ލޯބި-50

*”ހިމް. ފަހުން ދާން މަޑުނުކުރެވެނީތަ؟” މަރިޔަމް ނުރުހުން ފާޅުކުރިއެވެ.*

“މިހާރު ހުރިހާ ކަމެއް ބަދަލު ވެއްޖެއެއްނު.” ނަދީމް ބުނެލިއެވެ.

“ކޮންކަމެއް ބަދަލުވީ؟ މީ ހަމަ އެއް އާއިލާ އެއް. ޒައިދު އައި ފަހުން ކުދިންތަށް އުޅެނީ ހިތު ހުރި ގޮތަކަށް. ގޭގެ ގަވައިދު ތަކަކަށް ފަރުވާތެރި އެއް ނޫން.” ހިތްހަމަ ނުޖެހި ހުރެ މަރިޔަމް ބުނަމުން ދިޔައެވެ.

“ބޭބެ މިގޭގައި ބަހައްޓައިގެން މިކުރެވޭނީ ވަރަށް ބޮޑު ކުށެއް.” ނަދީމް އަނެއްކާ ވެސް ބުންޏެވެ. އޭނާގެ އަޑު ވެސް ބާރުވި އެވެ.

ރައުފާ ނަދީމްގެ ކޮނޑުގައި އަތް ބާއްވާއިލީ އެކަމާއި އަޅައިނުލާށޭ ބުނާފަދަ ގޮތަކަށެވެ.

“އެއީ ކީއްވެ؟ އަހަރެން އުޅޭތާކު އަހަރެންގެ ދަރިންނަށް ވެސް އުޅެވެންޖެހޭނެ. އެހެން ވީމާ ޒައިދު ވެސް އުޅޭނީ މިގޭގައި.” މަރިޔަމް ރުންކުރު ރާގެއްގައި ބުންޏެވެ.

“މަންމާ. އަހަރެން މިހާރު ފޯމުލައިފިން ހަނާގެ މައްސަލައިގައި.” ޒައިދު ބުނެލި އެވެ.

އެއާއި އެކު ނަދީމްގެ އަށް އަތް މުއްކަވައިލެވުނެވެ. ހަނާ ވެސް ހުރީ ދެލޯ ބޮޑުވެފައެވެ. އެލޮލުން ފާޅުވެގެން ދިޔައީ ބިރުވެރި ކަމެވެ.

“ވަރަށް ރަނގަޅު ކަމެއް ތިކުރީ. 18 އަހަރު ނުވާ ކުއްޖެ. ދެން ޒައިދު އައީމަ ޒައިދުގެ ދަރި ވެސް ޒައިދު އަށް ލިބެންޖެހޭނެ.” މަރިޔަމް ތަޢުރީފުގެ ރާގަކަށް ބުންޏެވެ.

“އާނ. އަދި މިވިސްނަނީ ހަނާ އަށް ދޮންމަންމަ އެއް ވެސް ހޯދައިދޭން. ކިހިނެއް ވާނެ؟” ޒައިދު ވާހަކަ ދެއްކީ މަރިޔަމް އާއިއެވެ. އެހެން އެންމެން އަޅައިނުލައި ކެއުމާއި ގެން ކުރިއަށް ދިޔައެވެ.

“މީހަކު ހުރީތަ؟ ހަނާ އަށް ވެސް ރަނގަޅުވާނީ ދިޔަގޮތް ކަންނޭނގެ.” މަރިޔަމް އުފާވެފައި ބުންޏެވެ.

“މުސްކުޅި މީހާގަނޑު މީހަކާ އިންނަންވީ އޯ.” މާޔާ މަޑުމަޑުން ބުނެލި އެވެ. އޭނާ ގާތަށް ހިނި ވެސް އައެވެ.

އެއަޑު ރިޝްފާ އަށް އިވުނެވެ. އޭނާ މާޔާގެ އަތުގައި ކޮއްޓައިލީ މަރިޔަމް އަށް އަޑުއިވިދާނޭ ބުނާ ފަދަ ގޮތަކަށެވެ. މާޔާ ހިނިގަނޑު ކޮންޓްރޯލް ކޮއްލީ މަރިޔަމް އަށް އެނގިއްޖެ ނަމަ ރުޅިއަންނާނެކަން އެނގޭތީ އެވެ.

