ތިަޔއީ ހަނދޭ-2

ޔޫރާ އަކީ ނުލާހިކު ވާހަކަ ކިޔުމަށް ފޯރި ހުންނަ ކުއްޖެކެވެ. ކޮންމެ ދުވަހަކުވެސް އެނާ ކޮލެޖް ނިއްމާ ފައި ބައިގަޑިއިރަށް ވިއަސް ލައިބްރެރީ އަށް ވަދެލާނެއެވެ. ނަލަހެދިލައިގެން ގެއިން ނުކުތް ޔޫރާ މަގުގެ ދެކޮޅު ހޯދާލިއެވެ. އެއްވެސް މީހެއްގެ ހިލަމެއް ނުވެއެވެ. މަޑުމަޑުން އައިސް ލައިބްރެރީ ހުރި މަގަށް އަޅައިލިތަނާހެން ފަތްތަކެއް މުގުރިގެން ދިޔަކަހަލަ އަޑެއް އިވުނެވެ. ޔޫރާ ފަހަތް ބަލައިލީރަށް އެމީހަކު އެތާ އިން ގަހެއްގެ ނިވަލަށް ވަދެ ނިވާވިއެވެ. ޔޫރާ އަށް ހަމަރަގަނޅަށް ވެސް އެއީ ކާކުކަން އެނގެއެވެ.

*ޕާރްޓް-2*

އިރުކޮޅަކު ބަލަން ހުރެފައި ޔޫރާ ލައިބްރެރީ އަށް ވަނެވެ. އޭރުވެސް މޭޒުތައްވަނީ ފުރިފައެެވެ. ލަސް ހިނގުމެއްގައި ޔޫރާ ގޮސް ޝެލްފް އިން ވާހަކަ އެއް ނަގައިގެން އައިސް މޭޒެއްދޮށުގައި އިށީންދެލިއެެވެ. ހަމަޖެހިލައިފައި ވާހަކަ ކިޔަން އިން ޔޫރާ ފޮތް ބާއްވާފައި ތެދުވިއެވެ. ކުރިމަތީ ގައި އިން މޭޒު ދޮށުގައި އިން ފިރިހެން ކުއްޖާގެ ކައިރީގައި ހުރި ހުސް ގޮޑީގައި އެނާ އިށީނެވެ. ޔޫރާ އައިސް އޭނާ ކައިރީ އިށީނުމުން އޭނާ އުފާވިއެވެ. ވާހަކަފޮތް ބާއްވާފައި އޭނާގެ ހުރިހާ ޝައުގެއް ޔޫރާ އަށް ހުއްޓާލިއެވެ.

“މައިސަން ތިއުޅެނީ ކޮން މޮޔައެއް ވެގެންތަ.. މިހާރު ބުނެފިންދޯ އަހަރެންގެ ލޯބިވެރިއެއް ހުރެއޭ،… އެކަން ކީއްވެގެންތަ މައިސަންގެ ސިކުނޑިއަށް ނުވިސްނެނީ..” ޔޫރާ ނުރުހުންވެ ހުރެ މަޑުމަޑުން ބުނެލިއެވެ. އޭރުވެސް މައިސަން ހުރީ ޔޫރާ އާއި ދިމާއަށް ކަޅިޖަހައިނުލާ ބަލާށެވެ.

“މައިސަން..” ޔޫރާ މައިސންގެ މޫނުމަތީ އަތް ހޫރާލިއެވެ. މައިސަން ސިއްސައިގެން ގޮސް ހިޔާލުތަކުން ބޭރުވިއެވެ.

“ޔޫރާ ކިތައްމެވަރަކަށް ތިހެން ބުންޔަސް އަހަރެންނަށް ކިހިނެއްތަ ޔޫރާ މަތިން ހަދާން ނައްތާލެވޭނީ.. ތިއީ އަބަދުވެސް،.. އަބަދުވެސް މި ސިކުނޑިތެރޭ ހިނގާ ހިޔާލަކީ..” މަައިސަން ވަރަށް އިޝްޤީ އަސަރާއި އެކު ބުނެލިއެވެ. ޔޫރާ ލޯ އަނބުރާލައިފައި ނިއްކުރީގައި އަތް ޖައްސާލިއެވެ.

“މިބުނަނީ އެއްމެ ފަހުފަހަރަށް.. މައިސަން ކިތައްމެ ވަރަކަށް އަހަރެން ހޯދަން މަސައްކަތް ކުރިއަސް ތިކަމެއް ނުވާނެ..” ޔޫރާ އެހެން ބުނެ ތެދުވެގެން ދިޔައެވެ. މައިސަން އިނީ ޔޫރާ ދިޔަތަން ބަލާށެވެ. ޔޫރާ ގެއްލުމުން އޭނާ މަޑުމަޑުން ހީލިއެވެ.

