ތިޔައީ ހަނދޭ-8

“މިއަދު ހިގާ އަހަރެންގެ ގެޔަށް..” އަރްފާން އެހެން ބުނުމުން ޔޫރާ އެއްބަސް ވިއެވެ.

“މަންމަމެން މިއަދު އައީމަ އަސްލު މިބުނީ..” އަރްފާން ބުނެލިއެވެ.

“އަސްލުތަ..؟” ޔޫރާ ހިނިތުންވެލިއެވެ.

“ހޫމް..” އަރްފާން އެހެންބުނެ ދުވެލި ބާރު ކޮށްލިއެވެ.

*ޕާރޓް-8*

ސައިކަލް މަޑުކޮށްލީ އާދައިގެ ގެޔެއް ކުރިމައްޗަށެވެ. ފެންސުޖަހައި ގޯތިވަކިކޮށްފައި އޮތީރު ވަރަށް ރީއްޗަށް އެތެރޭގައި ވަނީ ވިނަ ހައްދާފައެވެ. އެކި ވައްތަރުގެ މާގަސްތަށް ވެސް ފެންސު ކައިރީ އިންދާފައި ހުއްޓެވެ. ގޭގެ ބޮޑު ދޮރު ހުޅުވާލާފައި ހުރީރު އެތެރޭ ތިބޭ މީހުން ފެނެއެވެ. އަރްފާންގެ މަންމަ އާއި ބައްޕަ ވެސް ސިޓިންރޫމް ސޯފާގައި ތިބީ އެދެކުދިންގެ އިންތިޒާރުގައެވެ. ސައިކަލުން ފާބާފައި ޔޫރާ މަޑުކޮށްލީއެވެ. އަރްފާން އެތެރެއަށް ވަންނަން ހިގައިގަތުމުން ވެސް އޭނާ އިނީއެވެ.

“ކިހިނެއްވީ..؟” އަރްފާން އައިސް ޔޫރާގެ އަތުގައި ހިފާއްޓާލާމުން އަހާލިއެވެ.

“އަހަރެން ބިރުގަނޭ..” ޔޫރާ ބުނެލިއެވެ. މިއީ އޭނާ އަށް އަރްފާންގެ މައިންބަފައިންނާއި “ފޭސް ޓު ފޭސް” ބައްދަލުވާ ފުރަތަަމަ ފަހަރެވެ. އެހެން ނޫނީ އޭނާ ވާހަކަދައްކާނީ އަރްފާން އާއި ގުޅައިގެން އުޅެމުންނެވެ.

“އަހަ އައީދޯ ދެކުދިން..” އަރްފާންގެ މަންމަ އާމިރާ އުފާވެރި ހިނިތުންވުމަކާއި އެކީއެދެކުދިންނަށް މަރުހަބާ ކިޔެވެ.

“މީ ދޯ ޔޫރާ އަކީ.. މާޝާﷲ ވަރަށް ރީތި..” އާމިރާ އަށް ތަޢުރީފް ނޮކޮށް ނުހުރެވުނެވެ.

“ދެން އަވަހަށް ދެކުދިން އާދޭ ސައިބޯން.. އާދެވުނު ފަހަރަކުން ވާނެ ސާކޮޅެއް ބޯލާގެން ދާން..” އަރްފާންގެ ބައްޕަ ނާފިރް ތެދުވެ ބަދިގެޔާއި ދިމާއަށް ހިގައިގަތެވެ. އަރްފާންގެ މަންމަ އާއި ބައްޕަގެ ހެޔޮކަން ފެނި ޔޫރާގެ މޫނުމައްޗަށް ހިނިތުން ވުމެއް ވެރިވިއެވެ.

“ބުނީމެއްނު ބިރުގަންނަ އެއްޗެއް ނޫނޭ އެއީ..” އަރްފާން ޔޫރާގެ ކަންފަތް ކައިރީ ބުނެލިއެވެ.

އެއްމެން ވެސް ސައިބުއިގެން ވާހަކަ ދައްކަން ތިއްބައި އިޝާނަމާދު ބަންގި ގޮވިއެވެ.

