ދެވުނީ ވޭނޭ 65

“ވައި އާރ ޔޫ ގިވިން މީ އެ ހާޑް ޓައިމް.” ސުމައްޔާ ބުރުގާ ދަށުން އިސްތަށިގަނޑަށް އަތް މަހާ ވާން ކޮށްލަމުން އަމިއްލަ ނަފްސަށް އިވޭ ވަރަށް ބުނެލިއެވެ. އިޙުސާނުގެ އުޅުން ހުންނަ ގޮތަކުން ސުމައްޔާ އަށް އޭނާގެ އިހުސާސްތައް ކޮންޓްރޯލް ކުރަން އުނދަގޫ ވަނީ އިންތިހާ އަށެވެ.

ސުމައްޔާ ދިޔަ މަންޒަރު ބަލަން ގެއްލިފައި އިން އިޙުސާނުގެ މޫނުމަތި ހީވަނީ މޮޅީގެ ތަސްވީރެއް ހެންނެވެ. “ކީއްވެގެންތަ ސުމައްޔާ އަހަރެންގެ ހިތަށް އެހާ ވަރުގެ ވޭނެއް ތި ދެނީ. އެއަށްވުރެ ފަސޭހަ ވާނެ އެއްޗަކުން ޖަހާ ޒަޚަމުކޮށްލިޔަސް. ކިހާ ދުވަހެއް ވާންދެން އަހަރެން ދުރަށް ޖައްސާނަންތަ؟ ކިހާ ދުވަހެއް ވާންދެއް އެކަނިވެރިކަން އިޚްތިޔާރު ކުރާނަންތަ؟” އިޙުސާނު ވަރު ނެތިފައިވީ މީހެއް ފަދައިން ޖޯއްޔަށް ދެމުނެވެ. ސުމައްޔާ އާއި މެދު ވިސްނެމުން ދިޔަ ވަރަކަށް އެ އަސަރުގަދަ ދެލޮލުން ކަރުނަ އޮހޮރެން ފެށިއެވެ. މޭގައި އަތް އަޅާ ބާރުކޮށްލީ އެ ހިތުގައިވީ ވޭނަށް ކެތްނުވެގެންނެވެ. އެއާއިކު އެ ދުލުން ބޭރުވެލި ވޭނީ އާހުގައި ވަނީ ބަޔާންކުރަންދަތި ރިހުމެކެވެ.

ސުމައްޔާ ކަރުނަތައް ފުހެލައިފައި ގޮސް ބަންކް ބެޑުގެ މަތީ ބަޔަށް އެރިއެވެ. ބާލީހުގައި ބައްދާލަމުން އޭނާ ދެލޯ މަރާލިއެވެ. އެހެނަސް އެ ދެ ލޮލާއި ނިދި ވަނީ އެތައް ހާސް މޭލެއް ދުރުގައެވެ.

“މިރޭ ބޮލުގައި ރިއްސާތީ އުޅުނީމަ އެހާ އަވަހަށް ނިދީ. ޒެލީ ނިންދަވައިފައި ކޮޓަރިއަށް ނުކުތް އިރު އޮތީ ނިދައިފަ.” ފަލަކް ސޯފާގައި އިނދެފައި ތެދުވީ ޒަވިއަން އެ ކޮޓަރިއަށް ވަނުމުންނެވެ. “ބޭސް ކައިގެންތަ އެ އޮތީ؟” ޒަވިއަން އެހިއެވެ. ފަލަކް ބޯ ހޫރާލިއެވެ. “ދެން އެންމެ ރަނގަޅު ރޫމަށް ދިޔަޔަސް.” ޒަވިއަން ބުނެލިއެވެ. އެއަށްފަހު ދެމީހުން އެކުއެކީގައި ކަހަލަ ގޮތަކަށް ކޮޓަރިން ނުކުތެވެ. ޒަވިއަން ބަދިގެއާއި ދިމާލަށް ދިޔައިރު ފަލަކް ދިޔައީ ގެސްޓް ރޫމަކަށެވެ.

