ފުން ލޯބި (7)

ޒައިން ދިޔުމުން ހައިކަލް ޓީވީ ހުޅުވާލިއެވެ. އެވަގުތު ޓީވީ އިން އަންނަމުން ދިޔައީ ވަރަށް ރީތި ލޯބީގެ ހިންދީ ލަވައެކެވެ.

” ޔަލް ހާދަ ރީއްޗޭ” އިވެމުން ދިޔަ ލަވައިގެ ތެރަށް ގެއްލިއިނދެ ހައިކަލް ބުނެލި ކަހަލައެވެ. އެވަގުތު ހައިކަލްގެ އަޑުއައި ދިމާއަށް އެނބުރިލީމެވެ.  މޫނުގޮސް ޖެހުނީ ހައިކަލްގެ މޫނުގައެވެ. ހައިކަލް އެހާ ކައިރީގަ ބަލަންއިން ކަމެއް އަހަރެންނަކަަށް ނޭންގެއެވެ. އިނގޭނީވެސް ވަކި ކިހިނެތްހެއްޔެވެ. އަހަރެންގެ ނުކުޅެދުންތެރިކަން އެންމެބޮޑަށް އިހްސާސްވަނީ މިކަހަލަ ގަޑިތަކުގައެވެ. އަހަރެންގެ ލޮލަށް ފެންނަ ނަމަ މި ވަގުތުކޮޅު ކިހާ ހިތްއުފާނެ ހެއްޔެވެ.  ދެމީހުނަށް އެކަކު އަނެކަކަށް ބަލަހައްޓައިގެން ތިބެވުނީސްއެވެ. އަހަރެެން ކުޑަކޮށް ހައިކަލްއާ ދުރަށް ޖެހިލީމެވެ. އަދި ސޯފާގަ ލެގިލުމަށްފަހު ލޯ މަރާލީމެވެ. އެވަގުތު ހިފަހަށްޓައިގެން ހުރި ކަރުނަތަށްވެސް އޭގެ މަގާމު ދޫކޮށް ކޯތާފަތްމަތި ތެއްމަމުން ދިޔައެވެ.

” ޔަލް… ރޮނީތަ” ހައިކަލް ކުޑަކޮށް ހާސްވެފަ ސުވާލްކޮށްލިއެވެ.

” ހައިކް އަޅެ އަހަރެންގެ ލޮލަށް ފެންނާނެތަ” ހިތުގަ އޮތް ސުވާލު ހައިކަލްއާ ކޮށްލީމެވެ.

” ޔަލް.. ބުނީމެއްނު ތިހެން ނެގަޓިވްކޮށް ނުވިސްނާށޭ… އެ އޮޕްރޭޝަންއަކީ ފިފްޓީ ފިފްޓީ އެއްޗަކަށްވާއިރު އަނެއް ސައިޑްއަށްވެސް ޔަލް ވިސްނަން ވާނެއްނު.. ވިސްނަބަ.. ޔަލްގެ ލޮަލަށް ފެނިއްޖިއްޔާ ޔަލް ކިހާ ހެޕީވާނެ…ތިހެންް ނެގަޓިވްކޮށް ވިސްނި ވަރަކަށް ހަމަ ނެގަޓިވް ހިޔާލްއަންނާނީ.. އަހަރުންނަށް ވުރެ މާ ބާރުވެރި ފަރާތެއްވޭ… ޑޮކްޓަރުން އުންމީދު ކަނޑާލާ އެތަށްކަމެއް އެބަވެއެއްނު.. ސޯ އެވަރަށް ނުވިސްނަބަ.. އިން ޝާ ﷲ ހުރިހާ ކަމެށްވެސް ރަނގަޅުވާނެ.. ޖަސްޓް ބީ ހެޕީ…” ހައިކަލް އެހެން ބުނެލަމުން އަހަރެންގެ ކަރުނަ ފޮހެލަ ދިނެވެ. ހައިކަލްގެ އެންމެ ލޯބި ސިފައަކީ އެ އޯގާތެރިކަމެވެ.  ހިތްވަރުު ދޭ ގޮތެވެ. ޑޮކްޓަރުންނަކީ އޯގާތެރި ބައެއްކަމަށް ވިޔަސް ހައިކަލްފަދަ އޯގާތެރި ޑޮކްޓަރަކާ އަހަރެންނަށް މި ދިމާވީ އަލަށެވެ.