ނިދިފައި އޮތް ރަޝްނާން ދިޔައީ ދެކޮޅަށް ދެކޮޅަށް ފޮރެޅެމުންނެވެ. ހީވަނީ އުނދަގޫ ތަކެއް ވަމުންދާހެންނެވެ. ކުއްލިއަކަށް ރަޝްނާން ފުއްމައިގެން ތެދުވިއެވެ. އޭރު އޭނާގެ ނިއްކުރީގައި ދާތިކިތައް ބަބުޅަމުން ދިޔައެވެ. މާނޭވާލަމުން ދިޔައިރު އޭނާ ހުރީ ބިރުންނެވެ. މިއީ ރަޝްނާން ޖެހިޖެހިގެން ތިންރޭ މިގޮތަށް ދިމާވިފަހަރެވެ. އޭނާ އަށް ހުވަފެނެއް ފެންނަނީއެވެ. އެއީ ބިރުވެރި ހުވަފެނެއްނޫނެވެ. އެކަމަކު ރަޝްނާން ބިރުގަތީ ޖެހިޖެހިގެން ތިންރޭ ތަކުރާރުކޮށް އެއްހުވަފެނެއް ފެންނާތީއެވެ. އޭނާ އެނދުން ތެދުވެގެން ގޮސް ކޮޓަރިންވެސް ނުކުތެވެ. އޭރު ގަނޑިން 3:10 އެކޭވެ. ރަޝްނާން ގޮސް އައިސް އަލަމާރިން ފެންފުޅިއެއް ނަގައި ދެތިން ކޯވަރު ބޯލިއެވެ. އަނެއްކާވެސް އައިސް އެނދުގައި އޮށޯވެ ނިދޭތޯ މަސައްކަތް ކުރިއެވެ.

“ދަރިފުޅާ ރަޝްނާން.. ރަޝްނާން.. އަދިވެސް ނުހޭލެވޭތަ.. ރަޝް..” ރާނިޔާ ރަޝްނާންގެ ކޮޓަރި ދޮރުގައި ޓަކި ޖަހަމުން ދިޔައީ ރަޝްނާން ނުނިކުމެގެންނެެވެ.

“ހޭލަ މިއުޅެނީ..” ރަޝްނާން ގޮވާލި އަޑު އިވުނެވެ.

“އަވަސްކޮށްލައިގެން އާދޭ ސައިބޯން..” ރާނިޔާ އެހެން ބުނެ ދިޔައީ އަނެއްކާވެސް ބަދިގެޔަށެވެ.

އޭރު ޔޫޝައު އިނީ މޭޒުދޮށުގައި ސައިބޯށެވެ. ޔޫރާ އެއް ނުހޭލައެވެ. އޭނާ ކޮލެޖް އަށް ދާން ޖެހެނީ މެންދުރެވެ. އެހެންކަމުން ރާނިޔާ މިގަޑިއަކު ޔޫރާ އަކަށް ނޮގޮވައެވެ.

ލޯގަނޑު ކުރިމަތީ ތައްޔާރު ވަމުން ދިޔަ ރަޝްނާންގެ ސިކުނޑިތެރޭގައި ހިގަމުން ދިޔައީ އޭނާ އަށް މިފެންނަ ހުވަފެނުގެ ވާހަކަ ބުނަންވީތޯ ނުވަތަ ނޫން ތޯއެވެ. ގަދަ ނޫކުލައިގެ ގަމީހުގެ ގޮށްތައް އަޅުވައިލާފައި ކަލުކުލައިގެ ޓައި އެއް އަޅައިލައިގެން އޭނާ ނުކުތީ ބޭރަށެވެ.

“ރަޝްނާން.. އަވަހަށް އާދޭ ސައިބޯން.. މިހާރު އެއޮށްގެން ހަތް ގަޑި ސާޅީސްވީ..” ރާނިޔާ ކޮފީތަށި ގެނެސް މޭޒުމަތީ ބަހައްޓަމުން ބުނެލިއެވެ. ރަޝްނާން އައިސް ސައިބޯން ފެށުމުން ރާނިޔާ ވެސް އައިސް އިށީނެވެ.

“ދަރިފުޅާ.. ރޭގަނޑު ރަގަނޅަށް ނުނިދެނީތަ..؟” ރާނިޔާ އަޑުގައިވީ އޯގާތެރިކަމެވެ. އޭނާ އަށް ދަރިފުޅަށް އަންނަ ކޮއްމެ ބަދަލެއްވެސް އެނގެއެވެ.

“އެހެނެއްނޫން..” ރަޝްނާންގެ ޖަވާބު ކުރެވެ.

“ކަމެއްވަނީތަ..؟” ރާނިޔާ އަހާލިއެވެ.

ރަޝްނާން ފާޑަކައް ބަލާލިއެވެ. ބުނަންވީހޭ ނުވަތަ ނޫންކަމެއް ނިއްމާކަށް އޭނާ އަކަށް ނޭނގުނެވެ. ރަޝްނާން ދެކޮޅަށް ބޯހޫރާލިއެވެ. ފަހަކުން ރާނިޔާ އެކަމާބެހޭގޮތުން ނާހައެވެ.

