ހިނިތުން ވެލާށެ ކަލާ …

” ނޫން .. ނޫން ” ސިއްސައިގެން ގޮސް ހޭލެވުނު އަންޖަލްގެ މޫނު ހުރީ ދަލުން ފެންވެރިފައެވެ. އަވަސް ނޭވާތަކެއް ލަމުން ދިޔައިރު އެ ދެލޮލުގައި ކަރުނަތަށް ވިދަމުން ދިޔައެވެ. ދެންމެ އެ ފެނުނީ ހުވަފެނެއް ކަމަށް ބަލާ އެކަން ހަނދާން ނައްތާލަން އަންޖަލް ކިތަންމެހާވެސް ބޭނުމެވެ. ނަމަވެސް އެއީ ހަމައެކަނި ފެނުނު ހުވަފެނެއް ނޫން ކަން އަންޖަލް އަށް އިނގެއެއެވެ.  މަގަތުގައި ނިދާފަ އޮތް އޭނާގެ ފިރިމީހާ ދާނިޝް އަށް އިރުކޮޅެއް ވާންދެން ބަލަހައްޓައިގެން އިނުމަށްފަހު އަންޖަލް އެނދުން މަޑު މަޑުން ތެދުވެ ވެގެން ގޮސް ކުޑަދޮރު ކައިރީގާ ބަހައްޓާފާ އިން ސޯފާގައި އިށީނދެ އަތުގާ އޮތް ފޮޓޯ ފްރޭމަށް ނަޒަރު ހުއްޓާލިއެވެ. އެފޮޓޯގާ ފިރުމާލި އިރު އަންޖަލް ގެ އަތް ތިލަ ތުރު ތުރު އަޅަމުން ދިޔައެވެ. ލޮލުން ހޯސްލާފަ ކަރުނަތައް އޮހިގަތް އިރު އަންޖަލް ގެ ހިތުގާ އެތަށް ހާސް ޝަކުވާއެއް ވިއެވެ. ނަވީންއެވެ. އަހަރެން ދޫކޮއްލާފާ ދިޔައީ ކީއްވެގެން ހެއްޔެވެ؟. މިހިތަށް ކުރާނެ އަސަރު ހަމަ ނޭނގުނީ ހެއްޔެވެ؟. އަހަރެން ހުރީ ނަވީން އާއި އެކު ކޮންމެ ހާލެއްގާވެސް އުމުރަށް ދިރިއުޅޭށެވެ. ނަމަވެސް ޝާން ފަދައިން ނަވީން ވެސް އަހަރެން ދޫކޮއްލާފަ ދިޔައީއެވެ. ކީއްވެ ހެއްޔެވެ؟ . ނަވީން ކުރިން އަހަރެން ކައިރީގަ އެވާހަކަ ނުބުނީ ކީއްވެ ހެއްޔެވެ. ނަވީން ހީކުރީ ކީކޭ ކަމަށް ހެއްޔެވެ؟. އަހަރެންނަށް ނަވީން އާ ނުލާ އުފަލުގާ ދިރިއުޅެވޭނެ ކަމަށް ހެއްޔެވެ؟.ނޫނެކެވެ. ތީ ނަވީން އަށް ހީވި ހީވުމެކެވެ. ކުއްހީއެކެވެ. ނަވީން އަށް އިނގޭ ހެއްޔެވެ. މި ހިތުން ތި ލޯތްބެއް ދުވަހަކުވެސް ފަނޑުވެގެންނެއް ނުދާނެއެވެ……….

އިންތިޒާރު ކޮއްލައްވާ …