“ދަރިފުޅާ އަވަހަށް ދެންދޭ ޔޫރާ ގެޔަށްލާން.. އެކުއްޖާ ފުޅު ގެޔަށް ލައިފަ މިސްކިތަށް ދޭ..” އާމިރާ އަވަސް އަވަހަށް މޭޒުމަތި ރީތިކުރަން ފެށިއެވެ. ނާފިރް ވެސް އާމިރާ އަށް އެހީވެދީފައި ދިޔައީ ވުޟޫ ކުރާށެވެ. މިއަމަލުން ވެސް ޔޫރާ އަށް މިޢާއިލާ އަކީ ވަރަށް ހެޔޮ ރަގަނޅު އަޙްލާޤް ލިބިފައިވާ ބައެއްކަން އެނގިދިޔައެވެ.

އަރްފާން ވެސް ލަސްނޮކޮށް ޔޫރާ ގެޔަށް ލައިދިނެވެ. ގެޔަށް އާދެވުމުން ޔޫރާ ފޭބިއެވެ.

“ސީޔޫ ސޫން..” ޔޫރާ އެހެން ބުނެލުމާއި އެކު އަރްފާންގެ ފޯން ރިންގް ވާން ފެށިއެވެ. އަރްފާން ފޯނު ނެގިގަނޑީގައި ޔޫރާ އަށް ވެސް ސްކްރީން އަށް އަރައިފާވާ ނަން ފެނުނެެވެ. އެއީ އޭނާ ގަސްދުގައެއް ނޫނެވެ. އޭނާ އަށް ފެނުނީއެވެ. ނަމަކަށް ޖަހާފައި އިނީ މާހިން އެވެ. ޔޫރާ ހިތަށް އެރި އެއީ އަރްފާންގެ އެކުވެރިއެއް ކަމަށެވެ. އެހެެން ކަމުން އޭނާ އަރްފާން އަށް ހަނާ އަޅާލާފައި ގެޔަށް ވަނިއެެވެ.

“ކިތައްފަހަރުތަ ބުނަންވީ ކަލޭ ބޭނުން ހާއިރަކު ނުގުޅާށޭ.. ދެންމެވެސް ޔޫރާ ކައިރީ އިންދަ އޭ ތިގުޅީ.. ބުނަން ދެން ރޭގަނޑު މަށަށް ގުޅަންޔާ ގުޅާ ނުވައެއްގެ ފަހުން..” ކިޔާނެ ހުރިހާ އެއްޗެއް ކިޔައި އަރްފާން ފޯން ބޭއްވިއެވެ. އަދި ދިޔައެވެ.

ގޭތެރެއަށް ވަދެގެން އައި ޔޫރާ ފެނި ރާނިޔާ އޭނާ އަށް ގޮވާލިއެވެ.

“ދަރިފުޅާ އާދޭ ސާބޯން.. ހާދަ ލަހަކުން ގެޔަށް އައިދުވަހެކޭ..” ރާނިޔާ އެހެން ބުނެ ޔޫރާ އަށް ސައިތައްޓެއް އަަޅަން ފެށިއެވެ. އޭރު މޭޒުކައިރީ ރަޝްނާން ވެސް އިނެވެ. ޔޫޝައު ހަމަ ދެއްމެ އަކު ސައިބުގެން ވަނީ ކޮޓަރިއަށެވެ.

“މަންމާ އަޅުގަނޑު މިއައީ އަރްފާން މެންގެޔަށް ގޮސް ސައިބުއިގެން..” ޔޫރާ އައިސް ގޮނޑިއެއް ދަމައިލާފައި އިށީނެވެ.

“އަރްފާން މެން ގެޔަށް ގޮހޭ..؟!!” ފެން ބޯން އިދެފައި ރަޝްނާން ކޮށިނޭރީ ހަމަ ކިރިއާއެވެ.

“ހޫމް.. މިއަދު އަރްފާންގެ މަންމަމެން އައީމަ އެމީހުންނާ ބައްދަލު ކޮށްލަދޭން.. އެމީހުން ވަރަށް ރަގަނޅު..” ޔޫރާ ކިޔައިދިނެވެ. ރާނިޔާ ވެސް އިނީ ވަރަށް ޝައުގުވެރިކަމާއި އެކު އަޑުއަހާށެވެ.

“އަދި ފުރަތަމަ ފަހަރަށްދޯ ތި ދިމާވީ..؟” ރަޝްނާން އަހާލިއެވެ.

“އާން.. އެހެން ނޫނީ ވާހަަކަދައްކާނީ އަރްފާންއާ ގުޅައިގެން އިންނަ ގަޑީގަ..” ޔޫރާ އިނީ ހީލާގެންނެވެ.

