އަބަދުވޭ ހިތުގާ މަގޭ 21

“ނޫން. ދުވަހަކުވެސް ހިތަކަށް ނާރާ. ޔޫޝް. އަހަރެމެން ކައިވެނި ކުރިތާ 10 އަހަރަށް ވުރެ ގިނަ ދުވަސް ވެއްޖެ. ޔޫޝް ތިއީ އަކޫއަށް ހުރި މީހަކީ. އެހެން އިތުރު އެއްވެސް މީހެއް އަކޫ ބޭނުމެއް ނޫން. ކުދިން ނުލިބުނަސް އެއީ މައްސަލައެއް ނޫން. ޔިޝީ އަހަރެމެން ބެލީ އަމިއްލަ ދަރިއެއްހެން. އެހެންވެ އެތަޖުރިބާ އަކޫއަށް ކުރެވިއްޖެ. އެހެންވެ ދެވަނަ އަންބެއް ހޯދުމުގެ އެއްވެސް މާނައެއް ނެތް. ޔޫޝް ހިތުގައި ޖެހޭ ފަދަ އެއްވެސް ކަމެއް ކުރާކަށް އަކޫ ނޭދެން”
އަކްވާންގެ ވާހަކަ އަހަން އިން ޔޫޝާގެ ދެލޮލުން ކަރުނަ ނިރާލިއެވެ. އަކްވާން ފަދަ ފިރިއެއް ދެއްވީތީ މާތް ﷲ އަށް ހަމްދު ކުރެވުނެވެ. “ހުއްޓާލާ ދޫނީ. ތިއީ އަކޫގެ ފުރާނަ. އަކޫ އެހެން އެއްވެސް މީހަކު ބޭނުމެއް ނޫން. ވަރަށް ލޯބިވޭ” އަކްވާން ޔޫޝާގެ ކަރުނަތަށް ފުހެލަ ދިނެވެ. “ވަރަށް ލޯބިވޭ” ޔޫޝާ ހިނިތުންވެލިއެވެ.
(21 ވަނަ ބައި)
ފަތިހުގެ ފިނި ފިނި ވަގުތެވެ. ފަތިސް ނަމާދު ކުރާ އަޑު އިވެމުން ދިޔައެވެ. ކޮވެއްޔާއި ހާ ގޮވާ އަޑު އިވެމުން ދިޔަ އިރު މުޅި ރަށަށް ވަނީ ހަމަ ހިމޭން ކަން ގެނެސް ދީފައެވެ.
ފާޙާނާގައި ހުރި ޔޫޝާގެ އަތް ތުރު ތުރު ލަމުން ދިޔައެވެ. ނިޔަފަތި ތަކާއި އެކު އިނގިލ…