ކަބަޑުތައް ހާވާލަމުން ބޭސް ކާޑެއް ނަގައިފައި ޒަވިއަން އެ ހިފައިގެން މައްޗަށް އެރިއެވެ. އެނދު ކައިރީގައި ހުރި ފެން ޖަގުން ތަށްޓަކަށް ފެން އަޅައިފައި ޒަވިއަން އަރީންގެ ގާތަށް ލެފިލިއެވެ. އަރީންގެ ކޮނޑުގައި ހިފާ އޭނާގެ މޭގައި ލައްކޮށްލަމުން ޒަވިއަން ބޭސް ގުޅައެއް ލަވައިދިނެވެ. އެއަށްފަހު ނިކަން ފަރުވާތެރި ކަމާއެކު ފެން ތަށި ނަގާ އަރީންގެ ތުމުގައި ޖެއްސެވެ.

ފެން ބޯން ދިނުމަށް ފަހު ޒަވިއަން އަރީން އޮތް ގޮތަށް އެނދުގައި ބޭއްވިއެވެ. އެއަށްފަހު އެނދުމަތީގައި އޮތް ބްލެންކެޓް ނަގާ ފައްޖަހާލަމުން ގެންގޮސް ވޯޑްރޯބް ތެރެއަށް ލިއެވެ. ދެން ނެގީ އޭނާ މިއަދު ގަނެގެން ގެނައި އިލެކްޓްރިކް ހީޓިން ބްލެންކެޓެވެ. އެއަށް ދޮވެފައިވާ ޝީޓެއް ލައްވައިފައި ގެންގޮސް އަރީންގެ ގައިމަތީގައި އަޅާލިއެވެ. ކަރަންޓަށް ޖަހާ ލެވެލް ފަހަކަށް ލުމަށްފަހު ޒަވިއަން ދުރަށް ޖެހިލިއެވެ. ދެން އޭނާ ގޮސް ވަނީ ފާޚާނާއަށެވެ.

ނިދަން ތައްޔާރު ވެލުމަށް ފަހު އެންމެ ފުރަތަމަ ޒަވިއަން ގޮސް ވަނީ ޒައިލީން ނިންދަވައިފައި އޮތް ބަޔަށެވެ. އިރުކޮޅަކު އެ ތަނުގައި ހުރެފައި ޒަވިއަން ކޮޓަރި ތެރެއަށް ނުކުތެވެ. އެނދުމައްޗަށް އަރާ އޭނާ އަރީންގެ ގާތުގައި އިށީނދެލިއެވެ.

“އަނެއްކާ ބަލިވީބާ؟ އެ ކަހަލަ ކަމެއް ވިޔަސް ހިއްސާ ކުރާ ޒާތުގެ ކުއްޖެއް ނޫން މިއީ. ގައިމު ގޮވައިގެން ގެއަށް އައި އިރު ވެސް ނުލާހިކު ރަނގަޅަށް ވިއްޔާ ހުރީ. ހާދަހާ ތަފާތު މިޒާޖެއްގެ ވެރިއެކޭ. އެހާ ކިޔަންމަންތެރިވެފަ މަޑުމައިތިރި. ހައު އާރ ޔޫ ސޯ ޖެންޓަލް އެންޑް ޕާރފެކްޓް” އަރީންގެ ބޮލުގައި ފިރުމާލަމުން ޒަވިއަން ބުނެލިއެވެ. ކުޑަކުއްޖެއްހެން ނިދާލައިފައި އަރީން އޮތްގޮތުން ޒަވިއަންގެ މޫނުމައްޗަށް ހިނިތުންވުމެއް ވެރިވިއެވެ. އެއާއި އެކު ދެން އޭނާގެ ހަނދާނަށް އައީ މިއަދު ކާރު ތެރޭގައި އިނދެ އަރީން ފާޅުކަން މަތީ އަމިއްލަ އިޙުސާސްތައް ހިއްސާކޮށްލި ވަގުތުކޮޅެވެ. “އައި ޑޯންޓް ކެއާރ އެބައުޓް ދި ޕާސްޓް. ކޮންމެ ގޮތަކަށް ކަންތައް ވިޔަސް އަހަރެންގެ ހިތް އެދެނީ ޒެވް ގާތުގައި ވުމަށް. އަހަރެންނަށް މާ ބޮޑަށް ޒެވް ދެކެ ލޯބި ވެވިއްޖެ. އެހާ ފުރިހަމަ، ރީތި، އަހަރެންނަށް އަޅާލާ މީހެއް ދެކެ ލޯބި ނުވެ ހުރެވޭނެތަ؟ ކޮންމެ ގޮތަކަށް ކުރިން އުޅުނަސް މިހާރު ބޭނުމީ އާދައިގެ ދެމަފިރިން ހެން އަހަރެމެން ވެސް އުޅެން. ޖަސްޓް ފީލް މައި ހާޓް ބީޓް. އައިމް ގޮއިން ކްރޭޒީ އޯވާރ ޔޫ”