ސައިކަލް ޕާރކް ކޮށްލިތަނާހެން އޭނާ ކައިރިއަށް އައިސް މަޑުކޮށްލީ އޭނާގެ އެއްމެގާތް މިތުރުކަމަށްވާ ކައިފް އެވެ. ކައިފް އާއި އެކީ އެތެރެއަށް ވަންނަން ރަޝްނާން މަޑުކޮށްލީއެވެ.

“އޭޔް ބްރޯ، ހާދަހާ ބޮޑު ވިސްނުމަކަށް ގެއްލިފަ..” ކައިފް އަށް ރަޝްނާންގެ މޫނުމަތީވީ ކުލަވަރު ދެނެގަނެވުނެވެ.

“ވަރަށް ބޮޑުވާހަކައެއް އެބައޮތް..” ރަޝްނާން ބުނެލިއެވެ.

“ކިޔާބަލަ..” ކައިފް ސީރިއަސް ވެލިއެވެ.

“މަށަށް މިހާރު ތިންރޭ ޖެހިޖެހިގެން އެއްހުވަފެނެއް އެބަފެނޭ.. އަބަދުވެސް ހޭލެވެނީ އެއް ގަޑިއަކަށް..” ރަޝްނާން ކިޔައިދިނެވެ. ކައިފް ވިސްނާލިއެވެ.

“ހުވަފެނުގެ ވަނީ ކިހިނެއް..” ކައިފް އަހާލިއެވެ.

“ޖަޖް ނުކުރައްޗޭ އެނގޭ…” ރަޝްނާން ޝަހާދަތް އިނގިލި ދިއްކޮށްލަމުން ބުނެލިއެވެ.

“ހޫމް… ކިޔާބަލަދެން..!”

“އަހަރެންންށް ފެންނަނީ އަންހެން ކުއްޖެއް.. އެކަމު އެކުއްޖާގެ މޫނު ސާފުކޮށެއް ނުފެނެ..”

“ދެން.. ވަރަށް ކޮމްޕްލިކޭޓެޑް..” ރަޝްނާން މޫނަށް ގޮތެއް ހަދާލަމުން ބުންޔެވެ.

ކައިފް އާއި ދިމާއައް ބަލާލި އިރު އޭނާ ހުރީ ހިނިގަނޑު ހިފާއްޓާލައިގެންނެވެ. ރަޝްނާން ބަލާލުމާއި އެކު އޭނާގެ ހިނިގަނޑު ފަޅާގެން ދިޔައެވެ. ރަޝްނާން ރުޅި މޫނު ހަދާލައިގެން ހުރެ އޮފީހާއި ދިމާއަށް ހިގައިގަތެވެ. ކައިފް ވެސް އެނާގެ ފަހަތުން ގޮސް އޮފީހަށް ވަނެވެ.

ބުރަ ދުވަހަކަށް ފަހު އޮފީހުން ނުކުމެ ރަޝްނާން އެނާގެ ސައިކަލަށް އަރާ ސްޓާޓް ކޮއްލިއެވެ. ދެތިން ފަހަރަކު ހިފާލުމުން ވެސް ސައިކަލު ސްޓާޓް ވާގޮތެއް ނުވިއެވެ. އެންމެ ފަހުން އޭނާ ފޯނުނަގާ ޔޫޝައު އަށް ގުޅާލިއެވެ. ނަމަވެސް އޭނާގެ ފޮނަށް ގުޅޭ ގޮތެއް ނުވިއެވެ. ގޮއްހުސްވެގެން ރަޝްނާން ކޮޑުގައި އޮތް ދަބަސް ރަގަނޅު ކޮއްލަމުން ބާރަށް ހިގައިގަތެވެ.

ޖީބަށް އަތް ޖަހާލައިގެން މަޑު ފިރިހެން ވަންތަ ހިގުމެއްގައި އޭނާ ދިޔައިރު އޭނާގެ ސިކުޑީގައި އެބުރެމުން ދިޔައީ އޭނާގެ ހުވަފެނުން ފެނުނު އެ އަންހެން ކުއްޖާގެ ހިޔާލުތަކެވެ. އެއީ ކާކު ހެއްޔެވެ؟ އޭނާ އަށް މި ކުއްޖާގެ މޫނު ނުފެންނަނީ ކީއްވެ ބާއެވެ؟

ރަޝްނާން އަށް ހިޔާލުތަކުން ބޭރުވެވުނީ ޕައްކިޔާފައި ފެން އެއްޗެއް އޭނާ ގަޔަށް ޖެހުމުންނެވެ. ހައިރާއްވެފައި ހުރެ އޭނާ އަށް ފުރަތަމަ ބަލައިލެވުނީ ތެމި ފޯ ވެފައިވާ އޭނާގެ ގަމީހަށެވެ. ދެން ނަޒަރު ހިއްގާލީ އޭނާގެ ކަނާތް ފަރާތަށެވެ.

*ނުނިމެ*

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.