“ބޭބެއަކަށް މިން އަށް އެއްވެސް ގޮތެއް ނުހެދޭނެ. ދެން ނެތެއްނު މާ ގިނަ ދުވަހެއް.” ނާއިލް ބުންޏެވެ.

“އައި ނޯ. އެކަމަކު މާޔާ. ހަނާ ވެސް އުޅޭނެ. ބޭބެ ނުބަލާނެ ވަކި މީހަކަށް.” މިންހާގެ އަޑުގައިވީ ހާސްކަމެވެ.

“އިންޝާ ﷲ އެއްވެސް ކަމެއް ނުވާނެ. މިހާރު މިންގެ ގޭގަ ވެސް މީހުން ގިނައެއްނު. އެހެން ނޫނަސް ބޭބެ އަށް އެކަނި ކީއްކުރެވޭނީ.” ނާއިލް މަސައްކަތް ކުރީ މިންހާ ހަމައަކަށް އެޅުވުމަށެވެ.

“ހިމް. އެރޭ ވެސް ގޭގަ އެންމެން އުޅެނިކޮށޭ އެއީ.” މިންހާ ހަނދާން ކޮށްދިނެވެ.

“ތިއީ ވެސް ތެދެއް. ދެން އެވަރަށް ނުވިސްނާ. އަހަރެން ބޭނުމެއް ނޫން މިން ބަލިވާކަށް.” ނާއިލް މިންހާ އޭނާގެ ގަޔާއި ކައިރިކޮއްލި އެވެ. މިންހާ ނާއިލްގެ ކޮނޑުގައި ބޯއަޅާލައިއެވެ.

“ނަތިންގް ވިލް ހެޕެން ޓު މީ.” މިންހާ މަޑުމަޑުން ބުނެލިއެވެ.

މައިހާ އެނދުގެ ހެޑް ބޯޑުގައި ލެގިލައިގެން އިންއިރު މަގަތުގައި ރީހާން އޭނާގެ އަތުގައި ހިފައިލައިގެން އިނެވެ. މައިހާ އިސްޖަހައިލައިގެން ހުރި އިރު އެމޫނު މަތީގައި ވަނީ ކުޑަ ކުޑަ ހިނިތުންވުމެކެވެ.

“ކޮން އިރަކުން މަންމަ ކައިރީ ބުނަން ތިވިސްނާނީ؟” ރީހާން މަޑުމަޑުން އަހައިލިއެވެ.

“ތަންކޮޅެއް ފަހުން. ބޭބެގެ މައްސަލަ ހަމައަކަށް އެޅުނީމަ.”

“މައި ވަރަށް ބަލައިގެން އުޅެއްޗޭ. ބޭބެ މިގޭތެރޭ އުޅޭއިރު…އަހަރެން ވަރަށް ބިރުގަނޭ މައި އަށް ކަމެއް ވެދާނެތީ.”

“އާނ. އަހަރެން ވެސް ހާސްވަނީ ބޭބެ އާއި ހެދި.”

ވައި ބާރުކަމުން ހީވަނީ ގަސްތައް ވެސް މުލުން ލުހެލައިފާނެހެންނެވެ. އިސާހިތަކު ބޯކޮށް ވާރޭ ވެހެން ފަށައިފިއެވެ.

ވިދުވަރަކާއި އެކު ބާރު ގުގުރި އެއްގެ އަޑު އިވުނެވެ. ސިއްސައިގެން ގޮސް ސޯފާގައި ނިދިފައި އޮތް މާޔާ އަށް ހޭލެވުނެވެ. ހަމަ އެވަގުތު ގޭގެ މައި ދޮރު ހުޅުވައިލައިފައި މީހަކު އެތެރެއަށް ދެމިގަތެވެ. މާޔާ އިތުރަށް ބިރުގަތެވެ. ހާޅޭލަވައިގަނެވުނެވެ.