“ޔޫ ނައީވް ގާރލް. މިރޭ އަހަރެންގެ އިހުސާސްތަކުގައި ހުޅު ރޯކޮށްލި އިރު ވެދާނެ ގޮތަކާ މެދު ވިސްނާނުލީ ކީއްވެތަ؟ ކިރިޔާ މިރޭ ވެސް ސަލާމަތްވީ. ކޮންމެ ފަހަރަކު އަހަރެންގެ އަމިއްލަ ނަފްސުގެ މައްޗަށް ބާރު ހިންގޭނެތަ؟ އައި މައިޓް އެންޑް އަޕް ބްރޭކިން މައި ޕްރޮމިސް އެންޑް ސެޓިސްފައި މައި ޑިޒައިޔާސް ވަން ޑޭ. ޔޫ އާރންޓް ދަ ވަން ހޫޒް ކްރޭޒީ އިޓްސް މީ. ރީން އަށް ޓަކައި މި ހިތުގައި ވީ އިހުސާސްތައް ފުންވަމުން ގޮސް ތި ސޫރަ ފެންނަ ކޮންމެ ފަހަރަކު މޮޔަވާ ކަހަލަ. އެކަމު، ރީންގެ ހަނދާންތައް އެނބުރި ނާންނަނީސް ގާތް ވެވިއްޖެނަމަ… އައިލް ފީލް ގިލްޓީ. މާޒީގައި ހެދުނު ގޯސްތަކުގެ މަތިން ހަނދާންވެ އަމިއްލަ ނަފްސް ކުށްވެރިކުރެވޭ މިންވަރު ދެނެވޮޑިގެންވަނީ މާތް ﷲ. ތައުބާވެ ހެޔޮ މަގަށް ރުޖޫޢަ ވެވުނެއް ކަމަކު އަދިވެސް މި ހިތަށް ތަސައްލީއެއް ނުލިބޭ. ތި ނަފްސަށް ދެވުނީ ހަނދާނުން ފިލައިގެން ނުދާނެ ވަރުގެ ހިތްދަތިކަމެއް.” ޒަވިއަން އެ ރީތި މޫނަށް ބަލަން އިނދެ ވާހަކަ ދައްކަމުން ދިޔައެވެ. ޒަވިއަން އެނދުން ތެދުވީ އިރުގަނޑެއްވީ ފަހުންނެވެ. އެއް ފަރާތުގައި ހުރި ސިންގަލް އެނދުގައި އޮށޯތް އިރު ވެސް އޭނާއަށް ވިސްނެމުން ދިޔައީ އަރީނާއި މެދުގައެވެ.

“އެންމެން ތައްޔާރުތަ؟ މިރޭ ޖެހޭނެ މަރުފަލި ގޭންގް މީހުންގެ ޑީލް ނިންމާލުމުގެ ކުރިން އެ މީހުން ހައްޔަރު ކުރަން. ހެއްކާއި އެކު އަތުލައިގަނެވޭނެ ފުރުސަތެއް މިއީ. ފަހުން މީޑިޔާގައި އެ މީހުންގެ ވާހަކަ ވިރަވެގެން (ވައިރަލްވެގެން) އުޅުނީމަ ވަރަށް މައިތިރިވެފައި އެ ތިބީ. މިހާ ދުވަސް ފަހުން އަދި ޑީލެއް އެ ހަދަނީ. އެ ތަނުގައި މީހުން ގިނަ ވިޔަސް އަހަރެމެން އެކަނި މަސައްކަތް ކުރަން ޖެހޭނީ. ސިއްރު މިޝަނެއް ވީމަ މާ އަވަހަކަށް ބެކަޕަށް ރިކުއެސްޓެއް ނުކުރެވޭނެ.” އިޙުސާނު ވާހަކަ ދައްކަން ފެށިއެވެ.