” ޔަލް އެއްޗެއް އަހާލަންތަ…މި ސާލަކަށް ޔަލްއަށް އަހަރެން ފެންނައިރު ޔަލް ތިހީކުރާ ސިފަ އަށް ނުވެއްްޖިއްޔާ” ސީރިއަސްވެލާފަ ހައިކަލްކޮއްލި ސުވާލްއިން އަހަރެންނަށް ހިނި އަންނަގޮތް ވިއެވެ.

” އެހެން ވެދާނެތީ އަހަރެން އެއްވެސް ވަރަކަށް ހައިކްގެ ސޫރަ ސިފަކުރާކަށް ނޫޅެން..” އަހަރެންވެސް މަޖާވެލާފަ ބުނީމެވެ. ހައިކަލްއަށްވެސް ހެވުނެވެ. ހައިކަލް ކޮންމެ ސިފައެއްގަ ހުއްޓަސް އަހަރެންނަށް މައްސަލައެއް ނެތެވެ. އަހަރެން ނުކުޅެދޭމީހަކަށް ވި ދުވަހު އަހަރެން ބަލާގަތް އިރު އަހަރެން ހައިކަލް ބަލައި ނުގަންނަންވި ސަބަބެއްނެތެވެ. އެހެންނޫނަސް މީހާގެ ރީތި ކަމަކީ ބޭރުފުށުގެ ރީތިކަމެއް ނޫނެވެ. އަހަރެންނަށް ހައިކަލްގެ އެ ހުރިހާ ސިފައެއް ކަމުދެއެވެ.

“ޔަލްއަށް އިނގޭތަ ލަވަ ކިޔަން” ހައިކަލްކޮއްލި ސުވާލްއިން ހީވަނީ އަހަރެން ދަސް ކުރަން މަސައްކަތް ކުރާހެންނެވެ.

” ޔެސް ވަރަށް މޮޅުވާނެ ލަވަ ކިޔަން.. އެހެންވެ ނުކިޔަން މި ހުންނަނީވެސް.. ކިޔަން ފަށައިފިއްޔާ ލަވަކިޔުންތެރިން ބަނޑަށް ޖެހިދާނެ…” އަހަރެން އެހެން ބުނުމުން ހައިކަލްއަށް ހެވުނެވެ. އެހީލާ އަޑުވެސް އަހަރެންނަށް ހާދަ ހިތްގައިމެވެ. އެހެންހީލާފަ ހުންނަ އިރު އަހަރެންނަށް ފެންނާނެ ނަމައެވެ.

” ހައިކްއަށް މާ މޮޅަށް ލަވަކިޔަން އިނގެނީތަ.. ތި ހެނީ” އަހަރެންވެސް ހައިކަލްއާ ސުވާލްކޮށްލީމެވެެ.

” ޔެސް ވަރަށް މޮޅުވާނެ..  ޒައިންއާ ދެމީހުން ކޮލެޖްގަ އުޅުނުއިރު ވަރަށް ލަވަ ކިޔާ ހަދަން..އެކަމް ޒައިން  ފަހުން ލަވަ ކިޔުމާ ދުރުވި ފަހުން ވަރަށް ނުކިޔަން” ހައިކަލް ކިޔާދިނެވެ.

” ކީއްވެ ޒައިން ދުރުވީ” ހައިކަލް އެ ބުނި އެއްޗެއް އޮޅުންފިލުވުމަށް އަހަރެން ސުވާލްކޮަށްލީމެވެ.

