ލޯބި ވަން ޔާރާ އޭ 1

ލޯބި ވަން ޔާރާ އޭ…1
‘އޭލެވެލް’ އިން ލިބުނު ނަތީޖާ ފާހަގަ ކުރުމުގެ ގޮތުން މިޝެލް އާއި އޭނާގެ އެންމެ ގާތް ރަހުމަތްތެރިޔާ ނެހާ ފިހާރަ އަކުން އައިސްކޯން ގަނެލައިގެން އޮލަ ވާހަކައިގައި ތިބެ ހިނގަމުން ދިޔައެވެ. އެކުދިންނަކި މާލިބޭ އާއިލާ ތަކަކަށް ނިސްބަތްވާ ކުދިންނަށް ނުވިޔަސް އެފަދަ އުފާވެރި ކަންކަން އެފަދަ ކުދި ކުދި ގޮތް ގޮތުން ފާހަގަ ކުރާ ދެކުދިންނެވެ. ‘އޭލެވެލް’ ގެ ނަތީޖާ ރަނގަޅު ވުމާއި އެކު މައިންބަފައިންގެ ހަރަދުގައި އިތުރަށް ކިޔަވަން ބޭނުން ނުވާތީ އާއި އެކު ދެކުދިން ވިސްނަމުން ދިޔައީ ވަޒީފާ އަކަށް ވަންނާށެވެ. މިޝެލް އަކީ އިސްކޮޅުން މާ ދިގު ނޫނަސް ރީތި ކުއްޖެކެވެ.ބޮޑު ހެޒެލް ކުލައިގެ ލޮލަކާއި ހިމަ ިމަ ރީތި ނޭފަތެއްގެ އިތުރުން ބައްޓަން ރީތި ތުންފަތެއް ޤުދުރަތުން މިޝެލް އަށް ލިބިފައި ވެއެވެ. މިޝެލްގެ ބައްޕަ އަކީ ގްރީސް މީހެއް ކަމުން ރާއްޖެ މީހުނާ މިޝެލް ގެ ސިފަތައް ކުޑަކޮށް ތަފާތު ވީއެވެ. ބައްޕަ ގެ ގިނަ ސިފަ ތަކެއް ލިބުމާއި އެކުވެސް މަންމަ ގެ ބުޅި އިސްތަށިގަނޑު މިޝެލް އަށް ލިބިފައިވުމުން އެރީތިކަން އިތުރަށް ފުރިހަމަ ވެފައިވެއެވެ. ހިތާމަ އަކީ ހިނގި ކާރު އެކްސިޑެންޓެއް ގައި މިޝެލް ގެ ބައްޕަ މީގެ 7 އަހަރު ކުރިން މަރުވެފައިވާ ކަމެވެ. ހަމަ އެފަދައިން ނެހާ އަކީ ވެސް ހަޑި ކުއްޖެކޭ ނުބުނެވޭނެ އެވެ. ޝޯލް އަޅާފައި ހުންނައިރު ސްޓައިލިޝް ގޮތެއްހުރެ އެވެ. އިސްކޮޅުން މިޝެލް އަށް ވުރެ ދިގުވެފައި ހަންގަނޑު އޮމާނެވެ. އެހާ ދޮންނުވިޔަސް ނެހާ އަކީ ކަޅު ކުއްޖަކަށްވެސް ނުކިޔާނެ އެވެ.
“މި އައިސްކޯން އަށް ހާދަބައިވަރެކޭ މިހިރީ އަޅާފަ.މެލްޓް ވެގެން މިހާރު އަތަށްވެސް ފައިބަން ފަށައިފި. ޔޫ ވެއިޓް ނެހާ، އެބަ އަންނަން އޭނދަ ޑަސްބިން އަށް މި އެއްލާލާފަ” ނެހާ ބޯޖަހައިލުމުން މިޝެލް ހިނގައިގަތީ ދިހަވަރަކަށް ފޫޓް ދުރުގައި ހުރި ޑަސްބިން އާއި ދިމާއަށެވެ. އައިސްކޯން ގަނޑަށް ސަމާލުވެގެން ދާން ހަދައިގެން ކުރިމަތިން ހިއްލިފައި އިން ގާގަނޑެއް މިިޝެލް އަކަށް ނުފެނުނެވެ. ދުރުގައި ހުރި ނެހާ އަށް ފެނުނީ މިޝެލް ބިންމައްޗައް ވެއްޓިފައި އޮއްވަ އެވެ. ނެހާ އަވަހަށް މިޝެލް އަށް އެހީ ވާން ހިނގަިއިގަތެވެ.
