އިންތިޒާރު 1 ވަނަ ބައި

ނިޝާއަކީ ޒިޔާދުގެ ދޮށީ އަންހެން ދަރިއެވެ. ނިޝާގެ މަންމަ ރިޒުމާ ވަނީ ނިޝާއަށް 3 އަހަރުގައި މަރުވެފައެވެ. އެހެން ނަމަވެސް ނިޝާ އާއި ނިޝާގެ ދައްތަ ޝިޒޫއަށް ދެރައެއްލިބިދާނެތީ ޒިޔާދު މީހަކާ ނީނދެއެވެ. އެއީ ދޮންމަންމައެއްގެ ފަރާތުން އެކުދިންނަށް ދެރައެއް ލިބިދާނެތީއެވެ. ޒިޔާދުގެ ތިބީ ހަމައެކަނި އެދެކުދިން ކަމުން ދެ އަންހެން ކުދިންވެސް ބެލީ ވަރަށް ރަނގަޅަށެވެ. އަދި މަންމަ އެއްގެ ލޯބި ނުލިބޭ ކަމުގެ އިޙްސާސްވެސް އެދެކުދިންނަކަށް ވިޔަކަ ނުދެއެވެ.

ނިޝާއާއި ޝިޒޫގެ ދެމެދުގައި ވަނީ 1 އަހަރުގެ ތަފާތެވެ. އެހެންކަމުން ދެކުދިންވެސް އުޅެނީ ވަރަށް އެކީގައެވެ. އަދިވެސް އެޅުނީ ކުޑަކުދިން ގޮތަށެވެ. ދެ ކުދިން ހީ ސަމާސާ ކުރާތަން ފެނުމުން ޒިޔާދުގެ ހިތަށް ބުނެދޭން ނޭނގޭ އުފާވެރިކަމެއް ލިބެއެވެ.

ހެނދުނުގެ ނާސްތާ ތައްޔާރުކޮއްލުމަށްފަހު ނިޝާ ދިޔައީ ބައްޕައްށް ސައިބޯން ގޮވާށެވެ. “ބައްޕާ.. ބައްޕާ…” ދެފަހަރަކު ގޮވާލުމުން މި އަންނަނީކަމަށް ޒިޔާދު ބުނެލިއެވެ. ޒިޔާދުއައިސް ސައިބޯން އިށީންދެފައި ޝިޒޯ ކޮބާތޯ އަހާލިއެވެ.. އެ އަޑު ކޮޓަރިން ނިކުތް ޝިޒޫއަށް އަޑު އިވުނެވެ. “އަޅުގަނޑު މިހިރީ” ޝިޒޫ ޖަވާބުދިނެވެ. ސައި ބޮމުން ދިޔައިރު އެކަކުވެސް ވާހަކައެއް ނުދައްކައެވެ. އެ ހަމަހިމޭންކަން ފަޅުފިލުވާލީ ޝިޒޫއެވެ. “ކޮބާ ކޮއްކޮގެ ކޯސް ކަންތައްހަމަ ޖެހިއްޖެތަ؟”ޝިޒޫ އަހާލިއެވެ.. ” ނިޝްގެ ކޯސް ހަމަ ޖެހިއްޖެ އެކަމް_” ނިޝާ އެހާހިސާބަށް ބުނެފައި ހުއްޓާލިއެވެ. ނިޝާ އެބުނަން އުޅުން އެއްޗެއް ނޭނގުމުން ޒިޔާދު އަހާލިއެވެ. ” އެކަމަކު ކިހިނެއްވީ ދަރިފުޅާ؟”….  ” ނިޝް އެކޯސް ހަދަން ދާންޖެހެނީ މާލެއްށް.. އެހެންވެ ނުދާން ނިންމައިފިން”… އެގޮތެއް ޒިޔާދުއަކަށް އަދި ޝިޒޫ އަކަށްވެސް ކަމަކު ނުދިޔައެވެ. “ނޫން ދަރިފުޅާ.. ތިކަހަލަ ފުުރުސަތެއް ލިބޭނީ ވަރަށް މަދުފަހަރަކު. ދަރިފުޅަށް މާލޭގަ ހުރެވޭނެ ގޮތް ބައްޕަ ހަދައިދޭނަން.” ނީޝާ އަދިވެސް ދާކަށް ގަބޫލެއްނުވެއެވެ. ” ބައްޕަ އާއި ދޮންތަ ދޫކޮއްލާފަކަ ނިޝް ނުދާނަން”. ކުޑަކުއްޖެއްފަދައިން ބޮޑާ ހާކަންފެށިއެވެ. ނަމަވެސް ވަރަށް ނަސޭޙަތުން ނިޝާ ދާން ނިންމިއެވެ.

ކޯހުގައި އުޅެން ޖެހޭލެއް ބުރަކަމުން ދޮންތައާއި ބައްޕައާއި ވާހަކަ ދެއްކުނެއްކަމަކު އިތުރަށް މަޖާ ވާހަކަ އާއި ރަށުގެ ވާހަކައެއް ދޮންތަޔަކާ ނުދެއްކެއެވެ. އެހެންކަމުން ބެސްޓް ފްރެންޑްގެ ވާހަވެސް އެހާ ބޮޑަކަށް ނުދެއްކެއެވެ.

11 މަސް ތެރޭގައި ކޯސް ނިމުނެވެ. ނިޝާ ގަސްތުކުރީ ސަޕްރައިޒެއްދިނުމަށް އެކަކަށްވެސް ދާ ވާހަކަ ނޭންގުމަށެވެ.. އެވީ ކުދަ ދުވަސްކޮޅުގެ ތެރޭގައިވެސް ރަށަށް އައި ބަދަލް ނިޝާ އަށް ފާހަގަ ކުރެވުނެވެ. އަދި ޑިސެންބަރު މަސް ކަމުން ރަށުގައި ވަރަށް ގިން ނުދަންނަ މީހުން ގިނަކަންވެސް ފާހަގަ ކުރެވުނެވެ. މަޑު ހިނގުމެއްގައި ގެއަށް ގުސްގުސް ހުއްޓާ ފެނުނު ކުއްޖާ ފެނިފައި ނިޝާ ގަނޑުވިކަހަލައެވެ. ހުއްޓެވުނު ގޮތައްބަލަހައްޓައިގެން ހުރެވުނީއެވެ. އެހާވެސް އެޒުވާނާ ހިތް ގައިމެވެ. ގޭ ކުރިމަތީގައި ހުރި ނިޝާ ފެނުމުން ޝިޒޫ އެފަލުން ދުއްވައިގަރެވެ. އަދިގުސް ބައްދައި ގަތެވެ. ނިޝާއަށް ހަމަހޭވެރިވީ ދެނެވެ. “ދޮންތާ! އެހެރީ ކޮން ބޯއީއެއް” އަތުގެ އިޝާރާތުން ނިޝާ ދައްކާލިއެވެ. “އެއީ ޒީޝަންގެ ދައްތަގެ ފިރިމީހާގެ ކޮއްކޮ” ޝިޒޫ އެހެން ބުނުމަށްފަހު ނިޝާ ގުވައިގެން ގެއަށް ވެނެވެ…

ނުނިމޭ..