މުޅި ހިތް ބޭޤަރާރު ވެއްޖޭ-23

“މިރޭ ސެހްރިޝް ފްރީތަ..؟ 10 ގެ ފަހުން..؟” އާކިފް އަނެއްކާ ވެސް ކޮށްލީ ސުވާލެކެވެ.

“ހޫމް..” ސެހްރިޝް ބުނެލިއެވެ. އާކިފް ގޮނޑީގައި ހަމަޖެހިލީ ވީއުފަލެއްގެ ބޮޑުކަމުންނެވެ. ސެހްރިޝް ވެސް ހުރީ އެއީ ކޮން ސަޕްރައިސް އެއްތޯ އެނގެން ބޭނުންވެފައެވެ.

*ޕާރޓް-23*

ކާރު އައިސް މަޑުކޮށްލީ ރެސްޓޯރެންޓް ކުރިމައްޗަށެވެ. ބޭރު ފުށުންވެސް އެ ރެސްޓޯރެންޓްގެ ރީތިކަން ދައްކާދެއެވެ. ރީންދޫ ކުލައިގެ ރީތި ބޮކި ތަކުން ދިއްލާލެވިފައިވީރު ކިތައްމެހާ ވެސް ހިތްގައިމެވެ. އިޒްދާން ކާރުން ފޭބުމައްފަހު ރެސްޓޯރެންޓް ކުރިމަތީ ހުއްޓިލިއެވެ. އޭނާގެ ދެ ބޮޑިގާޑް އައިސް އޭނާގެ ފަހަތުގައި ހުއްޓިލިއެވެ. އިޒްދާން ހިގާގަތެވެ. އެދެ ބޮޑީގާޑުން ވެސް ހިގައިގަތެވެ. އިޒްދާންގެ އިންތިޒާރުގައި އިން ސާހިލް އަށް އިޒްދާން ފެނުުން ހިނިތުންވެލިއެވެ. އިޒްދާން ވެސް ފަނޑު ހިނިތުންވުމެއް ދިނެވެ.

“ކޮބާ ބްރޯ.. ކިހިނެއްތަ..؟” އިޒްދާން އިށީނުމުން ސާހިލް އަހާލިއެވެ. އިޒްދާން ބޯޖަހާލިއެވެ.

“ވަރަށް ދުވަސްވެއްޖެ ދޯ ދިމާނުވާތާ.. ކިހިނެއްތަ ކައޭގެ މަންމަ..؟” ސާހިލް އަހާލިއެވެ.

“މަންމަ ރަގަނޅު..” އިޒްދާން ޖަވާބު ދިނެވެ.

“ހޫމް.. ކޮބާ އޭނަ..؟” އިޒްދާން މަޢުލޫއަށް ދިޔައެވެ. ސާހިލް ވެސް ސީރިއަސް ވެލިއެވެ.

“އެފަހަރު އޭނަ ފިލާގެން ގޮއްސަ ދެން އައީ ކެނެޑާ އަށް.. އަހަރެން ވެސް އަހަރެންގެ ދައްތަގެ ވަރިއަށް ފަހު ބަދަލުވީ މިކޮޅަށް.. އެހެން އުޅެނިކޮށް ފެނުނީ އޭނަ ކޮންމެ ވެސް ކުއްޖަކާ އެކީ ސައިކަލުގަ ދިޔަތަން..” ސާހިލް އޭނާ އަށް އެނގޭ ވަރު ބުނެލިއެވެ.

“މިހާރު އެނގޭތަ ލަޔާން އުޅޭތަ..؟” އިޒްދާން އަހާލިއެވެ. ސާހިލް ދެކޮޅަށް ބޯ ހޫރާލިއެވެ. އިޒްދާން ގިނޑީގައި ލެނގިލާފައި ނިއްކުރީގައި އަތް ހާކާލިއެވެ. ސާހިލް އާއި އެކީ އިރުކޮޅަކު ވާހަކަ ދައްކާލަން ހުރެފައި އޭނާ ނުކުމެ ސިގެރޭޓް އެއް ރޯކޮށްލިއެވެ.

އިޒްދާން ލާގެން ހުރީ ކަޅު ކުލާގެ ބޮޑު ކޯޓަކާއި އެކީގައި އޭނާ ފެންނަލެއް ކިތައްމެހާ ވެސް ހިތްގައިމެވެ. އެހާ ވެސް “ހޭންޑްސަމް” އެވެ. އެތަކެއް މީހުންގެ ނަޒަރު ދިޔައީ އޭނާ އަށް ހުއްޓެމުންނެވެ. ސިގެރޭޓްގެ ދުންކޮޅު ބޭރުކޮށްލާފައި އިޒްދާން ސިގެރޭޓް ބިންމައްޗަށް ވައްޓާލިއެވެ. އަދި ފައިން އަރައި އޭތި ޗިސް ކޮށްލިއެވެ.

“ލަޔާން.. ތިހެނެއް ފިލާގެނެއް ނޫޅެވޭނެ.. އަހަރެން އަދި ލަޔާން ހޯދާނަން..” އިޒްދާން އަމިއްލަ މީހާ އަށް ވާހަކަ ދެއްކިއެވެ.