އެ ޓީމު އެންމެން ތިބީ އުޅޭ ގޭގެ ހުސް ކޮޓަރިއެއްގައެވެ. މަސައްކަތަށް އެހީވާން ޑޮމެސްޓިކް ވަޔަލެންސް ފްރޮންޓް އެޅުވި ދެމީހުން ކަމަށް ވާ އަސްރާ އާއި ރިފާއު ވެސް އެ ތަނުގައި ހުއްޓެވެ. މެދުގައި ބޯޑެއް ހުރި އިރު އެމީހުން ރާވައިފައިވީ ޕްލޭން ވަނީ ހައިލައިޓް ކޮށްލެވިފައެވެ. އެނގުނު ވަރަކަށް މަރުފަލި ގޭންގް މީހުންގެ މައުލޫމާތު ވެސް އޭގައި ހުއްޓެވެ. އެހެނަސް އަދި އެކަން ކުރަން ފެށިތާ އެހާ ގިނަ ދުވަސް ވެފައި ނެތުމުން ގޭންގް މެންބަރުންގެ މާކަ ގިނަ މައުލޫމާތެއް ހޯދިފަކާ ނެތެވެ.

“ކޮންމެ ކުއްޖަކު ވެސް އަމިއްލަ ނަފްސު ރައްކާތެރިކުރަން ސަމާލުވާތި. މި މަރުފަލި ގޭންގް މީހުންނަކީ މަސްތުވާތަކެތީގެ ޑީލް ހަދަން ތަންތަނަށް ދާއިރު ވެސް ހަތިޔާރު ގެންގުޅޭ ބައެއް. ފުލުހުންގެ ތެރެއިން ބަޔަކު އެމީހުންނަށް އެހީވާތީ ކޮންމެ ފަހަރަކު އެހާ ފަސޭހައިން އެ ގުރޫޕް ޤާނޫނީ އަދަބު ނުލިބި ރެކިގަންނަނީ. ކޮންމެ ކުއްޖަކު ވެސް އެ ކުއްޖެއް ހުންނަން ހަމަޖެއްސި ތަނުގައި ސަމާލުވެ ހުންނާތި.” އަސްރާ ބުނެލިއެވެ. އެންމެން ވެސް ބޯ ޖަހާލީ އެއްބަސްވުމުގެ ގޮތުންނެވެ. ފުލުސް ގިޔަރު އަޅައިގެން އެ އެންމެން ވެސް ތިބީ ވަރަށް ތައްޔާރަށެވެ.

އިޙުސާނުމެން ދިޔައީ ވިލިނގިލީގައި މީހުން މަދު ފަޅު ހިސާބަކަށެވެ. މަރުފަލި ގޭންގް މީހުން އާންމުކޮށް ޑީލް ހަދަން ދާ އެއް ސަރަހައްދެވެ. ޑީލް ހަދާ ދެފަރާތުގެ މެންބަރުން އެ ގެގަނޑަށް އައިސް ވަނީ އެކެއް ޖެހި ފަހުންނެވެ. އިޙުސާނުމެން އެކަކު އަނެކަކަށް ސިގްނަލެއް ދެމުން ތައްޔާރުވެލިއެވެ.

“މިހިރީ ގެނައި ޕީސްކޮޅު. ކޮބާ ރުފިޔާ. ދިހަ ކިލޯ ވީމަ ފަސްލައްކަ ބޭނުންވާނެ. ވަރަށް ކޮލެޓީ ރަނގަޅު އެއްޗެހި މިފަހަރު ލިބިފަ ހުރީ.” މޭޒު މަތީގައި އެ ކަޅު ދަބަސްތައް ބަހައްޓަމުން ރިޒޭ ބުނެލިއެވެ. އެކޮޅުން އައިސް ތިބި މީހުން ނަޒަރު ބަދަލުކޮށްލިއެވެ. އެއާއެކު އެކަކު ދަބަހެއް ނަގައި މޭޒު މައްޗަށް ލައިފިއެވެ. އޭގެ ޒިބު ކަހާލަމުން އެތެރޭގައި ހުރި ފަސްސަތޭކައިގެ ނޫޓުތައް ދައްކާލިއެވެ.

