Skip to content
އެސްފިޔަ

ތިޔަ ނަން މި ހިތުގާ

ނޫރީންއަށް ހޭލެވުނީ ފޯން ރިންގް ވާ އަޑަށެވެ. ލޯ ހުޅުވާލާފައި ފޯން ބަލާލި އިރު ގުޅަނީ އަޒްޔަންއެވެ. ގަޑިން އޭރު އެގާރަ ގަޑި ބައިވީއެވެ.

“ދޮރުމަތީ މިހިރީ” ނޫރީން ފޯން ނެގުމާއެކު އަޒްޔަން ބުންޏެވެ.

“މި ހުޅުވަނީ” ނޫރީން އެހެން ބުނެފައި ފޯން ކަނޑާލާފައި ބުރުގާ އަޅައިގެން ގޮސް ދޮރު ހުޅުވާލިއެވެ.

“އިށީނދޭ، އެބަ އަންނަން” އަޒްޔަން ވަނުމުން ނޫރީން ބުނެލިއެވެ.

“ކޮފީއެއް ބޭނުންތަ؟” ނޫރީން އަހާލިއެވެ.

އަޒްޔަން ބޯ ޖަހާލުމުން ދެ މީހުންނަށް ދެ ކޮފީ ހަދައިގެން އައިސް އެއް މަގު އަޒްޔަންއަށް ދީފައި ވަކިން ހުރި ސޯފާގައި ނޫރީން އިށީނެވެ.

“ނިދާފަ އޮއްވާތަ މި އާދެވުނީ؟” ކޮފީ ތަށިން ރަހަ ބަލާލާފައި އަޒްޔަން އަހާލިއެވެ.

“އޭރު އޮށޯވެލި ތަނާ ނިދުނީ، ނިދާކަށް ނޫން އަސްލު..” ނޫރީން ޖަވާބު ދިން އިރު އަޒްޔަން ބައްދަލު ކުރަން ބުނީ ކީއްވެ ބާއޭ ހިތުގައި އޮތެވެ.

“ކީއްވެ މީޓް ކުރަން ބުނީ؟” އަޒްޔަން ވާހަކަ ނުދައްކާ ގިނަ އިރު ވާން ފެށުމުން ނޫރީން އަހާލިއެވެ.

“ނޫރީން ބުނީމެއްނު އަހަރުމެން ދެ މީހުން ވާހަކަ ނުދައްކައޭ؟ އެހެންވެ.. ވާހަކަ ދައްކާލަން” އަޒްޔަން ބުނި ގޮތުން ހީވީ އެއީ ނޫރީންއަށް އެނގިފައި އޮތް ކަމެއް ހެންނެވެ.

“އަހަރެން ބުނީ ކުރިން އެކަކުވެސް މި ކަމާ ޑިސްކަސް ނުކުރާ ވާހަކަ.. ބައްޕަމެން ވާހަކަ ދައްކައިގެން ހަމަޖައްސާފަ އޮތަސް، އަހަރުމެންނަށް އެނގުނުތާ ގިނަ ދުވަސް ވިޔަސް ކުއްލިއަކަށް މެރީ ކުރަން މިއުޅެނީ. ހިތަށް އަރާ..” ވާހަކަ ދައްކަން ފަށާފައިވެސް ކުރިއަށް ގެންދަން އުނދަގޫ ވެގެން ނޫރީން ހުއްޓާލިއެވެ.

“ކީކޭ ހިތަށް އަރަނީ؟” އަޒްޔަން އަހާލިއެވެ. އަމިއްލައަށް އެއްވެސް އެއްޗެއް ނުބުނެ، ނޫރީން ލައްވާ ވާހަކަ ދައްކުވަން އަޒްޔަން ބޭނުންވަނީ ކަންނޭނގެއެވެ.

“ކުރިން ހިތަށް އެރިތަ ޕޭރެންޓްސް ބުނެގެންނޭ މެރީ ކުރަން ޖެހޭނީ؟” ދެންވެސް ވާހަކަ ދައްކަން ޖެހުނީ ނޫރީންއެވެ. ހިތުގައި ހުރި ސުވާލުތައް ކުރަން ބޭނުން ވިޔަސް ނޫރީން ފެށީ ދުރުދުރުންނެވެ.

“އަހަންނަށް ވުރެ ކުރިން ނޫރީންއަށް އެނގިފަ އޮތީ. އަސްލު އަހަންނަކަށް ބައްޕަ ނުދޭ ޗޮއިސްއެއް، އެކަމަކު މަންމަ ބުނި އަހަރެން ބޭނުމިއްޔާއޭ ކުރިއަށް ދާނީ. ނޫރީންގެ ބައްޕަވެސް ބުނި ދެ މީހުންވެސް ބޭނުމިއްޔާއޭ ކައިވެނި ކުރާނީ. ވަކި ގޮތަކަށް ވިސްނާފަ ނެތަސް ކުރިން ހީކުރި ގޮތެއް ނޫން މީ. އެހެން ވިޔަސް ގަދަކަމުން ކުރުވާ ކަމެކޭ ނުބުނާނަން” އަޒްޔަން ޖަވާބު ދިނެވެ.