” ވީ ގޮަތަކީ އޭރު އިންނާނީ ކޮލެޖްގަ ބޭންޑެއް ހަދާފަ.. ދެން އުޅޭނެ ދެ އަންހެންކުދިން ލަވަކިޔާ.. އެތަނުން އެކަކު ދެކެ ޒައިންއަށް ލޯބި ވެވުނީ.. އެކަމް އޭނަ ހުރީ ބުނަން ނުކެރިފަ.. އެ ދެމީހުންވެސް ވަރަށް ގިނަ ލަވަތަށް އެކުގަ ކީ ކޮލެޖްގަ އޮންނަ ފަންކްޝަން ތަކުގަ..ދެން ގުރެޖްއޭޝަން އަށްފަހު ފެއާވެލް ޕާޓީގަ ކުލާސް ކުދިން ކުރިމަތީ ޒައިން އޭނައަށް ޕްރޮޕޯސްކުރީ.. ބަޓް ޝީ ސެއިޑް ނޯ.. ބުނީ ޒައިންއަށް ނޭންގުނޭ ފްރެންޝިޕަކީ ކޮބައިކަންވެސް..އަސްލް ޒައިން އޭނަ ދެކެ ވަރަށް ލޯބިވޭ.. ދެން އެ ކަންތައްގަނޑު ތެރޭގަ އޭނަ ނިންމީ ލަވަ ނުކިޔަން.. އޭގެ ފަހުން އަދި އެ ރައްޓެހި ވީ ކުއްޖަކާ…ބައި ދަ ވޭ ޔަލް ކިތައް ކުދިންނާ ރައްޓެހިވިންތަ”  ޒައިންގެ ވާހަކަތަށް ކިޔާދީ ނިންމާފަ އެ ކޮއްލި ސުވާލުން އަހަރެންގެ ހިތަށް އުނދަގޫވިއެވެ.

” ވަން އެންޑް އައި ޑޯންޓް ވޮނާ ޓޯކް އެބައުޓް އިޓް” ހައިކަލް އެ ދިޔަ މައުލޫއެއްގެ ސަބަބުން އަހަރެންގެ މޫޑު އޮފްވާގޮތްވިއެވެ. އަހަރެން އެއްވެސް ވަރަކަށް އެ ހަނދާން އާ ކުރާކަށް ބޭނުމެއްނުވިއެވެެ.

” އޮ… އޯކޭ…” ހައިކަލްވެސް އިތުރަށް ސުވާލެއް ނުކުރެއެވެ.

” ހެއި ވަރަށް ލަސްވެއްޖެ ދޯ” ގެޔަށް ވަދެގެން އައި ޒައިން ބުނެލިއެވެެ.

” ހައިކް، ޔަލް.. މީ ރާޔާ…” ރާޔާގެ ނަން އަޑުއިވުމުން އެއީ ހަމަ އެ ރާޔާބާއޭ ހިތަށް އެރިއެވެ.

” އޯ މައި ގޯޑް ޔަލް… މިގޭގަ ކީއްކުރަނީ.. ހަބަރެއްނުވީމަ އައި ތޯޓް ބޭރަށް ފުރީކަމަށް އޮޕްރޭޝަން ކުރަން” ކަމެއްވީކަމަށްވެސް ހަދަ ނުލާ ރާޔާ އަހަރެންނާ ވާހަކަ ދެއްކިއެވެ. ނަމަވެސް މިގެއިން އަހަރެން ފެނުނީމަ އޭނަ ހައިރާންވިކަން އިނގުނީ ކޮއްލި ސުވާލްއިންނެވެ.

” ޔެސް.. ޔަލްއެއީ ހައިކްގެ ފްރެންޑެއް.. ތި ދެމީހުން ދަންނަންތަ ކުރިން” ވާނުވާ ނޭންގިފަ ހުރި ޒައިން ސުވާލްކޮށްލިއެވެ.

” ޔެސް ވީ އާ ބެސްޓީސް..” ރާޔާ އެހެން ބުނެލާފަ ކުޑަކޮށް އަހަރެން ގައިގަ ބައްދާލިއެވެ. އެ ގާތް ކަމުން އަހަރެންނަށް އުނދަގޫވާ ގޮތްވިއެވެ.

” މާ ރަނގަޅަކަށްނު މިވީ” ޒައިން އެހެން ބުނެލީ ރާޔާގެ ހަގީގަތް ނޭންގޭތީކަން އަހަރެންނަށް އިނގުނެވެ.

އެރޭ ކައްކައިގެން ކޭ ގަޑީގަ ރާޔާ އެކި ކަހަަލަ މަޖާ ވާހަަކަތަށް ދައްކަމުން ދިޔައެވެ. ހައިކަލްވެސް ދޭތެރަކުން އެވާހަކަ ތަކުގަ ބައިވެރި ވެލާނެއެވެ.