އަސްރާ އިޝާރާތް ކޮށްލުމާއި އެކު އިޙުސާނުމެން ފިލައިފައި ތިބި ތަންތަނުން ނުކުތީ ކުއްލިއަކަށެވެ. ލިބުނު ސިހުމުގައި ދެބައި މީހުން ވެސް ދަބަސް ނަގައިފައި ފިލަން އުޅެގަތެވެ. އެހެނަސް އިޙުސާނުމެން މި ފަހަރު މާ ކުޅަދާނައެވެ. ހަތް މީހުން ވެގެން އެ ތަނުގައި ތިބި ގުރޫޕުގެ އަތުގައި ބިޑި އަޅުވަމުން ދިޔައެވެ. އެ ތަނުން ރައްކާވެގެން ނުކުމެވުނީ ރިޒޭ އަށް އެކަންޏެވެ. އެ ސޮރު ފަހަތުން އަކްމަލް އާއި ރިފާއު ދިޔަ ނަމަވެސް އޭނާ އަތުލައިގަނެވުނު ކަމަކަށް ނުވިއެވެ. އެ ދެމީހުން ކަރު އެލުވާލައިގެން އެނބުރި އެ ގެގަނޑާއި ދިމާލަށް އައި ވަގުތު ފުލުސް ވެހިކަލްތަކުގެ ސައިރެންގެ އަޑު އިވެމުން ދިޔައެވެ.

“އޫހް. ހީކުރި ވަރަށް ވުރެ އަވަހަށް މި ކޭސް ކޮޅެއްގައި ޖެއްސިއްޖެ. އެ ފިލައިގެން ދިޔަ ގޮލާ ވޯންޓެޑް ލިސްޓަށް ލެވޭނެ މި ވަރުން. ދެން ކޮންމެހެން ސީކްރެޓިވް ވާކަށް ނުޖެހޭނެ.” ޒައިން ޓީމުގެ މެންބަރުންނާއި އަތާއި އަތް ޖަހާލަމުން ފުޅާ ހިނިތުންވުމަކާއި އެކު ބުނެލިއެވެ.

“އެކަމަކު އެ ގޭންގްގައި ހުރި އަތުލައިގަންނަން އެންމެ މުހިންމު އެކަކޭ އެ ފިލީ. ބްލޫ ވޯޓާސް އަށް މިކަން އަންގާފަ އަހަރެމެންނާއި ދެކޮޅަށް އޭނާ ފިޔަވަޅެއް އެޅުމަކީ ދާދި ގާތުގައިވާ ކަމެއް. މިހެން ކުރިއެރުމެއް ލިބުނަސް ރިޒޭގެ ބަދަލު އަންނާނެ ގޮތަކާ މެދު ވިސްނަންވީ.” ސުމައްޔާ އެހެން ބުނެލީ ނިކަން ހާސްވެފައެވެ.

“ތި ވަރު އަހަންނަށް އެނގެޔޭ. އެކަމަކު ރެޑް ހޭންޑެޑްކޮށް ބާކީ މީހުން އަތުލައިގަނެވުނީމަ ދެން އެ މީހުންނަކަށް ނުފިލޭނެއްނު. އެ ފިލައިގެން ދިޔަ ރިޒޭ. މަޑުކޮށްބަލަ. ކިހިނެއް ސޫމޯ އަށް އެއީ ކާކު ކަން އެނގުނީ؟ ކޮން ރިޒޭއެއް؟” އަކްމަލް ދެލޯ ހަނިކޮށްލަމުން އެހިއެވެ. އެހެން މީހުންގެ ނަޒަރު ވެސް ސުމައްޔާ އަށް އަމާޒުވެފައިވަނީ ޖަވާބަކަށް އިންތިޒާރު ކުރާ ކަހަލަ ގޮތަކަށެވެ.

