އެދިގެން ކަލާ ލިބޭތޯ 53

(53 ވަނަ ބައި)
“އާޙް… ނޫން… ނޫން….” މެޔާއި ހަމައިން ފިތިބާރުވަމުންދިޔަކަމުގެ އުނދަގޫ އިޙުސާސާއިއެކީގައި މިލާންގެ ނޭވާއަށް ވެސް ދަތިވެގެންދިޔައެވެ. ދެފަރާތަށް ބޯހޫރަމުން ދެކަކޫ މައްޗަށް ތިރިވެވުނީ ދެފައިކޮޅުން ވަރުދޫވެގެންނެވެ. ކަރުނުން ފުރި ބަންޑުންވަމުންދިޔަ ދެލޮލުން ބިންމަތީގައި ކިރެމުންްދިޔަ ކަރުދާސްގަނޑާއި ދިމާލަށް ބަލާލެވުނުއިރު އެ ދެން ސިޓީ ގައި މައިރާ ލިޔާނޭ ވާހަކަތަކާއި ރީހާންގެ އަނިޔާވެރިކަމުން މައިރާގެ ނިމުން އައިގޮތްވެސް އޭނައަށް ވަޒަންކޮށްލެވުނެވެ.
ހަޤީގަތަށް ފިލަން ލޯމަރާލުމާއިއެކު މިލާންގެ ކޯތާފަތް ތެމިގެންދިޔައީ ހޫނު ކަރުނަތަކުންނެވެ. ހަޤީގަތް އޭނައާއި ކުރިމަތި ލުމުގެ ކުރީން އޭނަގެ ފުރާނަ ހަށިގަނޑާއި ވަކިވިނަމައެވެ. އެއީ ތެދުނަމަވެސް އެކަން ބަލައިގަންނާނޭހާ ވަރެއް އޭނަގެ ހަށިގަނޑަކު ނެތެވެ.
*****************
މިރޭވެސް މޫސުމް އޮތީ ފުދޭވަރަކަށް ގޯސްކޮށެވެ. އިރުއޮއްސުމާއިއެކު އުޑުމަތި ބައްދަމުންދިޔަ ވިލާތަކުން އުޑުމަތި އަދި ވެސް ފޮރުވިފައިވީއިރު ބުރަހެލިވަމުންދިޔަ ވިލާތަކަށް ނުކުޅަދާނަވެގެން ވާރޭގެ ސައިލެއް ބިމަށް ދެންމެ ދެންމެ ފައިބައި ގަތްފާނެހެންހީވެއެވެ. ޖެހެމުންދާ ބާރު…