ހޯދަން ކަލާ 5

“ގަޑިން ހަތެއް ޖަހަން ކައިރިވަނީއެވެ. އަހަރެން ހޭލަންޖެހޭ ވަގުތު މިވަނީ އައިސް ޖެހިފައެވެ. ނިދުމުގެ ފުރުސަތެއް ލިބުނީވެސް ދަމެއްވެ، ދަންވަރު ހަތަރެއް ޖެހިފަހުންނެވެ. އެމީހުން އަހަރެން މިނިވަންކޮށްލީވެސް ހަށިގަނޑު ވަރުބަލިވެ، ހަކަތަ ހުސްވި ފަހުންނެވެ. ހަތެއް ޖެހުމުގެ ކުރިން ފެންވަރަން މަޖުބޫރެވެ. ނަމަވެސް، ހަށިގަނޑުގައިވާ ޒަޚަމްތަކާއި ކެނޑިފައިވާ ތަންތަނުގައި ފެން ބީހުމުން އުފެދޭ ދިލަ އަދި ތަދު ތަހައްމަލު ކުރާނީ ފަހެ ކިހިނެއް ހެއްޔެވެ؟ އަހަރެން އަޅާ ކޮންމެ ފިޔަވަޅަކުން މި ލިބޭ ވޭނަށް ފަރުވާއެއް ލިބޭނީ ކޮން އިރަކުން ހެއްޔެވެ؟

އެ ޖަނަވާރުން ފަދަ ބަޔަކަށް ކައްކައި ކާންދޭން ޖެހެނީ، އެމީހުން އަހަރެންގެ ހަށިގަނޑު ފޭރިގަތުމަށް ފަހުގައެވެ. އަހަރެންގެ ގައިގައި އަނިޔާކޮށް ލޭ އޮހޮރުވާއިރު، އަހަރެންގެ ހަޅޭކުގެ އަޑާއި ރުއިމުން އެމީހުން ހޯދަނީ އުފަލާއި އަރާމެވެ. ހަށިގަނޑު ނިވާކުރާނެ ފޭރާމެއް ނުދީ، ލަދުގަންނަވައި ބަހައްޓަނީ އެމީހުންގެ އެދުންތައް ފުއްދުމަށެވެ. އަމިއްލައަށް މަރުވާން ދުލޫގައި ދަތް އަޅަން ބޭނުން ނަމަވެސް، އަހަރެންގެ އަނގަ ވަނީ ބެލްޓެއް އަޅުވައި ބަންދުކޮށްފައެވެ. ހުޅުވަނީ އެމީހުންގެ ނުބައި ބޭނުންތަކަށް އަހަރެންގެ އަނގަ ބޭނުންކުރުމަށެވެ. ހަމަ އެފަދައިން، ހަށިގަނޑުގެ ކޮންމެ ގުނަވަނަކަށް ވަނީ އެކި އާލާތްތައް އަޅާފައެވެ. ލޮލަށް ނިދި ނުލިބި، އިހުސާސެއް ނެތް ހަށިގަނޑަކާއެކު ދިރިއުޅުން ވޭތިވަމުންދާއިރު، އަހަރެންގެ ހަމައެކަނި އުންމީދަކީ މި ނަރަކައިން ސަލާމަތްވާނެ ދުވަހެއް ފެނުމެވެ.”

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.