*****

ރޭގަ ލަހުން ނިދުމުގެ ސަބަބުން އަނެއްދުވަހު ހޭލެވުނީވެސް ފުދޭވަރަކަށް ލަހުންނެވެ. ގޭތެރޭ މާ އަޑުގަދަ ކަމުން އަަހަރެން ނާރީ އައުމުން ސުވާލްކޮއްލުމުން ބުނީ ރާޔާ އައިސް އުޅޭ ކަމަށެވެ. މިހާ އަވަހަށް ރާޔާ މިގެޔަށްވެސް އަންނަންފެށީއެވެ. ރާޔާގެ ޝިކާރަޔަކަށް  މިފަހަރު ވީ ޒައިންނެވެ. ޒައިން ގާތުގަ ރާޔާގެ ވާހަކަ ދައްކަންވީބާއޭވެސް ހިތައްއެރިއެވެ. ނޫނެކެވެ. އެކަހަލަ ވާހަކައެއް ދައްކައިފިނަމަ ޒައިންހީ ކުރާނީ އަހަރެން އެދެމީހުން ދުރުކުރުވަން ކުރާ ކަމެއްކަމަށެވެ. ރާޔާ ޒައިންކައިރީ ދައްކާފަ އޮތް ވާހަަކައެއްވެސް ނޭންގެއެވެ.

” ނާރީ ދޭ ތިރިއަށް… އަހަރެން މިދަނީ ޔަލް ގޮވައިގެން” ކޮޓަރިއަށް އައިސް ވެންނި ރާޔާ ނާރީ އާ މުހާތަބުކޮށް ބުނެލިއެވެ.

” ޔަލްވީ ހީކުރީތަ ޔަލްވީއަށް އެކަންޔޭ މުއްސަނދިކަން ލިބޭނީ… ކަލޭ މަށޭ ކިޔާފަ ޒައިން ކައިރީ އެއްޗެއް ބުނަން އަނގަ ހުޅުވާލިޔަސް ނިމުނީ.. ހަނދާންކުރާި!!!” ރާޔާގެ ވިހަ ބަސްތަށް އަޑުއަހާފަ އަހަރެން ރުޅި ގަދަވާގޮތްވިއެވެ.

” ޔަލް ކީއްވެތަ އަހަރެނަށް ތިހެން ތިހަދަނީ.. ކީއްވެތަ އަބަދު އަހަރެން ދެކެ ރުޅިއަިސްފަ ތި އިންނަނީ.. ޔަލްވީއަށް ކަމު ނުދަނީތަ އަހަރެން ޒައިންއާ ރައްޓެހި ވީމަ..” ކުއްލިޔަކަށް ރާޔާގެ ވާހަކަ ބަދަލު ވީމަ އަހަރެންއިނީ ހައިރާންވެފައެވެ.

” ރާޔާ.. ދެން ހުއްޓާލާ.. ރާޔާ ނުޖެހޭނެ މީހުން ކައިރީ އާދޭސް ކުރާކަށް..އޭނަ ވިސްނާގޮތަކަށް ވިސްނަން ބަހައްޓާ..” ދޮރުކައިރިން ޒައިން އަޑު އިވުމުން އަހަރެންނަށް ވާނުވާ އިނގުނެވެ. ރާޔާ ޒައިން އައުމުން މޮޅު ޑޮރާމާއެއް ޖެއްސީއެވެ. އަހަރެންއިނީ ބަސް ހުއްޓިފައެވެ. މޮޅު ވާހަކަ ތަކެއް ޒައިން ކައިރީ ދައްކައިގެން އަހަރެން ދައްކާވާހަކަ ޒައިން ޤަބޫލް ނުކުރާގޮތް ހެދީއެވެ. އަހަރެން ރާޔާދެކެ އިތުރަށް ފޫހިވިއެވެ. ނަމަވެސް ޒައިންގެ ދިރިއުޅުން ހަލާކުވާކަށްވެސް ބޭނުމެއްނޫނެވެ.

~ނުނިމޭ~