އޮއްސައިލި ބޯވާރޭގަޑާއި އެކު އަދިޔަން އަށް ގެއަށް ވަދެވުނު އިރު ހުރީ ކުޑަކޮއް ތެމިފައެވެ. އަވަސް އަވަހަށް ދޮރުހުޅުވައިލައިފައި ވަދެވުނު ވަގުތު ބާރު ގުގުރިއެއްޖެހި އެވެ. ހަމަ އެއާއި އެކު އަންހެން ކުއްޖެއްގެ ހަޅޭކުގެ އަޑު ވެސް ކައިރިން އިވުނެވެ. ސިހިފައި އަދިޔަން އެނބުރިލިއިރު މާޔާ އިނީ ސޯފާގައި އިށީންދެލައިގެން ދެކަކޫ ގެނެސް މޭގައި ޖައްސައިލައިގެން އެވެ.

އޭނާގެ ދެލޮލުން ފެންނަމުންދިޔައީ ބިރުވެރިކަމެވެ. ދެއަތް ކަކުލުގައި ވަށައިލެވިފައިވީއިރު އެ ދެއަތް ތުރުތުރު އަޅައެވެ.

“މިގަޑީ މިތާ ކީއްކުރަނީ؟” ހައިރާން ވެފައި އަދިޔަން އަހައިލި އެވެ. އަދި އިސްތަށިގަނޑުން ފެން ފޮޅައިލިއެވެ.

“ނުނިދިގެން ނުކުތީ. މިތާ އޮއްވަ ނިދުނި.” މާޔާ ރީތި ކޮއް އިށީންދެލިއެވެ.

“ދެން ކީއްވެ ހަޅޭލަވައިގަތީ؟”

“ބިރުގަތީ. ހީކުރީ…” މާޔާ ޖުމްލަ ފުރިހަމަ އެއް ނުކުރިއެވެ. އޭނާ ކޮޓަރިއަށް ދާން ހިނގައިގަތެވެ. ނަމަވެސް އަދިޔަން ހުށިޔާރު ކަމާއެކު މާޔާގެ އަތުގައި ހިފިއެވެ.

މާޔާ ދެލޯ ބޮޑުވެފައި އަދިޔަން އާއި ދިމާލަށް ބަލައިލެވުނެވެ. އޭރު އަދިޔަން ހުރީ ސީދާ މާޔާގެ މޫނަށް ބަލަހައްޓައިގެންނެވެ.

“ބޭބެ ކަމަށް…” އަދިޔަން ބުނެލިއެވެ. މާޔާ އަށް ފިޔަވަޅެއް ފަހަތަށް އަޅާލެވުނެވެ.

“ލެޓްސް ޓޯކް. މިތާ އިށީންދެބަލަ.” ސޯފާއަށް އިޝާރާތް ކުރަމުން އަދިޔަން ބުންޏެވެ.

ދެކޮޅުހެދުމެއް ނެތި މާޔާ އިށީނެވެ. އަދިޔަން ވެސް އިށީނީ މާޔާ އާއި ސީދާ ކުރިމަތިވާ ގޮތައް ހުރި ކުޑަ މޭޒުމަތީގައެވެ.

“މާޔާ…ދެއަރ ވޯސް ނަތިންގް ރޯންގް އެބައުޓް ހައު ޔޫ ރިއެކްޓެޑް. ބިރުގަންނާނެ. އަހަރެން މާޔާ ޖަޖް އެއްވެސް ނުކުރާނަން އެކަމަކަށް.” މާޔާ އާއި ހަތަރު ކަޅި ހަމަކޮށްގެން  ހުރެ އަދިޔަން ވާހަކަ ދެއްކިއެވެ.

“ތިވާހަކަ ދައްކަންޏާ ޑޯންޓް ބޯދަރ. އައި ޑޯންޓް ވޯންޓް ޓު ޑިސްކަސް އެބައުޓް އިޓް.” މާޔާ އަނެއްކާ ވެސް ތެދުވެގެން ދާން އުޅުނެވެ. މިފަހަރު ވެސް އަދިޔަން އޭނާގެ އަތުގައި ހިފައި ހުއްޓުވިއެވެ.

“އެހެން ވާހަކަ އެއް ދައްކަން ވެސް ވެފަ އޮތީމަ…” އަދިޔަން ބުންޏެވެ.

“ކޮން ވާހަކަ އެއް؟” މާޔާގެ އަޑު ނުކުތީ އުނދަގުލުންނެވެ.

