! Feshun v reeethi!! Happy new year ifaau
Salhi feshun. Konme dhuuhakuves upload kohdhechey pls. Mivaahaka v reethi vaanehen feshumun heevey. All the best?
Thank you Eem
Happy new year!
Askuves mihaaru ulhenee amilla edhumaagen ulhey meehun. Aisha ebunee hama heyokoh. Feshun is superb
Thank you Amy
Feshun reethi//// Pls continue it without and stop
Thank you
Sony TV in genasdhey “beyhadh” ge copy eh dhw mi.. Copy akas Vaahaka kiyaahihvaagothah ibaaraithaka sifa kuruma ehchehi gendhevijeya rythi vaane.. best of luck..
Thank you
Milee ?
This ain’t a copy. Story mulhin thafaathu vaane gendhaa goiy. Kuriah huri baithah keema ingeyne dhn
Thui vumuge bai maa bodee. Autee, zippy, Ishy… Emmenah thui vanamun keema varah hadi.
Cause we are “Thui” in our own lives.
Mi Vaahaka varah vahtharu channel Sony in anna beyhadh serial aa ?
Wahtharu gotheh eba huri ekam story thafaathu vaane?
Ifaa malak ah engey u…. Vvvv nice feshun ingey….. Keep it up….
Oh cool. Thank you
Aslu ves heevanee Sony tv ge draama copy kohfa hen
Ya dhw
Guys ifaauge kureege vaahaka vs kihaa reethi! She said this one will be different… Just read the upcoming parts and judge. I trust her. Copy eh hen heeviyas she said thafaathu vaaneyey so please keep reading and lets see what happens
Thank you QueenBee. Yeah let’s see dhoa
sony tv anna drama ge copy eh… name ves ekahcheh….
Gaboolehnukuraane miulhey baeh kiutherin kithanme v rakahbunyas
Ifaau copy ekey bunyas vaahaka huttaanulaa kuriyahgendhey saandy hen ninmaafa huttaalaanee vv reethi
Thank you. Yeah vaahaka ninmaanee copy eyh kiyaa kudhin sissuvaalaafa. Insha allah?
masha allah varah reeth story eh mi 🙂
vahaka mee beyhadh copy koffa…. feshumuga varah kuda thafaatheh inee…. dhn gina meehun copy ey bunyma konme meehaku ves kada vaane dhw… ehenve dhw thibuny thafaathu vaaney…. aslu liyuntheriya heekuru kiyuntherinnaky gamaarunney… neyngeyney….. lol…… lets see dhw dhn vaa goithah….
Amillayah thi gamaaru vanee manjey!!Eyna nubuneyey kiyuntherinnakee gamaarekey!! Aharennah ingey Ifaau varah rangalhah. Ifaau ge ehn vaahaka thah KurinbeeLive in kiyan. Varah thafaathu konme vaahaka ehvs! Ehnveema I trust her….
Yeah ma ves kiyan. Amy thibunee hama ragalhah. Mi meehun miulhenee Ifaau adhi neyngigen. Ifaau akee v thafaathu vaahaka liyaa kujjeh. Mivaahaka kudakoh ehgoiy viyas eyna bunefi dhoa thafaathu vaaneyey! Miulhenee heybali vegen ulhey bayeh huvaa mibunee…..??
keehve esfiya holhuashi beynun nukurevenee
can anyone plx tell
vaahaka varah salhi konme copy akah vias
varah rythi
looking forward for upcoming parts
please avas kurahchey ingey
cant wait to read
I ah mahsala eh neh copy eh viyas. Beyhadh ge concept ah vaahaka eh beynun. Reethi vanikoh i ah evy.
Story reethi. Ekm feshumuga success maa ginain use koffa hureema hadi. Kamiyaabee liyun nama maa reethivees
Aishaa: mayaa
Zeesha: saanjh
Aaus: arjun
Naazim : prem mathur
Shiyaana: sudha
Riyaaz: mr.mehrothra
Fareesha: jhanvi
Aalim: ayaan
Aauuttyyy: duffer
Xippy: dusky
Will u still say dis is not a copy of beyhadh bruh? This is one of the fav drama series i watch everyday.. so i knw every little thing about this drama… aftr reading this i must say this is a copy of beyhadh! Dude vaahaka liyumaky meeha ah libifaaa talent eh! Amilla khiyaali story eh liyun budhdhiveri! Copy kuryma kada.. now we all know kuriah dn vane goiyy!kada ehn veema! But let see dw dn.. good luck! Ekam hevey copy ehveema ngey kada nuvaathi!
Aalheiy koanchkey kiyaakah? Vaahaka kiyaakah noontha mi site ah vannanee eh? Bala maves thi drama eh balan. Moya vegnneh noolhemey. Vaahaka kiyaanee. Kihineh ingenee kuriyah kihineh kameh vaanee? She said dhw thafaathu vaaneyey. Meedhen kihaa dhera kameh
Heyonuvaane seee ves nukurey vaahaka kiyaane kameh neiy thihuree maa rangalhah ingifa ehnu dhoa. Let her write please!!