“ރަޝް ކޮންއިރަކުންތަ ކުއްޖަކާ ރައްޓެހިވާނީ.. އެކިޔާ ފާޑެއްގެ ލީމް އަކާ ބްރޭކަޕްވި ފަހުން އަދި އަންހެނަކާ ދިމާއަށް ބަލައިވެސް ނުލާ.. އަނެއްކާ އާރްޔޫ ގޭ..؟” ޔޫރާ ވަރަށް ސީރިއަސް ވެލާފައި އަހާލިއެވެ.

“އަނގަޔޭ ކިޔާބަލަ..” ރަޝްނާން ދެބުމަ ކައިރި ކޮށްލާފައި ބުނެލިއެވެ.

“ހޫމް ހޫމް ތިޔަކަހަލަ އެއްޗެހި ނުކިޔާ.. ބުނެބަލަ، އަދި ކަމުދާ ކުއްޖެއް ނުފެނޭތަ..؟” ރާނިޔާ ވެސް އަހާލިއެވެ.

މަންމަ އާއި ކޮއްކޮ އަހަން ފެށީމައި ރަޝްނާން އަކަށް ނުހުރެވުނެެވެ.

“ކަމުދާ ކުއްޖަކު ފެނިއްޖެ..” އިސްޖަހާލައގެން އިނދެ ރަޝްނާން ބުނެލިއެެވެ.

“ވޯވް.. ކޮންނަމެއް ކިޔަނީ..؟ ކޮންތާކު އުޅެނީ..؟ އަންހެނެއްތަ ފިރިހެނެއްތަ..؟” ޔޫރާ އަނެއްކާ ވެސް ސަމާސާ ކޮށްލިއެވެ. މިފަހަރު ރާނިޔާ އަށް ވެސް ހެވުނެވެ.

“ސާބަސް.. ޓްރާންސް އެއް.. ނިމުނީނު..” ރަޝްނާން ވެސް ސަމާސާގައި ބައިވެރިވިއެވެ.

“އެކުއްޖާގެ ނަމަކީ ޒަހްރާ.. އޭނާ އަށް ވެސް 22 އަހަރު.. ޒަހްރާ މަސަށްކަތް ކުރަނީ އަޅުގަނޑު މަސަށްކަތް ކުރާ އޮފީސް ކައިރީ އިންނަ ކޮފީ ޝޮޕް އެއްގަ.. ރޭގަ އަސްލު ލަހުން އާދެވުނީ ޒަހްރާ އާ ދިމާވެގެން ވާހަކަ ދައްކަން ހުރެވުނީމަ..” ރަޝްނާން ކިޔާދިނެވެ. ޒަހްރާ އާއި އޭނާ ދިމާވި ގޮތް ވެސް އޭނާ ކިޔައިދިނެެވެ.

“އައްދޭ ހާދަ ކިއުޓް ލަވް ސޮޓޯރީއެކޭ ދޯ..” ޔޫރާ މޭގައި އަތްޖައްސާލާފައި ދެލޯ މަރާލާފައި “ޑްރަމެޓިކް” ގޮތަކަށް ބުނެލިއެވެ.

“ހޫމް ހޫމް.. ޑްރާމާ ކުއީން ވީނު ފިލްމެއް ކުޅެން ދާން..” ރަޝްނާން ޔޫރާގެ ބޮލުގައި ފުއްޓަކެއް ޖަހާލަމުން ބުނެލިއެވެ.

“އައްޔޯޔް.. މިހާރު އެއޮށްގެން އަށްގަނޑި ބައިވީ މިހެން ވާހަކަ ދައްކަންތިބެވިދާނެ ކިތައްމެ އިރެއްވަންދެކަށް ވެސް.. ދޭ ދުކުދިން ވެސް ކޮޓަރިއަށް..” ރާނިޔާ ގަނޑިބަލާލާފައި އަވަހަށް ތެދުވިއެވެ. ޔޫރާ އާއި ރަޝްނާން ވެސް ވަނީ ކޮޓަރިއަށެވެ.

ފެންވަރާ ތާޒާ ވެލައިގެން ރަޝްނާން ހުއްޓިލީ ޑްރެސިން ޓޭބަލް ކައިރިއަށެވެ. އޭނާ ލައިގެން ހުރީ ކަޅު ކުލައިގެ ހުޑީއަކާއި ގަދަ ނޫކުލައިގެ ޖިންސް އެކެވެ. އިސްތަށިގަނޑުގައި ފުނާ އަޅާލާފަވެސް އޭނާ ހަދާންވީ ޔޫރާ ބުއިން ވާހަކައެވެ.

