އެސްފިޔަ 
އަދި އެއްފަހަރު
Level 1
މާލެގައި ދެފައި ޖެހުމުން އެންމެ ފުރަތަމަވެސް ޔަލާ ބޭނުންވީ ގެއާއި ދިމާއަށް ދާށެވެ. އެންމެން ދެކިލާހިތް ވެފައި ހުރިލެއް ބޮޑުކަމުން ކަންނޭގެއެވެ. އެއްވެސް މީހަކު ކައިރީގައި ނުބުނެ އައީވެސް އެހެންވެއެވެ. ކާރުގައި ގޭގެ ދޮރާއި ހަމަވުމުން ޔަލާގެ ހިތުގެ ވިންދު އަވަސްވިއެވެ. ކުރީގެ ހަނދާންތައް އައިސް މުޅި މީހާ ވަށާލިހެން ހީވުމުން ޔަލާ ދެފަރާތަށް ބޯހޫރުވާލިއެވެ. މިހާ ދުވަސް ވުމުން ދެން އެކަން ހަނދާން ނުވާނެ ކަމަށް ހީވި ހީއަކީ ގޯސް ހީއެއްކަން އެނގުމުން ޔަލާގެ ގައިން ހީބިހި ނަގައި ގަތެވެ.
ގެއަށް ޔަލާ ވަދެގެންއައީ ވަރަށްވެސް މަޑުންނެވެ. މީހަކަށް ފެނުމަކީ ޔަލާ އެއްވެސް ވަރަކަށް ބޭނުން ކަމެއް ނޫނެވެ. ޔަލާ އުޅެމުން ދިޔަގޮތް ފަހަތުގައި ބަލަންހުރި ނަސީމް ހުރީ ހުއްޓުން އަރާފައެވެ. ނަސީމް ޔަލާއަށް ގޮވާލާނީ ކަމެއް ނޫނީ އަނެއްކާ ފޮނުވާލާނީ ކަމެއް ނޭނގުނެވެ.
“ޔަލް ” ނަސީމްގެ އަޑު ކުރެހިގެން ދިޔަކަން ޔަލާއަށްވެސް ރަނގަޅަށް ފާހަގަ ވިއެވެ.
“ބައްޕާ” ޔަލާއަށް ކުއްލިއަކަށް ފަހަތަށް އެނބުރިލިއެވެ. ޔަލާގެ އެބެލުމުންވެސް ނަސީމްއަށް އަދިވެސް އެދަރިފުޅު ހަނދާން ނުނެތޭކަން އިހުސާސް ކުރެވުނު ފަދައެވެ. ނަސީމްއާއިއެކު ޔަލާ އެތެރެއަށް ވަދެގެންއައީ ކުއްވެރިއެއް ހެންނެވެ. ނަސީމްގެ ފަހަތުން ޔަލާ ފެނުމުން ޔާސްމީންގެ ގައިން ހީބިހި ނަގައިގަތެވެ. ދަރިފުޅު އެހާ ދުވަސް ކޮއްފަ ފެނުނީމާވެސް ޔާސްމީންވީ އުފަލެއް ނޫނެވެ.
“ޔަލާ.. ދަރިފުޅު” ޔާސްމީން އައިސް ޔަލާގެ ގައިގައި ބައްދާލަމުން ބުނެލިއެވެ. ޔަލާވެސް މަންމަގެ ގައިގައި ދެއަތް ވަށާލަމުން ހިނިތުން ވެލިއެވެ.
“މަންމައަށް ހީވަނީ ޔަލް ދޮން ވެއްޖެހެން” ޔަލާގެ މޫނުގައި އަތް ޖައްސާލަމުން ޔާސްމީން ހިނިތުން ވެލިއެވެ. ނަސީމް ދުރުގައި ބަލަން ހުރެފައި ވަނީ ކޮތަރިއަށެވެ. އަދިވެސް ނަސީމް ހިތުގައި ވަނީ އެދުވަހުގައި ޔަލާ ހޮސްޕިޓަލް ތެރޭގައި އުޅުނު ގޮތެވެ. ދުވަހަކުވެސް އެމަންޒަރު އޭނާގެ ހިތަކުން ފިލައިގެނެއް ނުދާނެއެވެ. ލޯމަރާ ތަގުޅިކޮއްލައިގެން ހުރި ނަސީމްއަށް ހޭވެރިކަމެއް ވީ ނިކަތުއާއި ޔާސްމީން ފަހަތުން އައިސް ގޮވާލުމުންނެވެ.