“ތަންކޮޅެއް ކުރިން ބުނީމެއްނު ކަމުދާ ކުއްޖެއް ހުރެއޭ. މާޔާ އަށް ވެސް މިހާރު އެނގިފަ ކަންނޭނގެ އޮންނާނީ.”

“ކާކު؟” ލަސްލަހުން މާޔާ އަހައިލި އެވެ.

“ނޭނގެކަމަށް ނުހެދިބަލަ. އޮފް ކޯޒް އިޓްސް ޔޫ.” ނިތްކުރީގައި އަތްކާތައިލަމުން އަދިޔަން ބުންޏެވެ.

“އައި ލައިކް ޔޫ. އައި ވޯޒް ޕްލޭނިންގެ ޓު ޓެލް ޔޫ އެންޑް އައި އޯވަރހާޑް ޔޫ އެންޑް ރީހާން.” ދެން ވެސް ވާހަކަ ދެއްކީ އަދިޔަން އެވެ. “އަހަރެން ބުނަން މިއުޅެނީ އަހަރެންމީ މާޔާ ތިހީކުރާ ކަހަލަ މީހެއް ނޫނޭ. އައި ވޯންޓް ޖަސްޓް ޑަމްޕް ސަމްވަން އެންޑް ލީވް. ފްރެންޑްޝިޕްގަ ވެސް ބިޒްނަސްގަ ވެސް އަހަރެން ވަރަށް ލޯޔަލް ވާނެ. އަމުދުން އަހަރެން ލައިކްވާ އަންހެން ކުއްޖާ އަށް.”

އަދިޔަން އެހާ ސާފުކޮށް ހުރިހާ ވާހަކައެއް ދައްކަން ފެށުމުން މާޔާ އިނީ ހައިރާންވެ ބުނާނެ އެއްޗެއް ނޭނގިފައެވެ.

“އައި ޑޯންޓް ކެއަރ އިފް ޔޫ ލައިކް މީ ބެކް އޯ ނޮޓް. އަހަރެން މިރޭ ވަރަށް ބޮޑު ރިސްކް އެއް ނަގައިގެން މާޔާ ކުރިމަތި މިހުރިހާ ވާހަކަ އެއް މިދެއްކީ.” އަދިޔަން ބުންޏެވެ.

“އެއްވެސް އެއްޗެކޭ ނުބުނާނަންތަ؟” އެތަށް އިރެއް ވީއިރުވެސް މާޔާ ބަހެއް ނުބުނުމުން އަދިޔަން އަހައިލި އެވެ.

“އަމް…” މާޔާގެ އަޑު ބެދުނެވެ.

“އެއްޗެއް އަހާލަންތަ؟” އަދިޔަން އަހައިލި އެވެ. ޖަވާބުގައި މާޔާ މަޑުމަޑުން ބޯޖަހައިލީއެވެ. “ޑޫ ޔޫ އޯލް ސޯ ހޭވް ފީލިންގސް ފޯ މީ؟”

މާޔާ އިނީ ބުނާނެ އެއްޗެއް ނޭނގިފައެވެ. އެހާ ފަސޭހަކަމާއި އެކު އަދިޔަން އޭނާ އާއި އެސުވާލު ކޮއްފާނެ ކަމަކަށް އޭނާ ގޮތެއްވެސް ހިތަކަށް ނާރައެވެ. ބުނަންވީ އާންއެކޭކަމެއް ނުވަތަ ނޫނެކޭ ކަމެއް ވެސް ނޭނގިފައި މާޔާ އަދިޔަން އާއި ދިމާލަށް ބަލަހައްޓައިގެން ހުރެވުނީ އެވެ.

“މާޔާ. ޖަސްޓް ޓެލް މީ ޔެސް އޯ ނޯ.” އަދިޔަން ބުނެލިއެވެ.