“އާ ޔޫ ބްލައިންޑް އޯ ސަމްތިންގް؟” އެ އިވުނީ ރުޅިވެރި އަޑެކެވެ. ނެހާ އަވަސް އަވަހަށް މިޝެލް ތެދުވާން އެހީތެރިވެދިނެވެ. ދެ ޒުވާނުން ކަންބޮޑު ވެފައި ކުރިމަތީހުރި ޒުވާނާ އަށް ބަލާލިއެވެ. ހުދު ގަމީހާ އި އެކު ބޭރުން ލައިގެން ހުރި ޑަކްސީޑޯ ގައި އައިސްކްރީމް އުނގުޅިފައި ހުރީ މީހަކު ރުޅިނާންނަ ވަރަކަށް ނޫނެވެ.
“ވަރަށް ބޮޑަށް މާފު ކުރައްވާ، އެއީ މިޝެލް ގަސްތުގަ ކުރި ކަމެއްނޫން.” ނެހާ އަވަސް އަވަހަށް މިޝެލްގެ ދިފާއުގައި ވާހަކަ ދެއްކިއެވެ.
“ޔޫ ޝަޓް އަޕް! އަހަރެން ވާހަކަ ދެއްކީ ތިކުއްޖާ އަކާ ނޫން” އެ ޒުވާނާގެ ޖުމްލަ އާއި އެކު ނެހާގެ ދޫ ބަންދުވީ ކަހަލައެވެ. ހާދަ ފޮނި ފިރިހެނެކެވެ.
“އައި އޭމް ސޮރީ” އެންމެ ފަހުން މިޝެލް މާފަށް އެދުނެވެ.
“ސޮރީ އޭ ބުނީމަ ވީކަމެއް ނުވާ ކަމަކަށް ވާނެ ތަ؟ ފުރަތަމަވެސް އަނގަ ބަންދު ކޮށްގެން ހުރީމަ ހީވެއްޖެއޭ ގަސްތުގައޭ. ތާކުން ރީތި މީހެއް ފެންނަން ވާ އިރަށް އައިސް ޖެހިގަތުން އެއީ ތިކަހަލަ ކުދިންގެ ވައްތަރު” ކުރިމަތީ މިހިރީ ހާދަ ބޮޑާ ފިރިހެނެކޭ މިޝެލްގެ ހިތިށް އެރިއެވެ. އެހެން ނޫނަސް އެއީ މިޝެލް ގަސްތުގައި ކުރިކަމެއްވެސް ނޫން ވިއްޔާއެވެ.
“މުޅި ދުވަސް ހަރާބު މި ވީ. މަގުމަތިން ދާހާ ބަޔަކު މަށަށް މަލާމަތް ކޮށްފަ ހެނީ. ތި މޮޔަ އަންހެން ކުއްޖާ އާ ހެދި. ގެޓް ލޮސްޓް އޮފް މައި ސައިޓް!” ވަރުގަދަ އިންޒާރެއް ދިނުމަށް ފަހު އެ ޒުވާނާ ތަންކޮޅެއް ދުރުގައި ޕާކްކޮށްފައި އޮތް ކަޅު ކާރަކަށް އެރިއެވެ. މިޝެލް އައިސްފައިވާ ޝޮކް ފިލައިގޮސް ހިނިތުންވެލިއެވެ.
“އާ ޔޫ އޯކޭ؟” ނެހާ މިޝެލް ގެ ކޮނޑަށް އަތްވައްޓައިލަމުން އަހައިލީ ކަންބޮޑުވެފައި ހުރެ އެވެ.
“ހޫމް. ފޮނި މީހެއް ދޯ؟ ރީތި ކަމެއް ލިބިފަ ހުރީމަ ތިމާ އަށް ތިމާ ފެނިފަ” މިޝެލް އަނގަ އަށް ގޮތެއް ހަދާލަމުން ބުންޏެވެ.