“ބައްޕާ.. ” ނިކަތު އޭނާގެ އަޅައިގެން އިން ޝޯލްއިން ޕިންތައް ނައްޓަމުން ބުނެލިއެވެ.
“ދަރިފުޅަށް ހީވޭތަ ޔަލް ހަނދާން ނެތިޖެހެން” ނަސީމްގެ އެ ޖުމްލައާއެކު އޭނާގެ ލޮލުން ހޯސްލާފައި ކަރުނަތައް ފައިގަތެވެ.
“ނޫން.. އެއީ އެހާ ފަސޭހައިން ވާނެ ކަންތައް ތަކެއް ނޫނޭ ބައްޕާ” ނިކަތު އައިސް ބައްޕަގެ ކޮނޑުގައި އަތް ޖައްސާލަމުން ބުނެލިއެވެ.
ނިކަތުއާއި ޔަލާ ތިބީ ގޭގެ ޓެރެހުގައި އެކި ވާހަކައިގައެވެ. މާލެއައީ ހަފްތާއެއް ވެގެން ދިޔައިރު ޔަލާ ގެއިން ބޭރަށް ނިކުތީ އެންމެ ދެފަހަރުއެވެ. ނިކަތު ދަނީ ކަމުގައި ބުނެލާފައި ތިރިއަށްދާން ހިނގައިތަގެވެ. ނިކަތު ދިއުމުން ޔަލާ ބަންޑަރަ ކޮއްޓަށް ގުޅާލީ އެނާގެ މިކޮޅަށްއައި ހަބަރު ދޭށެވެ. ސިފައިންގޭގައި އުޅެމުން އޭނާ އޮފިސަރ ކޯސް ދިޔައީ މީގެ 4 އަހަރު ކުރިންނެވެ. ޔަލާ ފޯނު ކަނދާލުމަށޤފަހު ލެޕްޓޮޕް ހުޅުވާލީ ފިލްމެއް ބަލާލުމުގެ ބޭނުމުގައެވެ. ނަމަވެސް ފޮޓޯތައް ބަލާލާ ހިތްވިލެއް ބޮޑުކަމުން ޔަލާ މީގެ 4 ހަތަރު އަހަރު ކުރީގެ ފޮޓޯތައް ހުޅުވާލިއެވެ. އެންމެ ފުރަތަމަވެސް އަލިޔާންގެ ހިނިތުންވުން ފެނުމުން ޔަލާގެ ހިތް ތެޅިލިއެވެ. ހަނދާން ނުކުރުމަށް އަމިއްލަ ނަފްސަށް ވައުދު ވެވުނު ނަމަވެސް ދެން އޭނާއަކަށް ކެތެއް ނުވާނެއެވެ.
“ޔު ލައިޑް” ލެޕްޓޮޕް ލައްޕާލަމުން ޔަލާ ތުން ފިއްތާލިއެވެ. އޭރު އޭނަގެ ލޮލުން ހޯސްލާފައި ކަރުނަތައް ފައިބައެވެ.
“ނޫން.. ޔާޔާ އަދިވެސް ހަނދާން ވޭތަ؟” ފަހަތުން ފިރިހެން އަޑެއް އިވުމުން ޔަލާ އެދިމާއަށް ބަލާލިއެވެ. އަދި އެކުއްޖާގެ އަތުތެރޭގައި ބޮނޑިވެލަމުން އިހުނަށްވުރެ ބާރަށް ރޯންފެށިއެވެ.