“ކުރިން ފެނިފަ ހުރި މީހެއް އެއީ.” ސުމައްޔާ އެހެން ބުނެލީ އިރުގަނޑެއް ފަހުންނެވެ. އެއާއި ވިއްދައިފައި އިތުރު ސުވާލެއް ކުރިޔަ ނުދޭން އޭނާ ދުރަށް ހިނގައިގަތެވެ. ފަހަތުން ދެން ތިބި މީހުން ހިނގައިގަންނަމުން ސުމައްޔާ އާއި އެކި ސުވާލުތައް ކުރަން ފެށިއެވެ. ކަންފަތުގައި އަތް އަޅައިގެން އެހެން މީހުންނަށް ވުރެ އަވަހަށް ދިޔަ ސުމައްޔާގެ އަމަލުތައް ހުރި ގޮތުން އިޙުސާނު އެހެން މީހުންނަށް އިޝާރާތުން އެންގީ އިތުރަށް ސުމައްޔާ އަށް އުނދަގޫ ނުކުރުމަށެވެ.

“ޖިހާދު! ކައެމެން ތި ތާގަ ތިބެގެން ** ***؟ އޭނ. މުހިންމު ޑީލެއްގެ ތެރެއިންނޭ ފުލުހުން އައިސް ވަށާލީ. ފަސް ލައްކަ ރުފިޔާގެ އެއްޗެހިނޭ ގެއްލިގެން އެ ދިޔައީ.” ރިޒޭ އޭނާ އުޅޭ ގޭގެ ކޮޓަރިއަށް ވަދެފައި ވާހަކަ ދައްކަމުން ދިޔައީ ރުޅިން އަނދަމުން ދިޔަ ޙާލުގައެވެ. “ކީކޭ؟ ކިހިނެއް ވީ ކަމެއް؟” ޖިހާދު ހާސްވެފައި އެހިއެވެ. “ބަލަ ކަލެއަކަށްނު އެ ކަމުގެ ހުރިހާ ތަފްސީލެއް އެނގެން ޖެހޭނީ. އޭނ. ހުޅުމާލެ ފުލުސް ސްޓޭޝަނުން އައި ***ތަކެކޭ އެއީ. **އެއް ހުވާ މިކުރި. ކޭސް ޓްރާންސްފަރ ކުރެވޭތޯ ބަލާ. މަ އެ އެއްޗެހިނަށް އަދަބެއް ދޭނަން.” ރިޒޭ ހަޅޭއްލަވަމުން ކަހަލަ ގޮތަކަށް އެހެން ބުނެލައިފައި ފޯނު ކަނޑާލިއެވެ.

ފަތިސް ނަމާދަށް ފަހު އަރީން ދިޔައީ ގޭގެ ބަގީޗާ ބަޔަށެވެ. ޖެހެމުން ދިޔަ ފިނިފިނި ވައި ރޯޅިތަކުން އޭނާގެ ނަފްސަށް އިތުރު ދިރުމެއް ލިއްބައިދިން ކަހަލައެވެ. އެ ތަނުން ޖޯއްޔެއްގައި އަރާމު ކޮށްލަން އޮށްވާ ޒަވިއަން އެ ތަނަށް އައީ ކޮފީ ޖޯޑަކާއި ހޫނު ކިރު ތައްޓެއް ހިފައިގެންނެވެ.

“އަން. މި ބޯލާ. މިއަދު ބޭކަރީ އަށް ދާނެ ކަމެއް ނެތް. ރޭގަ ބޮލުގައި ރިއްސާތީއެއްނު އުޅުނީ. މާދަން ހަމަޖެހިލައިގެން ދާން މަޑު ކުރޭ.” ޒަވިއަން ކިރު ޖޯޑު ދިއްކޮށްލަމުން ބުނެލިއެވެ. “އޯކޭ!” އަރީން އެ ޖޯޑުގައި ހިފަމުން ބުނެލިއެވެ. ދެލޯ މަރާލަމުން އަރީން އެ ކިރު ތަށި އެއް ނޭވާއިން ބޯލަން ހިފާލިއެވެ.