އީތަން އައިސްހުރި ރުޅިގަނޑު ފިނި ކުރުމަށްޓަކައި އެޕާޓްމެންޓަށް ވަދެވުމާއި އެކު ވަނީ ފާހާނާ އަށެވެ. މާގަނޑުން ފިނިފެންތައް ފައިބައިގަތުމާއި އެކު އީތަން ލޯމަރައިލިއެވެ.އެވަގުތު އޭނާ އަށް ސިފަވީ މިޝެލް ގެ މޫނެވެ.
“ދުވަހަކު ނުގަންނަ ވަރަށް ލަދުގެންފި. ހުހް.. އަހަރެން، ދަ ސީ.އީ.އޯ އޮފް ޑްރީމް ޕްރައިވެޓް ލިމިޓެޑް. ޑޭމް އިޓް” އީތަން އަށް ހުރިހާ ރުޅި އެއް ބޭލުނީ ފާރަށެވެ.
އީތަން އަކީ ރާއްޖެ އަށް މަޝްހޫރު ވިޔަފާރި ވެރިއެއް ކަމައްވާ އަލްހާންގެ ހުރި ހަމަ އެކަނި ފިރިހެން ދަރިފުޅެވެ. އަލްހާންގެ ސިއްޙީ ހާލަތު މާ ރަނގަޅު ނޫން ކަމުން އީތަން އަލްހާންގެ ‘ޑްރީމް ޕްރައިވެޓް ލިމިޓެޑް’ އާ ހަވާލު ވީއެވެ. އަލްހާން މިހާރު ހަމައެކަނި އެތަނުގެ ކަން ހިނގާ ނުހިނގާ ގޮތް ބަލައިލާ ކަން އެކަންޏެވެ. އެ ކްމްޕެނީގެ އެތައް ބްރާންޗެއް ވާއިރު ގެސްޓް ހައުސް، ރިޒޯޓް، ރެސްޓޯރެންޓް އަދި ޝޮޕިން މޯލްެތައް ރާއްޖޭގެ އެކި ހިސާބުތަކުގައި ވެއެވެ. އުމުރުން 18 އަހަރު ވުމާއި އެކު އީތަންގެ ބައްޕަ އީތަން އަށް އަގުބޮޑު ދެބުރީގެ ގެ އެއް ހަދިޔާ ކުރިއެވެ. އެއާއި އެކު އީތަން ބޭނުން ވީ އަމިއްލަ ޒިންމާތައް ނަގައިގެން އެގޭގައި އުޅޭށެވެ.ޒުވާން ގިނަ އަންހެން ކުދިންގެ މެދުގައި އީތަން މަޝްހޫރު ވެފައިވަނީ ‘ޕްލޭބޯއީ’ އެއްގެ ގޮތުގަ އެވެ. މުއްސަނދި ކަމާއި އެއްވަރަށް ގުދުރަތުން އޭނާ އަށް ވަނީ ރީތިކަން ވެސް ދެއްވާފަ އެވެ. ހަ ފޫޓުގެ އިސްކޮޅަކާއި ބައިމަތި ފުޅާ ހަށިގަނޑެކެވެ.އިސްތަށިގަނޑު ބޯވެފައި ފަނެވެ. ރާއްޖޭގެ އެންމެ ރީތި ފިރިހެނާ ހޮވާނަމަ އެއްވަނަ ލިބޭހާވެސް އީތަން ރީއްޗެވެ.
ފެން ވަރާލިއިގެން އީތަން ނުކުންނަން ވާއިރަށް ނުދަންނަ ނަމްބަރަކުން ގުޅާތަން ފެނި އެ ދެ ބުމަ ގޮށްޖަހައިލެވުނެވެ. ނަމަވެސް އެންމެ ފަހުގެ އައިފޯން ނަގައި ކަންފަތުގައި ޖަހައިލިއެވެ.
“ސަޕްރައިޒް ސޕްރައިޒް!” އެ އިވުނީ ޔޫލީގެ އަޑެވެ.
ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.