Kon dude eke kiyaakah? Amayey kiyaa… Thikahala meehun vaahaka nukiyaanee. Kaakutha e drama ge casts neyngigen miulhenee? Amilla molhukan ehen meehaka dhakkaa
Happy new yr Ifaau. V reethi. Konirakun anebai?
Kaley meehun gabul kuriyas nukuriyas feshun aee hama copy eh..hajam plx ulhey vahthareh dw mi meehuhan.. ulhey faadu.. ame men ifauu dhannathy kanneyge thihen thi bunany.. nuny hama 09 LoL ge comments thah hajam nuvegen thiulheny.. and faranjee mithanaha aannany vaahaka kiyantha? Nuny meehunge amayayh bafayah govanthah? Hama faranjeee ge vx amaa hunnane dw.. ehn meehaku faranjee mamma r keema rulhi vx annane kada vx vaaane..,bas bunumuge kurin visnalabala..,anyways we all came here to read story and comment kuraan .. ehn v ma emeehehge amilla khiyaalu faalhu kurumuge haggu libigem vey… meege maana akay meehun amaayaa kiyaashey nun bro! Ekaku anekaku comments ah respect kohbala..
Hey let her write this story.. Thi series nubalaa.meehunves ulheyne..emyhunnan kiyeynehnu..vaa goii ingenyaa nukiyaa thibeba…first part v salhi..pls Dnt stop writing the story..good luck
Hmm e series eh adhi nubalan thi v gothun v balaahihvejje… Vaahaka ves v rythi. Ahannah maasala eh noon vaahaka copy vumakun.. Vaahaka rythiyya nimuny.
Maaiykalaakoa!!!! Miulhenee alah series eh balaigentha mikudhin? Vaahaka v reethi. Meehun kiyaa ehchakah nubalaa liyey. “Thaasha” nimun fahun Ifaau mathin v miss vi. Inthixaarah nimun aibaarah mi meehunthah mi kiyaa ehchakun rulhi gadhavey eba!! Vaahaka kamunudhaa meehun an’ga nuthalhaa nukiyaa thibeynee. Emme kudaminun liyaa meehaa kuraa massakathah appraciate kuraan vs neyngey bayeh mee huvaa. Thivaru meehun vaahka nukiyaanee….. Kee going ifaau. Love you. J vaa meehun baithibbaa alhaalaa ehcheh noon. I’m with you❤❤
Well said!! Judge kuraairu mi meehun heevanee ehen fadha kameh hen
Aan dho hama alah duraama eh fenigen e ulhenee
Aaa ekey…. Mivaru meehun vaahaka nukiyanveenu dhw Anonymous
Wait and read guys. I have no hard feelings for anyone. I will complete the story! Readers who are with me can continue reading!! I love you all??
V reethi. Please update daily?
Hajam kuran dhathi vaa kudhinkolheh dhw miulheny… Ifaau is the best ?? keep going love.. ❤ haters will hate.. we all are with you. ❤
good luck. waiting <3 . n happy new year to all <3
Sony tv in dhahkaaa beyhadh ge copy eh kamah belevey..????fukeh boduvaru vaahaka liyaa hih viyas
pis….pis…. hama huvaa hini annany…. dhn copy kuriyas bodu varu…. lol… copy kuryma eygen dheyhavany amilla hiyaalah vahaka liyan neyngey kan…. meena ah vure molhu mi ste ah vahaka liyaa reen ves. e manje ah vahaka ibaarai kuran neyngunas concept reethithaa…… hahahahaha……….. hajam peeps…….
Ifauuuuuu amy athah dheebala thi vaahaka liyan. Varah heevey eyna liyaa hithun hurikan.eyna eba balaaa reply dheythwvx??? ifaauu ah vure reechah liyaane kanneyge???
beyhadh is one of my fav series
i know first part is a copy that nobody can change
konme meehaku ves amee haku hih adhey meehaku copy kurias nuvatha ehen kameh kurias its nothing for those pple
but as you know mee vahakha site eh so thousands of pple read story so comments ves kuranee on their views so nobody is dare to argue
just bcx he or she told its a copy or something something
copying is not good
thaafaathu vaaney buni nama ves mi partakee hama full copy eh
copy kurumakee mahsala eh
if you are copy you want progress
dont copy learn from others work
its a request
Bodugothah copy eh? mihaaru comment mi kurany beyhadh ge fan?
Beyhadh thibunee v ragalhu vaahaka eh. I agree. Vaahaka eh liyanya amilla ideas thah baynunkohlun v fenay. Ehcheh copy kolliyas thiothy eves oiy gothah vaki thafaathehvea neh. Ehen v ma bunevayne ehnu dhooooo. Dhen lets c up coming parts.
Sony tv in dhahkaa beyhadh ge copy eh mee hma yageen furathama part..