މުޅި ހިތް ބޭޤަރާރު ވެއްޖޭ-3

އާކިފް ޒާޔާގެ އަތުގައި ހިފައިގެން ހުރެ އެތެރެއަށް ވަނެވެ. އެތެރެއަށް ވަދެ ކައުންޓަރު ކައިރީ ހުއްޓިލި ތަނާހެން ޒާޔާގެ ލޮލުގައި މީހަކު އަޅައިގަތެވެ. އެމީހަކު އިނީ މާކުރިންވެސް ޒާޔާ އާއި ދިމާއަށް ބަލާށެވެ. ޒާޔާ ހިތް ބިރުގަތެވެ. އާކިފް އަށް އެމީހަކު ފެނުމުގެ ކުރިއަށް މިތަނުން ނުކުންނަން ވީއެވެ. ނޫނީ ކަންތަށް ދާނީ ގޯހުން ގޯހަށެެވެ. ޒާޔާ ހާސްވާން ފެށިއެވެ.

*ޕާރްޓް-3*

ބޭބީ ހިގާބަ އެހެން ތާކަށް ދާން.. މިތާ މާ މީހުން ގިނަ..” ޒާޔާ އާކިފްގެ އަތުގައި ހިފައި ދަމައިލިއެވެ.

“އެކަމު ދެން މިހާރު އޯރޑަރ ވެސް ކުރެވިއްޖެ..” އާކިފް ހައިރާން ވިއެެވެ. ޒާޔާ ބޭނުން ވެގެން އައީމަ މާ މީހުން ގިނައޭ ކިޔައިފައި ދާން މިއުޅެނީ ކީއްވެ ހެއްޔެވެ.

“ދެން.. ޕްލީސް.. އެމީހުން ކައިރީ ބުނޭ ކެންސަލް ކޮށްލާށޭ..” ޒާޔާ ކުރުނޮކޮށް ކިޔަން ފެށުމުން އާކިފް އަށް މަޖުބޫރުވީ ދާށެވެ. އޯރޑަރ ކުރިއެއްޗިހި ކެނސަލް ކޮށްލާފައި އޭނާ ޒާޔާ ގޮވައިގެން ނުކުތެވެ. އެތަނުން ނުކުމެވުމާއި އެކު ޒާޔާ ހަމަޖެހުމުގެ ނޭވާ އެއް ދޫކޮށްލިއެވެ.

“ދެން ކޮންތާކަށް ދާންވީ..” އާކިފް ކާރަށް އަރަމުން އަހާލިއެވެ.

“ދެން ދާނި ފިހާރެއަށް.. ކޮންމެހެން ކާން ދާނެ ކަމެއް ނެތް..” ޒާޔާގެ މޫޑު ބަދަލުވިލެއް އަވަސްކަމުން އާކިފް ހައިރާން ވިއެވެ. ނަމަވެސް އެއީ މާ ބޮޑު ކަމަކަށް ނަހަދައި އޭނާ ކާރު ދުއްވާލިއެވެ.

މީހުން މަދު ޕާކެއް ތެރޭގައި ވާސިލް އާއި ސެހްރިޝް ތިބީ ވާހަކަދައްކާށެވެެ. ސެހްރިޝް އަތްތިލަ ވަނީ ވާސިލްގެ އަތުތެރޭގައެވެ. ދެ ލޯބިވެރިންވެސް އުފަލުގައި އެކިވާހަކަ ދައްކަމުން ދަނިކޮށް ވާސިލްގެ މަންމަ ގޮޅިއެވެ.

“ހަލޯ.. އާން ކީކޭ..” ވާސިލް ކަންފަތުގައި ފޯނު ޖައްސާލަމުން އަހާލިއެވެ.

