ސޫރަ/ޕާޓް1

އަނދިރި މަގުތަކުން ލާފަ ސަނާ ބާރަށް ދުވަމުން ދުވަމުން ގޮސް ވަލަށް ވަދެވުނެވެ.ދުވަމުން ވެސް ސަނާ އަށް ފަހަތަށް ބެލެނީ އެ ކަޅު ބޮޑު ހިޔަނި އޭނާ ފަހަތުން އަންނާތީ އެވެ.ދުވަމުން ދަނިކޮށް ނިކަގަހުގެ މޫގަނޑެއްގަ އަޅައިގަނެގެން ވަރަށް ބާރަށް ވެއްޓުނެވެ.ސަނާ އަށް ރޮވުނެވެ.ވީތަދަކުން ނޫނެވެ.ގަނެފައިވާ ބިރެއްގެ ބޮޑުކަމުންނެވެ.ސަނާ މަޑުމަޑުން މޫނު އަނބުރާލިއެވެ.އެބިޔަ ކަޅުހިޔަނި އޮތީ އޭނާއާ ދިމާލަށް ގުދުވެގެން އޭގެ ބޮޑު އަނގަ ސަނާއާ ދިމާލަށް ހުޅުވަގެންނެވެ.
**********
ސަނާއަށް ސިއްސައިގެންގޮސް ނިދިންހޭލެވުނެވެ.އަދި ވަރަށް ބާރަށް މަންމާއޭ ކިޔާ ރޮއެގަތެވެ.ކައިރީގަ އަރާމުނިންޖަކުން ނިދާފައޮތް ނަވީންއަށް ހޭލެވުނީ ސަނާ ރޮއެގަތް އަޑަށެވެ.ނަވީން ބެޑް ސައިޑް ޓޭބަލް މަތީގަހުރި ލޭމްޕްއަށް އަތް ފޯރުކޮށްލާފަ ސުވިޗް އޮންކޮށްލިއެވެ.އަދި ސަނާ ކައިރީގަ ވީގޮތް އަހަމުން އޭނާ ގަޔާލާބޮނޑި ކޮށްލަމުން ބޮލުގަ މަޑުމަޑުން ފިރުމާލިއެވެ.”ދޮނޫ ކިހިނެއްވީ…؟؟އަނެއްކާ ހަމައެކަހަލަ ހުވަފެނެއް ފެނުނީތަ…!؟؟”ނަވީން އޭނަގެ ލޯބިވާ އަންހެނުންގެ ބުރަކަށީގައި ފިރުމާލަމުން ނުތަނަވަސްވެފަ އަހާލިއެވެ.ސަނާ ނޭފަތް ދަމާލަމުން ބޯ ޖަހާލިއެވެ.
**********
މީ މިހާރު ސަނާއަށް ތަކުރާރުކޮށް އެއްހުވަފެނެއް ފެންނަތާ 3ވަނަ ރެޔެވެ.ކުށްލިޔަކަށް ދެމީހުން ވެސް ސިއްސައިގެން ދިޔައީ ސަނާ ފޯނު ރިންގުވާ އަޑަށެވެ.ގުޅަނީ ސަލްމާ އެވެ.ސަލްމާއްތަ އަކީ މީގެ 10 އަހަރުންސުރެ މިޔަދާއި ހަމަޔަށް ސަނާގެ ބަލި މަންމަ ބަލަން ގޭގެ އުޅޭ 45އަހަރުގެ ހީވާގި،ގެވެހި އަންހެނެކެވެ.ނަވީން ކަންބޮޑުވީ މިހާ ދަންވެފަހުށްޓަ ގުޅީމައެވެ.އަވަސް ހިތަކާއިއެކު ނަވީން ފޯނުނަގާ ކަންފަތުގަ ޖަހާލަމުން ހަލޯއޭ ބުނެލިއެވެ.ދެން އިވުނީ ސަލްމާގެ ރުއިމުގެ އަޑެވެ.
*********

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.