“ޔާން ޔޫ ލައިޑް.. ޔާން ބުނީ މެއްނު ދުވަހަކުވެސް ނުދާނަމޭ..” ޔަލާ ގިސްލަމުން ބުނެލިއެވެ.
“އަމް ހިއަރ ބޭބީ.. އަމް އޮލްވެސް ހިއަރ” އެހެން ބުނުމާއެކު ޔަލާއަށް ކުރިއަށް ވުރެ ބާރަށް ގިސްލެވެން ފެށުނެވެ. ހިތުގައި އަޅަމުން ދިޔަ ވޭނަށް ކެތް ނުކުރެވޭނެއޭ އެތައް ފަހަރު ޔަލާގެ ހިތަށް އަރަމުން ދިޔައެވެ.
ޔާސްމީން ދިން އޯރިއޯ ތައްޓެއް ހިފައިގެން ޓެރެހަށް އަރަން އައި ނިކަތުއަށް ޔަލާގެ ގިސްލުމުގެ އަޑު އިވުމުން ދެފައަށް ބާރުލަމުން ސިޑިން މައްޗަށް އަރަން ހިފައިލިއެވެ. ޔަލާގެ ގިސްލުމުގެ އަޑު އެގޮތަށް ނިކަތުއަށް އިވޭމީ ދެވަނަ ފަހަރެވެ. މައްޗަށް އަރާފައިވެސް ނިކަތު ހުއްޓުން އެރީ ޔަލާގެ ދުލުން ނިކުތް ނަން އަޑު އިވުމުންނެވެ. އަލިޔާންދެކެ ޔަލާ އަދިވެސް ހަމަ އެހާ ލޯބި ވަނީ ހެއްޔެވެ؟ ޔަލާގެ ފަހަތުގައި ހުރި ނިކަތުގެ ލޮލަށްވެސް ކަރުނަ ޖަމާ ވަމުން ދިޔައެވެ. އެންމެފަހުން ކެތް ނުވެގެން އެންމެ ކުޑައިރު ޔަލާއަށް ލޯބިން ގޮވާ ގޮތަށް ނިކަތު ގޮވާލިއެވެ.
“ޔާޔާ..” ނިކަތު އެހެން ގޮވާލުމުން ޔަލާގެ ކައިރީގައި ހުރި ފިރިހެން ކުއްޖާ އޭނާއާއި ދުރަށްދާން ހިނގައިގަތެވެ.
“ޕްލީޒް ނުދޭބަ” ޔަލާއަށް ގިސްލަމުން ބުނެލިއެވެ.
“ޔާޔާ ބޭބީ ކާކުއާ ތި ވާހަކަ ދައްކަނީ؟” ނިކަތު އެހެން ބުނަމުން ގޮސް ފުރަގަހުން ޔަލާގެ ގައިގައި ބައްދާލިއެވެ.
“ދޮން އައި ސިޓްލް މިސް ހިމް.. އައި ސިޓްލް ނީޑް ހިމް” ޔަލާ އެހެން ނިކަތުގެ މެއަށް ދިޔައީ ފިނިވެގެންނެވެ. އަނެއްކާ ކޮއްކޮ އޭނާގެ ލޯ ކުރިމަތިން ގެއްލިދާކަށް އޭނާ ބޭނުމެއް ނުވެއެވެ. ދެވަނަ ފަހަރަށް އޭނާގެ ކޮއްކޮ މަރުވާތަން ފެންނާކަށް ބޭޏުމެއް ނުވެއެވެ.
Comments (13)
Comments are closed.
Reethi..keep it up..
Ix dis finished
no its just the beginning 🙂
laaraage vaahakaehgge cover pic copy kohfatha mee ?
i googled it..
Varah salhi.. Whn nxt prt???
An interesting opening… hyvany v rythi vaane hen.. yalaa saw a ghost tha?? Vvv kiyaa hiy vejje coming parts… hope to c new part soon kudu..
Nice…looking forward to the next part…all the best kudu…???????
Kudu vaahaka vaahaka vara reethi inghey..
<3
V reeth v interest mi story withing for the next part
nice
v reethi begining..like the story.waiting for next part………..