“ޒަހްރާ، ދޮންބެ ދެކެ ލައިކްވާން ބޭނުމިއްޔާ ޔޫ ހޭވްޓު މޭކް ހޭރް ފޯލް ފޯރ ޔޫ.. އަންހެން ކުދިންނަށް ރީތިވާނީ ބޯހާވާލާފަ ހުރީމަ އެކަމު އެއީ ހާމުންޑި ކުކުޅެއް ހެނެއް ނޫން..” ޔޫރާގެ މިޖުމްލަ އޭނާގެ ސިކުނޑިތެރޭ ގުގުމާލިއެވެ. ވަގުތުން އަތުން އިސްތަށިގަނޑު ކުޑަކޮށް ހާވާލިއެެވެ. އަދި ގަޔަށް ސެންޓް ކޮޅެއް ޖަހާލިއެވެ.

“ދެން މިރޭ ޒަހްރާ ކައިރިއަށް ދާރު ދޭބަލަ ލައިކް މޭވާ ކޮޅެއް ހިފައިގެން.. ދެން ކީއްކުރަން ގެނަ އެއްޗެއްހޭ އަހައިފިއްޔާ ބުނާނީ-” ޔުރާ ކިޔައިދިން ގޮތަށް ރަޝްނާން ފިހާރެއަށް ގޮސް ދެތިން އާފަލަކާއި މޭބިސްކަދުރު ކޯންޔެއް ނެގިއެވެ. ގަނޑިން ވީއިރު ބަލާލީރު ނުވަގަނޑި ބައިވަނީއެވެ. އަވަހަށް އޭނާ ސައިކަލަށް އަރައިގެން ދިޔައެވެ.

ޒަހްރާ އިނީ ސިޓިންރޫމް ގައެވެ. އޭނާގެ އަތުގައި އޭރު ސިޓީއެއް ކަހަލަ އެއްޗެއް އޮތެެވެ. އެލިޔުން ކޮޅު ކިޔާނިއްމާލާފައި ޒަހްރާ ފުން ނޭވާއެއް ބޭރުކޮށްލިއެެވެ. އެއީ އޭނާގެ ކުރީގެ ލޯބިވެރިޔާ ނާއިޝް އޭނާ އަށް ފޮނުވާ ސިޓިއެވެ. ހަފްތާ އަކު އެއްފަހަރު އޭނާގެ ގޭ ދޮރުމަތީގައި މިކަހަލަ ސިޓިއެއް އޮންނާނެވެ. ޒަހްރާ އަކީ ލޯބީގެ ސިޓީ ކިޔާހިއްވާ ކުއްޖެއް ކަން އެނގުނު ފަހުން ނާއިޝް ހަމަ ކޮންމެ ހަފްތާ އަކު އެގޮތަށް ޒަހްރާ އަށް ސިޓީއެއް ލިޔެދޭނެއެވެ. ނަމަވެސް ދެމީހުން ވަކިވާން ޖެހުނީ ނާއިޝްގެ ސަބަބުންނެވެ. ނާއިޝް ބޭނުންވަނީ ކައިވެނީގެ ބޭރުން ޒަހްރާގެ ނުގަބޫލުގައި އޭނާގެ ގަޔަށް އަތްލާށެވެ. އެކަމާއި ހެދި ޒަހްރާ ނާއިޝް އާއި ވަކިވީއެވެ. ވަކި ވުމައްފަހުވެސް ނާއިޝް އޭނާ އަށް ސިޓީލިޔެދެއެވެ. އެކަމަކު ކުރިން އެސިޓީތަށް ކިޔާފައި ވާއުފަލެއް އެމޫނުމައްޗަކުންނެއް ނުފެނެއެވެ.

ޒަހްރާ ތެދުވެގެން ގޮސް އެސިޓީ ޑަސްބިނަށް ލިތަނާހެން ގޭގެ ބޮޑުދޮރުގައި ޓަކިދިން އަޑު އިވުނެވެ. އެއީ ރަޝްނާން އެނގޭތީވެ އޭނާ ލަސްހިގުމެއްގައި އައިސް ދޮރު ހުޅުވާލިއެވެ.

*ނުނިމޭ*

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.