ވާހަކަ ފޮތެއް ހިފާގެން އިނެއް ކަމަކު ސެހްރިޝްގެ ހިޔާލުތަށް ގުޅިފައި ވަނީ އެހެން ކަމަކާއެވެ. އާކިފް ބުނިފަދައިން އޭނާ އަށް ސަޕްރައިސް އެއް ދޭނެއެވެ. އަނެއްކާ އެއި ކޮންކަހަލަ ސަޕްރައިސް އެއް ހެއްޔެވެ؟ ސެހްރިޝްގެ ކެއްމަދުވާން ފެށެއެވެ. ގަނޑި އަށް ބަލާލެވުނެވެ. 10 އެއް ޖަހާކަށް މާގިނަ ވަގުތެއް ނެތެވެ. އިރުކޮޅަކުން އާކިފް ވެސް ގެޔަށް އަންނާނެއެވެ.

ސިޑިން އަރައިގެން އައިރު އާކިފްގެ ތުންފަތް މަތީ ވަނީ ފުޅާ ހިނިތުންވުމެކެވެ. ސެހްރިޝް އަށް އޭނާ ސަޕްރައިސް އޭ ކިޔާގެން ދޭން އެއުޅެނީކީ ހަމަ ރަގަނޅު ސަޕްރައިސް އެކެވެ. އެހެންކަމުން އާކިފް އައިސް ކޮޓަރިއަށް ވަނެވެ. އެކަމު މިހާރު އޭނާގެ މޫނުމަތީ ދެންމެވީ އުފާވެރި ކަމެއް ފެންނާކަށް ނެތެވެ. އާކިފް ފެނުމާއި އެކީ ސެހްރިޝް ފޮތް ބޭއްވިއެވެ. ގަނޑި ނަގާފައި ޑްރެސިން ޓޭބަލް މަތީ ބާއްވާފައި އާކިފް ސެހްރިޝް ކާރީ އައުމަށް އެދުނެވެ. ސެހްރިޝް ވެސް އިތުރު ސުވާލަކާއި ނުލާ އައިސް އާކިފް ގާތުގައި ހުއްޓިލިއެވެ. ކުއްލި ހަރަކާތާ އާއި އެކީގައި އާކިފް ސެހްރިޝްގެ އުނަގަނޑުގައި ހިފާ ކާރިޔަށް ދަމައިގަތެވެ. ސެހްރިޝް ދިޔައީ ސިއްސައިގެންނެވެ. އޭނާ އަށް އިނީ ދެލޯ ބޮޑު ކުށްލެވިފައެވެ. އާކިފް އާއި މިހާ ކާރީގައި ހުރެވުމުން ސެހްރިޝްގެ ގައިން މުޅީ އެކީހެން ހީބިހި ނަގާގެން ދިޔައެވެ. ހިތުވިންދު އަވަސްވެ ނޭވާ ވެސް އަވަސް ވިއެވެ. އޭނާ އަށް ބަލަން ހުރެވުނީ އާކިފްގެ ކަޅި އަށެވެ. ފުރަތަމަ ސެހްރިޝްގެ ދެލޮލަށް ސީދާވެފައިވާ ނަޒަު ލަސްލަހުން ބަދަލުވީ ސެހްރިޝްގެ ރަތްކަން ގަދަ ތުންފަތަށެވެ. އާކިފް ބަލަން ހުރިގޮތުން އޭނާ ބޭނުންވާ ކަންތަށް ކިތައްމެހާވެސް ރަގަނޅަށް އެނގެއެވެ. އެނާ އެހުރީ ސެހްރިޝް އަށް ބަނޑުހައިވެފައެވެ. އެހައި ފިލުވަން އޭނާ ބޭނުމެވެ.

“މޭ އައި..؟” އާކިފް އަހާލިއެވެ. ސެހްރިޝް އިނީ ބުނާނެ އެއްޗެއް ނޭނގިފައެވެ. އޭނާ އަށް އާކިފް އެމާނަ ކުރި ގޮތް އެނގެއެވެ. އެކަމު މިއީ ރަގަނޅު ގޮތެއް ހެއްޔެވެ؟ އާއެކެވެ. އާކިފް އާއި ސެހްރިޝް އަކީ ދެމެފިރިންނެއް ނޫންހެއްޔެވެ؟ މަޑުމަޑުން ސެހްރިޝް ބޯޖަހާލިއެވެ. އާކިފް ސިކުންތުކޮޅެއް ވެސް ބޭކާރު ކޮށްނުލާ ސެހްރިޝް އާއި އޭނާގެ ތުން ގުޅުވާލިއެވެ.