“ސޯ.. އެނގުމުގެ ކުރިން ކުއްޖަކާ މެރީ ކުރަން އުޅުނިންތަ؟” ނޫރީން އަހާލިއެވެ.

“ނޫން.. އޭރު އެ ކަހަލަ ޚިޔާލެއް ނެތް. މެރީ ކުރަން ޖެހޭނެޔޭ ހިތަށް އެރީވެސް ބައްޕަމެން އެ ވާހަކަ ދެއްކީމަ” ނޫރީން ކުރާ ކޮންމެ ސުވާލަކަށް ލަސް ނުކޮށް އަޒްޔަން ޖަވާބު ދެއެވެ.

“އޭގެ ފަހުން ކުއްޖަކާ ދިމާ ވިތަ؟” ނޫރީން އެންމެ މުހިންމު ސުވާލު ކޮށްލިއެވެ.

“ދިމާ ވިއޭ ބުނެފިއްޔާ ނޫރީން ކިހިނެއް ހަދާނީ؟” ނޫރީންގެ އެ ސުވާލަށް ޖަވާބު ދިނުމުގެ ބަދަލުގައި އަޒްޔަންވެސް ކޮށްލީ ސުވާލެކެވެ.

“އަޒްޔަން އެހެން ކުއްޖަކާ މެރީ ކުރަން ބޭނުން ވަންޏާ ބައްޕަމެން ބުންޏޭ ކިޔާފަ ނުޖެހޭނެ އަހަންނާ މެރީ ކުރާކަށް. އަޒްޔަންއަށް ބުނަން ނުކެރެންޏާ އަހަރެން ބުނާނަން. ޔޫ ޑޯންޓް ހޭވް ޓޫ ފޯސް ޔޯސެލްފް ޓު ޑޫ ދިސް. ޔޫ އާރ ފްރީ” ނޫރީން ފަސްޖެހުމެއް ނެތި ބުންޏެވެ. އެއީ ހިތް އެދޭ ގޮތަށް ނުވިޔަސް އަޒްޔަންއަށް މަޖުބޫރު ވެގެން ކުރެވޭ ކައިވެންޏަށްކަށް އެ ކައިވެނި ވާކަށް ނޫރީން ބޭނުމެއް ނޫނެވެ.

“ނޫރީންގެ ލައިފްގަ އެހެން މީހަކު ނެތްތަ؟” އަޒްޔަން ވާހަކަ އަނެއް ކޮޅަށް ބަދަލު ކޮށްލިއެވެ.

“ތީ އެހެން ކުއްޖެއްގެ ހައްގަކަށް ނުވަންޏާ އަހަރެންގެ ލައިފްއަށް އަންނަން ހުރި މީހަކީ ތީ” ނޫރީން ބުނެލީ ހިތުގައި އޮތް ގޮތަށެވެ.

“އަހަރެންގެ ލައިފްއަށްވެސް އަންނަން ހުރީ ނޫރީން” ނޫރީންގެ މޫނަށް ބަލަން އިރުކޮޅަކު އިނދެފައި އަޒްޔަން ތަކުރާރު ކޮށްލީ ނޫރީން ބޭނުން ކުރި ފަދަ ބަސްތަކެކެވެ.

“އަޒްޔަން ބޭނުން ވެގެންތަ އަހަރެން ތި ލައިފްއަށް ގެންނަން ތިއުޅެނީ؟” ނޫރީން އަހާލިއެވެ.

“އަހަރެންވެސް ތި ސުވާލު ނޫރީންއާ ކޮށްފިއްޔާ ކޮބާ ޖަވާބަކީ؟” ނޫރީން ކުރި ސުވާލަށް އަޒްޔަން ޖަވާބު ދޭކަށް ބޭނުމެއް ނުވިއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (12)

  1. Mar Sha

    Salaam readers, hope everyone had a good holiday. ehaa gina dhuvas nukoh aa vaahaka eh fesheytho miulheny. readers ah kamudhaane kamah hykuran. InshaAllah next week ga vaahaka fashaanan. lots of ❤️

  2. Aisha

    Wow reethi vaane ❤️❤️❤️

    1. Mar Sha
      Aisha

      hi Aisha, thank u

  3. Anonymous

    Wow.. varah reethi vaane hen heevanyy.. can’t wait….

    Is this a pro story…??

    1. Mar Sha
      Anonymous

      thank u dear, no mee pro story eh noon, free koh kiyaaleveyne

  4. Anonymous

    Maasha plz. Maafah edhemun vaahaka kiyaalevene gotheh hadhai dhybala

    1. Mar Sha
      Anonymous

      alhe dear im so sorry. e story kiyeyne ehen gotheh Marsha ah hadhaeh nudheveyne, register velaafa e story ah pay kollyma kiyeyny

  5. Anonymous

    Next story pro story ehtha

    1. Mar Sha
      Anonymous

      no dear, mee free story eh

  6. Anonymous

    Mee 1 part thr?

    1. Mar Sha
      Anonymous

      no, mee trailer eh, part 1 inshaAllah on Sunday

  7. Anonymous

    Oh Ty ☺️💙

Comments are closed.