“އާން މިދަނީ..” ވާސިލް އެހެން ބުނެ ފޯނު ބޭއްވުމުން ސެހްރިޝް ދެރަވިއެވެ. ވާސިލް އެދަނީއެވެ. އޭނާ އާއި އެކި ވާސިލް އަށް ހޭދަކުރެވެނީ ވަރަށް މަދުވަގުތު ކޮޅެކެވެ. ގިނައިން ދެމީހުން ވާހަކދައްކަނީ ޗެޓުން ނޫނީ ގުޅައިގެންނެެވެ. ނމަވެސް ސެހްރިޝް ޝަކުވާ އެއް ނުކުރެއެވެ.

“ސެޝް.. އަހަރެން ދާންވެއްޖެ.. މަންމަ ދެންމެ ގުޅާފަ އެބުނި އައިސް ދީބަލާށޭ.. ދެން ސެޝް ވެސް ދޭ ގެޔަށް..” ވާސިލް ސެހްރިޝްގެ ބޮލުގައި ފިރުމާލަމުން ބުނެލިއެވެ.

“ބަލައިގެން ދައްޗޭ..” ސެހްރިޝް ތެދުވަމުން ބުނެލިއެވެ.

“ހޫމް.. ކޮބާ ތާރާ..؟” ވާސިލް މެންނާއި އެކީ އައި ތާރާ މިހާރު ފެންނާކަށް ނެތެވެ.

“އެއިނީ ކާރު ކައިރީގަ..” ސެހްރިޝް ދައްކާލިއެވެ.

ވާސިލް ދިޔަތަން ބަލަން ހުރެފައި ސެހްރިޝް ފުން ނޭވާއެއް ދޫކޮށްލިއެވެ.

“އޭޔް.. ކިހިނެއްވެފަ..؟” ތާރާ އަށް ސެހްރިޝްގެ މޮޅިވެފައިވާ މޫނުފެނި އަހާލިއެވެ.

“ކަމެއް ނުވޭ.. މިވިސްނަނީ މަންމަމެން ކައިރީ ވާސިލްގެ ވާހަކަ ބުނާނެ ގޮތެއް..” ސެހްރިޝް ކާރުގައި ލެނގިލަމުން ބުނެލިއެވެ. އެ ގަދަ އަޅި ކުލައިގެ ލޮލުގައިވީ މައުސޫމް ކަމެވެ.

“އަހަރެންމީ ސެޝް ނަމަ އަހަރެން ވާސިލް ގެޔަށް ގެންގޮށްސަ ބުނާނީ.. އޭރުން މަންމަމެންނަށް ފެންނާނެ އެއްނު..” ތާރާ އޭނާގެ ހިޔާލު ފާޅު ކުރިއެވެ.

“އަހަރެން ބިރުގަންނަނީ ބައްޕަ ބުނާނެ އެއްޗެއް ނޭނގޭތީ..” ސެހްރިޝް ބުނެލިއެވެ. ހަމްދާން އަކީ ހަޤީޤަތުގައިވެސް ވަރަށް އަވަހަށް ރުޅި ދުރުވާ މީހެކެވެ.

“ދެން ތިކަމާ މާބޮޑަށް ނުވިސްނާ..” ތާރާ ސެހްރިޝްގެ ކޮނޑުގައި އަތް އަޅާލަމުން ބުނެލިއެވެ.

ދެެމީހުން ވެސް ދެން ދިޔައީ ސެހްރިޝް މެންގޭ ކަމަށް ވާ “ބްލެކް ތްރޯން” އަށެވެ. “ބްލެކް ތްރޯން” އަކީ ވަރަށް ޒަމާނީ ކޮށް އަޅާފައިވާ ގެޔެކެވެ. ދެބަޔަށް މައްޗަށް ނަގައިފައިވީރު މަތީބައިގައި ހުންނަނީ ހުރިހާ ކޮޓަރި ތަކެވެ. އަދި ތިރީގައި ހުންނަނީ ސިޓިން ރޫމް އާއި ކާ ބަޔެވެ. ގޯތިތެރެވެސް އެހާ ހިތްގައިމެވެ. އެކި ކުލަކުލައިގެ މާގަސްތަށް އިންދާފައިވީރު ކޯކާތަށް އެކިމާތަށް ކައިރީ އުޅޭތަން ފެނެއެވެ.