ތާރާގެ ސައިކަލު ފަހަތުގައި އިނ ކައިސާން އިނީ ތާރާގެ ކޮނޑުގައި އޭނާގެ ދަތްދޮޅި ވިއްދާގެންނެވެ. މިއަދު ތާރާ ޝަކުވާ ކޮށްގެން ކައިސާން މިއަދު އެރީ ތާރާ ފަހަތަށެވެ. މިރޭ މީހުން މަދުވެފައި މާހައުލު ވެސް ވަރަށް ހިމޭނެވެ. ތާރާ ގޮސް މަޑުކޮށްލީ ޕާކެއް ކުރިމައްޗަށެވެ. އެއް ވެސް މީހަކު ފެންނާކަށް ނެތެވެ. ތާރާ ސައިކަލު ޕާކް ކޮށްފައި އައިސް ކައިސާން ކާރީ ހުއްޓިލިއެވެ. ކައިސާން ހިނތުން ވުމަކާއި އެކީގައި އޭނާގެ އަތް ދިއްކޮށްލިއެވެ. ތާރާ އޭނާގެ އަތް ކައިސާންގެ އަތުތެރެއަށް ލުމާއި އެކީ ކައިސާން އެއަތުގައި ހިފާލިއެވެ.

“ވަރަށް ރީތި މިރޭ އުޑުމަތި..” ތާރާ ބުނެލިއެވެ. ކައިސާން ވެސް އުޑުމައްޗަށް ބަލާލިއެވެ. ތެދެކެވެ. އެއްވެސް ވިލާ ކޮޅެއްގެ ނުޝާނެއް ފެންނާކަށް ނެތެވެ. ބާވަރެއް ތަރިތަށް ވެސް ފެންނަން އެބަހުއްޓެވެ.

“އެނގޭތަ.. އާކިފް އެއުޅެނީ މިރޭ ސެޝް އަށް ސަޕްރައިސް އެއް ދޭން ވެގެން..” ތާރާ ބުނެލިއެވެ. ކައިސާން ފެށީ ހޭށެވެ. ތާރާ ހައިރާންވެ ހުރެ ބަލާލިއެވެ. އޭނާ އަށް މަޖާ އެއްޗެއް ބުނެވުނީ ހެއްޔެެވެ؟

“ކިހިނެއްވީ..؟” ތާރާ އަހާލިއެވެ. ކައިސާން ހުނުން ކޮންޓްރޯލް ކޮށްލިއެވެ.

“އާކިފް އެއުޅެނީ މިރޭ ސެހްރިޝް އާއި އެކީ އެެމީހުންގެ ކައިވެނި ފުރިހަމަ ކުރަން..” ކައިސާން އަނެއްކާ ވެސް ފެށީ ހޭށެވެ. ތާރާ އަށް އަނގަމަތީ އަތް އަޅާލެވުނެވެ. އޭނާ އަށް ލިބުނީ ޝޮކް އެކެވެ.

“އަސްލު ވެސް..؟” ތާރާ އަށް ގަބޫލު ނުކުރެވިގެން އަހާލިއެވެ. ކައިސާން ބޯޖަހާލިއެވެ.

“އަޅޭ..” ތާރާ މޫނުމަތީ އަތް އަޅާލާފައި ބުނެލިއެވެ.

“އަހަރެމެންގެ ކައިވެނިވާނެ ދޯ އެރޭ ފުރިހަމަ ކޮށްލަން..” ތާރާގެ ކަންފަތް ބުޑުގައި ކައިސާން ބުނެލިއެވެ. ތާރާ ވަގުތުން މައިތިރިވިއެވެ. އޭނާ ލަދުގަތެވެ.

ދެމީހުން ވެސް އެކިސަކަރާތުގައި އެހެން ތިބެފައި ގެޔަށް ދާން ވެގެން ނުކުމެ ތާރާ ސައިކަލަށް އެރިތަނާހެން އޭނާގެ ލޮލުގައި އަޅައިގަތީ އާކިފް އެވެ. އާއެކެވެ. އެއީ އާކިފް އެވެ. އެކަމު ކައިސާން ބުނި ގޮތުން ނަމަ އާކިފް މިވަގުތު އިންނަން ޖެހޭނީ ސެހްރިޝް ގާތުގައެވެ. މިވީ ކިހިނެއް ހެއްޔެވެ؟

“އެއިނީ އާކިފް..” ތާރާ ބުނެލިއެވެ. ކައިސާން ބަލާއިރު އެކަކުވެސް ފެންނާކަށް ނެތެވެ.

“ނެތެއްނު..”

“ނޫން.. ދެއްމެ އެތާ އިން އާކިފް..” ތާރާގެ ދެލޯ އޭނާ އަކަށް ދޮގެއް ނަހަދާނެއް ނޫން ހެއްޔެވެ؟

“ތިވާނީ ހީވި ގޮތަކަށް.. އަނެއްކާ ބޭބީ މާ ނިދިއައީތަ..؟” ކައިސާން ތާރާގެ ބޮލުގައި ފިރުމާލަމުން ބުންޔެވެ.

ތާރާ ވެސް ފަހުން އެވާހަކަ ނުދެއްކީ ކައިސާން ބުނިފަދައިން އޭނާ އަށް ފެނުނުހެން ހީވާނީ ކަމަށް ގަބޫލު ކުރަމުންނެވެ.

*ނުނިމޭ*