“އޭތް. ނުބައި ވިޔަސް ނޭވާ ލައިގެން ބޮއިބަލަ.” ޒަވިއަން އަރީންގެ ކޮނޑުގައި ހިފާލަމުން ބުނެލިއެވެ. އެ ވާހަކަ އަހައިފައި އަރީން ތަށި ދުރަށް ޖައްސާލަމުން ނޭވާއެއް ލިއެވެ. ލަސްލަހުން ކިރު ތަށި ބޮމުން ދިޔައިރު ހީވަނީ ބަސް އަހާ ކުޑަ ކުއްޖެއް ހެންނެވެ. ޒަވިއަނަށް އަރީންގެ މައުސޫމްކަން ފެނި ބޭއިޚްތިޔާރުގައި ހީނލެވުނެވެ. އަރީންގެ ފަރާތުން ފެންނަ ކޮންމެ އަދާ އަކުން އެ ހިތުގައިވީ އިހުސާސްތައް ފުންވެގެން ދެއެވެ. އެ ލޯބި ހާސިލު ކުރުމަށް ހިތް އެދުނަސް ކުރާނެ ކަމެއް ނެތެވެ. އޭނާއަށް ކުރެވުނީ މަޢާފު ޙައްޤު ނުވާ ވަރުގެ ބޮޑު ކުށެކެވެ.

“ސަރ ބުނީ ޖިހާދު ވަރަށް ޕްރެސް ކުރޭ އެބައޯ އޭނާގެ ޓީމަށް މި ކޭސް ޓްރާންސްފަރ ކުރަން. އަހަރެމެންގެ ޓީމަށް ވުރެ އެމީހުން މާ ތަޖުރިބާ އެބަހުއްޓޭ އެހެން އެއްޗެކޭ ކިޔައިގެން ވަރަށް ވާހަކަ ދައްކާ އެބަ އޯ” ހެނދުނު ކެއުމަށް އަރައިފައި އިޙުސާނު ބުނެލިއެވެ. “ހަހް. ޖިހާދު ދޯ މި ބްލޫ ވޯޓާސް އިން ގެންގުޅޭ ޕަޕެޓަކީ. މަ ހާދަ އިޙުތިރާމް ކުރި މީހެކޭ. ބޭރުފުށުން ތިމާގެ ރަނގަޅު ކަން ދައްކަން ކުޅަދާނައޭ. ވާވާ.” އަފާފް މަލާމާތް ކުރާ ކަހަލަ ގޮތަކަށް އަތް ޖަހާލަމުން ބުނެލިއެވެ.

“ދެން ކިހިނެއް ހެދީ. ކޭސް ޓްރާންސްފަރ ކުރީތަ؟” ސުމައްޔާ އެހިއެވެ. “ނޫން. ހަމްޒަތު ސަރ ހުރީ އަހަރެމެންގެ ކޮޅަށޭ. ސަރ ބުނީ މި ތަނުގައި އިންޓަރިގޭޝަން ކުރިއަށް ގެންގޮސް އެ ކަން ނިންމަން. މި ތަނަށް އެ ޖިހާދުގެ ނުފޫޒެއް ނުފޯރުވޭނެއްނު. އެހެންވީމަ އަދި ދުވަސްކޮޅަކު ވިލިނގިލީގަ ހުންނަން ޖެހޭނެ. ގޭންގްގެ އެހެން މީހުން ވެސް އަދި ހޯދަން ޖެހޭނެތާ.” އިޙުސާނު ބުނެލިއެވެ.