ސެހްރިޝް އާއި ތާރާ ގޯތިތެރެއަށް ވަނީރު ވަދީފާ އުޅުނީ ގަސްއިންދުމުގައެވެ. އޭނާ އަށް އެހީވާން އެެހެން ދެ ނޯކަރުންވެސް ތިއްބެވެ.

“އަހަ ތާރާ ކިހިނެއް ހާލު..؟” ވަދީފާ އަކީ ވަރަށް ހިތްހެޔޮ މީހެކެވެ.

“އަލްހަމްދު ﷲ ހަމަ ރަގަނޅު.. ދައްތަ ހާދަހާ މަސައްކަތް ބުރަ ކޮށްލައިގެން..” ތާރާ ވެސް ހިނިތުންވެލިއެވެ.

“އާން.. ހަމްދާންބެ ގެނެސްދިން އޮށް ކޮޅެއް އިންދާލަނީ.. ދެކުދިން ދޭ އެތެރެއަށް މިއޮތް ފަދަ ހޫނުގަނޑު ތެރޭ އުޅޭކަށް ނުވާނެ..” ވަދީފާ ބުނެލިއެވެ.

ދެމީހުންވެސް އެތެރެއަށް ވަނީ އެކިވާހަކަ ތަކުގައި ތިބެއެވެ.

އާކިފް އާއި އެކީ ފިހާރެއަށް ގޮއްސައި ޒާޔާ ގެޔަށް އައިރު ހަވީރު ވެއްޖެއެވެ. އޭނާ ގޭތެރެއަށް ވައިން އިރު އެކަކުވެސް ފެންނާކަށް ނެތެވެ. މާބޮޑު ކަމަކަށް ނަހަދައި ޒާޔާ ގޮސް އޭނާގެ ކޮޓަރިއަށް ވަނެވެ. ކޮޓަރި ދޮރު ހުޅުވާލުމާއި އެކީ އޭނާ ސިހުނެވެ. ކުޑަދޮރު ކައިރީ އޭނާ އަށް ފުރުގަސްދީގެން އެއިނީ ފިރިހެނެކެވެ. ޒާޔާ އަށް އެއީ ކާކުކަން ހަމަ ރަގަނޅަށް ވެސް އެނގެއެވެ. އޭނާ ހަމަޖެހިލައިފައި ގޮސް އެނދުމަތީގައި އޭނާ ގެނަ ކޮތަޅުތަށް ބަހައްޓައިފައި އެމީހާ ކައިރިއަށް ދިޔައެވެ.

“ކަލޭ ކީއްކުރަން މިތަނަށް އައިސްގެން ތިއުޅެނީ.. ކިތައްފަހަރުތަ ބުނަންވީ މަންމަމެން ނޫޅޭއިރު ނާންނާށޭ..” ޒާޔާ ނުރުހުންވެހުރެ ބުނެލިއެވެ.

“އަހަރެން އައީ ޒާޔާގެ މަންމަމެން އުޅެނިކޮށް.. އެމީހުން ބުނީ އަހަރެން މަޑުކުރާށޭ..” އެމީހާގެ އަޑު ބަރެވެ. ޒާޔާ ލޯ އަނބުރާލައިފައި އަނެއްކާ ވެސް ބުނެލިއެވެ.

“އެކަމަކުވެސް ކަލޭ ނުޖެހޭނެ މަގޭ ކޮޓަރިއަށް ވަންނާކަށް..” ޒާޔާ މޭމަތީގައި އަތް ހުރަސްކޮށްލައިފައި ތުން ކޮޅު އަނބުރާލިއެވެ.

“އަހަރެންނަށް ފުރިހަމ ހައްގު އޮންނާނެ ޒާޔާގެ ކޮޓަރިއަށް ވަންނަން..” އެމީހާ މިހެން ބުނެ އެނބުރުނެވެ.

*ނުނިމޭ*

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.