“ޔެސް.” އިރުކޮޅެއްގެ ހިމޭންކަމަށްފަހު މާޔާ ބުންޏެވެ. “އެކަމަކު-”

“ދެޓްސް އިނަފް. އަހަރެން އެއްވެސް އެކްސްޕްލެނޭޝަން އެއް ބޭނުމެއް ނޫން. އައި ނޯ ވަޓްސް ގޮއިން ތްރޫ ޔޯ މައިންޑް. ލޯންގް ޑިސްޓެންސް ރިލޭޝަންޝިޕް އެއް ވޯކް ކުރާނީ ކިހިނެއްހޭ؟ އަދިޔަން އަށް އެހެން ކުއްޖެއް ވެސް ފެނިދާނޭ. ނޫންތަ؟” މާޔާ ބުނަން އުޅުނު އެއްޗެއް މެދުކަޑައިލަމުން އަދިޔަން ބުންޏެވެ.

“ހިމް.”

“މާޔާ ބޭނުން ނުވަންޏާ އަހަރެން ނާހާނަން ރިލޭޝަންޝިޕް އަކަށް. މާޔާ ބޭނުމިއްޔާ މިކަން މިހިސާބުން ވެސް ނިންމާލެވިދާނެ ލައިކް ނަތިންގް ހެޕެންޑް. އައި ޑޯންޓް ވޯންޓް ޓު ހާރޓް ޔޫ. އެންޑް އައި ވޯންޓް ހަރޓް ޔޫ.” އަދިޔަން މަޑުމަޑުން ބުންޏެވެ.

ފަތިހު މިންހާ އަށް ހޭލެވުނީ މީހަކު ކައިރީގައި އޮތްކަމުގެ އިހުސާސް އެއް ކުރެވުމުންނެވެ. ފުންމައިގެން ތެދުވި އިރު ކައިރީގައި މާޔާ އޮތެވެ. އޭނާ އޮތީ ފުޅާ ހިނިތުންވުމަކާއި އެކު ސީލިންގާއި ދިމާލަށް ބަލަހައްޓައިގެންނެވެ.

“ހާދަ ބާރަކަށް ސިއްސައިގެން ދިޔައީ.” މާޔާ ހެން ފަށަމުން ބުންޏެވެ.

“ކިހިނެއް އެތެރެއަށް ވަނީ؟” މިންހާ ވެސް ކޮއްލީ ސުވާލެކެވެ.

“ތަޅުނުލާ ހުރީ.”

“ތަޅުނުލައޭ؟ އޯ ނޯ. ރޭގަ ފަހުން ވަދެފަ ފާޅުކަން ހަދާންނެތިނީ ކަންނޭނގެ. ނަސީބެއްނު އެހެން މީހެއް ނުވަންކަން. މިގަޑީ މިތާ ކީއްތަ ތިކުރަނީ؟ އެކަނި އޮވެ ކޮންކަމަކާތަ ތިހެނީ؟”

“އައިމް ޖަސްޓް އިން އަ ގުޑް މޫޑް. ހިނގާބަލަ ސަންރައިޒް ބަލަން ބީޗް އަށް ދާން.” ތެދުވެ އިށީންދެލަމުން މާޔާ ބުންޏެވެ.

“އަނެއްކާ ކިހިނެއްބާ ވީ؟”

“ދެން ޕްލީޒް ހިނގާބަ ދާން.” މިންހާގެ އަތުގައި ހިފައި ދަމަމުން އާދޭހުގެ ރާގަކަށް މާޔާ ބުންޏެވެ.

“އޯކޭ. ފުރަތަމަ ރެޑީ ވެބަލަ.” މިންހާ އެނދުން ފައިބަމުން ބުންޏެވެ.

“ދޮންތި ހާދަ ރަނގަޅޭ. ލަވް ޔޫ. އަންނާނަން ވަރަށް އަވަހަށް ރެޑީ ވެލައިގެން.” މާޔާ ދުވެފައި ކަހަލަ ގޮތަކަށް ނުކުތެވެ.

ގުޑް މޯނިން މަންމާ.” މޭޒު ކައިރީގައި ސައިހަދަން އުޅުނު ރިޝްފާގެ ގައިގައި ބައްދައިލަމުން މާޔާ ބުނެލިއެވެ.

“އަނެއްކާ ކިހިނެއް ވެފަ ހުރީ ދުވަހެއް. ނުބައި ކޮޅަކުން އިރު އެރީބާ.” ރިޝްފާ ސަމާސާ ކޮއްލި އެވެ.

-ނުނިމޭ-