އަބަދުވޭ ހިތުގާ މަގޭ 2 (14)

“ހެހެ. ބުނެލަފާނަން އެއްވާހަކަ” ހީލަމުން ނިޔާލް ބުނެލިއެވެ. ޔީޝާގެ ހަރަކާތްތައް ހުއްޓާލަމުން ނިޔާލްއަށް ހުރިހާ ސަމާލު ކަމެއް ހުއްޓާލިއެވެ. “ދި ސްޓޯރީ އިޒިންޓް ރިޕީޓިންގ. އިޓް އިޒް ކޮންޓިނިއުއިންގ” އެއްމިޔަކަނުން ހީލަމުން ނިޔާލް ބުނެލިއެވެ. އަދި އެއްލޯ މަރާލަމުން ފޯނު ބޭއްވިއެވެ. ޔީޝާގެ މުޅި ހަށިގަނޑުގައި ކަރަންޓުގެ ރާޅެއް ޖަހާލި ފަދައެވެ. ބިރުން ރޫރޫ އަޅަން ފެށީ ބަސްބުނާހާ އަވަހަށެވެ.
އެނދުގައި އޮށޯވެލައިގެން، ބޯދަށަށް އަތް ލައިގެން އޮތް އަކްޔަލްގެ ނަޒަރު ހުއްޓިފައިވަނީ އެނބުރެމުން ދިޔަ ފަންކާއަށެވެ. ކަޅު ކުލައިގެ ސޯޓެއް ލައިގެން އޮތް އިރު މަތިން އެއްވެސް އެއްޗެއް ނުލާ އޮތް އަކްޔަލް ފެނި އަންހެން ކުދިން ހޭނެތޭނެކަން ކަށަވަރެވެ. ބައިމަތި ފުޅާ ހަށިގަނޑެއް ލިބިފައިވީ އިރު ބަނޑުގައި ތަރުތީބުން ހަގޮޅި އިނެވެ. އޭނާގެ ފަންދިގު އިސްތަށިގަނޑުވެސް ވަނީ އެގޮތް މިގޮތަށް ހޭވިފައެވެ. މަޑުމަޑުން އެސްފިޔަ ޖަހާލަ ޖަހާލަ އޮތް އިރު އޭނާގެ ސިކުނޑީގައި ތަކުރާރު ވަމުން ދިޔައީ މިއަދު އުޔައިނާ ދެއްކި ވާހަކައެވެ. “ނިޝްވާ އަކޫދެކެ ލޯތްބެއް ނުވޭ. އަކޫއާއި އޭނާ ރައްޓެހިވީ މަށަށް ޖެއްސުމަށް” އުޔައިނާގެ އެޖުމްލަ އަ…