ޝިރާތް 7

ޝިރާތު އެނބުރި ފާހާނާއިން ނިކުން އިރު ހައުޒާންގެ ދެމިސްކޯލް އިނެވެ. ފުންނޭވާއެއް ދޫކޮށްލާ އަމިއްލަ ނަފްސު ހަމައަކަށް އަޅުވާލަމުން ޝިރާތު ހައުޒާނަށް ގުޅާލިއެވެ.
“ކޮބާ މިރޭ ފްރީ ވާނެ ދޯ އެހެންވެ؟” ހައުޒާން ފޯނުނަގާފައި އަހާލިއެވެ. “ޔާ. ދާނަން. އިޝާ ކޮއްގެން ގުޅާނަން. ވަރަށް ވަރުބަލި” ޝިރާތު ބުންޏެވެ. އަރާމު ކޮއްލުމަށް ބުނެފައި ހައުޒާން ފޯނު ބޭއްވިއެވެ.
(7 ވަނަ ބައި)
ޝިރާތު އެނދުގައި އޮށޯވެލީ ނިދުމުގެ ބޭނުމުގައެވެ. އެހެނަސް ނިދިވީ އެދެލޮލާއި މާދުރުގައެވެ. ޝިރާތަށް ހަމަ ރޮވެނީއެވެ. އެކަނިވެރިކަން އިހުސާސް ކުރެވެނީއެވެ.
“މަންމާ. ބައްޕާ. މިއަދު ޝިރާ ހާދަ އެކަނިވެރި ވެއްޖޭ. މަންމާ. މިއަދު ޝިރާއަށް ލޯބި ދޭނެ އެއްވެސް މީހަކު ނެތް. ބައްޕާ. މިއަދު ޝިރާއަށް ހިމާޔަތުގެ އަތެއް ދިއްކޮއްލާނެ އެއްވެސް މީހެއް ނެތް. މަންމައާއި ބައްޕަ ދިޔައިރު ޝިރާވެސް ގޮވައިގެން ދިޔަނަމަ؟… ޝިރާ މިކެހިވެރި ދުނިޔެއަށް އެކަނި ކޮއްލީ ކީއްވެ؟ ކީއްވެ؟ ކޮބާ ޝިރާގެ ކުށަކީ؟” ޝިރާތު ބާލީހުގައި ބޯއަޅައިގެން އޮވެ ކިތަންމެ އިރަކު ޝަކުވާ ކުރިއެވެ.
ރޭގަނޑު 8 ޖަހަން ކައިރިވީ އިރު ޝިރާތު އިނީ ލޯގަނޑު ކުރިމަތީގައި ރީތި ވާންށެވެ. ވަޅުވަދެފ…