އަރީން ޒައިލީން ނިންދަވައިފައި އަސުރު ނަމާދު ކޮށްގެން ކޮޓަރިން ނުކުތީ ފޫހިވެގެންނެވެ. ރޭގައި ބޮލުގައި ރިއްސާތީ އުޅުނު ކަމަށް ޓަކައި ޒަވިއަން މިއަދު އޭނާ ބޭކަރީ އަށް ދިޔަޔަކަ ނުދިނުމުން ފޫހި ނުވެ ހުންނާނެ ހެއްޔެވެ؟ ސިޑި ގިރާކުރަމުން ގޮސް އޭނާ ފުރަތަމަ ފުލޯ އާއި ހަމައަށް ދިޔައެވެ. އެ ފުލޯގެ ބައިތަކަށް އޭނާ މި ގެއަށް އައި ފަހުން ވަދެވިފަކާ ނެތެވެ. އެ ތަނަށް ނުދަން އަންގައިފައި އެވާ ސަބަބެއް ހޯދަން އޭނާގެ ހިތުގައި ޝައުގުވެރިކަން އުފެދުނެވެ. މީހަކު ފެންނަން ނެތުމުން އޭނާ އެ ބައިގެ ތެރެއަށް ވަދެގެން ދިޔައީ ނިކަން އަވަހަށެވެ. ވިސްނާ ނުލާ ދެވުނު ކަމުން އަރީނަށް ދެވުނީ އަޒާޔާގެ ކޮޓަރި ހުންނަ ފަރާތް ނޫން އަނެއް ފަރާތަށެވެ.

“މިއީ ކޮން ކޮޓަރިއެއް ބާ؟” އަރީން ފެންނަން ހުރި ދޮރުގެ ތަޅުގައި ހިފާ އަނބުރާލިއެވެ. އޭނާއަށް ހީނލެވުނީ އެ ތަން ތަޅު ނުލާ ހުރުމުންނެވެ. އަވަސް އަވަހަށް އެތެރެއަށް ވަނީ މީހަކު ސިޑިން މައްޗަށް އަރާ ކަމުގެ ހިލަން ވުމުންނެވެ. ފުން ނޭވާއެއް ލައިފައި އޭނާ އަނެއް ފަރާތަށް އެނބުރުނެވެ.

އެ ކަޅާއި ހުދުން ފަރުމާ ކުރެވިފައިވާ ކޮޓަރި ފެނި އަރީނަށް އަނގަ ޗޭ ކޮށްލެވުނެވެ. ހާދަހާ ރީތި ޝާހީ ކޮޓަރިއެކެވެ. ކުރިއަށް ހިނގާލަމުން ގޮސް އަރީން ފުރަތަމަ އިށީނީ ކަޅުކުލައިގެ ސޯފާމަތީގައެވެ. ހަމަ އިށީން ހެނެއް ނުވެ ތެދުވެއްޖެއެވެ. ބިރު ގަނެ ހާސްވެފައިވާ ޙާލު އަރީން ފަހަތަށް ފިޔަވަޅު އަޅަން ފެށިއެވެ. “އާހް” އަރީން ބޮލުގައި ދެއަތުން ހިފަހައްޓާލީ ދުވަހަކު ވޭން ނާޅާ ވަރަށް ރިއްސައިގަތުމުންނެވެ. ފަހަތަށް ޖެހެމުން ގޮސް އޭނާ މަތަވީ އެނދުގައި ޖެހިފައެވެ. ސިކުނޑި ފަޅައިގެން ދާ ކަހަލަ ގޮތަކަށް އޭނާގެ ހިތްދަތި ހަނދާންތައް ލޯ މައްޗަށް ސިފަވާން ފެށިއެވެ. ކެތް ނުވެގެން އަރީން ބިންމަތީގައި ކުރުގެޅިގެން އިށީނެވެ. އޭނާގެ ނޭވާ އަވަސްވެފައި މުޅި މީހާ ތުރުތުރު އަޅަން ފެށިއެވެ. އެ ލޮލުން ކަރުނަ އޮހޮރެމުން ދިޔައީ އެ ވޭނަށް ކެތް ނުވެގެންނެވެ. އެއާއިއެކު ނޭފަތުން ލޭ އަންނަމުން ދިޔައެވެ. އެނދުގައި ލައްގަނެގެން އިން އިރު މި ތަނަށް ނުވަދެވުނު ނަމައޭ އޭނާ ހިތަށް އަރަމުން ދިޔައެވެ. އެހެން އިންދާ އަރީންގެ ދެލޯ މެރިގެން ކާޕެޓް މައްޗަށް ދެމުނެވެ. އެ ސިކުނޑީގައި ފިލްމެއް ހެން ރޯލު ވަމުން ދިޔައީ ޒަވިއަނާއި އެކު އަރީން ވެއަތު ކުރި ވޭނީ ސަފުޙާތަކެވެ.

– ނުނިމޭ –

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.