އެދިގެން ކަލާ ލިބޭތޯ 36

(36 ވަނަ ބައި)
“ހިޒްޔާން….” ރަޒްދާން ބާރުބާރަށް ހިޒްޔާންގެ ނަމުން ކިޔާލިއިރު އެއަޑުގައި އިންޒާރެއްވިއެވެ. އުމުރުގައިވެސް އެކުވެރިޔާ ގެ ދަރިއަކަށް އަޑުއިސްނުކުރިޔަސް ހިޒްޔާންގެ ވާހަކަ ހުރިގޮތުން އޭނައަށް އަނގަ ހިމޭނުންލައިގެން ނުހުރެވުނީއެވެ.
“ކީއްވެހޭ؟ ކީއްވެހޭ؟ މަންމަގެ މަރުގެ ސަބަބަކީ ތީކަމަށް ވާނަމަ އަހަރެން ދުވަހަކު މައާފުނުކުރާނެކަން ހަނދާން ކުރާތި…” އައިޝަމްއާއި ދިމާލަށް އިނގިލި އުފުލާލަމުން ހިޒްޔާން ހަޅޭލަވައިގަތްއިރު އެ ދެލޮލުގައި އުފަން ބައްޕައަށް ޓަކައި ވީ ސާފު ނަފްރަތެވެ. އެލޮލުގައިވީ އަސަރަކުން އައިޝަމްގެ ހަށިގަނޑުގައިވީ ގުނަވަންތަކުގެ ހަރަކާތްތައް ހުއްޓު ވާލިކަހަލައެވެ. އެއީ އެއްވެސް ބައްޕައަކު އުފަން ދަރިއެއްގެ ފަރާތުން އަޑުއިވެން ބޭނުންވާނޭފަދަ ބަސްތަކެއް ނޫނެވެ. އަރުތެރެ ބެދިގެންދިޔުމާއިއެކު އައިޝަމްއަށް ވާހަކަދައްކަންވެސް ދަތިވިއެވެ.
“ކީއްވެ ދަރިފުޅަށް ތިހެން ހީވާންވީ؟ އެއީ ހިޒްގެ މަންމައަށް ވާފަދައިން ބައްޕަގެ އަންހެނުން… މިޝްޔާ ދެކެ ލޯބި…” ލޮލަށް ގިނަވަމުންއައި ކަރުނައާއިއެކު އައިޝަމް ވާހަކަދައްކަން މަސައްކަތްކުރިޔަސް އޭނަގެ ޖުމްލަތައް ފުރިހަމައެއް ނުކުރެވުނެވެ.
“ތި…